هبط النيــــvو .... يطلع المورال

[nanoche]

السلام عليكم يا حبابي و حباب قلبي
توحشتكم بزززاف بزززاف

و حبيت اليوم نحكي ليكم واحد الحكاية
الويكاند اللي جاز حبينا في الدار نكسرو لاروتين لأنو ملينا من الشكليات و الرسميات ديال الخدمة و قلنا نروحو نديرو فيها خرجة نبدلو فيها الجو و مع الحال كان شباب قلنا نفطرو لبرا ايا وجدنا كل شي في الدار و خرجنا للغابة

حطينا في بلاصة مليحة باش نقابلو البحر اللي كان روووعة في هاذاك اليوم حتى اتشهيت نعوم ههههه

كانو مجموعة من العايلات قاعدين قدامنا مع اولادهم و فجأة وقعت عيني صدفة على واحد نعرفووووو

أنا قلت بالاك جاب العايلة ديالو معاه كيما كامل الغاشي يحبو يبدلو شوية في لي ويكاند ...مي ما شفت حتى واحد معاه غير الــchauffeur ديال الشركة اللي هو مديرها و بما أنني نتعامل معاه بصفة مباشرة نعرفو بليك شديد مع العمال ... طرطقت عويناتي باش نعمر القرع ههههههههه

و راكم تعرفو فضول المرأة و لو انو ماشي من طبيعتي مي هذا Un ca spécial خصوصا اني كيما قلتلكم نعرفو كيفاش عامل
السيد موالف نشوفو بالكوستيم و الكرافاطة و اليوم مديبريي

دونك لازم نشوف الفيلم للاخر ههههه
تعرفو و الله يا خوتي غير كان كيما الولد الصغير يجري و يلعب

و يطلع في الشجر و يحوس على العش اللي فيه البيض أو الفراخ و تسابق هو و السائق ديالو و تراهنو بليك اللي يبقى الاخير هو اللي يخلص الغدا .... ووقع في الفخ لأن السائق سبقو و هو اللي خلص

جوزت نهار من أروع ما يكون اكتشفت فيه شخصية طفل صغير متخبي في قناع واحد حازم و جبار زعمة ههههه مي و الله فرحت بيه

و يوم الأحد كانت عندي زيارة لهاديك الشركة و كي شفتو بهاذيك الرزانة وكان يبان moralement مريح
قتلو في قلبي ... ياو شفتك البارح و انت ما شفتنيش بليك شفتك قيييييو

هههههههههههه
و في الاخر استخلصت حاجة مليحة هبط النيــــvو .... يطلع المورال

ههههههه و انتوما واش تقولو ؟؟؟؟
هاهي حكايتي خلصتها و خليتلكم العافية على العافية يا ناس الخير
​

 

[حفيد هواري بومدين]

طرطقت عويناتي باش نعمر القرع ههههههههه

ننوش ايختي مرة لي فاتت في الموضوع قولتي راه يفوت قدامي واحد مانشوفوش ههههه
مرة هادي راك تضربي من بعيد تجيبي ههههه
وافقت على الموضوع

 

[nanoche]

هههههههه والله هاذاك اليوم كانت صدفة وفي الحكاية ديجا قلتها أنا كنت نخزر في البحر و هو اللي دخل في الريزو ديالي

شكرا على اعتماد الموضوع
​

 

[tistissa dj-tissou]

ههههههههه جبتيها وخرجتي بالاستنتاج نسعرف بيك

ايه عندو حق ينحي على بالو شوية ويبدل القناع خخ

شكرا على الموضووووع مسلي مرررة
​

 

[nanoche]

ههههههههه جبتيها وخرجتي بالاستنتاج نسعرف بيك

ايه عندو حق ينحي على بالو شوية ويبدل القناع خخ

شكرا على الموضووووع مسلي مرررة
​

هههههه ايه والله أحيانا لما تكوني تخدمي في مركز حساس و العيون كلها عليك تلقاي روحك مخنوقة و محتاجة للتغيير و هذا هو حال هاذ المدير
شكرا حبيبتي على المرور
​

 

[بنت الـ25]

مش كيستيون يهبط النيفو باش يطلع المورال
هاد السيد ببساطة يعرفلها

وقت الخدمة جد × جد ووقت اللهو تتقلب الفيستا هههههه
يا وحد القرعاجة تشكويت فيك ههههههيعطيك الصحة ننوش على الموضوع الكيووووت​

 

[serinee]

ahla nanocha
ohhh bashatak tahwissa mm ana khrajt nhar eel sabt mi matlakit b hata wahad na3arfo bach natrtag 3ini kifo
ohhh hkitalna kissa fort w mlih modir el charika ykouna hakda f el 3amal 3amal w bara tarfih w rahha w chafti tanni el madahir khada3a el insan mata3arfihch hata tchofi b 3innik wanti chafti w balak 3raftih bali insan foort
aya wakila khrajt 3an mawdo3
merci lik 3zizti
​

