حتى إنتي لازم ترمضني ببرمة جديدة ؟

[ام راقية]

حتى إنتوما لازم ترمضنو بمواعن جدد ؟

بعد أزكي تحية و أجمل سلام
هكذا باش بعدها يحلالي الكلام :
و حنا على أبواب الشهر الفضيل شهر الرحمة

والغفران شهر رمضان الكريم
تبدأ واحد الضاهرة تبان وتعم كان ما gلتش كافة البيوت الجزائرية
و لي هي عملية إقتناء المواعن الجدد
أي الأواني بمختلف أنواعها وأشكالها و ألوانها..
كاين بعض من النسا تقولك لازمني نرمضن بمواعن جدد
ونستقبل رمضان بأواني جديدة من البرمة للصحن للمغرف و.و..و..و هههههههه
ياخي حالة
وعلاه واش هذي العادة اللي أصبحت ميزة
للدرجة أنو عاد سيدي رمضان على رأي جدودنا مربوط مجيئو بمواعن
و أشياء جديدة ولو كان كلف الأمر للتسلاف و للتبذير
تلgا النساء طوابير طوابير قدام محلات بيع الأواني و ما نحكي لكمش على العناد واش لازم تهز أختها تهز حتى هي حتى لوكان هذاك الشيء لي راح تشريه عندها و متوفر
ياخي معندكمش مواعن في الدااااااااار ؟؟؟؟؟؟
ياخي ما مليتوش من شراء المواعن وتكداسها في كل مكان !!!!!!!
حبيت نسألكم حبيباتي وحبايبي ونعرف رأيكم
حتى أنتم عندكم هذي العادة ؟
واش رايكم يا أحبابي في هذي الضاهرة؟
كيفاش لازم نحيو هذي العوايد ونبدلوها بعوايد عندها فوائد ؟
في إنتضار ردودكم الحلوة :regards01::regards01:
لكم منا أحلى سلام ورمضانكم مبروك بالخير و الخمير
وغفران الذنوب مسبقا​

​

 

[بنت الـ25]

صحيتي ام راقية
موضوع من عمق عمق الجزائر العميقة:up:
يضاف للمواضيع المميزة:up:
بون كاينة صح وشفتها واستغربت هاد الظاهرة
وسقسيت روحي بيني وبين روحي يا درا هادو ما عندهمش لماعن ؟ مالا كيفاه كانت تطيب؟
ولاكان عندها علاه تزيد تشري؟ امممممم بالاك تكسرولها:-r؟ بصح علاه ما لقاو يتكسرولها غير كي قرب رمضان :s
اممممممم تحيري؟:s هههههههه

احنا والحمدلله في دارنا معندناش هاد الفربي (كيما تقولو نانا ههههه)
لماعن تعنا هوما لماعن تعنا تفسد حاجة نشريو عادي:-r
حاجة محتاجينها نجيبوها حاجة زايدة والله ما دخلت للدار بعد

دوكا ما تقدريش تحكمي المرا برا تقوليلها متشريش لماعن؟ والله نيجيفك مول المحل ههههه:p

الحل انو الواحد يبدا التغيير من نفسو وينصح الاقربين ويعرف كيفاه يقنعهم
انو رمضان شهر الصيام والعبادة
نروحو نشفعو مش نقعدو نسهرو نجيبو الصباح ونتسحرو ونرقدو :up:
هو الشهر اللي يحس الغني بمعاناة وجوع الفقير
مش يقعد يتأفف ويستنى وقتاش يأذن هكداد يروح الاجر
ولا المرا تلقايها ملي تنوض الصباح وهي تعبد فالكوزينة عوض ما تعبد ربي :down:
هادي شوربة وهدا 1er plat وهادا 2em plat وهادي سلايط وهادا ديسيروهدا حمود وهادي تع السهرة .....الخ من الامور اللي يضلو يحذرو منهم الأئمة فالمساجد والمشايخ فالقنوات الدينية
مي معامن تهدري ؟ داخلة من وذن خارجة من لوخرا

