- إنضم
- 7 ديسمبر 2012
- المشاركات
- 3,665
- نقاط التفاعل
- 4,668
- النقاط
- 191
وش احوالكم يا ناس اللمة لملاح ..يا ربي ديم صحاح ...
توحشناكم احبتنا في الله و جينا و ما جيناش فارغين جبنالكم معانا كادوات يا ربي يعجبوكم
و لكن استناو ...هاد الكادوات باه توجدوهم انتوم و ديرو واحد الافكار
و تلموا بزاف اجر ليوم ما ينفع فيه والو الا من اتى الله بقلب سليم
لذلك اخوتي ..عندنا ليكم دون اطالة بعض الافكار الي تخلينا
نبروفيتيو من رمضان لاقصى حد
و نعمرو هاديك الصحيفة تاع رقيب و نعطيو عطلة لعتيد ..يعني يا ريت ما نقومو غار بالزينة
الي تزين اعمالنا قدام ربي و ننالو الاجر المضاعف الي وعدنا بيه المولى عز و جل ....
نبداو على بركة الله بما اننا بدينا نستنشقو في رائحة رمضان
اول حاجة احبتي في الله اننا نظفو قلوبنا من كل حقد و حسد و بغض و نطلبو السماح من الناس الي ممكن آذيناهم ....
و مبعد نديرو برنامج تاع طاعة نوفقو فيه بين اعمالنا الدنوية و اعمال الطاعة
و يا ريت نخصصو مبالغ للصدقات و كاين ابواب كثيرة الصدقات فيها بسيطة و لكن ثوابها كبير
مثل سجادة صلاة ..او مصحف ..البسة مخصصة للصلاة و لا خمارات للصلاة
الرجال مثلا كي يروحو يصليو التراويح يا ريت ياخذوا معاهم قارورات ماء بارد فردية و لا كبيرة و معاها الكؤوس البلاستيكية ذات الاستعمال الفردي
و شوفو الاجر الي ممكن يجنيه كي يروي انسان عطش في بيت الله
ايضا الرجال يا ريت ياخدوا معاهم التمر كي يروحو يصليو المغرب لخاطر كاين ناس تروح للمغرب قبل ما تفطر
و ايضا شوفو الاجر افطار الصائم بحبة تمر
ايضا يا ريت احبتي في الله
اننا ما ننساوش الفقير ..كاين ناس تطيب زوج و ثلاث انواع ماكولات و كاين واحد الشربة و ما لحقهاش ....
يا ريت كل ما نطيبو حاجة نتفقدوا جيرانا خاصة الفقراء و لا الي عايلة كبيرة و باباهم ماش لاحق
ايضا كاين العساسة (الحارس )تاع المجمعات السكنية و لا المؤسسات ..يا ريت نحطوهم في الحسبان
اخوتي ما انقص مال مكن صدقة بالعكس ربي يزيد يبارك
هيا اذن نجنيو الثواب و نعمروا صحائفنا بلاك ربي يجازينا و يبلغنا ليلة القدر
رمضانكم كريم و كان الله لكم و لنا اكرم