 

[قلمي سلاحي]

هادا ما هوش نيـــVو طايح :d
هنا أنا شفته كان على طبيعته المدير ; ولكل مقام مقال
تصرف طبيعي في الطبيعة
ماشي كيما بعض الناس جايبينها حزم وشدة وحرب على جميع الأصعدة
صحيتي موضوع حلو ومفيد وأسلوبك أحلى منوش
:regards01:​

 

[nanoche]

مش كيستيون يهبط النيفو باش يطلع المورال
هاد السيد ببساطة يعرفلها

وقت الخدمة جد × جد ووقت اللهو تتقلب الفيستا هههههه
يا وحد القرعاجة تشكويت فيك ههههههيعطيك الصحة ننوش على الموضوع الكيووووت​

اهلا بيك أختي مينات
واقيلا هبط النيــvو شفتيها من جانب ماشي اللي أنا قصدتو
أنا كنت نقصد مستوى العمر أو السن يعني في هاذيك اللحظات اقلع قناع المدير الرزين و الكبير في السن و لبس قناع شاب في مرحلة الطيش و اللعب و الباقي على ربي
شكرا غاليتي على المرور
​

 

[nanoche]

ahla nanocha
ohhh bashatak tahwissa mm ana khrajt nhar eel sabt mi matlakit b hata wahad na3arfo bach natrtag 3ini kifo
ohhh hkitalna kissa fort w mlih modir el charika ykouna hakda f el 3amal 3amal w bara tarfih w rahha w chafti tanni el madahir khada3a el insan mata3arfihch hata tchofi b 3innik wanti chafti w balak 3raftih bali insan foort
aya wakila khrajt 3an mawdo3
merci lik 3zizti
​

الله يسلمك حبيبتي و لعقوبة ليك خرجة خير من هادي
و راكي في الصواب ما خرجتيش على الموضوع عبري كيما تحبي حنونة
شكرا على المرور
​

 

[بنت الـ25]

اهلا بيك أختي مينات
واقيلا هبط النيــvو شفتيها من جانب ماشي اللي أنا قصدتو
أنا كنت نقصد مستوى العمر أو السن يعني في هاذيك اللحظات اقلع قناع المدير الرزين و الكبير في السن و لبس قناع شاب في مرحلة الطيش و اللعب و الباقي على ربي
شكرا غاليتي على المرور
​

او فهمت عليك ننوش
مي هو يحسب في روحو في بلاصة والله ما يعرفو فيها واحد

سع طاريتيه انتي ههههههههههه
تصرا في أرقى العائلات :d​

 

[nanoche]

هادا ما هوش نيـــVو طايح :d
هنا أنا شفته كان على طبيعته المدير ; ولكل مقام مقال
تصرف طبيعي في الطبيعة
ماشي كيما بعض الناس جايبينها حزم وشدة وحرب على جميع الأصعدة
صحيتي موضوع حلو ومفيد وأسلوبك أحلى منوش
:regards01:​

نقلك نفس الكلام اللي قلتو لاختي مينات
ماكانش قصدي انو طيح النيفو ديالو و انما قصدت انو نزل لمستوى طفل أو شاب اللي ما همو حتى شي و انا شفتو شي ايجابي ماشي سلبي لأني تلاقيتو يوم الأحد و كان في وجهو النور
شكرا عزيزتي على المرور
​

 

[ام اسحاق]

انا نقلك ننوش يعطيك الصحة موضوعك هايل في الفكرة
و انا نقلك في حالتي الوحيدة الي نطيح فيها النيفو مع اولادي ..نعود عمري عامينو ثلاث سنين و خمس سنين و نلعبو و نمرحو .....هادي هي و المورال يطلع توب ....

اما في الاحوال الاخرى كيما قالو العاقلات الي قبلي ..لكل مقام مقال وقت الجد جد و قت الدار دار و الشارع شارع
و انا متاكدة انك تقصدي كيم هك ....

صحيتي ننوشة البشبوشة :up:
​

 

[السلطانة]

وعليكم السلام
قتلك نحبك ياطفلة كي تعودي تحكي
كلامك عشل عشل عشل
كل بلاصة وبلاصتها
لكل مقام مقال
كيما السيد هادا
وقت الخدمة خدمة ووقت يفرهد يفرهد
والإنسان لي يعيش هك يعيش هاني
صحيتي ننوش
سلامي
​

 

[أم راضية ~_]

السلام عليكم
بكل صرااااحة هاد العفسة انا نديييرها كي يحبط المورال ضربة وحدة لازم كاش حاجة تاع تبهليل نطلعو بيها
باغ متال : مرة فالدار كامل خرجو كل واحد وين راح قعدت وحدي و كنت كارهة والانترنت ضيقتلي خاطري املا جبدت دوزاني ولي جوي تاوعي تاع بكري و قعدت نلعب بيهم هادي بوبيتي , هادو لي ليgو ... الخ جبت بيهم الوقت انتيك حتى نسيت روحي
و ممبعد تفلاشيت في مخي و دخلت للانترنت و ندخل عليها لعب و ديسان و المالور راحتلي لامان تاع اللعب قاعدة نخسر في نيvو ساهل ما هههههههههههههه
إي وي هادي هيا لازم الواحد ساعات ينسى اللاج تاعو و المنصب والمركز و شخصيتو مام ساعات باش يتنحالو شوية قلق و ديكوطاج
مي برك الواحد يعرف كيفاش و وقتاش يديرها ماشي يبهدل روحو قدام الغاشي هههههههههه
صحيتي نانوش ^^​

 

[magique]

هههههههه ضحكتيني هههههه ايه كاينة منها ،،انا عندي خالي من جماعة اللحية والقندورة وش نقولك مالـgـري صغير في العمر عندو 28 سنة مي الناس كامل يقادروه ويحترموه ويعيطولو الشيخ ،،مي كي يعود في الدار معانا ماتقوليش هدا هو لي كان البرا !!! يهبط النيـvـو معانا خلاص ويقعد غير يقصر ويضحك وينحي الرسميات هدوك كيما قلتي نتي بويسك ماكان علاه يحط حواجز بيننا،،ظاهرة حتى هذا لي راكي تحكي عليه هكذاك على الاقل ينحي ضغط الشغل تاعو،، طولت في الشياخة معاك،موضوع جميل جدا وشكراااا
​

 

[::أبرار::]

و عليكم السلام و رحمة الله تعالى و بركاته

مساء النور ختيتي

صح كي تشوفي إنسان جدي لدرجة كبيرة يضحك و يلعب تجيك حاجة غير عادية, لكن مهما كان هاذ الإنسان جدي و في منصب كبير يبقى في الاول و الأخير هو بشر و عندو إحتياجات باش يخرج ضغوطات العمل و الروتين هذاك، و يبقى هو إنسان يعني كل إنسان في الدنيا هاذي يضحك و يلعب و غير رسمي حتى لوكان بينو و بين نفسو

مشكورة الزينة

 

[مايا الجزائرية]

فووووووووووور
عجبتني الحكاية هادي ورويتيها فورر :up:
é oui la vie comme sa

 

[nanoche]

انا نقلك ننوش يعطيك الصحة موضوعك هايل في الفكرة
و انا نقلك في حالتي الوحيدة الي نطيح فيها النيفو مع اولادي ..نعود عمري عامينو ثلاث سنين و خمس سنين و نلعبو و نمرحو .....هادي هي و المورال يطلع توب ....

اما في الاحوال الاخرى كيما قالو العاقلات الي قبلي ..لكل مقام مقال وقت الجد جد و قت الدار دار و الشارع شارع
و انا متاكدة انك تقصدي كيم هك ....

صحيتي ننوشة البشبوشة :up:
​

أهلا بالغالية أم اسحاق
وهاذي اللي حبيت نلحق ليها انه في بعض الأحيان نهبطو شوية و ننساو لاج أو بحكم المنصب اللي نعملو فيه نكونو مضطرين نتعاملو بصرامة مع العمال طول الأسبوع و يرجع لينا ضغط نفسي أيا ننساو شوية باش نطلعو المورال خصوصا مع ظروف المعيشة الراهنة اللي مليانة بالغمة
مرورك أسعدني حبيبتي
​

 

[nanoche]

وعليكم السلام
قتلك نحبك ياطفلة كي تعودي تحكي
كلامك عشل عشل عشل
كل بلاصة وبلاصتها
لكل مقام مقال
كيما السيد هادا
وقت الخدمة خدمة ووقت يفرهد يفرهد
والإنسان لي يعيش هك يعيش هاني
صحيتي ننوش
سلامي
​

أهلا و سهلا غاليتي ساندريلا
والله حتى أنا نحبكم حب في الله و مانحكيش على المنتدى كي اتقفل يومين ههههههه قريب هبلت
وكيما نعرفو كامل أي مدير هو معرض للضغوط النفسية في الشغل طول الأسبوع مهما كانت المؤسسة أو الشركة و هذا أنا نعرفو كيفاش عامل و كيفاش يخدم ووالله غير فرحت كي شفتو يديفولي بهاذيك الطريقة
أسعدني مرورك

​