واقع يدوّد منو الراس والقلب على قد مراهو مر
​

 

[سمسم السمسومة]

هي صراحة كاينة هاذ العادة و كثرت فالسنوات اللخرة بزاف و أنا في بالي حاجة تاع تزواق برك..........و بلاك لوكان تروحي تطلي عيهم تلقايهم ميستعملوهمش خلاص في رمضان...انا التكداس و كثرت الحوايج يقلقوني صراحة كي تكون حاجة ناقصة نجيبوها و مرات صح تخرج حاجة جديدة بلاك تحبي تبدليها بالقديمة مي ماشي كل حاجة شغل عروس جديدة و رايحة تحل الدار....

 

[ام راقية]

الحبوبة مينات شكرا جزيلا على إعتماد موضوعي أولا
وعلى إعطائه تمييز ثانيا بلا ما ننسى هذاك الرد الباهي لي ما عندي ما نزيد عليه
دمتي متألقة حبيبتي​

 

[mimika03]

يعطيك الصحة والله صح تلقاي لحوانت معمرين بالنساء حتى اللي ماعندهاش تتقابض مع راجلها باه تشريهم
ياخي حالة

 

[ام راقية]

هي صراحة كاينة هاذ العادة و كثرت فالسنوات اللخرة بزاف و أنا في بالي حاجة تاع تزواق برك..........و بلاك لوكان تروحي تطلي عيهم تلقايهم ميستعملوهمش خلاص في رمضان...انا التكداس و كثرت الحوايج يقلقوني صراحة كي تكون حاجة ناقصة نجيبوها و مرات صح تخرج حاجة جديدة بلاك تحبي تبدليها بالقديمة مي ماشي كل حاجة شغل عروس جديدة و رايحة تحل الدار....

صح اختي سمسم السمسومة صدق قولك لو كان تطلي عليهم تلقايهم ما يستعملوهمش خلاص ​

هذي هي الرغبة يشريو ويكدسو تلقاي كل واحدة منا عندها مواعن ما يديرولها عرس
ربي يسخي قلوبنا ويعمرها بالإيمان . شكرا على ردك :regards01:

 

[ام راقية]

يعطيك الصحة والله صح تلقاي لحوانت معمرين بالنساء حتى اللي ماعندهاش تتقابض مع راجلها باه تشريهم
ياخي حالة

أه يا mimika و الله غير جبتيها تتقابض مع راجلها
و تنحيلو الدراهم ودير رايها في شريان المواعن حتى لو كان عندها بالدوبل ربي يهدينا ونحيو هذي العادات الي ما عندها حتى معنى :down:
​

 

[الورد الأحمر]

أهـلآ أختي موضوعك في الصمـيم .. هذي الظآهرة من سنين درك وهي
شغآلة كل مآ يقرب رمضآن تتلهف النسآوين على لمآعن الجدد يعني كي شغـل
مآ عندهمش ومعرف فوآش كلآو العآم لي فـآت ,,, الحق احنآ في دآرنآ مآ تديرهآش
مآمآ غير العآم هذآ قآلتلك الصحون لي دآيرتهم لرمضآن تشققو كيمآ نقولو تـgرجو
رآهي شرآت وحآيد جدد وخبآتهم وفرحت بيهم قآلت لرمضـآن نحسبهآ في اللول
انضمت للقآفلـة وتفكرت بلي منين نغسـل لمآعن نقرقبلي كآش صحن شققتهم :-r
درك علآش النسآ هك يحبو يجددوآ كل رمضآن معرف ... المهم والأهم أنو هذي
الظآهرة موضة وخـلآص بآلآك لآزم نفهموهآ لفهآمة السطحية هذي ...
على العموم لي رجعة بآلآك للموضوع بعد التعليقآت تآع الأعضآء بآلآك نلقآلي
شي عضوة تفهم عقلية النسآ هذو ... مغسي أختي وسلآمي ’
​

 

[nanoche]

أهلا و سهلا بأم راقية و شكرا على الموضوع المميز
صح هاذ الظاهرة عندها سنين ملي شاعت في بلادنا و زادو حتى روجولها الاذاعات الوطنية و المحلية سمعت العام اللي جاز واحدة تقول أنا نحب نبدل المواعن في رمضان و نحب نستقبلو بزي جديد في الديكور و في كل شي باش يكون كل شي مبدل و نحسو بالبنة ديالو
والله لا استغربت علاش رمضان ما تحسيش بالبنة ديالو غير اذا بدلتي المواعن و شريتي قش جديد؟؟؟
أنا نعرف رمضان شهر عبادة ماشي شهر مواعن و ديكور و بنة رمضان من دوكا بدينا نحسو بيها و ان شاء الله نجوزوه بالهنا و الصحة
الرسول صلى الله عليه و سلم كان هو و اصحابه في صباح العيد يبدا يدعي في ربي و يقول اللهم بلغنا رمضان ديال العام الجاي و احنا مازلنا نتبعو في التفاهات و المظاهر
الحمد لله ما عندناش هاذ الظاهرة و المواعن في رمضان هوما نفسهم اللي نستعملوهم طول العام
ربي يهدي أمة محمد
اسمحيلي اختي واقيلا طولت في الرد مي صحيح هاذ الموضوع راهو يتوشينا في الصميم
تقبلي مروري عزيزتي
​

 

[أم أمين23]

والله جبتيها تاع الصح المشكل كي اقرب رمضان تلقاي كل الحوانت وكل المارشيات معمرة هادي برمة وها مالكة وهاد ما نعرف وش كي لي ما عندنا والو في الدار ناس تهيج تاع الصح ناس توجد روحها للعبادات واحنا للاسف نوجدو للماكلة والمضاهر كي نعرض فلان وكي تجيني فلانة لازمني برمة جديدة وفراش جديد وكل شيء جديد
يا ريت نهتمو برمضان في مكانه الصحيح فنأخذ الاجر والثواب ولا نضل نجري وراء القشور

 

[ام راقية]

أهـلآ أختي موضوعك في الصمـيم .. هذي الظآهرة من سنين درك وهي
شغآلة كل مآ يقرب رمضآن تتلهف النسآوين على لمآعن الجدد يعني كي شغـل
مآ عندهمش ومعرف فوآش كلآو العآم لي فـآت ,,, الحق احنآ في دآرنآ مآ تديرهآش
مآمآ غير العآم هذآ قآلتلك الصحون لي دآيرتهم لرمضآن تشققو كيمآ نقولو تـgرجو
رآهي شرآت وحآيد جدد وخبآتهم وفرحت بيهم قآلت لرمضـآن نحسبهآ في اللول
انضمت للقآفلـة وتفكرت بلي منين نغسـل لمآعن نقرقبلي كآش صحن شققتهم :-r
درك علآش النسآ هك يحبو يجددوآ كل رمضآن معرف ... المهم والأهم أنو هذي
الظآهرة موضة وخـلآص بآلآك لآزم نفهموهآ لفهآمة السطحية هذي ...
على العموم لي رجعة بآلآك للموضوع بعد التعليقآت تآع الأعضآء بآلآك نلقآلي
شي عضوة تفهم عقلية النسآ هذو ... مغسي أختي وسلآمي ’
​

Moon_light معليش كي نشريو خطراكش ما عناش مواعن
ولا صحان نتاعنا ماعادوش صالحين للإستعمال
بصح عندنا ونديروها عادة تبانلي تبذير و قلة فهامة نروحو نديرو عادة تقربنا للمولى خير ربي يهدينا آمييييين
​

 

[قلمي سلاحي]

والله يا أم راقية لازمنا نسألوهم بالواحدة علاش كل عام تشريو لماعن
وين يروحوا ديال العام الي فات:-o
حتى نقدروا نسيطروا على هاد الظاهرة
الي والله أعلم جاتنا من الخليج هوما لي شغالاتهم تتضارب ويا لمواعين طول السنة
وما تترك منهم شي لرمضان
:d​

 

[ام راقية]

