طريقة لصنع الخطفة

[hadda0425]

السلام عليكم يا حراير المطبخ
اليوم جات في بالي باه ندير الخطفة لشهر رمضان الكريم لكن ديما ما يصلحوليش
حبيت تعطوني طريقة مضمونة وناجحة 100 بـ 100
وش من دقيق
العجين يابس ولا طري
وش من نوع المعدن لي طيبوه فيه
تقبلو تحياتي
​

 

[SAMIRA25]

راني نستنا معاك يا حدة عاونونا يا وجوه الخير؟؟؟؟​

 

[hadda0425]

راني نستنا معاك يا حدة عاونونا يا وجوه الخير؟؟؟؟​

انا نسناو سميرة
زعم عولت على رغود باه تحطها موضوع سع راهي مكانش هنا
ان شاءالله تدخل وتفيدنا :d
​

 

[منتهى الجنة]

كيلة فرينة بكيلة ماء وشويية ملح وخلطي مليح غير بلافوي

البانسو من الاحسن مايكونش نتاع بلاستيك لخاطر مايرفدش العجين مليح
المقلة تكون أول حاجة ماتلصقش تيفال أو أي نوع مليييح وتكون عريضة باه الحبات يجو كبار

النار تكون قليلة باه ينشفو بالعقل وماييبسوش غطسي البانسو في العجين أضغطي عليه مليح ومشيه بسرعة في المقلة وعاودي حتى تتكون عندك دائرة الخطفة
غير تشوفيهم نشفو نحي وحطي في طبسي وبلا ماتغطيهم وحدهم يطراو
جربت مرة زدتلهم مغرفة زيت جاوني مقرمشين بزاااف الى تحبيهم هكداك جربي
هدي هي طريقتي ان شاء الله على الأقل ديتي فكرة وزيدي ديري اليوتيب تشوفي الطريقة بالتفصيل صورة أحسن
ويزيدو يفيدوك البنات الى مجربينو

رمضان كريم لك ولكل أعضاء اللمة الكرام

 

[ندى الورود]

والله يا حدة عمري ما جربت تاع الدار بصح
عندي صديقة ليا قالتلي ديري كيلة سميد رقيق + كيلة فرينة مع شوي ملح وتبليها بالماء و
تعجنيها مليح مليح وتسقيها بالما حتى تولي مرخوفة أكثر من عجينة الخبز تكون شوي جارية بصح ماشي سائلة
اللي تقدري تهزيها بيدك ومن بعد تحطي مقلاة على النار وتدهنيها بشوي زيت وتهزي شوي من العجينة وتمرريها بيدك
على كامل المقلاة يعني تمشي دائريا من جوانب المقلاة حتى توصلي لوسط المقلاة وتخليها تطيب بلاما تحرقيها وتكملي كامل الكمية من الأحسن لكان عندك طاجين النحاس يكون أفضل هذا واش نقدر نفيدك بيه انا ولا مرة جربتو دايما نشروه
​

 

[samah06]

اختي ندى انا نديرها بالفرينة برك لكن اللي تكون فيها العلك
انا عادة نشري تاع 5كغ للمخبوزات مثل الهمبورغر والا الشريك الخ ىانا نستعمل هاذيك معلباليش اذا تتباع بالكيلو وهي فرينة بن حمادي
المهم ديري الفرينة وزيديلها بشويا الماء مذوبا الملح فيه مليح واخفقي بالفوييهكاك حتى تتحصلي على عجينة مثل لغرايف خليها ترتاح تقريبا ساعة
تكوني حطيتي ماعون ماء يغلي
ومن فةق المقلى تاع ليكراب وتكون عندش شيتة من الاحسن تاع السلكون با ما تتحرقش ادهني الكرابور تاعك بشوية زيت ابان برك وهزي لعجينة بعد مرور ساعة عليها بالشيتة تكوني غسلتيها من الزيت وادهني المقلى بالعجين والمهم المهم تكون يدك خفيفة ازربي ادهنيها بشكل دائري وهي على الماء اللى يغلي وكي اطيب تلقايها تقلعت وحدها على الحواف
سليها بايدك بعناية حطيها على طورشونة وادهنيها بالزيت باستخدام كف يدك
هكاك تتحصلي على خطفة في البيت لكني افضلها المشرية احسن والا الطريقة اللي ذكرتوها
لانو طريقتي جاتني تشرب شويا الزيت كي تقلي البوراك
ورانا ننتاضرو كاش افادة مليحة
اما عن طريقتك يا ندى الورود كانت امي اديرها وكامل في دارنا نعرفوها
لكن تحرق اليد الاولى والثانية تجيك خشينة
راني نستنا معاكم

