- إنضم
- 12 أفريل 2009
- المشاركات
- 5,657
- نقاط التفاعل
- 16,998
- النقاط
- 351
بسم الله الرحمان الرحيم
جبتلكم دي تارتلات بذوق السكر البني
ما تتقيدوش بالمقادير تاعي
المقادير
130 غ زبدة
بيضة
120 غ سكر بني
فانيليا
فرينة
نخلطو الزبدة والسكر والبيضة والفنيليا حتى يوليو كريم نضيفو الفرينة بالشوي حتى تتماسك
نغطوها بكيس نيلون ونخليوها في الثلاجة 20 دقيقية تاعي قعدت اجي ساعة مع لغدا ولولاد هذا داخل هذا خارج :-r
من بعد نخرجوها ونبداو نقرصو فوق كيس نايلون بعد ما نطرحوها نحطوها فوق لي مول ونرتبوها ونحيو الزايد و نثقبوها
كي نكملو انا زدت رجعتها للثلاجة حوالي ربع ساعة قيس ما سخن الفرن حطيت بداخلها المنيوم وكمشة تع حبوب باه ما تتنفخش ونحطوها طيب
كي طيب نحوها وحطوها تبرد
ونديرو لكريم باتسيير تاني السكر البني
هادو المقادير لي استعملتهم انا نتوما تقدرو تزيدو ولا تنقصو
بيضة كاملة واصفر بيضة
كأس سكر بني فانيليا
3 ملاعق نشأ
شوية فانيليا
ربع لتر حليب
نسخنو الحليب
نخلطو البيض والنشأ والسكر مليح نضيفو شوية من الحليب من بعد نرجعو كل شي في الكاسرونة على النار وبالتحريك المستمر حتى يثقال نضيفولو شوية زبدة
نفرغوه في برطمان ونذرذرو عليه شوية سكر باه ما تتكونش الطبقة يابسة من فوقو ونخلوه يبرد
نجو للتزيين كل واحد وذوقو وكل واحد وش من فاكهة لي يحبها
انا هنا عملت خوخ وبنان وكرز ومشماش
المشماش حامض ويابس انا قسمتو على زوج وحطيتلو ملعقة سكر وملعتين من الما وخليتو غلى هاك اكتسب الحلاوة مع الحموضة جا ذوقو بنين وزينت
ملاحظة قبل ما تحطو لكريم باتسير في لي تارتولات تقدرو تغلفوها بشكولا ذايبة وتخلوها تجمد
هاك كي تحطو لكريم ما تتنداش .
صح قهوتكم
آخر تعديل بواسطة المشرف:
