على بالك بينك وبين إسمك كايين ترابط كبير قادر يأثر على شخصيتك ؟؟؟

[ام راقية]

​

اليوم حبيت نتطرق لموضوع مهم ​

و لي ممكن يجيبكم غريب :s:s​

لكن صدقوني راهو موضوع مهم و عندو تأثير كبير علينا​

يقال *ما من إنسانٍ إلا وله من اسمه نصيب*​

أكيد فهمتو مقصودي و واش حبيت نgول ​

موضوع اليوم يخص تسمية أبنائنا ​

التسمية الي هي بمثابة عنوان للشخصية ​

والي لازم علينا نتوعيو ليه​

ونسميو أولادنا أسماء حسنة :up:​

تشتمل على أجمل المعاني و ترضي صغيرنا كي يكبر ​

ويحب كي نادولو بيه وما يحشمش بيه :$​

قبل في وقت أجدادنا كانو يسميو أولادهم ​

على أباءهم و أجدادهم الأحياء منهم والأموات ​

تيمنا بيهم و يحبو يخلدو أسمائهم :up: ​

كانت آسامي فيها الباهي و فيها ​

أسامي بصراحة لي ما تعجيش ​

​

إسمحولي على هذا التعبير ​

وفيه أسامي بصراحة لي ما تعجيش ​

على كل حال الأولاد ما عندهم حتى ذنب في هذي التسميات​

و لو كان تحب تعرف رأي كل و احد منهم ​

على إسمو تلgاه بلي ماهوش راضي تماما ولو كان بيديه ​

يحب يغيرو .​

لا علينا نجيو لوقتنا الحالي يا أباء و يا أمهات هل أنتم راضيين على أسامي أبنائكم ​

هل اسامي أبنائكم أسماء من ديننا وذكرها تاريخنا ​

هل أسامي أبنائكم ليها معنى وليست مجرد تقليد لأسامي غربية ​

هل تعرفو معاني أسماء أبنائكم باش تعرفوهم بيها نهار آخر ​

هل أسمائكم ء لها تأثير عليكم مثلا في الخفة والثقل واللطافة

​

تحياتي في إنتظار تفاعلكم مع موضوعي ​

​

 

[بنت الـ25]

اهلا ام راقية​

ومواضيعها الراقية​

هاد الموضوع تطرقولو شحال من مرو مي انتي هاد المرة عالجتيه من زاوية اخرى​

امممم سما انا آمنة واللي يقرب مني يحس بالأمان والأمن والطمأنينة​

خخخخ صح كاينة اهئ اهئ​

كي حكيتي على الاسماء القديمة ،، انا ساعات نقعد بيني وبين روحي ونسقسي روحي​

يا ترى وش معاناها اسم " رهواجة وقرمية وحضرية ..."؟​

لا علينا عالاقل جدودنا بكري ما قراوش واللي عاش فالدوار إيزولي يسمي اسامي هكاك برك​

ومعلابالهمش بلي يتحاسبو عليها عند ربي​

مي المشكل دركا تلقاي الجيل القاري الفاهم يسميو ولادهم اسماء لا أدري من اين اتو بها ​

ولا اسماء خاطيينا ،، يعاندو على الgور والمشارقة​

اسامي مش تاعنا ويجيو تقال على لساناتنا

​

نجاوبك على الكيستيونات​

يا أباء و يا أمهات هل أنتم راضيين على أسامي أبنائكم ​

كي ينوب ربي بالولاد نقلك خخخخخخخخ​

هل اسامي أبنائكم أسماء من ديننا وذكرها تاريخنا ​

نحكي على لسام امي ونقولك:​

انا وخاوتي وخواتاتي سماونا اسماء امهات المؤمنين والصحابة والحمدلله​

هل أسامي أبنائكم ليها معنى وليست مجرد تقليد لأسامي غربية ​

اسمي انا واسماء اخوتي واخواتي واولادهم كلها اسماء معروفة في ديننا الحنيف​

(أسامة، يحيى، خولة، سامي، نوح...)​

هل تعرفو معاني أسماء أبنائكم باش تعرفوهم بيها نهار آخر ​

هاه مالا نلعبو ههههه​

هل أسمائكم ء لها تأثير عليكم مثلا في الخفة والثقل واللطافة​

بالنسبة ليا ايييييه جامي حسيتا ني نشكل خطر على الافراد اللي معايا​

بالعكس دايما يصارحوني انهم يحسو بالأمان وانا موجودة معهم​

مشكووووووووووووووووووووووووورة على الموضوع الباهي ياسر ​

 

[tistissa dj-tissou]

شكرا على الموضوع اختي

الحمد لله انا اسمي اماني بثينة وراني كلي اماني

حياتي كاملة اماني اسمي يعجبني بزاف مام بثينة

يعجبني هاد الاسم يحسسني اني فتاة ذات شخصية قوية

ويحسسني اني من نساء العالم الاكثر جراة وقوة
..... ربي يعيش والديا ان شاء الله

وبارك الله فيك

سلام
​

 

[سمو الذات]

السلام عليكم

صباح الخير
روى الطوسي أنه جاء إلى النبي "صلى الله عليه وسلم" فقال يا رسول الله ما حقُ ابني هذا؟ قال: تُحسن اسمه وأدبه وضعه موضعًا حسنًا>

مازالت عند بعض الناس فكرة انهم يسمو اولادهم على اجداد اجدادهم ههههه وهاذي الحاجة نكرهااااا
الواحد كي يموت ابوه هو يسمي ابنو عليه
زعم جاه الحب لابوه كيما يقول المثل > كاين عايش شاتي تمرة وكي مات علقولو عرجون <
حتى يكبر الطفل معقد من اسمو يلي معندو حتى معنى
وكيما رانا نشوفو في هذا الوقت راهم كاين ناس بزاف يمشو لمواقع النت باش يختارو اسماء لاولادهم وقت يلقاو اسم باهي على طول تسمي بيه ولدها ^_^ وهنااا الكارثة
انها تسمي ابنها اسم معلبالهاش اصلا وش معناه ولا مثلا هاذي الشخصية اشكون ولا واش تاريخ الشخصية الاسم

كيما انا مثلا اسمي يهبل هههه^_^ مريم وان شاء الله قدوتي في الحياء والطهر مريم البتول وهذا الاسم اختارو ابي ... وكان رح يسميني ياسين لو كان جيت ولد مش بنت
الحمد لله اسامي اخواتي كلهم باهين وعلى اسامي الصحابة الكرامة

شكرا على الموضوع ^_^

تحياتي ♪

 

[ام راقية]

اهلا ام راقية​

ومواضيعها الراقية​

هاد الموضوع تطرقولو شحال من مرو مي انتي هاد المرة عالجتيه من زاوية اخرى​

امممم سما انا آمنة واللي يقرب مني يحس بالأمان والأمن والطمأنينة​

خخخخ صح كاينة اهئ اهئ​

كي حكيتي على الاسماء القديمة ،، انا ساعات نقعد بيني وبين روحي ونسقسي روحي​

يا ترى وش معاناها اسم " رهواجة وقرمية وحضرية ..."؟​

لا علينا عالاقل جدودنا بكري ما قراوش واللي عاش فالدوار إيزولي يسمي اسامي هكاك برك​

ومعلابالهمش بلي يتحاسبو عليها عند ربي​

مي المشكل دركا تلقاي الجيل القاري الفاهم يسميو ولادهم اسماء لا أدري من اين اتو بها ​

ولا اسماء خاطيينا ،، يعاندو على الgور والمشارقة​

اسامي مش تاعنا ويجيو تقال على لساناتنا


​

نجاوبك على الكيستيونات​

يا أباء و يا أمهات هل أنتم راضيين على أسامي أبنائكم ​

كي ينوب ربي بالولاد نقلك خخخخخخخخ​

هل اسامي أبنائكم أسماء من ديننا وذكرها تاريخنا ​

نحكي على لسام امي ونقولك:​

انا وخاوتي وخواتاتي سماونا اسماء امهات المؤمنين والصحابة والحمدلله​

هل أسامي أبنائكم ليها معنى وليست مجرد تقليد لأسامي غربية ​

اسمي انا واسماء اخوتي واخواتي واولادهم كلها اسماء معروفة في ديننا الحنيف​

(أسامة، يحيى، خولة، سامي، نوح...)​

هل تعرفو معاني أسماء أبنائكم باش تعرفوهم بيها نهار آخر ​

هاه مالا نلعبو ههههه​

هل أسمائكم ء لها تأثير عليكم مثلا في الخفة والثقل واللطافة​

بالنسبة ليا ايييييه جامي حسيتا ني نشكل خطر على الافراد اللي معايا​

بالعكس دايما يصارحوني انهم يحسو بالأمان وانا موجودة معهم​

مشكووووووووووووووووووووووووورة على الموضوع الباهي ياسر

​

مرحبا مينات
ردك دائما جميل وفيه توضيحات ما عندي ما نزيد:up::up:
اليوم حبيت نخرج في مواضيعي هذا على العادات و العوايد واش راهو يتهدر
من مشاكل و ظروف صعبة الى آخره
بصح بنفس جديد نفس هو من صميم واش نهدرو
ونشوفو كل يوم بصح
بتوعية جميلة وإلتفاتة طيبة ممكن الكثير منا ما ينتبهش ليها ولكن هي
صدقوني عندها تأثير كبير يا بالإجاب أو بالسلب على الكثير من الأمور
مثلا كيما في موضوعنا هذا ولي يحكيت فيه على ضرورة إختيار الأسماء الجميلة لأطفالنا
كيما حثنا رسولنا الكريم صلى علية وسلم ولي كان يبدل الأسامي القبيحة بأخرى جميلة وليها معنى.

لكي لا ينتقل قبح الاسم إلى قبح النفس فقد مر عليه السلام على قرية يقال لها عفرة فسماها خضرة ، وغير اسم عاصية بنت عمر إلى جميلة ، وغير اسم شهاب إلى هشام ، لما في معنى الشهاب من الحرارة والبأس وجاءته امرأة فقال ما اسمك فقالت : جثامة المزنية ، فقال : بل أنت حسانة​

​

 

[ام راقية]

شكرا على الموضوع اختي ​

الحمد لله انا اسمي اماني بثينة وراني كلي اماني ​

حياتي كاملة اماني اسمي يعجبني بزاف مام بثينة ​

يعجبني هاد الاسم يحسسني اني فتاة ذات شخصية قوية ​

ويحسسني اني من نساء العالم الاكثر جراة وقوة
..... ربي يعيش والديا ان شاء الله​

وبارك الله فيك​

سلام ​

أهلا titissa dj-tissou
إسمك زي ما يقول شباب أماني بثينة في إثنين حلوين
والأكثر ما فرحني كي قلتي أنا كلي أماني
و أكيد ثاني راكي محبوبة لدى الجميع هدا باين من إسمك
ربي يخلي ليك ولديك و أن شاء الله في ميزان حسناتهم تسميتك يا رب ​

 

[ام اسحاق]

السلام عليكم و رحمة الله وبركاته

موضوع هايل كي العادة ....يا الراقية ...
عندك الف حق ..لاننا كاباء و كامهات من حق اولادنا علينا انا نختارولهم اساميهم .....
لانو كاين كيم قالت سمو الذات كاين بعض الوالدين الله يهديهم يسميو ولادهم اسامي تاع الاربعينات ولاءا لوالديهم
معليش كي يكون الاسم عندو معنى و و لكن احيانا يكون هاذ الاسم عار يتبع فيه
انا و اله كانت تقرا معايا طفلة مسكينة معقدة من اسمها ..تعرفوا اسمها وش كان ..؟؟...بخوشة ...
كانت مسكينةتكره المانداة في القسم و ما تتكلم حتى مع واحد ربي يهدينا كوالدين .............

يعطيك الشحة يا الراقية .....
موضوع مليح ........:regards01:
​

 

[ام اسحاق]

شكرا على الموضوع اختي

الحمد لله انا اسمي اماني بثينة وراني كلي اماني

حياتي كاملة اماني اسمي يعجبني بزاف مام بثينة

يعجبني هاد الاسم يحسسني اني فتاة ذات شخصية قوية

ويحسسني اني من نساء العالم الاكثر جراة وقوة
..... ربي يعيش والديا ان شاء الله

وبارك الله فيك

سلام
​

اماني بثينة ...اسمك يهبل الله يبارك .....

خاصة ..اماني على اسم بنتي و هي تانا دائما كانت تقول انا اماني و كلي اماني
ربي يحقق امانيك بنيتي
وربي يخليك لوالديك ..يااااا رب
​

 

[ام راقية]

السلام عليكم

صباح الخير
روى الطوسي أنه جاء إلى النبي "صلى الله عليه وسلم" فقال يا رسول الله ما حقُ ابني هذا؟ قال: تُحسن اسمه وأدبه وضعه موضعًا حسنًا>

مازالت عند بعض الناس فكرة انهم يسمو اولادهم على اجداد اجدادهم ههههه وهاذي الحاجة نكرهااااا
الواحد كي يموت ابوه هو يسمي ابنو عليه
زعم جاه الحب لابوه كيما يقول المثل > كاين عايش شاتي تمرة وكي مات علقولو عرجون <
حتى يكبر الطفل معقد من اسمو يلي معندو حتى معنى
وكيما رانا نشوفو في هذا الوقت راهم كاين ناس بزاف يمشو لمواقع النت باش يختارو اسماء لاولادهم وقت يلقاو اسم باهي على طول تسمي بيه ولدها ^_^ وهنااا الكارثة
انها تسمي ابنها اسم معلبالهاش اصلا وش معناه ولا مثلا هاذي الشخصية اشكون ولا واش تاريخ الشخصية الاسم

