عندي تباريكات عراااااااام وانتن

[امونة الشاوية]

:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$:$

*الطميــــــــــــــــنة*

ر



​

البنات السلام واش حوالكم مع موسم النجاحات ولادكم هااااااااااااااا كاش طمامن ولا راح تعقبوهالنا شايحة ها

المهم بسلامة الاولاد وربي ينجحهم كامل العام هاذا تشوفو راجلي داير بحث في فائدة العائلات لاني راح نهز على راسي هههههههههههه
علابالي حابين تقرعجو وتعرفو علاهههههههههههههه
المشكلة وما فيها انو العام هاذا رانا حاصلين نسلكو في قطعة البناء اللي حكيتلكم عليها في موضوع تمنيت وعطالي ربي

خرجت عن صلب الموضوع
الموضوع انو بين السيزيام والباك والبيام عندي 5 من العائلة تاع راجلي نباركلهم وراح يديرو قهاوي ووما قراب لازم نروح وهاذي قندورة وهاذي لي ماش وهاذو تباريك اتحفيفة والقش جديد
4 ولاد جيراني 4 ولاد العائلة تاعي ولد صاحبتي ونزيدلكم حتى ولدي قالي ننجح السنة الاولى تباركيلي راني غرت من اللي ينجحو ههههههاااااااااااا وجارتي وحدة راح تسوتني لازم الكادو ووحدة الايام هاذي تولد
اااااااااااااااااااااااااااااااااااااااااااااااااا اااااااااااااااااااااااااااااااااااااااااراني في حالة ومانيش حابة نظغط على راجلي لانو محصور وهاذو الطرق اكل لازمين وبيننا الطريق راها حاكمتني الخلعة وبديت نلم من درك
دبرو عليا واش الحل وانتوما كيفاه تباركو وعندكم شوي مصاريف ولا لا

والمبلغ اللي تباركو بيه لكل طور

 

[حفيد هواري بومدين]

احنا هنا يباركو ب 60 الف يضهرلي وما فوق كل واحد كيفماه
وافقت على الموضوع

 

[ام راقية]

آيه يا أمونة الشاوية كي ينجحو يديريلها ربي طريق:d
الله يبارك بديت تحسبي و توجدي الله يكون معاك
أو لازم نفرحو معاهم ونهنيوهم .
حتى أنا عندي تباريك بصح الحمد لله ما هومش بالحجم الله يبارك
لي عندك
عندي غير عرس إنشاء الله بعد رمضان تاع بنت سلفي
هذا العام شايحة بيني وبينك فوتنا الباكات و السانكيام و البويام
و الولادات كيف كيف
الله يكون في عونك وعون زوجك يا أمونة الشاوية
​

 

[serinee]

الف الف مبروك ربي يقدرك ان شاء الله
و تقدري تدري هدايا على حساب درجة القرابة او الشهادة
يعني واحد لي ربح السيزيام و الباك و لاسوتننس
و ربي يقدرك

​

 

[كافيري]

ربي يقدرك على فعل الخير

 

[Only me]

احنا كل واحد ومقدورو وكل واحد وقربو يعني تمدي لوليد سلفك مثلا ماشي كيما وليد الجيران
احنا السيزيام نمدو 20 الف ولا حتى زوج قرع قازوز ههههه المهم الفال ،،، البيام 20 ولا 50 ولا حتى 100 هو والباك يعني حساب القرب

انا تاخذي رايي مدي برك 20 20 وهي فارية لازم الناس يقدرو شوية ،،، ربي يعينك ان شاء الله

 

[la_safa]

السلآم عليكم ..

والله يآ ختي الشآوية شفتي كيفآه كل حآجة و صوآردهآ يآآو ميزآنية
وش رآح تديري ولآد صغآر تآع سيزيآم أي حآجة يفرحو بيهآ
سكتيهم بحوآيج خفآف بركـ ،
و البآقي وش رآح تديري الله غآلب كل وآحد و مقدورو
حتى النآس لآزم تتفهم و مآنظنش لآكآن يعآتبو نجآح ولآدهم أهم من كلشي ..
+ مآتنسآيش مآم انآ عديت البآكـ نسحق بآروكـ مليح رآني كبيرة
مآتسكتينيش زي صحآب السيزيآم :p هههه

ربي يهنيكـ اختي و يفرحكـ ان شآء الله
و تفرحي بولآدكـ نآجحين

​

 

[أم راضية ~_]

