حباباتي البنات واش حالكم؟
ياخي لاباس ولا لا ههه
نحكيلكم حكاية وانتوما استنتجو منها الموضوع
عندي مدة رحت لود الصالون باش نقص شعري
وتصادف لقيت عروسة تم تدير الماكياج و لا كوب
كنت انا لتحت تقصلي الطفلة وهي هابطة من الفوق
(هدا الصالون في 2 طوابق)
ليسونسيال درت باش نشوفها :d
واش نقلكم رجعتها تشعل شعيل :regards02:
وهنا وصلنا لصلب الموضوع ,,,,,, :s:s:s
اوووووووووووو
رفعت العروس يديها المكتنزتين تحاول رفع خصلات سقطت على وجهها وهنا انا اصبحت هكذا :scared01::scared01:
ماهذا؟؟؟
تصدقو زوج دواور زرق تحت ابطيها
انا حرت يعني يا المزوق من برا وشحالك من الداخل
تحفت روحها وحرقصت وهي حتى النظافة الشخصية ماهيش مدايرتها
مالا يا البنات ماتخليوش رواحكم يتشوكاو فيكم الغاشي كيما صرا فالعروسة
ومدامني انا فاعلة خير هههههه
بعد عناء طويل من البحث ولي روشارش المستمرة
جبت شوية نصائح فهمتهم
مسببات سواد الابطين:
- استخدام الموس يوميا للحلاقة ومعروف بلي البشرة تم حساسة والموس كي يبدى يحفى يسبب جروح صغيرة للبشرة تدخلها الميكروبات وتترسب فيها الاحماض الي تخرج من العرق وتسبب السواد
- الديودوغان اي مزيل الرائحة هادا تاني مشكل كبير خاصة كي يبقى مدة طويلة على بشرة الابطين وكي يكون من ماركة مش مليحة
الحلول المقترحة:
- حاولو تستغناو على الموس وبعد الاستحمام مباشرة تكون البشرة طرية وتقدرو تنزعو الشعر بواسطة اللقاط وهذا بعد التغقيم بشوية جافال باش تخرجلكش حبوب
- بعد النزع امزجو شوية بيكاربونات مع عصير القارس وحطوه حتى ينشف واحكمو قطنة بلوها شوية وامسحوا دوك يبدى السواد يتنحى
- الديودوغان ما لازمش يبقى على بشرة الابطين لازم كي تروحي للدار اغسلي مباشرة ومن الافضل تستخدمي ماركات عالمية كيما نيفيا وريكسونا هادو يخافو على سمعة الشركة تاعهم ويديرو حاجة مليحة
- فالدوش قشري المنطقة بالحباكة مليح باش ما يتراكمش الجلد الميت ويلصق بالعرق ويغير اللون
وطبعا يجب الغسل يوميا بالماء والصابون
هادو اهم النصائح للحصول على بشرة ناعمة وبنفس لون البشرة وما يغلبش عليها السواد
نتمنى نكون افدتكم وان شاء الله طبقوهم
ما تنساوش التقيييم لا عجبوكم
بقلم TeNtOuNa
آخر تعديل بواسطة المشرف:
