كوكب الاعترافات // المشكلة 21 " أحبه ويحبني ،، لكن... !!"

[بنت الـ25]

​

السلام عليكم ورحمة الله تعالى وبركاته

​

مرحبا بكافة مرتادي منتدانا الكرام مثلما عودناكم في ركن:
° كوكــــب الاعتــــــرافـــات °

المشكلة رقم 21 :
"أحبه ويحبـي ،، ولكن ...!!"

انا مخطوبة من حوالي 4 شهور ..خطيبي حبيته و لو انه طبايعه صعبة شوي
لكني دايما نحس روحي نقدر نتعاامل معاه و نفوتها و هو ثاني يقلي انه يحبني و مهما يكون ما يسمحش فيا ...تفاهمنا في الاول على اني نخدم للعلم انا مازلت نحوس على الخدمة ومع لي كونكور راكم عارفين الدزاير مي ماقطعتش لياس و حابة نخدم ..خبرته في الاول هاذ الشئ و قالي بالكونترا ما تخدميش مي اذا ترسمتي في بلاصة قريبة وين نسكنو معليش ... اليوم خرجلي بهدرة جديدة ...قالي خممت فيها و مانيش حاب خدامة ماتساعدنيش ... و اول مرة طاوعتك باسكو عجبتيني و ماحبيتش نخسرك وولا يقلي انا نقومك و ما تحتاجيش و هذ الهدرة ...انا اكثر شئ زعفني و خوفني منه انه دار في هدرتو و قلتهالو قتلو الراجل عنده غير الكلمة خايفة اذا طاوعتك هاذ المرة ما نقدرش ندير فيك الثقة مرة وحدوخرا ....دوكا راني حايرة حاولت نقنعه مي راسه يابس محبش يقنع واش ندير ؟؟ هل هذا الشئ فعلا يستاهل اني نخاف و نفكر مرة ثانية فيه ...مع العلم اني فعلا نحبه و هو يحبني ....

​

 

[sahiko hamza]

وعليكم السلام ورحمة الله



يا اختي نسألك سؤال برك ومن بعد راح نعطيك تعقيبي على موضوعكـ ...

انتي يهمك العمل ولا هو . ؟
​

 

[سمسم السمسومة]

أختي سؤال اللأخ حمزة في محلو....نتيا تهمك الخدمة لهاذ الدرجة... على حساب مقريت نتي مخدمتيش قبل و الخدمة في بلادنا ذركا لازملك تبدايها بلي كونترا صراحة هاذا اذا حابة فالمستقبل تترسمي على خاطر الخبرة مطلوبة و تساعد فلي لي كونكور...شوفي الخدمة مهيش مشكل بقدر ما هو اقتناع بالشي اللي راح تديريه ومدامك مخطوبة القرار لازم يكون مشترك....و في بالي بلاك خطيبك كيما قالك راه حاب تحكمي خدمة و تترسمي و هنا تقدري تصبري و تستناي و رايي يبقى مجرد د رأي و فقط على خاطر كاين فرق بين وحدة خدامة و خطيبها محابهاش تخدم و بين و حدة مخطوبة و ملقاتش خدمة و وكتاه لقات تخدم....ربي يسهلك اختي

 

[السلطانة]

وعليكم السلام

العمل ضروري لو تكونو بحاجتو
لكن ادا كان خطيبك كافي روحو غير هني روحك في الدار وربي ولادك واسعدي زوجك

​

 

[سمو الذات]

كيما قالت ساندي احكمي دارك وزجك خيرلك من الدنيا ومافيها

وبالنسبة للثقة يلي راكي تهدري عليها يعيش اختي خلينا من كلام المسلسلات الراجل راجل عمرو ما يطيح كلمتو ومن بعد هو محبش يخسرك
وزيد فوق هكاا يحبك وربي يدومها
من رااي انك تشيلي هاذي الافكار وتبني حياة سعيدة معاه ومتفكري في حتى حاجة مش باهية

ربي يسعدك اختي ♥

 

[أمــ وليــد الجزائرية]

هاو كامل قالولك متسمحيش فيه ملا بطلي تخمي تسمحي فيه و روحي كملي حاتك مع الي خيرك و خيرتيه

و متشوفيش للحاجة هذي انو راح يكون مشكل ولا انت مخلقتيهش مشكل

حاولو كيفاه تتفاهمو و ربي يسعدكم و يكمللكم ان شاء الله

و الي قبلي راهم هدرو هدرة مليحة وان شاء الله رح تنفعك
​

 

