وش راكم اعضاء اللمة الملاح ..يا ربي ديم ملاح
و الفرحة من نصيبكم و كل نجاح ....يا رب :yahoo01::yahoo01:
الموضوع الي فات حكينا فيه على النيف الدزيري ..ايجابية من الايجابيات
و لكن اليوم راح نحكيو على واحد السلبية ..
..و يا ربي نقضيو عليها من اوساطنا ...الي هي الافتقار للسان الحلو ....
:-r
معروف على الدزيري انو حنين ورومانسي بصح ما يبينش الرومانسية تناعو و حنانتو و ما يعبرش بالكلام الحلو :s
لانوربما يشوفو ضعف و ربما لانا ما تربينا على الكلام الحلو ....
انا مانيش راح نتناول الموضوع من الناحية الدينية لان الامر يطول و لكن راح نتناولو من الناحية الاجتماعية
ياخي يقولك اللسان الحلو يرضع اللبة ..؟؟.....
و يقولك الرجل تمشي وين يحب الخاطر...؟....و الخاطر يتبع الكلمة الزينونة ..
و الامثال كثيرة وكثيرة ..انا الحق يعجبوني اخوانا التونسيون و اخوانا السوريون:up: ربي يفرج كربهم الكل ....
حلاوة لسانهم تعدات الحدود و تنزل عليك السكينة في الهدرة معاهم و الا في القعدة معاهم حتى وراء شاشة التلفاز ...
المهم هياو نتخيلو معايا ....نهزو مثال الام برك في الدار ....
واحدة يروِح وليدها من ليكول تعبان و عيان و جيعان تقابلو و تقولو غار يدخل ...
نحي صباطك !! راك تشوف فيا نسيق ...!!.وش بيها طبليتك ؟؟؟!!
فوت اغسل ايديك و رجليك و اقعد ظرك نعطيك تاكل .!!.ديرحاجة و لا تمس حاجة نقتلك
:very_mad:.....هذا لربي ماهوش ارهاب ؟؟؟؟:s
و ام ..غار يطبطب الباب تحل ....
اهلاا حبوبي ..و تاخذو بالاحضان ...توحشت الزين و العين ...:d:bravo01:
يا ربي خليهولي يا ربي حناني ....
هيا حبوبي نروحو للدوش نغسلو يدينا و نحيو حوايجنا و ناكلو ممية تهبل دارت هالك ماما الي تحبك ..و يقعد وليدي عاقل باه تسيق ماما وما يقلقهاش
ماما تعبانة ..حبوبي .......:p
واش رايكم في الحالتين ..؟؟....
الحالة الثانية ....
مرا مع زوجها يروح فان دو ترافاي . تعبان ميت ...كا وو ....تلقاه من الباب ....
وشبيه بورتابلك من الصباح و انا نعيط !!..وعلاه ما عاودليش !!..ياخي علابالك ما عندي لي زينيتا ..!!.و ما جبتش الخبز ..؟؟..!!..
من الصباح و انا نسيق ونظف .!!.و نزيد ندير الكسرة ؟؟..!!..
ما يهدر ش معاها
:very_mad:و يفوت طول يغسل و يبدل حوايجو و يعود يخرج و يقول في قلبو ..القهوة واصحابي و لا انت ...اقعدي فيها ..
:cray02:مرا عاقلة واحد اوخرى ...:up::regards02:
تحل الباب ..عالسلامة ...وش راك ..تحيرت عليك ..البورتابل ما يردش ..
معليش الحمد لله كي راك بخير ....
حبيت تجيبلي الخبز برك .
:d.معليش ..ظرك نكمل و نديرلك الكسرة ...ياك تحب الرخساس .؟؟.....
يدخل زاهي و يضحك و يقولها لالا .... كنت في اجتماع ..كان سيلونسيو و نسيت ما عاودلكش ....:d:yahoo01:
ما كان لاه تعبي روحك ظرك نعاود نخرج و نجيب الخبز و العشاء واجد من برا
وش رايكم في الحالتين ..؟؟......
لخاطر طولت عليكم ..ما نزيدش نحكيلكم على الكنة و العزوز ...
والمرا مع جيرانها ......
الاخ مع خيوتو ....
ولولاد مع امهم ......
و الاستاذ مع تلاميدتو ..و العكس ....
و المعاملة في الادارة واي عمل اخر .....
و احنا هنا في المنتدى ...هل لازم نحليو لساناتنا و لا لا ؟؟؟؟؟
احبتي في الله ....لازم نبدلو العقلية وننويو الكلمة الطيبة صدقة ..باه نكسبو العباد والاجر عندرب العباد ....
ربي يحلي لساناتكم كامل ....:regards01:
ام اسحاق
