دزاير ما فيهاش شياتين .!!..بكل فخر ...!!.

[ام اسحاق]

اعضاء اللمة الملاح ....ياربي باتم صحة و اتم نجاح ....

طبعا من عنواني ..كاين برشة تساؤلات ....في موضوعي وكل واحد راح يقراه بطريقة :s....

و انا نقوللكم ظرك نوريلكم الطريق المقصود في الموضوع ....نبداو بسم الله ....

انا و في زياراتي الاولى للمنتدى تفاجئت انو كاين كلمة ..شيتة و شيات متداولة في المنتدى السياسي ...حرت الحق :-o

لخاطر انا على بالي هاذ الكلمة انقرظت منذ زمن ...و الي زاد الحيرة نتاعي انها و لات كي الوباء ربي يحفظنا و يحفظكم ...انتقلت للاقسام الاخرى ....:s

و بما اني على بالي بيها من المفروض كلمة محظورة في الاستعمال ....

معليش راح نحاولو نسلطو الضو على هاذ الكلمات و ياريت نحظروها من قاموسنا ربي يبارك فيكم .... و راح نحكيلكم قصة هاد الكلمة ....بعد ما رجعت لوالدي ربي يحفظو .....

يا سيدي و يا سيدتي ..هادي فرنسا كي كانت مستعمرتنا ....كانو هادو الشياتين ....
يعني حاشاكم ماسحي الاحذية ...

على كل تحياتي لكل عمل شريف Les
brosseurs ou les cireurs

stop و لكن هنا


لان الجزائر بكل فخر هي البلد الوحيد الي مافيهش ماسحي الاحذية يعني الشياتين

بن بلة فورالاستقلال قضى على هاذ الظاهرة و لم اطفال الشياتين و قراهم و دارلهم مصدر رزق و منع البقشيش

يعني منع كل ما من شأنو يذل الجزائري لان الدزيري معروف بالنيف

و كملها بومدين الله يرحمهم الكل بمرسوم رئاسي رسمي يمنع هذه الظاهرة ...

لان الجزائري كريم عزيز النفس لا ينحني الا لله ....

رغم ذلك كرمت الجزائر ماسحي الاحذية لانهم كان عندهم دور كبير في الثورة الجزائرية .كانو عيونا للثوار و كانت العلبه تاع السيراج مخبا لمسدسات العمليات الفذائية و انهت هذا العمل للابد من الجزائر ....

و هنا نرجع لموضوعي......

..اكيد كل من يستعمل هاذ الكلمة شيتة و شياتين متمكنة من عقليتو مخلفات الاستعمار
و تاني انو لاحظت كي يفرغ قاموس الكلام المباح لذى الشخص و يحس روحو تحصر في شوكة مشوكة يلجأ لهاذ الكلمة القبيحة الى تعني ركوع الشخص الي تتحدث معاه و تتهمو بالشيتة امام حذاء .؟؟؟....

فهل تبقى هاذ الكلمة لائقة ..؟؟.....

هل بن بلة و بومدين طردوها من واقعنا لان نيف الدزيري اكبر من انو يركع امام حذاء
و احنا نتمسكوا بيها ؟؟؟

و ينك يا بن بلة و بومدين يا الرجال ..؟؟...قضيتو على الاستعمار و مخلفاتو ....بش يبقى النيف الدزيري لفوق

و نسيتو ما قضيتوش على الفكر القابل للاستعمار ......

و سامحوني نقول انو كل من يستعمل هاذ الكلمة مردودة عليه ....لانو الجزايري بكل فخر ابدا ما هوش شيات ..و سقسيو النيف الدزيري

تحياتي ليكم يا الدزيرية يا الرجال بالنساء و الرجال ......

و هاذي باقة ورد هدية ....شموها هدية للنيف الدزيري




ام اسحاق


​

 

[بنت الـ25]

اهلا ام اسحاق
مواضيعك كالعادة تشعل هك :up:

وي مام انا روماركيت هاد الكلمة بزاف تدور فالمنتدى،، وفالفيسبوك اللي ما خلاتش
انتي يعطيك الصحة درتي ريسرتش :up: وجبتينا مصدر الكلمة وظروف نشأتها
دوكا احنا يلزمنا نلقاو الحل للقضاء عليها

وللأسف يا ريت جات مخلفات الاستعمار في هاد الكلمة وبرك كنا احتويناها
مخلفات الاستعمار طالت الجزائر العميقة وضربتنا في ثقافتنا وعلى الخصوص مؤخرا