أهلا و سهلا بأم راقية و شكرا على الموضوع المميز
صح هاذ الظاهرة عندها سنين ملي شاعت في بلادنا و زادو حتى روجولها الاذاعات الوطنية و المحلية سمعت العام اللي جاز واحدة تقول أنا نحب نبدل المواعن في رمضان و نحب نستقبلو بزي جديد في الديكور و في كل شي باش يكون كل شي مبدل و نحسو بالبنة ديالو
والله لا استغربت علاش رمضان ما تحسيش بالبنة ديالو غير اذا بدلتي المواعن و شريتي قش جديد؟؟؟
أنا نعرف رمضان شهر عبادة ماشي شهر مواعن و ديكور و بنة رمضان من دوكا بدينا نحسو بيها و ان شاء الله نجوزوه بالهنا و الصحة
الرسول صلى الله عليه و سلم كان هو و اصحابه في صباح العيد يبدا يدعي في ربي و يقول اللهم بلغنا رمضان ديال العام الجاي و احنا مازلنا نتبعو في التفاهات و المظاهر
الحمد لله ما عندناش هاذ الظاهرة و المواعن في رمضان هوما نفسهم اللي نستعملوهم طول العام
ربي يهدي أمة محمد
اسمحيلي اختي واقيلا طولت في الرد مي صحيح هاذ الموضوع راهو يتوشينا في الصميم
تقبلي مروري عزيزتي
​

رد جميل nanoche خاصة في آخره الله يهدي النسا نتاوعنا ياخي رمضان يجي مرة في العام في pلاست ما نسجيولو مواعن جدد وعلاه ما نسجيوش رواحنا ونبدلو دخليتنا ونلبسوها ثوب يرضى عليه ربي والعبد أسعدني مرورك عزيزتي
​

 

[NASRO DZ]

هههه
ان اضن غير الي عندهم المال بزاف يروحو يشرو حوايج جدد
دروه عيد

مي الي يحب يشري ربي يسهل
والي معندوش يبقى مع الماعن تعو ههه:d

 

[ام راقية]

والله يا أم راقية لازمنا نسألوهم بالواحدة علاش كل عام تشريو لماعن
وين يروحوا ديال العام الي فات:-o
حتى نقدروا نسيطروا على هاد الظاهرة
الي والله أعلم جاتنا من الخليج هوما لي شغالاتهم تتضارب ويا لمواعين طول السنة
وما تترك منهم شي لرمضان
:d​

أهلا بالأخت قلمي سلاحي رد يثلج الصدر سؤال عندو صداه لازم نسقسيوهم وين راحو المواعن نتاع العام الماضي .
ولا هذا تقليد والسلام ؟؟؟؟؟؟؟
​

 

[ام راقية]

هههه
ان اضن غير الي عندهم المال بزاف يروحو يشرو حوايج جدد
دروه عيد

مي الي يحب يشري ربي يسهل
والي معندوش يبقى مع الماعن تعو ههه:d

هههه باهية هذي يا NASRO DZ لي يحب يشري ولي ما عندوش خليه مع الماعن تاعو
راو حتى لما عندوش يروح يدبرهم و يشري ...
المشكل مشو في هذا المشكل في شريان المواعن مع تزامن قدوم الشهر الكريم
ولات عادة وعوايد.

 

[أمــ وليــد الجزائرية]

ايه وحد يشري و يزيد ز زاحد مالقا لقمى يكسر بيها صيامو

هما يبدعو و الناس تخلص من ظهرهم

رجعنا منقدرو نشريو حتى حاجة كلشي غالي كلشيء يزيدولو

و عجبك الحال كل واحد يعس الثاني هذي شرا هذي معنتها انا نشري خير منو و لو كان بكريدي

و هذا الي خلانا ديما تحت تحت و مكانش الي يفيق بروحو

ربي يهدينا و يثبتنا على ديننا و يصلح امورنا و ربي يقبل صيامنا ياربي
​

 

[yasmine 4ever]

