نقاش العرايس / التعامل مع الحماة ( العدد الثاني )

[Just Hope]

السلام عليكم و رحمة الله و بركاته

وشراكم بنات اللمة عموما و عرائس اللمة خصوصا

حكينا على التعاملات مع الخطيب ...صحيح طولنا مي تعلمنا من بعضانا صوالح بزاااف
دوكا ننتقلو لشي آخر لكن نبقاو في فترة الخطوبة

التعامل مع الحماه او العجوزة في فترة الخطوبة

هل لازم عليك تعيطيلها و تسقسي عليها او من الاحسن تجبدي شوي روحك في هاذ الفترة و تكتفي انك تسقسي راجلك عليها ؟؟

اذا كانت من النوع الي تدخل روحها في علاقتك بخطيبك كيفاش تتصرفي ؟

مانيش عارفة واش ثاني بصح نخليلكم فسحة نتناقشو و الي عندها استفسار
تحطو و نلقاو مع بعض الحل

سآبقآ في نقآش العرآئس
نقاش العرايس/ التعامل مع الخطيب ( العدد الأول ) ‏

تحياتي
أختــــكم أمــــل :$

​

 

[الورد الأحمر]

شكرآ أختي بآرك الله فيكِ سلسلة مفيدة تفيد لبنآت ان شآء الله
قمت بالتعديل على الموضوع فقط من أجل إضآفة رآبط العدد الأول
حتى ألغي تثبيته وأثبت هذآ الموضوع الجديد ,,,
---
نرجع للموضوع أنآ تبآنلي بلي في فترة الخطوبة الوحدة مآ عندهآ علآش تدصر
وتحكي مع حمآتهآ وتظل من درك تعيطلهآ و و و ... تكتفي برك تسقسي خطيبهآ عليهآ
وتبعث سوآل معآه وخلآص تبآنلي الدصآرة مش مليحة في الفترة هذي وتقدر ترجع
بالسلب مرة خلآف بعد الزوآج وين تبآن بلي لحمآة تبدلت في المعآملة تآعهآ مثلآ
وتتقآس الطفلة ولآ العكس الوحدة تتبدل وين تقول حمآتهآ في اللول كآنت تفرّش
ودرك كي لحقت تفرعنت ألوغ الوحدة تبقى جآبدة لأنهآ مش مضطرة تتعآمل معآهآ

أمآ بالنسبة للحمآة لي تتدخل في العلآقة بين الوحدة والخطيب أنآ نكره النوعية هذي
أمقتهآ ورآيي رآيي ورآيهآ تحكمو ليهآ عآشت فترتهآ ألوغ لآزم عليهآ تخليني نعيش
الفترة تآعي ومش مزية وإنمآ بسيف عليهآ ... الحآجة لي نقدر نفوتهآ معليـش مي
في حوآيج مستحيل نفوّت كيمآ نشوف بعض لبنآت ويعجبهآ الحآل ولآ نو فهذي
أنآ وتعرفني برآيي من اللول خير من نفوّتلهآ ومن بعد تلقآني ندير في رآيي وتقول
كي وصلت دآرت قـرون ... سلآمي ’
​

 

[sandibelle25]

سلام عليكن موضوع رائع شكرا لكي حبيبتي اتمنى الاستفادة من هاته المواضيع وخصوصا للعرايس المخطوبات
انا رايحة نعطيكم رايي بحكم اني عندي 2 نسا خاوتي منهن استفيد
عروستنا الاولى كانت غير تبعث السوال مع خويا وكي دخلت علاقتها مليخة حتى الن اما الثانية كانت تتصل ماش غير باش تسقسي عل ماما وتاني دخل روحها حتى فالطبق واش جيبلها واش مجيبلهاش بعد ما دخلت زادت دخلت روحها فامور متعنيهاش خلاص حتى عملت مشاكل فالعايلة
انا رايي وحدة تخلي روحها عزيزة وتسقسي غير من بعيد هك تجنب باش ميحكموش عليها وهي مازالت ماجاتش ومنعرف كل وحدة عندها رايها الخاص

 

[جامعية]

السلام عليكم خواتاتي راكم معروضين لعرسي هاد السبت ان شاء الله
راح نجاوب شوي ههههههه لأني متوترة مانيش قادرة نركز
اولا انا فرأيي مرة على مرة سقسي على عجوزتك ماشي دايما مرة عليك مرة عليها
و العجوزة لي دخل روحها ديريلها مواقف تفهم روحها باه ما تزيدش تتدخل خاصة في امور بينك و بين خطيبك

 

[Just Hope]

السلام عليكم خواتاتي راكم معروضين لعرسي هاد السبت ان شاء الله
راح نجاوب شوي ههههههه لأني متوترة مانيش قادرة نركز
اولا انا فرأيي مرة على مرة سقسي على عجوزتك ماشي دايما مرة عليك مرة عليها
و العجوزة لي دخل روحها ديريلها مواقف تفهم روحها باه ما تزيدش تتدخل خاصة في امور بينك و بين خطيبك

يووووويووووووويوووووووووي
مبرووووووووووووووك ختي ربي يكملك و يهنيك
ما تتوتري ما والو ان شاء الله يفوت نهار هايل و ما يتنساش :$

 

[Just Hope]

سلام عليكن موضوع رائع شكرا لكي حبيبتي اتمنى الاستفادة من هاته المواضيع وخصوصا للعرايس المخطوبات
انا رايحة نعطيكم رايي بحكم اني عندي 2 نسا خاوتي منهن استفيد
عروستنا الاولى كانت غير تبعث السوال مع خويا وكي دخلت علاقتها مليخة حتى الن اما الثانية كانت تتصل ماش غير باش تسقسي عل ماما وتاني دخل روحها حتى فالطبق واش جيبلها واش مجيبلهاش بعد ما دخلت زادت دخلت روحها فامور متعنيهاش خلاص حتى عملت مشاكل فالعايلة
انا رايي وحدة تخلي روحها عزيزة وتسقسي غير من بعيد هك تجنب باش ميحكموش عليها وهي مازالت ماجاتش ومنعرف كل وحدة عندها رايها الخاص

كلامك صحيح
انا راني معاك في رايك

شكرا على التواجد

 

[Just Hope]

شكرآ أختي بآرك الله فيكِ سلسلة مفيدة تفيد لبنآت ان شآء الله
قمت بالتعديل على الموضوع فقط من أجل إضآفة رآبط العدد الأول
حتى ألغي تثبيته وأثبت هذآ الموضوع الجديد ,,,
---
نرجع للموضوع أنآ تبآنلي بلي في فترة الخطوبة الوحدة مآ عندهآ علآش تدصر
وتحكي مع حمآتهآ وتظل من درك تعيطلهآ و و و ... تكتفي برك تسقسي خطيبهآ عليهآ
وتبعث سوآل معآه وخلآص تبآنلي الدصآرة مش مليحة في الفترة هذي وتقدر ترجع
بالسلب مرة خلآف بعد الزوآج وين تبآن بلي لحمآة تبدلت في المعآملة تآعهآ مثلآ
وتتقآس الطفلة ولآ العكس الوحدة تتبدل وين تقول حمآتهآ في اللول كآنت تفرّش
ودرك كي لحقت تفرعنت ألوغ الوحدة تبقى جآبدة لأنهآ مش مضطرة تتعآمل معآهآ

أمآ بالنسبة للحمآة لي تتدخل في العلآقة بين الوحدة والخطيب أنآ نكره النوعية هذي
أمقتهآ ورآيي رآيي ورآيهآ تحكمو ليهآ عآشت فترتهآ ألوغ لآزم عليهآ تخليني نعيش
الفترة تآعي ومش مزية وإنمآ بسيف عليهآ ... الحآجة لي نقدر نفوتهآ معليـش مي
في حوآيج مستحيل نفوّت كيمآ نشوف بعض لبنآت ويعجبهآ الحآل ولآ نو فهذي
أنآ وتعرفني برآيي من اللول خير من نفوّتلهآ ومن بعد تلقآني ندير في رآيي وتقول
كي وصلت دآرت قـرون ... سلآمي ’
​

و فيك بارك اختي
معليش راهو ليك الموضوع عدلي كيما تحبي :d
صح عندك الحق و انا رايي هكا لازم ما تدسرش بزاااف منها تيفيتي المشاكل
يعطيك الصحة ختي

 

[*Sarah Dz*]

لي عودة حبيبتي امل
علابالي في الموضوع الاول ما كنتش حاضرة بزاف
مي ان شاء الله نقدر نعوض في هاد الموضوع ههه
مررت فقط لاحجز مكاني الان // و نرجع نحط رايي و مناقشتي ان شاء الله

مشكوورة
​

 

[Just Hope]

اوكي سارة
بانتظارك ^^

 

[كافيري]

سلام يا لبنات انا رايي من ناحية لمراعية للحماة مليحة لكن في حدودها مرات سقسي خطيبك عليها من باب معريفة عقليتها paske راكي رايحة تعيشي معاها ومرات كي تسمعي عليها كاش حاجة مريضة مثلا ولا حاجة من هاذا شي مش عيب osi مثلا انا مع عجوزي كيما راكم عارفين راها عجوزة ختي osi نهار لي ماتت بنتها الله يرحمها على نفاس والله غير كنت نكلم فيها كل يوم ونصبر فيها حتان والفت بيا وعادت هيا تكلم فيا باش تنسى شويا....صح ارضاء الناس غاية لا تدرك بصح وش نديرو هاذي حاجة لازمة...وكل عندو رايو

 

[*Sarah Dz*]

السلام عليكن و رحمة الله و بركاته
شكرااا حبيبتي امل على طرح عدد التعامل مع الحماة
لانه امر مهم و النقاش فيه كبير و واسع
خصوصا و نحن نعيش في مجتمع عربي اسلامي له بيئته الخاصة

انا في رايي شخصيا لازم على الخطيبة في هاد المرحلة تكسب قلب عجوزتها قدر الامكان
باش يروح هاداك الخوف بيناتهم بعد الزواج
تتصل بيها مرة على مرة و تسقسي عليها
لاننا كلنا اخدين فكرة خاطاة عن الحماة // انها صعبة و ما لازمش ندخلوها عليها
و هادا في رايي خطا كبير .. لانها رايحة تكون توجور خايفة منك و تبانيلها غامضة

عندي عجوزتي مرة على مرة نسقسي عليها و في كل مناسبة نتصل بيها
و الجميل بلا ما نقول لخطيبي بلي رايحة نتصل // و كل مرة يقولي امي فرحت مين تصلتي بيها
و تدعيلي ربي و تقول الحمد لله لي طيحني في كنة مليحة تسقسي عليا
هاكدا راح تكسبيها و تكسبي ابنها ليك بسكو الابن توجور متعلق بامه مهما كانت

مي هاد الشي ما يعنيش كل يوم اتصال حتى تولي سامطة ههههه
مرة على مرة قومي بالبادرة

** انا نتصل بعجوزتي كل مرة نسمع بلي مرضت او في كل مناسبة كعيد الام او عيد ميلاد تاعها
حتى هي تتصل بيها في كل مناسبة حتى لي ما عندهاش علاقة بيا تتصل و تقولي بغيت نسقسي عليك
و كاينة حاجة مهمة الرجل يفرح مين كل مرة تقوله خطيبته سلم على ماماك .. انا كل يوم نقولهاله
حتى قالي هاد الشي يعجبني فيك**

نصيحة : لازم كل وحدة فينا تعامل عجوزتها كامها
اكيد راح تكسبها و تكسب قلب خطيبها اكثر
بسكو كيما نحبو لماماتنا نحبو لغيرهن
​

 

[Just Hope]

مليح عجبني رايك سارة
انا لحد الآن ما خالطهاش و ماشي بلعاني
مي انا نحشم علبايها مازال ما درتش البادرة و ما جاتش المناسبة

سارة واش تعيطي لعجوزتك يما ولا واش ؟؟ :d

 

[*Sarah Dz*]

ان اعجوزتي نعيطلها *مـّا*
بعني يما بالوهرانية :$

​

 

[آستثنآء]

أختي تربينا على المقادرة و نكدب عليك و نgولك منحوس عليها ما والو لا أصلا ماما متبغيش و تبالي هكذا تكبري في عينيها و عيب توصليلها السلام مع خطيبك تبالي جاست مكانش منها أنا كي نكون نحكي معاه نgوله فوتهالي تجيني بيزاغ و كل واحد و عقليتها و حتى هي تحوس عليا كيما راني مع الباك غير نخرج و نشعل البورطابل يا نلقى ميساج يا تعيطلي
و ربي يدوم المحبة​

