الزواج.. شا زاد لك؛ شا زاد عليك و شا نقص لك

[@ سنابل @]

السلام عليكم ناس اللمة
في راسي سؤال دايمن يدور و بغيت نسقسيهولكم
الكل يبغي يكمل نص دينو
مي من بعد الزواج كاين الي تكثر عليه المسؤولية و يكره حياته من بزاف حوايج
و كاين الي يصيبو خير مما توقعو
انا بغيت نسقسيكم شا زادلكم الزواج و شا زاد عليكم و شا نقصلكم
شا هوما الحاجات الي كنتو تتوقعوها و ما صبتوهاش و العكس
..………
انا عن نفسي زاد لي بنوتي و الاستقرار النفسي
و في نفس الوقت زاد علي المسؤولية و التعب الجسدي

يا درا نتوما؟؟؟​

 

[حفيد هواري بومدين]

مازال مانيش متزوج اعفيني هههه
وافقت على الموضوع

 

[Ma$Ter]

عليكم السلام
مازال ما تزوجتش
نرجع نرد بعد الزواج :d
ربى يهنيك اختى
​

 

[أم أمين23]

اكيد اكثر اجة يزيدها علينا الزواج هي المسؤولية يعني الدار والراجل والاولاد وبالتالي زيادة التعب
ما نقص عليا والو ممكن تولي اكثر التزام من قبل وتنقص عليك العسة من الاهل هههه

 

[ماكانش]

أهلا بيك سنابل
والله مازلنا فلعزوبية نتكركرو ههههههه
ولكن طبعا حسب الزوجة والزوج والعقلية والمفاهة
اذا كانت مرتو غلبانة وتحكيلو على الفاتحة والزاورة وختو وتخلق المشاكل هنا كاريثة
واذا فاهمة وتعيش معاه برك يوفوتو التفاهات حياتو تجي حلوة ...
والعكس ولحديث قياس
​

 

[nina usma]

راني كي نتزوج نجي نحكييييييييييييييلكم

ميرسي​

 

[benabid sifeddin]

السلام عليكم ورحمة الله وبركاته
الزواج كثر هاذ الايام بقيت غير انا مازوجتش
ختي مالقري مانيش مزوج مي كيما قاعدين
يحكوا جماعة '' الخبرة '' الزواج مليح
مي الواحد باه يزوج ولا تزوج لازم ي/تطلع حساباتو / ها
مرسي على الموضوع
بارك الله فيك
تحياتي
​

 

[Nilüfer]

mazal ma zwejt hhhhhhhhhhhhh

je re

 

[رنيم الصمت]

انا لي كرهتها التباريك هادا جاب الياك اديلو ميتين هدا تزيج ايديلو معرف شحال هدي زادتلها طفلة اشريلها حاجة هادي تتوحم ديريلها العشا.. احنا مانشرو حاجه لينا ما نشوفو رواحنا نعسو لعباد وش يزيد عندهم ووش ينقص و رافدين خيشة تاع دراهم و نمشو و نفرقو فيهم :tongue02::tongue02: :d

 

[طائر الخير]

السلام عليكم

الزواج ، الزواج ، الزواج...... الزواج مليح قلتها على خاطر مازال ماتزوجتش ههههههههه

منبعد بالاك الهدرة تتبدل..... مي واش نقولك كل واحد وواش مكتبلو ربي

ميرسي اختي على الموضوع

سلام

:regards01:
​

 

[@ سنابل @]

قاع الي متزوجين ربي يهنيكم.... و الي مازالو.. ان شاء الله قريب تودعو العزوبية و تروحو لبيت الزوجية و تجيبو شي ولد ولا بنية يملاو عليكم الدار و الدنيا