كيما انا مثلا اسمي يهبل هههه^_^ مريم وان شاء الله قدوتي في الحياء والطهر مريم البتول وهذا الاسم اختارو ابي ... وكان رح يسميني ياسين لو كان جيت ولد مش بنت
الحمد لله اسامي اخواتي كلهم باهين وعلى اسامي الصحابة الكرامة

شكرا على الموضوع ^_^

تحياتي ♪

أهلا سمو الذات و أهلا بردك الجميل :d
ما أجمل إسمك يا مريم
عجبني ردك في النقاط التاية :
الناس لي تسمي أولادها على الجدود
زعم جاه الحب لابوه كيما يقول المثل > كاين عايش شاتي تمرة وكي مات علقولو عرجون <
والناس الي تخير أسامي أولادها من النت على غير عرف مجرد إنو الإسم يعجبها
راهم كاين ناس بزاف يمشو لمواقع النت باش يختارو اسماء لاولادهم وقت يلقاو اسم باهي على طول تسمي بيه ولدها ^_^ وهنااا الكارثة

وختامها نقطة إسمك لي فعلا يهبل وأنا نموت على إسم مريم
لما يحويه من طهر وعفة
الله يجازي الوالد الكريم خير جزاء . ​

 

[أمــ وليــد الجزائرية]

ليوم ربحتي عرفتي اسامينا كامل

اوك راح نقولك انا اسمي " فلـــة " و هو اسم عادي لاكن كي نولي عجوزة يولي يبهدل

ايه عندك الحق كنت نشفى كان واحد يقرا معايا سموه شخشوخ والله هو يحشم يقول اسمو

علاه حتى يسميو اسماء كما هك كما قلتي بكري ميعرفوش و درك ولاه

صدقيني معرفتش كيفاه يخمو الناس كما هذو
​

 

[serinee]

اهلا بام راقية اتمنى لكي الرقي دائما
انا اسمي سرين و بكل صراحة اسمي يعجبني جدا يكفيني انه اسم اخت زوجة الرسول عليه الصلاة و السلام
و احسه هدا الاسم يناسبني و يناسب شخصيتي يا سبحان الله و الحمد لله
و ااخوتي ثثاني كامل اسماء معروفة اسماء الانبياء و الرسل و الحمد لله نعرف معناها
اما على بكري كانو يسمو واحد الاسماء مثلا عندي خالتي اسمها مالية كي نسال مني وعلاش سمتيها مالية قالتلك هداك الوقت شفت وزارة المالية في التليفزيون كنت نسميها مالية باش تخرجلي غنية
اما الاسماء تاع دركا اغلبها تقليد و ميحوسوش يفهمو معناها اسم مودا
مشكورة غاليتي على الموضوع
​

 

[أمــ وليــد الجزائرية]

اما على بكري كانو يسمو واحد الاسماء مثلا عندي خالتي اسمها مالية كي نسال مني وعلاش سمتيها مالية قالتلك هداك الوقت شفت وزارة المالية في التليفزيون كنت نسميها مالية باش تخرجلي غنية
​

يايما قتلتيني بالضحة

مقلتليناش ولا خرجت غنية ولا غسرتها غير في وزارة المالية

:d:d:d:d:d:d
​

 

[آستثنآء]

موضوع شباب و مليح
و الله يغيضوني لي اساميهم بيزاغ
انا عندي عندي واحد سموه عبد الرؤوف و انا ايناس الحمد الله اسامي مفهومة و باينة
و اسمي نعرف المعنى نتاعه و عنده بزاف معنى كيما الاحساس الملاطفة و غيرها
ناس تسمي علجية و قدورية و عودة اسماء بلا معنى و كيما قلتي الاسماء تأثر علينا وحدة سموها
جمعة تعقدت حتى ولت تطلب نعيطولها كوثر و بزاف قصص
مرسي على السوجي​

 

[serinee]

يايما قتلتيني بالضحة

مقلتليناش ولا خرجت غنية ولا غسرتها غير في وزارة المالية

:d:d:d:d:d:d
​

ههههههه المشكل خرجت معلقاش كامل بالغنى و الدراهم قالك الميزانية ديالها متوسطة
مشكورة حبيبتي:regards01:
​

 

[afkaar]

كاين أسامي أنا سمعتها بودني و شفت أصحابها بعيني و كنت دايما نسقسيهم علاش سماوكم هكدا (( الدايخة,, بركاهم,, زادوها,,, و الخامج )) ؟ ؟
يقولولي سماونا هكدا باه نعيشوا.​

 

[miss A]

مشكورة على الموضوع القيم
نقلك اسمي من اجمل الاسماء روعة علابالي تقولولي مغرورة بصح اسمي له معنى أسمى وصفة محببة لشخصيتي امممم اسمي هو مريم البتول من صغري وانا نحس بالامتياز باسمي وفخورة بيه لانه اسم أطهر وعفة للسيدة مريم ام عيسى عليه السلام والبتول صفة للفتاة الطاهرة المتعبدة لله وكذلك صفة السيدة مريم
إخوتي أسماؤهم كلها (كوثر ،فردوس،احمد تقي الدين ،التوام مودة ورحمة) وانا مريم البتول
المهم مشكورة جداً على الموضوع القيم هذا يدل على ان هناك أشخاص واعيين ومثقفين
دائماً التألق في المواضيع
تقبلي مروري المغرور:$:regards01:

 

[ام راقية]

ليوم ربحتي عرفتي اسامينا كامل

اوك راح نقولك انا اسمي " فلـــة " و هو اسم عادي لاكن كي نولي عجوزة يولي يبهدل

ايه عندك الحق كنت نشفى كان واحد يقرا معايا سموه شخشوخ والله هو يحشم يقول اسمو

علاه حتى يسميو اسماء كما هك كما قلتي بكري ميعرفوش و درك ولاه

صدقيني معرفتش كيفاه يخمو الناس كما هذو
​

وعلاه حرقتيلي المفاجئة يا mlina4algeria أنا قلت في نفسي خلي نعرف أساميكم ومبعد نصارحكم :up::up:
ما أذكاك :p:p:p طبعا أمزح معكم
وبالنسبة لي كان يقرا معاك الله يكون في عونو صراحة تلقايه كره روحو بسبة إسمو .الله يهدي بعض الوالدين

 

[ام راقية]

مشكورة على الموضوع القيم
نقلك اسمي من اجمل الاسماء روعة علابالي تقولولي مغرورة بصح اسمي له معنى أسمى وصفة محببة لشخصيتي امممم اسمي هو مريم البتول من صغري وانا نحس بالامتياز باسمي وفخورة بيه لانه اسم أطهر وعفة للسيدة مريم ام عيسى عليه السلام والبتول صفة للفتاة الطاهرة المتعبدة لله وكذلك صفة السيدة مريم
إخوتي أسماؤهم كلها (كوثر ،فردوس،احمد تقي الدين ،التوام مودة ورحمة) وانا مريم البتول
المهم مشكورة جداً على الموضوع القيم هذا يدل على ان هناك أشخاص واعيين ومثقفين
دائماً التألق في المواضيع
تقبلي مروري المغرور:$:regards01:

هنيئا لك هذا الإسم الرائع والذي أعشقه أنا شخصيا مريم

و ليكن لكي نصيب من إسمك بإذن الله
و أسماء إخوتك كلهم حلوين الله يخليهم و يمتعهم بكل ما يتمنون
و أولهم ما تضمنته معاني أسمائهم

شكرا على مرورك العطر حبيبتي
​

 

[ام راقية]

كاين أسامي أنا سمعتها بودني و شفت أصحابها بعيني و كنت دايما نسقسيهم علاش سماوكم هكدا (( الدايخة,, بركاهم,, زادوها,,, و الخامج )) ؟ ؟
يقولولي سماونا هكدا باه نعيشوا.​

أهلا بالعزيزة afkaar
وانا نزيدك من الشعر بيت : ساسية .خميسة.علجية .السبتي .عسيلات .الوازنة. رهيفة . زغودة ..و أترك لكم التعليق

 

[ام راقية]

اماني بثينة ...اسمك يهبل الله يبارك .....

خاصة ..اماني على اسم بنتي و هي تانا دائما كانت تقول انا اماني و كلي اماني
ربي يحقق امانيك بنيتي
وربي يخليك لوالديك ..يااااا رب
​

عرفتك تدخلي و تعلقي أم إسحاق الله يمنيها
وينعمها بجنة الفردوس الأعلى
وجزاك كل خير لأن أماني :up:
أحلى ما سميتي جعله الله في ميزان حسناتك يا رب
​