بعد الثورة كان الشعب حاب يبرا من جراحو اللي خلفها الاستعمار
الجراح اللي تمثلت في تطهير الأرض من الكفر واستعادة الجزائر المسلمة الحرة المستقلة

لكن جى الجيل اللي قضى على ما بناتو الثورة
ونحب نقول بلي الشي اللي ما حققوش الاستعمار وهو محتل بلادنا
حققتو ترسانتو الاعلامية من وراء البحر

قاموسنا يا ام اسحاق يلزمو يتنظف من شحال نكلمة مثل الشيتة والشياتين
هكداك بالاك نبطلو ما نعسو في بعضانا ونديرو حاجة مليحة نطلعو بيها لبلاد
كشما يطلع علينا النهار

شكرا على البوكي تع الورد
يا وردة محلاكي :regards01:


​

 

[SAMIRA25]

التشيات في المعنى تاعنا المتداول داير حالة راه الناس من تنوض الصباح و هي تشيت لنترقد في الليل يشيتو
في المدرسة للمعلم باه ينجحولو ابنه
و يشيت في السبيطار للفرملي باه يفوتو في ساع
و يشيت للموظف في البلدية باه يخرجلو الاوراق
و يشيت لموظف البريد باه يسلك و ما يديرش لاشان
و .....و للاسف صح خرجت فرنسا بصح التشيات راه مزال مداير حالة في البلاد ربي يحفظنا
بارك الله فيك ام اسحاق على الموضوع

 

[الورد الأحمر]

في نظري الاستعمآر لي رآنآ فيه أخطـر من الاستعمآر لي كنآ فيه ...
وفي رآيي الكلمة هذي إذآ قضآو عليهآ بمعنآهآ التطبيقي من أجل النيف
الجزآيري وكرآمة الجزآيري فرآهم طوعوهم وركعوه بطرق أخـرى أكثر ذل
مآكآنش وآحد يذل في الجزآيري قد الدولة تآعو لي خلآت تفكيرو وأحلآمو محدودين
في حوآيج المفروض يكونوآ حقوق مش مجرد أحـلآم ,,, وشكـرآ على الموضوع أختي
سلآمي ’
​

 

[شاهيندا]

انتقاء رائع و طرح و لا اروع.
شكرا لك.

 

[أمــ وليــد الجزائرية]

حنا الجزايرين عندنا طبيعة نرفدو و نحكيو كلام حتى منعرفوش معناها و لا نحوسو عليه

و هذي ظاهرة موجودة عند الجميع و هذا واش الي رانا نلحظوه

والي لازم نتعلموه منتعلموهش نرفدو غير الحاجة الي ماشي مليحة

ربي يجيب الخير و يسلكنا في هذي الساعة كلشيء تشوفو معوج و ياصلاح ارواااح

​

 

[ام اسحاق]

اهلا ام اسحاق
مواضيعك كالعادة تشعل هك :up:

وي مام انا روماركيت هاد الكلمة بزاف تدور فالمنتدى،، وفالفيسبوك اللي ما خلاتش
انتي يعطيك الصحة درتي ريسرتش :up: وجبتينا مصدر الكلمة وظروف نشأتها
دوكا احنا يلزمنا نلقاو الحل للقضاء عليها

وللأسف يا ريت جات مخلفات الاستعمار في هاد الكلمة وبرك كنا احتويناها
مخلفات الاستعمار طالت الجزائر العميقة وضربتنا في ثقافتنا وعلى الخصوص مؤخرا

بعد الثورة كان الشعب حاب يبرا من جراحو اللي خلفها الاستعمار
الجراح اللي تمثلت في تطهير الأرض من الكفر واستعادة الجزائر المسلمة الحرة المستقلة

لكن جى الجيل اللي قضى على ما بناتو الثورة
ونحب نقول بلي الشي اللي ما حققوش الاستعمار وهو محتل بلادنا
حققتو ترسانتو الاعلامية من وراء البحر

قاموسنا يا ام اسحاق يلزمو يتنظف من شحال نكلمة مثل الشيتة والشياتين
هكداك بالاك نبطلو ما نعسو في بعضانا ونديرو حاجة مليحة نطلعو بيها لبلاد
كشما يطلع علينا النهار

شكرا على البوكي تع الورد
يا وردة محلاكي :regards01:


​

اهلاااااا بمينات ....انت الي تشعلي هك :up:
و الله ما نتصورو القسم من غيرك :p

فرحني الختم ....يااااااسر ربي يفرحك بالتميز عند مولانا و في الشهر الفضيل شهر رمضان
ياااا رب

وش خليتيلي نقول يا الفاهمة...سوى ربي يهدينا و نظفو قواميسنا
نبطلو ما نعسو في بعضانا ونديرو حاجة مليحة نطلعو بيها لبلاد
كشما يطلع علينا النهار

ربي ينور بلادي ووليدات بلادي ...