[sarah02]

Normal Sa3fih w Gou3di f dar Ma fiha walouu
ila 9ader 3la Ch9ah
Gouliilou : Kounak sba3 w koulniii c4EST DIRE 9oum biya
ani 9abla

 

[بنـ MaPa ـت]

ماتخليش الخدمة سبب في الفراق بينك وبينو لا قدر الله
كاين رجال علتهم كي تخدم لمرا
راهو قالك انا نتكفل بيك والحمد لله ايدا ماشي محتاج
جيبي الديبلوم تاعك يجي النهار وتسحقيه
ومع الوقت راح يبدل رايو سورتو كي يجيوكم ولاد وتكبر المسؤولية والشقى
ياختي تحبيه ويحبك اتكلي على ربي وخلي الخدمة بجيه
وربي يجيب لي فيه الخير
​

 

[بنت الـ25]

الأخت صاحبة المشكلة
​

الاخ حمزة و الاخت سمسم

انا خدمت بالكونترا 3 سنين ....و شرطت عليه نفوت لي كونكور و هو وافق
انا الي دوكا مخوفني انه بدل رايه خايفة يكون دايما معندوش الكلمة معايا ..
راني عارفة الخدمة صعيبة في بلادنا و مالازمش نقارن بينه و بين الخدمة ...بصح الموقف هو الي خوفني
اذا هو ضد الخدمة من الاول يقول هاذ الشئ هاذ واش قتله
و التبرير الوحيد الي عنده انه عجبتو ما حبش يخسرني سيرتو انا في البداية اكدتله بزاااف على الخدمة
نتمنى تكونو فهمتوني

 

[سمسم السمسومة]

أختي الغالية قلتهالك قبل و نعودهالك ذركا العمل مهوش مشكل بقدر ما راهو اقتناع و بما أنك كنت خدامة قبل ميخطبك و وعدك يخليك تخدمي في بالي ماشي من حقوا يتراجع على هدرتوا و تكون السبة انوا حبك و محبش يخسرك على بيها قالك هكاك....ماشي هاكا نكسبو الشخص لي حابين نكملوا حياتنا معاه...اختي رايي يبقى مجرد رأي و فقط أنا راني نهدر على اساس أني خدامة و ميهمش كونترا و لا مترسمة و كاين لي راهي تخدم مش على جال الدراهم مي عندها اهداف و حابة توصل ليها هذا الشي لي مراهش مفهوم في وقتنا رجعت الناس كامل تقولك المرا الخدامة و منحبش لي تخدم عليا و هي مرات تكون لازمة على خاطر الوقت و المعيشة تاعنا تبدلت و لي لقات الخدمة و علاه متخدمش....و مرات الوحدة يكون عندها طموح و من حقها....و في بالي حاجة اخرى نورمالمو حكاية الخدمة هاذي كانت تتحكى نهار اللول يوم الخطبة....الموقف شويا صعيب انوا بدل هدرتوا مي اذا راه قادر هو و قادرة نتيا تتنازلي على فكرة الخدمة ممكن تتفاهمو مي اذا نتيا مكيش حابة تتنازلي على خدمتك في بالي تعاودي تفتحي معاه الموضوع و تناقشوه بجدية و تحطوا النقاط على الحروف....و زيدي شوفي مع والديك خاصة الأب تاعك على خاطر صراحة هو يعاونك في تكوين الفكرة لي راها تدور في بالك....و ربي يسهلك أختي و يكون معاك

 

[tistissa dj-tissou]

سلام اختي
انا في رايي ماتخليش راجلك على جال الخدمة بلاك هو فكر مليح وماسباتوش انك تخدمي وجابلي ربي كي عاد يحبك في المرة لولا قالك اخدمي هو حاول يفهمك ويخليك تخدمي بصح ماخرجتش عليه اعطيه فرصة انت تاني وديريلوا رايو ..الراجل باين كافي روحو وقدها وقدود
ربي يكمللكم ان شاء الله
​

 

[فتاة حساسة]

والله يا اختي ..حاولي تقنعيه بالخدمة ...والا راسو يابس ...احكمي الدار وربي وليدات وقاريتك ماراحاش تروح ...بيها نفيدي ولادك..ربي يسهلك اختي ..
​

 

[nihade.off]

اسمحيلي ختي بصح هوا بدل رايو مهما يكن و مانيش نقولك تفارقو بصح المشكل ماولا تخدمي و لا لالا المشكل ولا فرض الراي و تغييره بين اليوم و غدوا خمي مليح ​