اليوم جيتكم بوصفة للشعر جربتهآ هآد الايآمآت
سمعت مرة خبيرة تجميل فـ tv قآلت مليحة ومفيدة لتنعيم ولمعآن الشعر
وعآودت قريتهآ فالنت كي كنت نقرعج على الغآشي :p
وبآش مانكذبش عليكم من أولهآ ونقولكم هآيل
انآ بعد مآغسلت شعري مابانليش فرق بزآف
خآصة اني درت بعدهآ السيشوآر
وجآ شعري مسبسب كالعآدة:$:p
بصح مآمآ و خوتآتي قآلولي كآين فرق خآصة من جهة اللمعآن
لآعلينــآ الي حبت تجربه هآمليك مكونآت الوصفة بالصور
ـ طبعآ الصور من عندي وحصري للمة:d ـ
1 / نحتــآج 3 قشور موزآت ( هديكـ خبيرة التجميل سمعتهآ قالت
من الافضل يكونو طآيبين شويآ يعني بدى يميل لونهم للأسود
أنآ غفلت عليهم يومين قريب وولآو فحم
)2 / نحتآجوو تآني قآرورة زيت جوز الهند
( أنآ شريت فالاول هدي الي فالصورة لتحت بـ 150دج من مول الاعشآب
قآلي آو مليح وشكرلي فيه بصح كي رحت للدآر لقيته مش زيت
كي شغل كوكوني مآحبش يهبطلي بالسيف مآلgـري ذوبته كي لقيته هكدكـ مااستعملتوش )
عآودت شريت هذآ من الكوسمتيكـ بـ 100 دج :d
3 / نحتآجوو تآني زيت الزيتون ( والمقدآر يكون قد زيت جوز الهند
أنآ حطيتو في نفس القآرورة بآش كًيلت :d )
*** نحطوهم فالروبو ونخلطوهم مليح مليح حتى يوليو كي شغل كريم
( ثآلمون كنت ملهوفة نحطهآ نسيت مآصورتش كفآه ولآت :p )
** ديري الكريم في شعركـ واحرصي كفآه مآتخليش حتى شعرة بآش يدخل كآمل شعركـ
لمدة سآعتين ، وامبعد اغسلي شعركـ عآدي بالشآمبو ولآpـخي شآمبو
( انآ غسلته شحآل من مرة حتى حسيت لرآسي وجعني :-r )
وكي تنشفيه تشوفي النتيجة الايجآبية شي قآلتهآ الخبيرة هديكـ :d
بصح مآتتوقعوش نتيجة مبهرة بويسكـ الي حآبة تشوف نتيجة مليحة
تعآوده شحآل من مرة ( للأمآنة هكذآ قآلت:-r )
غومــآغكـ :
الي شعرهآ قصير تقدر تقسم الخليط هدآكـ على مرتين
مش شرطـ تديره كآمل ، يعني عينكـ ميزآنكــ
اممم نورمآلموون قلت كلش ومآنسيت وآلو
أي استفسآر أنآ فالخدمـة
آخر تعديل بواسطة المشرف:
