شوف خويا لعزيز جاء رمضان بلربعاء .... وجاء بعدو لخميس .......وجات الجمعه .......
خويا من الدوخه صرعني وليت ما نضويش وما نعرفش لايام ...
اي واحد النهار نوضت على العشرة ونص ، دائخ اي قريت شويا قوران ........... هكذاك حتى نسمع
في القوران من اجامع اللي نصلي فيه بمكبر الصوت ... ابقيت نقرا وانا في الدار.
قلت واش هاذ كاش ما واحد مات ........متعودين ديما كي يموت واحد يديرو القران قبل الصلاة ...
وكي بقات غير ربع ساعه على الوحده وانا مريح متكي .......جاني واحد الطفل وقالي واش ما تروحش اتصلي الجمعه
اه نضت كي البرق نجري ونطيح ياوخيذتي واش اليوم اجمعه ...
اخلاص راني تميت ....وقيل احكمني هذاك المرض الي يخلي الواحد ينسى بزاف .... وقيل يقلولو
الزهايمر راهم ايقولو حكم بتوفليقه .... وعلاهذاك عفى على المساجين و والغشاشاين متاع الباك
وراح يبني سبيطار في بوزريعه قبل ما يموت يداوي فيه ... راهم يقولوا راني خاطي ...هههخ
ربي يحفظني واياكم.
هيا نضت البست الكومبا متاع الصلاة ورحت ...نجري القيت لامام داير الدرس ...
وبعدها اكتبت مقلب للدائخين ...اللي مازالوا اللذكر دايخين فيه ...
هي حقيقه وواقعه صادقه.
صحا سحوركم
ومشكور على فتح المجال ....يا العاشق