مرررحبا أختي أم راقية
موضوع راائع و مميز يعطيك الصحة
أولا حبيت نقولك عجبتني كلمة نرمضن ههههههههههه آنا ماشي موالفة نستعملها
ثانيــــا هاذي الظاهرة منتشرة بزاف على الرغم من أنو ما عندهاش فايدة
حتى أنتم عندكم هذي العادة ؟
لا حنا ما عندناش في دارنا يعني كي نستحقو الماعن نروحو نشريو بلا ما تكون أي مناسبة حتى و لو يقرب رمضان
واش رايكم يا أحبابي في هذي الظاهرة؟
هاذي ظاهرة ما عندهاش فايدة و يعني هي عادة من العادات المتوارثة علابيها منتشرة
كيفاش لازم نحيو هذي العوايد ونبدلوها بعوايد عندها فوائد ؟
يا أختي لازم نتفكرو بلي رمضان ماشي شهر للسهر و الأكل و المسلسلات و التسوق لازم نتفكرو دايما بلي شهر العبادات و لازم نشكرو ربي عليه لأنو فرصة لزيادة الحسنات
و بهاد التخمام الناس ينساو قاع هاد العادات الفارغة اللي ربطوها بهاد الشهر الفضيل و هي لا علاقة
سلام و تقبلي مروري​

 

[ام راقية]

والله جبتيها تاع الصح المشكل كي اقرب رمضان تلقاي كل الحوانت وكل المارشيات معمرة هادي برمة وها مالكة وهاد ما نعرف وش كي لي ما عندنا والو في الدار ناس تهيج تاع الصح ناس توجد روحها للعبادات واحنا للاسف نوجدو للماكلة والمضاهر كي نعرض فلان وكي تجيني فلانة لازمني برمة جديدة وفراش جديد وكل شيء جديد
يا ريت نهتمو برمضان في مكانه الصحيح فنأخذ الاجر والثواب ولا نضل نجري وراء القشور

شكرا أم أمين 23 على مرورك فعلا لازم الواحد منا يقف وقفة تأمل مع نفسه
والخروج من دوامة المضاهر والتقليد للأخرين
اللي ما عندوش حتى فائدة ونلفتو لتهذيب النفس و تلقينها دروس ترتقي بها مراتب رضا الله عز وجل
​

 

[ام راقية]

مرررحبا أختي أم راقية
موضوع راائع و مميز يعطيك الصحة
أولا حبيت نقولك عجبتني كلمة نرمضن ههههههههههه آنا ماشي موالفة نستعملها
ثانيــــا هاذي الظاهرة منتشرة بزاف على الرغم من أنو ما عندهاش فايدة
حتى أنتم عندكم هذي العادة ؟
لا حنا ما عندناش في دارنا يعني كي نستحقو الماعن نروحو نشريو بلا ما تكون أي مناسبة حتى و لو يقرب رمضان
واش رايكم يا أحبابي في هذي الظاهرة؟
هاذي ظاهرة ما عندهاش فايدة و يعني هي عادة من العادات المتوارثة علابيها منتشرة
كيفاش لازم نحيو هذي العوايد ونبدلوها بعوايد عندها فوائد ؟
يا أختي لازم نتفكرو بلي رمضان ماشي شهر للسهر و الأكل و المسلسلات و التسوق لازم نتفكرو دايما بلي شهر العبادات و لازم نشكرو ربي عليه لأنو فرصة لزيادة الحسنات
و بهاد التخمام الناس ينساو قاع هاد العادات الفارغة اللي ربطوها بهاد الشهر الفضيل و هي لا علاقة
سلام و تقبلي مروري​

yasmine 4ever مرحبا حنونة

ههههههههههه استغربتي كلمة نرمضن هيه هاذي كلمة متداولة عندنا نقولوها بزاف خاصة كي تشوفي واحد متغشش و قالق تقوليلو تقول عليك مرمضن
الحمد لله انكم معندكمش هاذي الضاهرة الي ما هيش حميدة
عجبني ردك عزيزتي ربي يكثر من امثالك
​