 

[ندى الورود]

اختي ندى انا نديرها بالفرينة برك لكن اللي تكون فيها العلك
انا عادة نشري تاع 5كغ للمخبوزات مثل الهمبورغر والا الشريك الخ ىانا نستعمل هاذيك معلباليش اذا تتباع بالكيلو وهي فرينة بن حمادي
المهم ديري الفرينة وزيديلها بشويا الماء مذوبا الملح فيه مليح واخفقي بالفوييهكاك حتى تتحصلي على عجينة مثل لغرايف خليها ترتاح تقريبا ساعة
تكوني حطيتي ماعون ماء يغلي
ومن فةق المقلى تاع ليكراب وتكون عندش شيتة من الاحسن تاع السلكون با ما تتحرقش ادهني الكرابور تاعك بشوية زيت ابان برك وهزي لعجينة بعد مرور ساعة عليها بالشيتة تكوني غسلتيها من الزيت وادهني المقلى بالعجين والمهم المهم تكون يدك خفيفة ازربي ادهنيها بشكل دائري وهي على الماء اللى يغلي وكي اطيب تلقايها تقلعت وحدها على الحواف
سليها بايدك بعناية حطيها على طورشونة وادهنيها بالزيت باستخدام كف يدك
هكاك تتحصلي على خطفة في البيت لكني افضلها المشرية احسن والا الطريقة اللي ذكرتوها
لانو طريقتي جاتني تشرب شويا الزيت كي تقلي البوراك
ورانا ننتاضرو كاش افادة مليحة
اما عن طريقتك يا ندى الورود كانت امي اديرها وكامل في دارنا نعرفوها
لكن تحرق اليد الاولى والثانية تجيك خشينة
راني نستنا معاكم

سماح الطريقة اللي ذكرتها وراتهالي صديقة ليا وقالتلي بلي تجي رقيقة وهايلة برك اللي يعرف كيفاش يمشي يدو بلاما ينحرق يعني مع الممارسة تتعود اليد وانا الحق عمري ما جربتها خفت ينحرقو يديا وثاني هاذي هي الطريقة الأصلية تاع الخطفة المنزلية وشفت مرة في القناة الجزائرية في حصة الطبخ تاع السيدة بوحامد صورو وحدة كيفاش تخدم الديول نظن في البليدة وتخدمها كيماالطريقة تاع صاحبتي فوق طاجين النحاس و دارتها رقيقة ووهايلة الطريقة الي ذكرتيها تاع البانسو شفتها في النت
بزاف داروها وتبان ساهلة وناجحة

 

[samah06]

ندوش حبيبتي الطريقة تاع الطاجين انا ثاني نديرها لكن هي طريقة وقالتلك عليها الاخت من قبل وانا حبيت نفيدك بطريقة ثانية وانت شوفي الاسهل وين ما ينحرقوش يديك تاع الطاجين مش صعيبة لكن تكوني تتحملي شويا الحرارة
يا اختي واش نقولك انا في الحقيقة نفضل المشريا تاع الدار ما تعجبنيش ولو تعدليها ما تجيش اكل زي بعضاها وتجي تشرب الزيت
راني درت كلتا الطريقتين ونتقنهم لكن افضل المشريا
وانت ورايك