 

[Just Hope]

ما انتبهتش بلي راكي وهرانية سارة
حنا تاني هكا ^^

آستثنآء

ربي يدوم المحبة ختي

 

[*Sarah Dz*]

الاراء تختلف من شخص لاخر اختي
يمكن فترة الخطوبة تلعب دور في هادا
كل وحدة في بداية مرحلة خطبتها راح تحاول تبعد قدر الامكان
مي مع الوقت راح تتغير الامور بطريقة تلقائية
بالنسبة ليا عجوزتي تفرح مين نبعثلها سلام مع خطيبي
و هي دوما تبعثلي السلام معه
او يفوتهالي نهدر معاها .. عادي
حتى انها مرات تتصل بيا و تقولي *جاسبار راه يوصلك سلامي هههه*
ارى في هادا نوع من التقرب لبعض بطريقة غير مباشرة
و تخفيف التوتر على كل مخطوبة بشان فكرة انتقالها من اسرة الى اسرة جديدة
و شخصيا لقيت روحي مرتاحة لهاد الطريقة
خلتني نحبها اكثر و هي تحبني اكثر .. الحمد لله
ربي يدوم المحبة .. و ان شاء الله تنجحي
***
ههههههه امل مرحبا بيك في وهران حبيبتي
يعني راكي كيفي ؟
هل لقيتي صعوبة في التواصل مع حماتك ؟




​

 

[Just Hope]

سارة انا تيارتية
و نقولو ما كيفكم

انا ما زال مانيش نتواصل مع عجوزتي انا بطبيعتي حشامة
و ثاني الظروف ما سمحتش
مازال قع ما جاتش لوكازيون
مرة برك فوتهالي حكيت معاها بالخف و خلاص

انا حكايتي مخلطة
نخطبت بالكلمة و كي كنا رايحيين نلبسو الخاتم جداتي ماتت الله يرحمها مالي اجلنا بصح الرجال محبوش
تقعد الحالة هكا مالي درنا الفاتحة رجال برك

عجوزتي شفتها 2 خطرات المرة الزاوجة جمعتها ة حكيت معاها ...عجبتني ماهيش نقراشة كيما يقولو
في رايكم نجيب نيمرو و نعيطلها غير نسقسي عليها
ولا نستنى بعد الخاتم باش نبدا نتواصل معاها ؟

 

[*Sarah Dz*]

سارة انا تيارتية
و نقولو ما كيفكم

انا ما زال مانيش نتواصل مع عجوزتي انا بطبيعتي حشامة
و ثاني الظروف ما سمحتش
مازال قع ما جاتش لوكازيون
مرة برك فوتهالي حكيت معاها بالخف و خلاص

انا حكايتي مخلطة
نخطبت بالكلمة و كي كنا رايحيين نلبسو الخاتم جداتي ماتت الله يرحمها مالي اجلنا بصح الرجال محبوش
تقعد الحالة هكا مالي درنا الفاتحة رجال برك

عجوزتي شفتها 2 خطرات المرة الزاوجة جمعتها ة حكيت معاها ...عجبتني ماهيش نقراشة كيما يقولو
في رايكم نجيب نيمرو و نعيطلها غير نسقسي عليها
ولا نستنى بعد الخاتم باش نبدا نتواصل معاها ؟

الله يرحمها و يوسع عليها
نظن انك لازم تاخدي النيميرو تاعها و تخليه عندك
و بعد ما يديرولك الخاتم ترجعي تتصلي بيها
اما درك قبل الخاتم .. معليش سقسي عليها خطيبك و سايي
انا درت الخاتم 3 اشهر بعد الخطبة
و من تم وليت نعيطلها مرة على مرة
​

 

[Just Hope]

تعيشي و تترحمي سارة
الله لا يحرمك من عزيز حنونتي

ايه و انا هكا خممت

 

[نهى28]

ا

ما من رايي تسقسي عليها عن طريق حطيبك برك

وتبعثيلها السوال معاه

اما العجوز لي تتدخل رب يهديها برك ​