السلام عليكم
ههههههههههه والله ضحكتيني يا طاطا
يظهرلي papa في نعمة وماشي حامد ربي عليها
وعلى حساب ماني نشوف الرجال كامل هوما الي يخلصو لي كادو لنساهم مي papa نو ماما هي الي تدير لي كادو كااااملين
****
بون انا نقولك هوما الدارهم خير بصح في حالتك نتي تلاقاو عليك المناسبات شوفي حلّ آخر متلا كاينين حاجات يتباعو سومتهم مليحة و ينصابو وادا تعرفي تخدمي كاش حاجة اخدميها بيدك و نقصي شوية مصروف عليك
متلا حنا عندنا بنت عمي و 3 بنات عماتي راهم رايحين يتزوجو جيست مور رمضان وما بيناتهمش بزااف وديجا غير كيما جاز عرس وليد خالتي و وليد عمي و بنت عمي ( في فاميلتنا كامل تزوجو خخخخ) ألوغ ماما دارتلهم قاطو تاع لاصال بويسك قراب و خيطتلهم دي دغا تاع 5 بياس شرات القماش وخيطتهم بويسك ماما خياطة
ادا تقدري تخيطي ديري لصحاب الباك و البيام دغا ولا شوفي المارشي و واش فيه حاجات تناسب بسومة مليحة
ونقولك حاجة شوفي كاش حانوت يبيع مليح واشري من عندو كلش واكيد رح يساعدك فالسومة بلا ما تقوليلو ياخي ماكيش رح تديهم لدار وحدة معنتها نورمال يكون الكادو كيف كيف :-r
نتمنى نكون افدتك شوية او اعطيتك أفكار​

 

[la_safa]

متلا حنا عندنا بنت عمي و 3 بنات عماتي راهم رايحين يتزوجو جيست مور رمضان وما بيناتهمش بزااف وديجا غير كيما جاز عرس وليد خالتي و وليد عمي و بنت عمي ( في فاميلتنا كامل تزوجو خخخخ)
​

هآي جآت النجمة و عطآتكـ أفكآر هآيلين :up:
الله يبآركـ ، أنآ نتمنى يكونو 2 عرآس في صيف وآحد من لي قرآب ليآ
أمآ نتومآ الله يبآركـ لميتو عليهم كآمل :d ههههه
ربي يهنيهم ان شآآآء الله

​

 

[مايا الجزائرية]

سلام
الفايدة في الوجوه اختي ومادام ما عندكش مش لازم
كل واحد على قدو نورمالمو يفرحو بيك كي تهنيهم ولا حب يفرحو بباطا gاطو جبيتها

 

[soussou bel]

الف مبروك على كامل الي نجحو


ربي يعاونك

حتى حنا رانا كيفك
و نزيد العراس الي راهم عدنا .الله يبارك

 

[بنت الـ25]

هادا علاه سماطت المناسبات
يولي العبد كي يسمح بالفرح يتغم يولي يخمم فالمصاريف ويكلف نفسو اكبر من طاقتها
الله غالب دركا لي ما يباركش ويدي حاجة متولة يضحكو عليه ويجبدوه فالمجامع يتوانسو بيه
احنا الحمدلله خخخ العام هدا الناس لي تجي تباركنا على خويا كي يدي الباك ان شاء الله
وهو الوحيد فالعايلة لي فوت الباك،، وعندي بنت عمتي فوتت البيام
احنا فالعادة كي نباركو نمدو دراهم أكثر شي خاطر الكادوات ديفوا تدي حاجة ما يحتاجهاش
دونك احنا نمدو دراهم وهو يدير بيهم وش يحب
و 1000 دج مبلغ معقول
وكي تكون فيها حفلة وزهوة ايييي فور خلاص
عفسة مارقة برك دارتها جارتنا كي دات الباك في آخر الحفلة ولات تفتح في ليكادو وتقول هادو تعمن
كاينة وحدة دابتها باطة صفيييرة تحط فيها اكسسوارات كي فتحتها لقاتها فارغة صفار وجها والطفلة تبهدلت
والله ديفوا تقولي هادو غير بدع
صح العبد يفرح على روحو وولادو مي ما ينساش بلي الناس كامل مش كيف كيف من الناحية المادية وما يلوم ما يضحك على حتى واحد
امالا نقلك يا امونة ما تكلفي راجلك اكبر من وسعو وخيطي ولا اشري قندورة وحدة مش شرط كل طريق وقندورتها وتاويلها
ومدي الشي لي كتب ربي وما تضغطيش على روحك
وربي يفرحنا كامل بنجاحات ولادنا
​