ما راني قادرة ندير والو

[SomeOneLikeYou]

السلام عليكم ورجمة الله تعالى وبركاته

خاوتي انا ليوم قررت نكتبلكم خاطر شحال من مرة نكتب و نبطل بصح راني نشوف في :regards01::regards01::regards01::regards01::regards01::regards01::regards01:

 

[sahiko hamza]

وعليكم السلام ورحمة الله

بالنسبة للعمر لي راكي فيه
انا نقلك خمي في مستقبلك احسن ولي هو قرايتك
اما المكتوب او يجيبو ربي .
​

 

[***سوسن الجزائرية]

مازالك صغيرة علاش هاد التقلاق وممكن ربي بعدو عليك
أشغلي بالأذكار و قراءة القرآن و الدعاء ولي فيها خير يجيبهالك ربي ...لازم تعرفي بلي رزقك مكاش لي يديهولك مالا خلي قلبك مطمئن ..​

 

[سمسم السمسومة]

ممكن واش صرا معاك أثر فيك و حاجة عادية و لفتتني عبارة-معرفتش علاه دار هكا-هنا نقولوا كاين أسئلة اجاباتها واضحة حنا غير نزيدوا نكبروا فيها و كلي ربي و خليك كل واحد تجي دالتوا...ذركا نرجعوا للخدمة ايه صح شويا الواحد يتخرج و ميلقاش كيفا يدير صح بلادنا صعيبة باه تكملي ولا تديري واش تحبي مي اذا صحتلك الخدمة في أي مجال اخر حتى اذا بالكونترا بروفيتي متخليهاش من يديك مكانش لي لقاها واجدة من النهار اللول....الفراغ العاطفي لي راكي فيه هو لراه مِثر فيك بزاف حاولي تشغلي روحك بحاجات تحبيهم و ربي يرزقك بوليد الحلال لي يعوضك....​

 

[بنت الـ25]

اهلا اختي
صح تغيض انو يخليك بدون سبب ويخليك تبني وتريبي
بصح الحياة لازم تستمر وعمرها ما تحبس عند واحد
ربي يقول "ومن يتق الله يجعل له مخرجا ويرزقه من حيث لا يحتسب"
ويقول تعالى : "وعسى أن تكرهو شيئا وهو خير لكم"
انتي باينة انسانة حساسة بصح في حالتك هادي يلزمك تخمي بالعقل والمنطق
22 سنة حياة بأكملها قدامك ، قارية ، تقري فالجامعة، بصحتك، والديك فوق راسك
والله يا ختي ما خصك والو ،، هدا غير الشيطان الله لا تربحو يوسوس فيك
متزيديش تخمي فهداك المخلوق واللي باعك صولديه
وربي يكتبلك الأحسن سواء في حياتك الدراسية ولا العملية ولا حياتك الشخصية
:regards01:
​

 

[قَطٌر❀ الٌنَـدَى]

علاه يا اختى تقلقي في روحك ودايرة حالة على واحد ميستاهلكش ومتنسايش بلي الزواج مكتوب والدنيا عمرها ماحبست عند انسان انساي للي فات وخمي في للي جاى مزالكى صغيرة توكلى علي ربي وجاى النهار للي يجيك مكتوبك وتكملى معاه حياتك وانتى هانية ان شاء الله
​

 

[فتاة حساسة]

يا ختي ..والله صدقيني واحد ماياسهل باه ديري كيمن هاك من غير والديك ...اديها من عندي ...اللي فات مات ..الماضي فات والقادم كتب..ااو حنا برك نحبو نقلقو رواحنا ...وهاد التقلاق مارياح يفيد بوال من غير يزيد علينا ..زعما كي راكي ديري كيمن هاك في روحك راح تغيري واش صرى ..السيد بالاك او عايش حياتو لاباس عليه ونتي تقلقي في روحك ..بفف تلافو يجيب خلافو ..ختي ..انساي وادعي ربي وربي شافلك فيها خير كي بعدك عليه ...دوك ختوتي تكمليا لمستقلبل نتاعك ويجيك مكتوبك اللي خير عليه ..وتنساي وديري الدار وجيبي وليدات صغار كيمنتي باهيين..خلي كلشي للزمن وهوا قادر باه يداوي الجراح..ربي معاك اختي
​

 

[SomeOneLikeYou]

sahiko hamza


***سوسن الجزائرية


سمسم السمسومة

Mïŋěţţe


قَطٌر❀ الٌنَـدَى



فتاة حساسة

شكرا على النصائح تاعكم ربي يبارك فيكم و إن شاء الله راني نحاول ندير كيما قلتولي و إن شاء الله رمضان هاذا يعدي خير من لي قبلو يا رب و ادعيولي معاكم الله يحفظكم ويعطيكم ما تتمناو

آمي

 

[فتاة حساسة]

ايه اختي ..رانا معاك وندعيولك ربي يفرج عليك .
​

 

[اسيل17]

اختي ما تقلقيش روحك وربي يفرج علييك​

 

[ام قصي]

:d:d:dضحكتينى او اتفكرت صغري كنت في عمرك عند ولد او اتبانلي روحي اكبيرة
لكن الان اندمت كي مكملتش اقرايتي وهذاك النقص او العقدة وليت انفورسي في اولادي شغلي الشاغل لقرايا انتاعهم او امتبعتهوم والحمد لله على واش كتبلي ربي
يا بنتي راكي قد اختي ما زالت الدنيا قدامك وهذا لبطل اعليك ممكن ايكون ربي حبك او ما ايليقش بيك هناك ربي منو
ذرك اتولي ان شاء الله قدي او تشبعي على روحك ضحك اضحك يا g م:dيل ​

 

[مسلمة فخورة بجلبابها]

يا حبيبة قلبي متحيريش رووحك كلشي بالمكتوب وهوا مكانش من مكتوبة وربي راح يعطيك واحد غير منو والدنيا جامي توقف على واحد يروح واحد ويحيو آآآلاف وماشي سبة مقنعة باه تخلي قرليتك وتلتاي تخمي فيه علابالي الولف صعيب والحب صعيب والاصعب من ذلك خيبة الامل مي نورمال الدنيا ماشية بيه ولا بلا بيه وياك لااكي عايشة لازم تعيشي حياتك ومتخميش في حتى حاجة ثانية غير قرايتك وةمكان حتى حاجة جات سلامات الدنيا مكتوووب ربي يهنيك حنوونة ويفرجلك همك ويوفقك ويرزقك بن لحلال لي يسترك ويكملك :up:

 

[paradisange]

من ناحية القراية ختي كامل تصرالنا هكا سواءا بسبب مشاكل عاطفية ولا بدون سبب تفكري بلي هو مراكيش في بالو لو هكا كان رجعلك الحياة عمرها ماتنتهي عند شخص

 

[علي الفاضلي]

كان الله في عونك ، العني الشيطان ، ورقي نفسك بنفسك ، اقراي القرآن ، واذكري ربك ...

وشوفي للنعم الكثيرة اللي راكي فيها .....

وشوفي غيرك : الجهل - اليتم - الفقر - العنوسه ....الخ وراهم صابرين.

وانتي دايره في روحك حاله على جال واحد ما عينوش فيك ............ وراح ...


بالعافيه ..

صحا صيامك.

 

[nada:bouira]

شوفي ختي ما يهمكش هاذ السيد كون راه شاف فيه ربي خير راه كتولك بصح دورك ما يهمك غير قرايتك و حياتك المهنية و ربي ما عليه غير الخير ما تقلقيش روحك و خلي ربي في قلبك.

 

[NADA ELWARD]

يا أختي و علاش عليك هذ الحالة هذ ماهيش نهاية العالم مازالك صغيرة وكيماجاش السيد هذا يخطب مايعنيش بلي ضيعتي فرصة في حياتك الخاصة ما جاش هو يجي غيرو و حاجة كيما هذه بالمكتوب تلهاي بقرايتك لصح تخافي عليها تضيعلك و مكتوبك راهو جاي جاي إن شاء الله
ربي يوفقك و ينورلك دربك أختي

 

[bibaa]

أختي الفاضلة حبيتي تكملي الدراسات العليا أليس كذلك.؟
أظن أنه من يصل الى هذا المستوى هو انسان قوي معناها لا تضعفي أمام شخص وعدك بالزواج
هناك مقولة تقال: ان لم تكن ذئبا فقد أكلتك الذئاب
ما معنى هذا ؟ معناه أن تتعلمي أن الدنيا هذه فيها أشرار و لا أمان بعد هذا لا تتعرفي على غيره و أين المشكل ان تزوجت بطريقة تقليدية؟؟
لا تكون لك أفكار عصرية فالرجوع الى العقيدة الاسلامية أحسن

 

[magique]

سلام حبيبتي صح رمضانك وصح صيامك،،
الشي لي راكي فيه بزاف بنات صرالهم ،،
انت ماعليك غير تتيقني بلي ربي مايديرلكش حاجة
غير الا شاف فيها خير،وادا بعد عليك هاذ الانسان
معناها خيير ليك،
كوني واثقة في ربي سبحانو،
استغفري واحمديه على لطفو ورحمتو بيك،
وربي راح يعوضك خير منو
"الطيبون للطيبات" وربي يعطيك وش تستحقي،،،
كملي قرايتك واتهلاي فيها غدوا،،
يوقفو قدام بابك بدل الواحد عشرة
وممكن هدا واحد منهم،،
ماتحسبيش بلي حياتك توقف عندو،
مزالك صغيرة الله يبارك وربي يرزقك ان شاء الله..
​

 

[SomeOneLikeYou]

ربي يبارك فيك

 

[Houda Chaouienne DZ]

السلام عليكم ختي
مارسي كي قاسمتي معانا همومك
بون .. أول حاجة نقولهالك .. راكي مازلتي صغيرة و هذا وين جيتي للدنيا
راكي غير كثر مني بعام و أنا الزواج هاذا مزال ماحطيتوش في بالي أصلا
كيفاه نتي تبالك راحت عليك .. ما نيش قاعدة نستصغر فيك ختي مي هاذا واش راني نشوف
و اون + ما تقوليش حياتي الشخصية تدمرت على جال واحد قالك نجي نخطبك مبعد بطل
يروح يخرف على روحو .. ذرك تشوفي كيفاه يخرجها ربي فيه و يندم ع النهار لي كذب عليك
و نتي مزااااااال تشوفي الفرص لي رايح يجيولك .. خير منو 1000 مرة و تولي تقولي الحمد لله كي خلاني
و نتي ما دمرت حياتك ما والو ... يخي ما خطبك ما فسخ ... ما زوجتيه ما طلقتي .. علاه تقلقي روحك
كاين لي زوجو و طلقو و ما دمرتش حياتهم .. نجحو فالحياة الدراسية و العملية و مام كاين لي عاودو الزواج خير من الزواج الأول
احمدي ربي يا ختي و شوفي للناس لي مرضى لي ما عندهمش والديهم لي ما قراوش لي ...........
ذرك تفهمي بلي راكي في نعمة .. و الحمد لله
طولت عليك بزاف .. سلامي
​