ديسير بارد ببسكويت الزبدة والدانيت رووووووعة

[nour inasse]

السلام عليكم ورحمة الله تعالى وبركاته
هذي أول مشاركة ليا في المنتدى عندي مدة و أنا مسجلة ونتبع فيكم من وراء الكواليس الله يبارك أطباقكم كلها تشهي ماشاء الله ربي يدومها ويخلي موائدكم ديما عامرة
حبيت نحط هذي الوصفة انشاء الله تعجبكم نبدا على بركة الله

نحتاج كريم شانتي طالعة الكمية اللي تحبي أنا استعملت كاس مع 120 غ بودرة الشانتي
وكريمة بالشوكولا (2 كيسان حليب (شوب كيما اللي في الصورة) + 2 مغارف بومبي مايزينة والسكر حسب الرغبة وملعقة كاكاو من النوع الجيد نحرك جيد ونضع الكل فوق النار حتى تعقد ننزعها ونضيف ملعقة زبدة ونخليها تبرد كيما تبرد زيديلها باطة دانيت بالشوكولا
ونخلطها مع الشانتي

عصير برتقال اي نوع وبسكويت الزبدة
الكريمة الأخرى هي كريمة موسلين قعدتلي كيما استعملتها في قاطو اسبانيول مالا زدتها وجات بنينة هي ماكانش في الوصفة يمكن الستغناء عنها
نبدا نحط طبقة قاطو وطبقة كريمة حتى ننتهي أنا نستعمل مول ساعات وساعات لالا كيما تحبو

كيما نكمل ندخلها الثلاجة ساعتين أو 3 ساعات نجبدها ونطليها بالشانتي ورشة كاكاو أو زيقزاق شوكولا



ملاحظة ; نقدرو نطلعو الشونتي ديريكت بالكريمة الشوكولا بعدما تبرد نزيديلها الدانيت وبودرة الشانتي ونطربها بالباتور
نديرها كيما نكون مزروبة تجي هايلة تاني ماصورتهاش ولكنها مجربة:19::19::19:
صح فطوركم​

 

[tatou y]

أممممممممممممممممممم والله يعطيك الصحة أختي

 

[•мϊѕŝ Šрέсǐάł•]

أهلا بكي اختي ,, نورتي
صرااحة انا ثاني نجي هنا غير نطل ونشبع عينيا هههههههههه
,, وديسير لي درتيه يشهييي صح صح ,,
يعطييك الصحة ,, وتقبليي مروري
وصح فطوورك =) ​

 

[nour inasse]

تعيشي اختي

 

[nada242008]

شكلو هااااااايل يعطيك الصحة ومرحبا بيك وباطباقك المميزة

 

[nour inasse]

شكلو هااااااايل يعطيك الصحة ومرحبا بيك وباطباقك المميزة

شكرااااااااااااا تعيشي أختي ندى والله أطباقك في القمة روعة بكل معنى الكلمة يسلمو هذوك لديات راني ديما نتبع في وصفاتك يا شاف
صح فطورك

 

[nada242008]

شكرااااااااااااا تعيشي أختي ندى والله أطباقك في القمة روعة بكل معنى الكلمة يسلمو هذوك لديات راني ديما نتبع في وصفاتك يا شاف
صح فطورك

العفو اختي .. كلك ذوق كيما يقولو وانت كذلك شرحك وافي وكافي والصورة النهائية متقونة :up:
نسعد بتواجد عضوات مثلك وان شاء الله نشوفو منك مشاركات اخرى ..خلينا نستفادو منك ههه من مارس وانت باخلتنا :d
--
ينقل لركن التحليات الحصرية والمجربة

 

[ibtesem]

اولا مرحبا بيك معنا
مشاء الله خرجتلك هايلة تسلم ايدك
صح فطورك اختي​

 

[jojo22]

Meeeeeeeeeeeee benine​

 

[مطبخ الأحلام]

السلام عليكم

غوسات شابة تشبه شويا للمهلبية

يطيك الصحة وغن شاء الله نجربها

شكرا لكي اختاه وياهلا وسهلا فيكي معنآ نورتي أنتي وموضوعك الجميل ^_^
​

 

[hadda0425]

هايلة يا نور ايناس يسلم ايدياتك
​

 

[nassima 87]

امممممم يعطيك الصحا او مرحبا بيك معانا
ننتظر المزيد من عندك :up:

 

[yac94]

Jw3tini ya

 

[Tite Fàtimà]

الله يبارك خرجلك هايل
تسلم ايدك
​

 

[وجع الظلم]

الله ابارك
اول مشاركة والعلامة كاملة
انا اكيد انجربو وندعي لك بالخير
والي تجرب لا تنسى دعوة الخير
صحا فطورك يا الفحلة نورتي الصفحة والله​

 

[SAMIRA25]

رد: ديسير بارد ببسكويت الزبدة والدانيت رووووووعة

شكلها يشهي يعطيك الصحة على الوصفة
بارك الله فيك اختي​

 

[ام خديجة1]

رد: ديسير بارد ببسكويت الزبدة والدانيت رووووووعة

بارك الله فيك اختي ديسير هايل ما شاء الله

 

[عصفورة مغربية]

رد: ديسير بارد ببسكويت الزبدة والدانيت رووووووعة

اولا مرحبا بيك معنا
ماشاء الله جاتك هايلة تسلم ايدك
بصحتكم​

 

[ÐϊF₣эŘєʼntَ]

رد: ديسير بارد ببسكويت الزبدة والدانيت رووووووعة

ohhoo hayel ya3it saha khti

 

[djamila bella]

ما شاء الله جات روعة تهبل
ان شاء الله نجربها و نردلك الخبر
بارك الله فيك