كيفاش ندير......صحبتي هي لي بيا

[نسمة البحر]

الســــــــــــــــــــلام عليكم .
هذي القصة عندها عامين .أنا نحب شخص لمدة طويلة هو يعرف بلي نحبو مي هو ما بدلنيش شعور. عندي صحبتي مقربة نحكيلها بعدة مدة قاتلي شوفي راني نعرف وحدة دير عفسة تخليه يحبك قتلها كيفاش قاتلي تكتب أسمك و اسم يماك و اسمو و اسم يماه في الورقة وثم تحرقها
و ديرها في الخفيف يولي كي مهبول عيك وانا جربتها انا قلتلها انت مهبولة هذا سحر قاتلي لالا سحر لوكان يديرو بالقران و الدم و غيرهم *الله يحفطنا ويسترنا* أنا قلتلها والله ماعلابالي أنا خاطيني قاتلي أنا نهدر معاها قلتلها دبري راسك
مهم أنا ماروحت وماهدرت مع هذي طفلة.بعد يمات عيطتلي قاتلي سيبون راهي دارتهالك مع علم هذي طفلة هي بعيد وين نسكن انا خدمة غير بالأسامي برك ماخدمتش بالحوايج نتاع هذا شخص كيما يقولو
المهم هذا الشخص كان مينداك يهدر معيا مي دوكا نو
راني خيفة بزاف علابالي عندي إثم و انا جامي دير هذوا صوالح و الحمد الله نصلي و طايعة ربي غير صحبتي طبعتني ماعلاباليش كيفاش تكلختلي وشيطان الله ينعلو وسوسلي +هي لدرات .عندي شهرين كيفتحتلها الموضوع علا خاطش ضمير يأنب فيا قاتلي خلني منو و بدلي الموضوع و راني مندمة بزاف و إستغفرت الله وعدت ربي هذي أولى وهذي الأخير مي مزلت خايفة وراني خايفة هذا شي يأثر عليا و على هذا شخص.. قولولي كيفاش ندير و زعمة يأثر علينا و ربي يقبل توبتي.. وهذا شي نوع من السحر و لالا........
أدعو لي ربي يعطيني واش راهو في بالي
تحـــــــــــــــياتي..

 

[sahiko hamza]

لا ول ولا قوة إلا بالله


ربي يغفرلك اختي

واش راح نقلك ماعنديش خبرة فهاد النوع من المواضيع


رمضان كريم
​

 

[عاشق اللمة الجزائرية]

استغفري الله

الاستغفار دواء لكل الذنوب

 

[غزلان الجزائرية]

التزمني بالصلاة وقوي ايمانك اختي والدنيا قضاء وقدر واللي مكتبهولك ربي رح تديه

 

[fidou]

والله انا تبانلي هاد الشي خرطي في خرطي .. ماتنسايش بلي ربي هو لي يكتب محبة فلان من فلان .. انتي المهم راكي ندمتي و تبتي و ان شاء الله ربي رح يتقبل توبتك .

 

[سمسم السمسومة]

ربي يهدينا يا رب
أستغفري ربي سبحانوا و مدام نيتك راك نادمة ربي يسهلك يا رب
و خليها على المكتوب أختي

 

[dhikra]

ربي يعطيك واش راو في بالك وربي يغفرلك هاذا ما نقدر نقولك ختي

 

[فتاة حساسة]

ربي يغفر لك اختي ..

 

[{مُدَلَّلَتُهُ}]

اختي اسمحيلي ماهيش حاجة الي تتكلخلك فيها ' الحلال بين و الحرام بين '

المحبة ربي الي يديرها بين القلوب ما فيها خفيف ما فيها ثقيل أصلا كي يبغيك من بعد ما انت تديريلو حاجة هاك واش من بنة ؟

توبي لمولاك و استغفري رانا في شهر رحمة و مغفرة ربي يغفرلك و يثبتك على الدين و ان شاء الله يقبل توبتك

سلام و صح صحورك
​

 

[علي الفاضلي]

يقول النبي الكريم صلى الله عليه وسلم :

التائب من الذنب كم لا ذنب له.

وهذا شهر التوبة والمعفرة .

استغفري الله كثيرا ........واغلقي اعليك هذا الموضوع نهائيا.

وربي يهدينا واياكم.

 

[**laila**]

اختي استغفري رب سبحانو

و باب التوبة مفتوووح بصح لازم تكوني نادمة على الشي هذا و ترجيعش تخممي فيه خلاص

و رب حنين كريم ختي ..ثقي بربي يعطيك وش تحبي و اكثر​

 

[yac94]

la 7wla wa la 9ouwata ila bi léh jatni 9issa ghariba ana wch n9oulék sali salt istikhara c mieux ou rabi ma yjib rir l khir nchlh

 

[الزهرة البنفسجية]

أنا نضن بلي هدا مهوش سحر استغفري الله
و اطلبي المغفرة الله غفور رحيم
أما بنسب للحب أنا فات عليا بزاف مي كتبلي ربي نزوج بواحد منعرفوش
و درك راني نموت عليه ربي يعطيك يالي في بالك يا رب

 

[paradisange]

اختي ربي يتقبل توبتك الله يبعد عليك الاثام هدي الكل ورايي صحبتك هدي نقصي متزيديش تحكي معاها بزاف وادعي ربي يغفرلك ويهديهاهي تاني

ادعي ربي يجعلهلك في المكتوب ادا كان انسان مليح

 

[zahira92]

الله يهدي ما خلق..والله ماعلابالي ادا كان سحر ولا والو هدا مي حوايج هاذي لواحد يبعدها كامل يلو كان يقولولك بخور برك..انت راك مندمة هذيك الفايدة استغفري وربي يتوب علينا وعليك
​

 

[م. ماهر بن حمزه]

هذا سحر
اسحريه بأسلوبك

 

[magique]

الله يعينك حنونة،، انا نعرف بلي كي يطلب واحد اسمك واسم يماك هو نوع من السحر والله اعلم،، استغفري ربي وادعيه وتوبي ليه وهاد الطفلة بعدي عليها
​

 

[**** بنت أبوها ***]

انتي صح غلطتي و الاهم انك عرفتي خطأو ما عاودتيهش
و ربي فاتح باب التوبة لعبادو في كل وقت
ربي يوفقك لما يحب و يرضى
​

 

[احلام الذكية]

عليك بالاستغفار
هادي كاااااااامل خزعبلات
خليك من هاد الطوايش اللي يدوك للتهلكة

 

[youyoumaya]

ربي يسامحك و يهديك