يا نوارة المنتدى :up:
​

 

[ام اسحاق]

التشيات في المعنى تاعنا المتداول داير حالة راه الناس من تنوض الصباح و هي تشيت لنترقد في الليل يشيتو
في المدرسة للمعلم باه ينجحولو ابنه
و يشيت في السبيطار للفرملي باه يفوتو في ساع
و يشيت للموظف في البلدية باه يخرجلو الاوراق
و يشيت لموظف البريد باه يسلك و ما يديرش لاشان
و .....و للاسف صح خرجت فرنسا بصح التشيات راه مزال مداير حالة في البلاد ربي يحفظنا
بارك الله فيك ام اسحاق على الموضوع

اهلاااا بالعزيزة سميرة....

التشيات كيم قلتي في المعنى المتداول نتاعنا ....
و هذا المعنى هو الي خلاني ندير موضوعي لان هذا المعنى عيب و ما يليقش
بالدزيرية و لا بالمسلم ....
على بالك كي نقولو على واحد شيات معناها ركعناه عند حذاء شخص ؟آخر ؟؟؟

انا ما نقلش الفساد ما كانش نقلك كاين قضاء مصالح
بصح التشيات هو و الدزيري ما يتلاقاوش ....

و انت كمشرفة مغتربين سقسي الناس الي عايشين في الخارج و كيفماه يشوفو فينا تاع الخارج ....
كان اسمنا مقرون بالثورة و مبعد تقرن اننا ضد الارهاب بعد العشرية السوداء

شان الدزيري ديم طالع و معروف بالنيف في الخارج
كاين دراسات المانية و فرنسية و غيرها تقول انو الدزيري اول ايجابياتو
انو كريم و عزيز النفس و يتلقى وقت الشدة ....

شكراااا على المشاركة نتاعك سمورة الي اسعدتني كثييييرااا :regards01:
​

 

[ام راقية]

شكرا على موضوعك أم إسحاق فعلا يستحق تمييز وبدون مجاملة.
لقد تطرقت لواحد من المواضيع اللي ما يقدرش الواحد يحكم عليها غير لي شافها عن قرب وأنا شفت هذه الضاهرة أو هذه المهنة عن قرب
ما تروحوش لبعيد هههههههههه
ما نيش من الجيل الي حضر للإستعمار وعاصر هذا السلوك
بصح شفت هذه المهنة أو بالأحرى لي يمتهن هذه الأخيرة
عن قرب في بلد شقيق على كل حال تحية لمن يمتهنها ليجني خبزتو بعرق جبينو و ما يمدش يديه للغير
لكن أستسمحكم أن أبدي بعض من الرأي حمدا لله أن الرجال الأحرار حرموها و منعوها لأنها إنتقاص من الكرامة و مجلبة للذل
لكن للأسف gعدت مخلفات وبقايا أطلب من الله أولا ومن العباد ثانيتا تجنب التلفظ بمثل هذه الكلمات التي تثقل على لساني ومنحبش نتفوه بها أكرمكم الله .
شكرا مرة ثانية على الطرح والشرح المفصل :$
​

 

[أم أمين23]

مشكورة لتعريفنا باصل الكلمة اما المعنى فهو واضح لمن ومتى يقال لخاطر للاسف في بلادنا ولاة الشيتة سمة في الكثرين وضرك سوى قبلنا باستعمال الكلمة والا لا هي داخل في قاموسنا اللغوي ونستعملو فيها في معنى واضح ومحدد وهي تقضي الغرض والي نقولو عليهم يضربو الشيتة والا شياتين هم فعلا كلدك ولولا انو ظهر منهم ما يشير لدلك ماكان حتى واحد قال عليهم هاد الشيء
وككل الصفات ممكن تكون فينا وممكن لا و ماشي كل الناس يحملو هاد الصفة والجزائري الحقيقي والحر عمرو ما يديرها
واسقاطنا للكملة ما يعنيش انها غير موجودة حتى الا ما قلنهاش
فليس المهم قولها المهم ان لا نفعلها ولا تكون سمة في الكثير من افراد شعبنا

 

[nanoche]

هاااا أم اسحاق ما خليتيلنا ما نهدرو يا الحبيبة
والله يعفو على الشعب الجزايري اللي راهو رايح في طريق هو ماشي عارف سلاكها
أنا شخصيا ما نستعملش هاذ المصطلح و ما نحبوش ورجعنا حتى في الادارة اذا دخلت تحكي مع المسؤول ديالك يقولو هاهو دخل يضرب الشيتة لسيدو حتى المجاملات البريئة رجعو يسميوها شيييييييييييتة هههههههههه شعب يحَيَر والله
كيما يقولو ناس زمان يجيو عند النيف و يزمرو
شكرا عزيزتي على الموضوع المميز ميزة صاحبته هههههههه (هاذي هي الشيتة ؟؟؟؟؟؟ ههههههههه)
​

 

[ام اسحاق]

في نظري الاستعمآر لي رآنآ فيه أخطـر من الاستعمآر لي كنآ فيه ...
وفي رآيي الكلمة هذي إذآ قضآو عليهآ بمعنآهآ التطبيقي من أجل النيف
الجزآيري وكرآمة الجزآيري فرآهم طوعوهم وركعوه بطرق أخـرى أكثر ذل
مآكآنش وآحد يذل في الجزآيري قد الدولة تآعو لي خلآت تفكيرو وأحلآمو محدودين
في حوآيج المفروض يكونوآ حقوق مش مجرد أحـلآم ,,, وشكـرآ على الموضوع أختي
سلآمي ’
​

اهلاااا بضوء القمر ....

انا نقلك بلي رانا احفاد بن مهيدي و بن بولعيد الي حاروا فيهم جنرالات فرنسا
و الجنرال الفرنسي مارسيل بيجارقال
لو أن لي ثلاثة من أمثال العربي بن مهيدي لغزوت العالم.
و نزيدك تالمون هبل منو واحد الجنرال يقولولو اوساريس هو الي خنقو بايديه
خاطر حار في شهامتو وما قدرش يركعوا ....

نزيد نقلك بومدين الله يرحمو لظرك كي يسمعوه يهدر يعودو يرعشوا ...
هاذوهوم الدزيرية .......

و نزيدك واحد ما يقدر يذل واحد الا لكان هاذ الواحد عندو قابلية ....
ياو فرانسا و هبلناها .....
و نزيدك من الشعر بيت ..الشخصية الجزائرية راي موضوع جدل حايرين فيه و ادخلي للانترنيت و شوفي الدراسات .....

اما احلامك الحبيبة مون لايت واحد ما يقدر يحجم هالك لانها ملكك وحدك .....

و الحمد لله اننا نتنعمو بالحرية و بالتعبير وربي يستر دزاير و يخلي النيف الدزيري
لفوق لفوق .............
​

 

[ام اسحاق]

انتقاء رائع و طرح و لا اروع.
شكرا لك.

اهلاااا بالغالية شهندا .....

انت الرائعة و لكن لماذا انت خفيفة الظل ؟؟؟؟
احكي معانا شوي ....ههه:d

معليش خير الكلام ما قل و دل ...ربي يبارك فيك على المرور :regards01:
​

 

[ام اسحاق]

حنا الجزايرين عندنا طبيعة نرفدو و نحكيو كلام حتى منعرفوش معناها و لا نحوسو عليه

و هذي ظاهرة موجودة عند الجميع و هذا واش الي رانا نلحظوه

والي لازم نتعلموه منتعلموهش نرفدو غير الحاجة الي ماشي مليحة

ربي يجيب الخير و يسلكنا في هذي الساعة كلشيء تشوفو معوج و ياصلاح ارواااح

​

اهلاااااا بميلينا الفحلة الفاهمة ....
راكي ديراكت رحتي للهدف ....نستعرف بيك :up:

صح كاين الي ما يعرفش معناها و هذا اكيد خاصة الشباب الباهي العزيز و هاداك ما نلوموهش و لكن نبهوه ....و لازم يتعود انو يبحث ...
المشكلة في الشياب تلقاه يعرف معناها و يقصد واش يقول هاذيك هي الطآمة الكبرى

ربي يجيب الخير و يا لاح ارواااح
يا ربي يجي الصلاح على ايدين اللمة .....وعلاه لا ؟؟؟؟

ما تحرمينيش من المرور حبوبة ميلينا :regards01:
​

 

[ام اسحاق]

