خبز الدار بشكل وردة خطوة خطوة من مطبخي

[ندى الورود]

بسم الله الرحمن الرحيم

السلام عليكم

خبز الدار بشكل وردة

طبقت الوصفة أو بالأحرى أخدت الشكل فقط من أحد المدونات
لأن وصفتي الخاصة لتحضير خبز الدار تشبهما كثيرا و تقريبا نفسها
فقط الإختلاف في كمية الزيت وجدتها كثيرة لهذا انا اعتمدت على وصفتي
وأخدت بمكيالي الخاص شكرا جزيلا لصاحبة المدونة

الموضوع سبق لي طرحه هنا يوم 24.05.2013
ولكن بعد العطل الذي طرأ على المنتدى فقد موضوعي
فقط انا ذكرت هذا لاني وجدت موضوعي منقول في أحد المواقع كي لا يساء الظن بي



الــــمـــقـــاديـــــر :
500 غ سميد رقيق
500 غ فرينة ( طحين )
1/2 كوب زيت أنا هنا أخدت بمكيالي المعتمد دائما في تحضير خبز الدار
(صاحبة الوصفة ذكرت 180 غ زيت يعني نزن الزيت
في الميزان العادي وطلع حوالي 3/4 الكوب يعني كوب إلا ربع
هذه الكمية كبيرة جدا لهذا انقصت إلى نصف كوب زيت )
2 ملعقتين طعام خميرة فورية
1 ملعقة صغيرة خميرة حلوى
1 ملعقة طعام سكر
كوب حليب دافئ وليس ساخن جدا
1 بيضة
2 ملعقتين طعام ماء زهر
ملعقتين قهوة ملح
وأيضا صفار بيضة + ملعقتين حليب لدهن الخبز
وجلجلان للتزيين

الـــتـــحـــضـــيــــر :

نضع السميد والفرينة في قصعة أو العجانة الكهربائية ونخلطهما

نضع السميد والفرينة والملح والسكر والخميرة الفورية وخميرة الحلوى والزيت ونخلط الكل جيدا

نعمل حفرة ثم نأخد كوب الحليب مع البيضة وماء الازهر
ونخلط جيدا نسكب الخليط في الحفرة

ونخلط ثم نجمع العجينة بماء دافئ حتى الحصول على عجينة طرية تلتصق قليلا فقط
بعدها انا تشربت عجينتي واصبحت صلبة قليلة

نشكل كرة من العجينة

و نضع في وعاء عميق ونغطيها بنيلون غذائي
ونتركها ليتضاعف حجمها لمدة 45 دقيقة إلى 1 ساعة

هنا بعدما تضاعف حجمها

بعد ها نضعها في القصعة ونعجنها جيدا لمدة 15 دقيقة مع إضافة الماء الدافئ تدريجيا
إلى غاية الحصول على عجينة طرية جدا وتلتصق بالايدي بهذا الشكل

نضعها مرة اخرى في وعاء و نغطيها بنيلون غذائي ونتركها ليتضاعف حجمها لمدة ساعة

بعدما تضاعف حجمها للمرة الثانية

بعدها ننزل العجينة برفق ثم نقسم العجينة الى كريتين

نأخد صفيحتي فرن يفضل تكون قصيرة الحافة وندهنهما بالزيت ونرشهما بالفرينة
نبسط العجينة فوق الصفيحة بسمك 3 سم إلى 4 سم
نقطع حواف العجينة بسكين بهذا الشكل دون الوصول إلى الوسط

نجمع طرفي كل تقطيعة مع بعضهما بالضغط عليها جيدا بالإبهام والسبابة

ونكمل باقي القطعة بنفس الشكل سنحصل على شكل وردة مثل الصورة

نترك مرة أخرى العجينتين لتضاعف حجمها لمدة 30 دقيقة
أوممكن ساعة حسب حرارة الجو سيكون شكلها هكذا

بواسطة سكين نحاول تعيين خطوط إلى مركز دائرة الخبز دون قطع العجينة
ثم ناخد كوب كبير ونضغط عليه من فوق قليلا لتعيين دائرة

سنحصل على هذا الشكل

نأخد خليط الصفار مع الحليب وبواسطة فرشاة ندهن السطح كاملا بالخليط

ونزين بالجلجلان بهذا الشكل

ونكون قد سخنا الفرن على درجة 200° وندخل الصفيحة للفرن في الرف الاوسط للفرن
ونتركه لمدة 20 دقيقة أو حتى يشقر لون الخبز طبعا مع مراقبة عملية الخبز
وهذا شكله بعد النضج

وهذا شكله بعد التقطيع

​

 

[SAMIRA25]

يميمييم خرجلك رائع يعطيك الصحة شهيتيني فيه​

 

[بنت الـ25]

يم يم نموت على خبز الدار سيرتو بالجاري الله الله ههه
خرجلك يسخف ندوشة سلمت الايادي يا الفحلة:up:
اعطيني طرف خبز ولا نفتح الغاز ونخليه يمشي فالهوا ونطرطقلكم منتدى المطبخ
خخخخخخخخخخخخخخخخ:p
​

 

[chiraz18]

 

[ام الحلوين]

السلام عليك اختي
الخبز خرجلك روعة و كتبتلك رد من قبل و للاسف انحدف و جربت هدا الخبز مرتين و خرجلي هايل .
دروك نحط تطبيقي ههههه .
ربي يعطيك واش تتمناي و يحفظلك كل عزيز .
سلامي .

 

[مايا الجزائرية]

عجبتني الوصفة وشكل الوردة خاصة
ان شاء الله نجربها

 

[أم ندى]

يعطيك الصحة ندى الورود خرجلك تحفة ربي يبارك


تسلم الانامل غاليتي ننتظر جديدك يا مبدعه

 

[serinee]

الله الله عليك يا طاطا الخبز خرجلك روعة و وردة يا الوردة
مشاء الله يعطيك الصحة ان شاء الله
​

 

[nanoche]

واو فعلا يبان هايل ....... و حتى اللي عاملة الريجيم ما شكيتش تراطيه هههههه
بصحتكم اختي
​

 

[ام خديجة1]

خبز يشهي اختي ندى دونتو باذن الله نجربو بارك الله فيك

 

[ام انس الحبيب]

تسلم ايدك اختي ندى
ربي يبارك فيك
خرجتلك رووووووووووووووووعة تسلمي
​

 

[*Sarah Dz*]

شعال يعجبني الخبز مين يكون باشكال رائعة هاكدا
يعطبك الصحة حبيبتي جاك يشهي
هادا لي يقول لازم تشبع العين قبل الكرش
هايل
​

 

[imane27]

اممممممممم جاك هايل ندودة يعطيك الصحة

 

[hadda0425]

هايل ندى يعطيك الصحة
​

 

[حاملـة المسك]

و عليكم السلام

خرجلك ممتاز ندى يعطيك الصحة
محتاجين لهك تنويعات حتى الملل ما يكون سيد المائدة
جزيت خيرا.​

 

[ibtesem]

مشاء الله ندى تسلم اديك
خرجلك تحفة
واش بقى على رمضان نعملو ان شاء الله​

 

[Djazaire-El-Ghalia]

شكراً لك خرجلك تحفة يعطيك العافية ممممم

 

[ندى الورود]

يميمييم خرجلك رائع يعطيك الصحة شهيتيني فيه​

الله يسلمك أختي ربي يخليك
​

يم يم نموت على خبز الدار سيرتو بالجاري الله الله ههه
خرجلك يسخف ندوشة سلمت الايادي يا الفحلة:up:
اعطيني طرف خبز ولا نفتح الغاز ونخليه يمشي فالهوا ونطرطقلكم منتدى المطبخ
خخخخخخخخخخخخخخخخ:p
​

الله يسلمك مينات ربي يخليك
يا طفلة الخبزة ليك كامل
وخلينا نعيشو في أمن وسلام شبعنا من التطرطيق ههههه

​

الــــعـــفــــــو أختي
​

السلام عليك اختي
الخبز خرجلك روعة و كتبتلك رد من قبل و للاسف انحدف و جربت هدا الخبز مرتين و خرجلي هايل .
دروك نحط تطبيقي ههههه .
ربي يعطيك واش تتمناي و يحفظلك كل عزيز .
سلامي .

ربي يخليك يا ام الحلوين
شفت تطبيقك خرجلك روعة
​

عجبتني الوصفة وشكل الوردة خاصة
ان شاء الله نجربها

ربي يخليك اختي
جربيه راه ساهل خلاص
​

يعطيك الصحة ندى الورود خرجلك تحفة ربي يبارك


تسلم الانامل غاليتي ننتظر جديدك يا مبدعه

الله يسلمك يا ام ندودة
ربي يخليك
​

الله الله عليك يا طاطا الخبز خرجلك روعة و وردة يا الوردة
مشاء الله يعطيك الصحة ان شاء الله
​

الله يسلمك اختي سيرين
ربي يخليك
​

واو فعلا يبان هايل ....... و حتى اللي عاملة الريجيم ما شكيتش تراطيه هههههه
بصحتكم اختي
​

الله يسلمك اختي ربي يخليك

​

خبز يشهي اختي ندى دونتو باذن الله نجربو بارك الله فيك

يبارك فيك يا ام خديجة ربي يخليك
جربيه وإن شاء الله يعجبك
​

تسلم ايدك اختي ندى
ربي يبارك فيك
خرجتلك رووووووووووووووووعة تسلمي
​

الله يسلمك يا ام انس الحبيب ربي يخليك
​

شعال يعجبني الخبز مين يكون باشكال رائعة هاكدا
يعطبك الصحة حبيبتي جاك يشهي
هادا لي يقول لازم تشبع العين قبل الكرش
هايل
​

الله يسلمك سارة ربي يخليك
عندك الحق انا وحدة من الناس نحب الماكلة تكون باهية

​

اممممممممم جاك هايل ندودة يعطيك الصحة

الله يسلمك لويزة
ربي يخليك
​

هايل ندى يعطيك الصحة
​

الله يسلمك حدة ربي يخليك
​

و عليكم السلام

خرجلك ممتاز ندى يعطيك الصحة
محتاجين لهك تنويعات حتى الملل ما يكون سيد المائدة
جزيت خيرا.​

الله يسلمك رغوووووووووود ربي يخليك
صح محتاجين التنويع لاشتا لينا في الدار
ياخي نستهالو ندللو رواحنا
​

مشاء الله ندى تسلم اديك
خرجلك تحفة
واش بقى على رمضان نعملو ان شاء الله​

الله يسلمك ابتسام ربي يخليك
ايه رمضان على الابواب وخبز الدار مع جاري فريك هايل الله بلغنا رمضان
​

شكراً لك خرجلك تحفة يعطيك العافية ممممم

الـــــــعـــــــفــو الله يعافيكي ربي يخليك
​

 

[ام راقية]

شكرا أختي ندى الورود على الوصفة جاتك تهبل ربي يخليك
إنشاء الله نجربها و ندرجها في الوصفات الحصرية المجربة
دعواتك لي اني ننجح فيها
​

 

[manel 83]

رائعة يعطيك الصحة