ختيتو عندك هرمون البرولاكتين طالع وراكي قلتيها بنفسك هرمون الحليب اللي فالحق مايكون طالع غير بعد الولادة وعليها يوجعك صدرك لأنو مكان عمل الهرمون الانتفاخ ممكن يعود لافراز أو تحجر الحليب.. كي تبعتي عند الطبيـب ماقدرش يعرف السبب لازم يتعالج السبب باش يولي الهرمون للطبيعي والا لازمك تاخدي الدوا باش تهبطيه نعرف صديقة ليا نفس المشكل ومسكينة راهي غير مع الدواء درك باش يثبط افراز الهرمون ماكاش حل آخر دون معرفة السبب وننصحك خيتو ماتقوليش كرهت الدواء قولي الحمد لله اللي جا كاين وخلاص وماتحبسيهش باش ماتخليش آثار هاذ الارتفاع تزيد عليك
( ماراكيش تشربي موانع الحمل.. وتأكدي بلي ماعندكش مشكل تاع goitre على خاطر يقدر يكون ليهم علاقة وحتى الطبيب نورمالمو يكون شافلك اذا عندك مشكل مع الغدة المسؤولة عن افراز هاذ الهرمون )
ربي يششافيــك خيتو وماتقلقيش خصك غير تتقلقي ابتلاء ويجوز ان شاء الله وفي ميزان حسناتك .... دوااك ماتحبسيـــهش أوكي