شكرا على موضوعك أم إسحاق فعلا يستحق تمييز وبدون مجاملة.
لقد تطرقت لواحد من المواضيع اللي ما يقدرش الواحد يحكم عليها غير لي شافها عن قرب وأنا شفت هذه الضاهرة أو هذه المهنة عن قرب
ما تروحوش لبعيد هههههههههه
ما نيش من الجيل الي حضر للإستعمار وعاصر هذا السلوك
بصح شفت هذه المهنة أو بالأحرى لي يمتهن هذه الأخيرة
عن قرب في بلد شقيق على كل حال تحية لمن يمتهنها ليجني خبزتو بعرق جبينو و ما يمدش يديه للغير
لكن أستسمحكم أن أبدي بعض من الرأي حمدا لله أن الرجال الأحرار حرموها و منعوها لأنها إنتقاص من الكرامة و مجلبة للذل
لكن للأسف gعدت مخلفات وبقايا أطلب من الله أولا ومن العباد ثانيتا تجنب التلفظ بمثل هذه الكلمات التي تثقل على لساني ومنحبش نتفوه بها أكرمكم الله .
شكرا مرة ثانية على الطرح والشرح المفصل :$
​

اهلااا بالراقية ....توحشناك ....

حبوبتي كاين بزاف البلدان حتى الاوروبية احيانا فيها هاد الظاهرة و كيم قلتي
تحية لكل عمل شريف ....
و لكن ربي يرحم بن بلة و بومدين الرجال و لاد الرجال ....
خاطر هاذي هي عقلية الدزيري ما يركع غار لمولاه و لكان فرانسا حبت تذلو بهاذ المهنة هوم تانا دارو الي عليهم و استغلوا هاذ المهنة في تطويعها للثورة و النار الي حبت تذل بيها الدزيرية حرقتها .....

المشكلة لازم تتحظر هاد الكلمة على الاقل وفاء للرجال الي جابو البلاد و نحاو الذل
علينا ....
و يبقى كل واحد و اصلو وكل واحد و ربياتو ......

تحياتي ليك يا الراقية :regards01:

​

 

[أمــ وليــد الجزائرية]

اهلاااااا بميلينا الفحلة الفاهمة ....
راكي ديراكت رحتي للهدف ....نستعرف بيك :up:

صح كاين الي ما يعرفش معناها و هذا اكيد خاصة الشباب الباهي العزيز و هاداك ما نلوموهش و لكن نبهوه ....و لازم يتعود انو يبحث ...
المشكلة في الشياب تلقاه يعرف معناها و يقصد واش يقول هاذيك هي الطآمة الكبرى

ربي يجيب الخير و يا لاح ارواااح
يا ربي يجي الصلاح على ايدين اللمة .....وعلاه لا ؟؟؟؟

ما تحرمينيش من المرور حبوبة ميلينا :regards01:
​

ان شاء الله مدام اللمة راهي كلما تطور

و رانا كل يوم نشوفو فيها غير لحوايج لملاح

ان شاء الله راح نتعلمو كاملين منها و نغيرو ولو لقليل

​

 

[ام اسحاق]

مشكورة لتعريفنا باصل الكلمة اما المعنى فهو واضح لمن ومتى يقال لخاطر للاسف في بلادنا ولاة الشيتة سمة في الكثرين وضرك سوى قبلنا باستعمال الكلمة والا لا هي داخل في قاموسنا اللغوي ونستعملو فيها في معنى واضح ومحدد وهي تقضي الغرض والي نقولو عليهم يضربو الشيتة والا شياتين هم فعلا كلدك ولولا انو ظهر منهم ما يشير لدلك ماكان حتى واحد قال عليهم هاد الشيء
وككل الصفات ممكن تكون فينا وممكن لا و ماشي كل الناس يحملو هاد الصفة والجزائري الحقيقي والحر عمرو ما يديرها
واسقاطنا للكملة ما يعنيش انها غير موجودة حتى الا ما قلنهاش
فليس المهم قولها المهم ان لا نفعلها ولا تكون سمة في الكثير من افراد شعبنا

اهلااا بمشرفة التنمية البشرية ....

لا شكر على واجب فواجبي يحتم علي كجزائرية تعتز بتاريخها و انتمائها
اني نقف وقفة جادة امام مثل هكذا كلمة ...قبيحة غير لائقة وخارجة عن كل ادب للكلام

و انت كمشرفة تنمية بشرية تعرفي اداب النقد ....

من اولى اولويات الاداب حتى لو شفتي مثلا مثل هكذا ظاهرة انك تتأدبي في النقد و تستعملي كلمات لائقة بالطرف الآخر حتى يكون النقد بناء

و الا كان حابة تنصحي واحد من وجهةنظرك انو يمارس في مثل هكذا كلمة
النصيحة عندها آداب و من اداب النصيحة انك تنقي كلامك

اما قولك انها داخلة في قاموسنا اللغوي فهنا انا نعارضك بشدة لانو القاموس المتداول يمنع هكذا كلمات في الاوساط الاسرية مثلا نحنا عندنا هاذ الكلمة محظورة
مثل اي كلام تاع شارع ....

والي نقولو عليهم يضربو الشيتة والا شياتين هم فعلا كلدك ولولا انو ظهر منهم ما يشير لدلك ماكان حتى واحد قال عليهم هاد الشيء
وككل الصفات ممكن تكون فينا وممكن لا و ماشي كل الناس يحملو هاد الصفة والجزائري الحقيقي والحر عمرو ما يديرها


كلامك متناقض في اول الفقرة الكلام يعني شيء و مبعد تقولي الجزايري الحر ما يديرهاش ....؟؟؟!!!

و انا نقلك بلي رانا دزيرية احرار و نيفنا كبير و تحيا دزاير ووليداتها
و ياريت نظفو قواميسنا اللغوية
يا مشرفة التنمية البشرية
​

 

[SAMIRA25]

والله يا ام اسحاق النيف راح من زمان ما بقى لا نيف لا هم يحزنون و التشيات كيما قتلك راه مزال و مداير حالة و الامثلة كثيرة جدا جدا
و الجزائري في الخارج راه قيمتو غير قاعدة تنقص
​

 

[ام اسحاق]

هاااا أم اسحاق ما خليتيلنا ما نهدرو يا الحبيبة
والله يعفو على الشعب الجزايري اللي راهو رايح في طريق هو ماشي عارف سلاكها
أنا شخصيا ما نستعملش هاذ المصطلح و ما نحبوش ورجعنا حتى في الادارة اذا دخلت تحكي مع المسؤول ديالك يقولو هاهو دخل يضرب الشيتة لسيدو حتى المجاملات البريئة رجعو يسميوها شيييييييييييتة هههههههههه شعب يحَيَر والله
كيما يقولو ناس زمان يجيو عند النيف و يزمرو
شكرا عزيزتي على الموضوع المميز ميزة صاحبته هههههههه (هاذي هي الشيتة ؟؟؟؟؟؟ ههههههههه)
​

اهلااااا بننوشة البشبوشة ....

وش نقلك الحبيبة ..انا بالنسبة ليا يستعملها واحد واطي خاطر هاد الكلمة واطية ...
انت مثلا كي تهدري مع المدير نتاعك كيفاش حابينك تهدري مهاه ؟؟؟
بالدبزة ..؟؟؟...يسمى هادو عباد ناقصين و نيتهم ناقصة واش نزيد نقول ؟؟؟

الدزيري الحر معروف بالرباية و الظرافة و بعيييييييييييييد على التشيات
و لكان حطو الرباية و المساعفة تشيات انا نقلك ما يشك السفيه غار على ما فيه ...
pوان فينال

انت المميزة حبوبتي ...حاشاك يا الناس الملاح ..مالا نقلك
رااااااااااااااني نحبك يا بشبوشة ....و خلي يقولو واش يحبو .....
خلي ينقصو شوي ذنوب من الصحيفة قبل رمضان :p
​

 

[ام اسحاق]

والله يا ام اسحاق النيف راح من زمان ما بقى لا نيف لا هم يحزنون و التشيات كيما قتلك راه مزال و مداير حالة و الامثلة كثيرة جدا جدا
و الجزائري في الخارج راه قيمتو غير قاعدة تنقص
​

اهلااا مرة اخرى بسمورة الامورة ....

وعلاه الامور متشاءم ...انا نقلك اكبر مثال على انوالنيف مازال انك تهدري بهاذ الحماس
يعني بالنيف الدزيري ..لخاطر غايضاتك الاوضاع ....
وهذا اكبر دليل على انو النيف مازال يgسيستي ..:p

و الي تقولي عليه تشيات انا كيم قتلك في ردي الي فات انا نسميه فساد ..تحلال ....
اي حاجة غير انو مسح احذية ....

اما الجزائر قيمتو في الخارج الحبيبة ما عندي ما نقول يكفي انو الجيريان ....

و يبقى رأيي المتفائل الي ما نغصبو على حتى واحد و نقبل رايك يا سمورة الامورة :up:
​