الدنيا راهي مليحة ولا انا مانيش مليح ؟

[برشلوني]

السلام عليكم ورحمة الله وبركاته

صح رمضانكم ...

اليوم حبيت نعرف واحد المشكلات من الحياة راهي دور في راسي مي معرفتش ! ​

الإشكال الاول​

مشكل الزواج في هذا الوقت ...

كاين عباد يقولولك باش تزوج يليق تكون تعرف المراة اللي راك حاب تديها يعني تكون حكيت معاها من قبل في الهاتف وعرفت العقلية تاعها !! يعنى علاقة قبل الزواج والكل يعرف انو الشرع وديننا الحنيف يمنع اي علاقة بين الرجل والمرأة ما لم يخطبها ! قالولي بلي المشاكل الزوجية الحالية بين الازواج تاع بكري هي انهم لم يكونو على معرفة ببعضهم البعض وبهذا تلقاهم في مشاكل دائمة لأنو ماعرفش العقلية تاع الزوجة قبل ما يديها . السؤال تاعي نحب نعرفو من اناس ممكن جربو

باش تتزوج يليق تكون درت علاقة من قبل مع المرأة ؟؟ ( وانا ضد هذا )
او تكون علاقة عادية يعنى بعد الخطوبة عاد تبدى تحكي معاها ؟
​

الاشكال الثاني​

كاين اللي متزوجين ولكن ...يحكو في الهاتف (الله يعفو ) سواء المرأة ولا الراجل

واش الظاهرة هذي هي نتاج عدم التوافق بين الزوجين ؟ او هي نتاج للمثل الذي يقول ( من شاب على شيء شب عليه ) او هذه بلية ؟

كاين شي نسا نعرفهم متزوجين ويحكو في الهاتف دون علم الزوج وكاين العكس ايضا !!


وخاصة انو هذه الظاهرة شفتها من ناس كبار يعني جيل الخمسينات والستينات !!!!!!!!



حبيت نفهم ... الدنيا راهي مليحة ولا انا اللي مارانيش مليح؟! ​

 

[sahiko hamza]

صح رمضانكم

والله يا خويا واش نقلك
الدين ينهي على العلاقات الغير شرعية
ولكن وقتنا الحالي عاد لازم هاد دير هك
واحنا لامنا نتبعو دينا

ربي يعطينا ببنت لحلال يارب ....

ينقل لقسم واش راك تهدر
​

 

[Jit Pâr Hâsârd]

الــي متربي من عند ربي خويا الزيـن
قبل الزواج ولا بعدو
مايدوم غير الصحّ الباب يجيب الخير والتاقة طيح لقدر ولقيمة
شكرا على الموضوع المتميز

​

 

[serinee]

صحا رمضانكم
صحا فطوركم
اخي الكريم دينا الاسلامي بين الحلال و بين ما هو حراام
وعلاش حنا نخمو بهدا المنطلق لكان وحدة متعرفهاش متقدرش تتزوج بيها انا بالعكس راني نشوف زواج بكري راهو ناجح أحسن من زواج الأن
العلاقات غير الشرعية كلها محرمة و لكن الاغلبية ولاو يخمو بهدا المنطلق
مشكور على الموضوع
​

 

[NADA ELWARD]

صح فطوركم
أنا نظن كون لتبعو الدين التاعنا من هذ الناحية أكيد الزواج راح يكون ناجح حتى و كون مايتعرفوش على بعضهم و الزواج تاع بكري هو الناجح ماشي كيما تاع هذ الوقت اليوم يتزوجو و غدوا يطلقو حتى و كون يعرفو بعضهم من قبل
ربي يصلح لحوال

 

[أم أمين23]

العلاقات ما قبل الزواج كاينة من بكري حتى ناس بكري كانو يعرفو بعض قبل الزواج في كثير من الحالات جارها وليد خالها وليد عمها يحكيو بالبريات من الطاقة من ورا السور يعني بأي طريقة بصح تاع بكري كان الي يحكي مع واحدة يديها ما فيهاش كلام قليل الي ما يدوش بعض هاد حسب واش سمعت من حكايات ناس بكري
اما ضرك تغيرت الامور واطور وولى التيليفون والانترنات وغيرو ودخلولنا بلازم وما لازم والي ما يعرفش قبل قادر ينخدع وما نعرف واش وهو اصلا الي ينخدع في الغالب هو الي يعرف لخاطر في غلب العلاقات هادي الكذب اكثر من الصح فالاولى نديرو بالدين وناخدوش الاثم وندو واحدة حتى لو ما عرفناهاش ونتعلافو لعد الخطبة والا حتى لعد الزواج ونكثشفو بعض يوم بعد يوم افضل من كدبة التعارف قبل واحنا متأكدين وعارفين انها مجرد علاقات في اغلبها نكتشف لو اخدنا الراجل والا المرا الي حكينا معاهم مبنية على كثير من الكذب وتكون صدمتنا اكبر
اما الخيانة فمشكل اخر للاسف يعتقد الكثيرون ان الكلام في الهاتف او النت عبارة عن تسلية لا نخسر فيها شيء متناسين ان هناك رب يراقبنا وهناك سيئات تسجل لنا

 

[**** بنت أبوها ***]

بالعكس اللي يهدروا بالتليفونات و لا بطريقة اخرى قبل الخطوبة
هذو هوما الاشخاص المعرضين اكثر للطلاق و المشاكل بصفة عامة
و اذا كان الاساس صحيح ووفق الشريعة ماشكيتش هذا البنيان راح يطيح
اما بالنسبة للمشكل الثاني كاين بزاف ناس نشوفهم هكا و نظن في رأيي
انو لو كان الزوج أو الزوجة راضي بالطرف الآخر و موفرلو الشروط
اللي لازمة ماشكيتش راح يوصل لذاك الطريق
تقبل مروري
​

 

[zagane]

السلام عليكم

كل شيء مليح غير البشر لي مشي ملاح