تكونترولي les fautes تاوعو

[magique]

السلام عليكم ورحمة من الله تعالى وبركاته
باسم الله الرحمان الرحيم

قبل لا نبداوا صلوا على النبي الكريم
عليه الصلاة والسلام

وش راكم؟؟ ان شاء الله لباس مع نتايج الشهادات وكامل فرحانين؟؟
الحمد لله...
.
.
.
اليوم جيتكم بواحد الموضوع ، تالمون عندي بزاف ما هدرتش لهنايا، حبيت اليوم نحكي ونتناقشو في هاد السوجي
جاتني الفكرة **هديك اللمبة فوق راسي** هههههه كي كنت نتفرج في واحد الشريط الوثائقي على المشاهير وحياتهم، وحكاوا اكيد على الاشاعات والفضائح تاوعهم**ربي يسترنا** هدي هيا الصحافة....

حكاوا على وحدة من مشاهير هوليوود لي لقاولها صور تبين بلي تتناول المشروبات الكحولية مع وليدها لي نورمالمون السن تاعو مايسمحلوش،،
كي سقساوها كيفاش تعلمي وليدك انو يدير هكدا قاتلهم::::
.
.
.
.
.
.
بلي في العمر تاع ولدها علابالها بلي راح يروح لحوايج نورمالمون مايروحلهمش،وراح يتمرد ويغلط بما انو في سن المراهقة، وهي مادامها متاكدة بلي راح يدير هاذ الشي،فهي تفضل يديرو قدام عينيها احسن مايديرو من ورا ظهرها حتى لو كان هداك الشي غالط...

على حساب مافهمت بلي هي تحب تكونترولي الاخطاء تاع ولدها،،بحكم انو هي راح يكون علابالها اــgــزاكتومون وش حجم الغلطة،، وادا شافاتو راح يتمادى كثر هي تحبسو ، بينما كي ماتكونش تشوف هو وش راو يغلط، دونك مش راح تعرف لاي درجة راه متمادي وبالتالي حجم الاخطاء راح يكبر...... الدعوة مخلطة شوي..

قولولي دك نتوما وش رايكم ؟؟،وهل من المنطقي هاد الشي؟؟ وهل تقدرو نتوما تعملو الشي نفسو ولالالا؟؟


نستنى في اراءكم الثرية ونتمنى نكون ماطولتش عليكم :-r:-r:-r
السلام عليكم ورحمة الله تعالى وبركاته
▬▬▬▬▬▬▬▬▬▬▬▬▬▬▬▬▬▬▬▬▬▬▬▬

​

 

[حفيد هواري بومدين]

وافقت على الموضوع

 

[ماكانش]

يعطيك الصحة مجيك على موضوعك لمليح
تبالي فكرة مليحة مادامها متاكدة بلي ولدها راح يدير الشيء هذا
ومانيش قادر واحد يقلي نورمالمو تعلمو لحوايج لملاح وماتخليهش يدير لحوايج هاذو
ياولدي ولا يابنتي هاذا ولد وحدة فنانة وساكن فهوليود
راهم ساكنين في تيندوف ومدايرين كوارث


​

 

[soussou bel]

هي تبانلها عادي

كل واحد على حساب البيئة الي ساكن فيها

حنا نتبعو الدين تاعنا و هذا هو المهم

 

[بنت الـ25]

موضوع مليح بزاف ماجيك
دركا كون نحكيو على عقلية الغرب كاين بزاف امور هوما يبانولهم نورمال بالرغم من انو عندهم حدود ملازمش يتجاوزوها
بينما عندنا احنا ،، الطفل ملي يبدا حياتو من الصغر ووالديه ينعتولو الصح من الخطأ
(منحكيش على الام ولا الاب لي يضربو ولادهم كي يغلطو وما يفهموهمش علاه ضربوهم)
نحكي على الوالدين لي يفهمو ولادهم علاه هاد الحاجة غالطة وينهاوهم ساعات بالترغيب وساعات بالترهيب
هوما (الغرب) عقليتهم مختلفة مي احنا عندنا دستور اللي هو القرآن وكي يوصل الطفل لمرحلة المراهقة راه انسان بالغ مسؤول على تصرفاتو
تعلم في كنف الأسرة الصح من الخطأ وتعلم في المدرسة مقدار لا بأس به
دونك ما عندو حتى عذر انو يروح للأمور اللي ماشي مليحة الgrave ومبعد يقولو راني مراهق
ونفرضوها راح احنا في بلادنا وفي ديننا ما عندناش ومنقدروش نتتقبلو او على الاقل من منظوري الشخصي منقبلش نشوف ولدي يغلط ومنقولوش راك غالط
منقبلش نبقى نكونطرولي تصرفاتو كمتفرج من بعيد وندعي ربي تمر المرحلة سلامات وما يتماداش للأسوء
نآمن بفكرة اللي ما يجربش ما يتعلمش مي مش في كلش
كومام ربي عطانا عقل نخمو بيه وقالنا " وقد كان في قصصهم عبرة لأولي الألباب"
يطول النقاش في الموضوع ،، لذا لي عودة يا الماجيك بوقرة هههههههه
​

 

[nina usma]

يرح باباك


هادو ناس في ميزك

ادي ناس و عباد

لتم نعلق

مشكورة​

 

[magique]

وافقت على الموضوع

الف شكر تحاياي الخالصة
​

يعطيك الصحة مجيك على موضوعك لمليح
تبالي فكرة مليحة مادامها متاكدة بلي ولدها راح يدير الشيء هذا
ومانيش قادر واحد يقلي نورمالمو تعلمو لحوايج لملاح وماتخليهش يدير لحوايج هاذو
ياولدي ولا يابنتي هاذا ولد وحدة فنانة وساكن فهوليود
راهم ساكنين في تيندوف ومدايرين كوارث


​

راهم في كل بلاصة ، مابقاش فرق بين هنا ولهيه عذرهم انهم ماهمش مسلمين وهذاك مجتمعهم وحنا وش عذرنا؟؟
يعطيك الصحة على المرور وعلى وجهة نظرك اطيب الاماني ليك...
​

هي تبانلها عادي

كل واحد على حساب البيئة الي ساكن فيها

حنا نتبعو الدين تاعنا و هذا هو المهم

اكيد الدين تاعنا هو الصح مانقولوش لالا لكن المشكل انو الوازع الديني غايب عندنا بالرغم من اننا نحاولو نتبعو الدين قدر المستطاع الا اننا نوقعو في اخطاء **يالحجمها**

شكرا على مرورك وعلى رايك الصريح دمت بكل الود
​

 

[magique]

موضوع مليح بزاف ماجيك
دركا كون نحكيو على عقلية الغرب كاين بزاف امور هوما يبانولهم نورمال بالرغم من انو عندهم حدود ملازمش يتجاوزوها
بينما عندنا احنا ،، الطفل ملي يبدا حياتو من الصغر ووالديه ينعتولو الصح من الخطأ
(منحكيش على الام ولا الاب لي يضربو ولادهم كي يغلطو وما يفهموهمش علاه ضربوهم)
نحكي على الوالدين لي يفهمو ولادهم علاه هاد الحاجة غالطة وينهاوهم ساعات بالترغيب وساعات بالترهيب
هوما (الغرب) عقليتهم مختلفة مي احنا عندنا دستور اللي هو القرآن وكي يوصل الطفل لمرحلة المراهقة راه انسان بالغ مسؤول على تصرفاتو
تعلم في كنف الأسرة الصح من الخطأ وتعلم في المدرسة مقدار لا بأس به
دونك ما عندو حتى عذر انو يروح للأمور اللي ماشي مليحة الgrave ومبعد يقولو راني مراهق
ونفرضوها راح احنا في بلادنا وفي ديننا ما عندناش ومنقدروش نتتقبلو او على الاقل من منظوري الشخصي منقبلش نشوف ولدي يغلط ومنقولوش راك غالط
منقبلش نبقى نكونطرولي تصرفاتو كمتفرج من بعيد وندعي ربي تمر المرحلة سلامات وما يتماداش للأسوء
نآمن بفكرة اللي ما يجربش ما يتعلمش مي مش في كلش
كومام ربي عطانا عقل نخمو بيه وقالنا " وقد كان في قصصهم عبرة لأولي الألباب"
يطول النقاش في الموضوع ،، لذا لي عودة يا الماجيك بوقرة هههههههه
​

ومرورك الاروع حبيبتي
راني في الانتظار
وش نفهمو هو انو الشي لي قامت بيه هاذي الام هو نوع من الاستسلام ربما لانها متاكدة بلي راح يغلط ولدها،((نظرا لكونها من المشاهير فممكن الخطا في انها مكانش عندها الوقت انها تعلم ولدها الصح والخطا بشكل كافي يخليه يعرف صلاحو)) لذلك خيرت هاذ الطريقة...
وانتي تقولي بلي ماتقدريش تشوفي ولدك يغلط وتسكتي ولا تتفرجي من بعيد، هذا هو الفرق انك نتي ربما توقفي ضد الخطا بالضبط وماشي ضد التمادي في الخطا لكن بما انها ماتقدرش تحبس الخطا نظرا لفوات الاوان ربما، فهي تحول دون تفاقم الوضع تاع الخطا...نستنى في رايك
شكرا للمرور وتقبلي سلامي..
​

 

[magique]

يرح باباك


هادو ناس في ميزك

ادي ناس و عباد

لتم نعلق

مشكورة​

العفو شكرا للمرور
​

 

[عفيفة الحبوبة]

هادي باينة كان في قلبها تتعاطى دارت ولدها سبب و خلقت قصة
خلينا من دوك الناس الله يهديهم
مي حنا عندنا لا لازم الوالدين يعطوا الصورة الحسنة لانه الولد مهما يدير و في الاغلب يروح في طريقهم
الله يهدينا​

 

[magique]

هادي باينة كان في قلبها تتعاطى دارت ولدها سبب و خلقت قصة
خلينا من دوك الناس الله يهديهم
مي حنا عندنا لا لازم الوالدين يعطوا الصورة الحسنة لانه الولد مهما يدير و في الاغلب يروح في طريقهم
الله يهدينا​

ممكن كيما راكي تقولي وربي لي عالم وش كاين في خاطرها،اله يهديها ويهدينا تاني
يعطيك الصحة على مرورك
​

 

[souhila_95]

والله تجي تفهم تحير ...تخليه يدير حوايج ماشي ملاح قدامها ..بصح يا جماعة حنا علاه نلوموها صار حنا المسلمين كين شوفو منكر ماننهوش عليه ونستغربوها من الكفار ..

 

[nihade.off]

رح تعلق على الموضوع بغض النظر على الدين و انما رح نهدر على طريقة التربية
انا راني موافقة هاد المرأة في طريقة تربيتها على خاطر اي واحد يغلط و الاباء و الامهات نتاوعنا ربي يهديهم يتوقعو بلي كي يخوفو الطفل و يعيطو عليه رح يتراجع على الافعال اللي مش مليحة و هدا خطأ لانو تأثير الخوف محدود و التربية الصحيحة هي اللي يفهم فيها الابن الصح من الغلط و يبتعد وحدو على الخطا مش ميديروش لانو خايف من الاب و كي يبعد عليه باباه رح يوقع في الخطأ بشكل اكبر
باختصار طريقة التربية عندنا مبنية على اساس الخوف من الاب فقط
و منه هاد المرأة حاولت تفهم بنها و تقربو ليها و تفهم كيفاه يخمم باه تلقا الحل الامثل لتوجيهه
شكرا على الموضوع المتشعب
عييت و انا نكتب ههه
سلامي ​

 

[Mr.Tahar]

سلام الله عليكم
هذا الشيئ منطقي لديهم وليس لمنطقهم هذا
أي محل من الإعراب لدينا
نحن كمسلمين نعتاد بطفل في التربية الصحيحة
منذ الصغر على اسس اسلامية
شكرا جزيلا هذا الطرح
​

 

[magique]

رح تعلق على الموضوع بغض النظر على الدين و انما رح نهدر على طريقة التربية
انا راني موافقة هاد المرأة في طريقة تربيتها على خاطر اي واحد يغلط و الاباء و الامهات نتاوعنا ربي يهديهم يتوقعو بلي كي يخوفو الطفل و يعيطو عليه رح يتراجع على الافعال اللي مش مليحة و هدا خطأ لانو تأثير الخوف محدود و التربية الصحيحة هي اللي يفهم فيها الابن الصح من الغلط و يبتعد وحدو على الخطا مش ميديروش لانو خايف من الاب و كي يبعد عليه باباه رح يوقع في الخطأ بشكل اكبر
باختصار طريقة التربية عندنا مبنية على اساس الخوف من الاب فقط
و منه هاد المرأة حاولت تفهم بنها و تقربو ليها و تفهم كيفاه يخمم باه تلقا الحل الامثل لتوجيهه
شكرا على الموضوع المتشعب
عييت و انا نكتب ههه
سلامي ​

ماعليش اكتبي على جالي هههه صح كلامك هوما طريقة التربية تاعمهم زي وحنا السبل تاعنا في التربية تخلي الابناء ينفرو من اي توجيه يقدم ليهم
​

سلام الله عليكم
هذا الشيئ منطقي لديهم وليس لمنطقهم هذا
أي محل من الإعراب لدينا
نحن كمسلمين نعتاد بطفل في التربية الصحيحة
منذ الصغر على اسس اسلامية
شكرا جزيلا هذا الطرح
​

العفو منك مرورك شرف لي دمت بود
​

 

[**** بنت أبوها ***]

حقيقة لم اجد ما أقوله
لانك تتكلم عن اشخاص يختلفون عنا من ناحية الدين و الثقافة و العادات
​

 

[magique]

لاباس في ذلك على اي حال شكرا على المرور
​