ما و مرتي و انا.....

[foued1986]

السلام عليكم و رحمة الله تعالى و بركاته

ان شاء الله في سبتمبر غادي نتزوج الحمد لله ربي كرمني بمرا شابة و عاقلة و بنت فاميلية و ان شاء الله غادي نسكن مع والديا لاخاترش ما نبغيش نخلي سورتو ما وحدها و كاين غي انا و اختي الصغيرة فالدار donc impossible ندير داري وحدي و حتى مرتي و الحمد لله راهي dacord معيا .
بصح المشكلة راهي في ما لي راهي باغيتني نسكن وحدي و انا فهمت مقصودها علاش, باش نصيبوا راحتنا اكثر و حنا وحدنا في دارنا بصح ما عنديش même pas الدراهم باش نكري appartement برك .

غي قولولي كي نعاملها في هذه النقطة ؟؟؟

راكو تعرفوا الام مين تشوف العروسة راهي تغير شوية
و انا ما عزيزة عليا بزاااااااااف و ما نبغيش مين نشوفها زعفانة على واحد منا

راني نقارع فالاقتراحات تاعكم
و شكرا لكم
​

 

[حفيد هواري بومدين]

اعرف كيقماه تقنعها الام موحال ترضى الشر لولدها وتبعتو يكري وهو ماعندوش
اعرف تتعامل برك تربح المرا والأم
وافقت على الموضوع

 

[FATIMA 19]

السلام عليكم
كي نرجعو للصحـــ أمكـــــ عندها الحق في هدرتها بويسكـ الطفلة تتزوج بركـــ تتبدل العقلية (ماشيـ كامل).
ممكن أمكـ راهي خايفة من المشاكل وحابة أنكم تعيشو متهنيين واحد مايوصل للآخر وتقعدو
وممكن أمكـــ تالمون سمعت من الناس أنو كاين دي pروبلام بين العجوز و عروسها أمالا هي حبتـ تتفاداهم
أنت أهدر مع امكــ غير بالشوي وقنعها بلي ماعندكش الدراهم و الأم بطبيعتها حنونة و ماتشتيش ولادها يعانيو
اوعدها بلي ماراحش تنساها كي تتزوج وتبقى انت انت قبل و بعد الزواج و .....................
وان شاء الله تقبلــــ
و مبروك عليكــــــ
​

 

[أم أمين23]

انا اولا نقولك مبروك وربي يكملك على خير ويرزقك بالبنين والبنات ويصلحهملك
ثانيا نحي الوالدة تاعك على تفكيرها وكاين بزاف امهات يحبو الهنا لولادهم وما يحبوش يعيشوهم في المشاكل والحس تاع امي دارت ومرطي عملت
نرجع ليك مادامك ماشي قادر تكري صارح الوالدة قلها على الاقل الفترة الاولى حتى تلم لاوحك وممكن مستقبلا تقدر تكري او حتى تشري ما تدري المهم المفروض الوالدة تعرف ضروفك واكيد راح تقدرها وان شاء الله ما يكونش مشاكل مستقبلية بين الوالدة والكنة انت برك ما اديرش في بالك وحاول توفق بينهم وتخليهم يتفاهمو من الاول وما تحسس اي واحدة فيهم بلي هي افضل من ااخرى ولو انو الوالدة طبعا مكانتها غير لكن بين الكنة والوالدة لازم تبين لكل واحدة المكانة تاعها والي واحدة ماراح تدي مكان لخرى وربي يوفقك ان شاء الله

 

[foued1986]

اعرف كيقماه تقنعها الام موحال ترضى الشر لولدها وتبعتو يكري وهو ماعندوش
اعرف تتعامل برك تربح المرا والأم
وافقت على الموضوع

أكيد أمي تبغيلي غي الخير
شكرا على الموافقة
وصحا فطورك

 

[foued1986]

السلام عليكم
كي نرجعو للصحـــ أمكـــــ عندها الحق في هدرتها بويسكـ الطفلة تتزوج بركـــ تتبدل العقلية (ماشيـ كامل).
ممكن أمكـ راهي خايفة من المشاكل وحابة أنكم تعيشو متهنيين واحد مايوصل للآخر وتقعدو
وممكن أمكـــ تالمون سمعت من الناس أنو كاين دي pروبلام بين العجوز و عروسها أمالا هي حبتـ تتفاداهم
أنت أهدر مع امكــ غير بالشوي وقنعها بلي ماعندكش الدراهم و الأم بطبيعتها حنونة و ماتشتيش ولادها يعانيو
اوعدها بلي ماراحش تنساها كي تتزوج وتبقى انت انت قبل و بعد الزواج و .....................
وان شاء الله تقبلــــ
و مبروك عليكــــــ
​

وانا تاني عطيتها الحق فلي قالتهولي
دروك كلش راه bien والحمد لله حتى مرتي هي لي قاتلي تسكن مع امك خير.
مع اني الولد الوحيـــــــــــــد في البيت ما نطيقش نروح و نخليها و الدار كبيرة ما شاء الله و راهي تعيا من الشغل و القديان تع الدار و malgré tous sa راهي باغيتني نسكن وحدي ههه
واه صح راهي خايفة شوية و قاتلي حتى انا نحس روحي libre و هي تاني
يا ربي أجبر بخاطري في هذه المسألة
شكرا لك على التدخل
و صحا فطورك

 

[foued1986]

انا اولا نقولك مبروك وربي يكملك على خير ويرزقك بالبنين والبنات ويصلحهملك
ثانيا نحي الوالدة تاعك على تفكيرها وكاين بزاف امهات يحبو الهنا لولادهم وما يحبوش يعيشوهم في المشاكل والحس تاع امي دارت ومرطي عملت
نرجع ليك مادامك ماشي قادر تكري صارح الوالدة قلها على الاقل الفترة الاولى حتى تلم لاوحك وممكن مستقبلا تقدر تكري او حتى تشري ما تدري المهم المفروض الوالدة تعرف ضروفك واكيد راح تقدرها وان شاء الله ما يكونش مشاكل مستقبلية بين الوالدة والكنة انت برك ما اديرش في بالك وحاول توفق بينهم وتخليهم يتفاهمو من الاول وما تحسس اي واحدة فيهم بلي هي افضل من ااخرى ولو انو الوالدة طبعا مكانتها غير لكن بين الكنة والوالدة لازم تبين لكل واحدة المكانة تاعها والي واحدة ماراح تدي مكان لخرى وربي يوفقك ان شاء الله

راني مام يكون عندي الدراهم و قادر باش نكري ولا نشري مارانيش باغي نخليها parceque انا ولد واحد كبير هنا فالدار و راني خايف نخرج و نندم
أما بين مرتي و ما لا الحمد لله متفاهمين ما شاء الله مكانش مشكل ربي يدومها خير ان شاء الله
شكرا على التدخل
و صحا فطورك

 

[زهور96]

ان شاء الف مبروكالزواج
ومشكلة امك وش نقولك ربي يهديها

 

[كافيري]

السلام عليكم.
خويا انا راني ثاني رح نتزوج بعد لعيد مبروك علينا في زوج ربي يصلحلك ان شاء الله ويرزقك الذرية الصالحة ان شاء الله
انا ثاني راجلي كيفك يحب امو ياسر ومكانش لي يكره امو كان رح يسكن معاها كي يتزوج بصح هي محبتش مع انها راضية بيا وباختيارو بصح قاتلو اسكن وحدك خير وانا كنت راضية بلمعيشة معاها لخطراش تربيت على لمة لعايلة بصح كي عادت هيا حابة نورمال وهي تحب هاذا بنها اكثر من لخرين مع انها عندها 3.
راك عارف الام تحب راحت بنها وهي راها تخمم للقدام وبصراحة هكا خيرلك كي جات منها ومجاتش منك تعود تتقلق منك وراها عارفة لعرسان تاوع ضركة يحبو يعيشو كيما يبغو شوف مدام نحب لهنا لروحي نحبو لحبابي وهيا من حبها ليك ومعزتك عندها تحب تتهنى عليك.ربي يدوم لمحبة بيناتكم ومبروك عليك مسبقا.تقبل مروري لبسيط

 

[foued1986]

ان شاء الف مبروكالزواج
ومشكلة امك وش نقولك ربي يهديها

البركة فيك أختي
ربي يهدينا حنا اختي الكريمة اما هي راهي عارفة شاراهي دير لكن فوق طاقتي ما نستحملش نكون بعيد على ما نبغيها بزاف بزاف لهذا اردت حل منكم كيف اتعامل معها في هذه النقطة
و شكرا لك

 

[foued1986]

السلام عليكم.
خويا انا راني ثاني رح نتزوج بعد لعيد مبروك علينا في زوج ربي يصلحلك ان شاء الله ويرزقك الذرية الصالحة ان شاء الله
انا ثاني راجلي كيفك يحب امو ياسر ومكانش لي يكره امو كان رح يسكن معاها كي يتزوج بصح هي محبتش مع انها راضية بيا وباختيارو بصح قاتلو اسكن وحدك خير وانا كنت راضية بلمعيشة معاها لخطراش تربيت على لمة لعايلة بصح كي عادت هيا حابة نورمال وهي تحب هاذا بنها اكثر من لخرين مع انها عندها 3.
راك عارف الام تحب راحت بنها وهي راها تخمم للقدام وبصراحة هكا خيرلك كي جات منها ومجاتش منك تعود تتقلق منك وراها عارفة لعرسان تاوع ضركة يحبو يعيشو كيما يبغو شوف مدام نحب لهنا لروحي نحبو لحبابي وهيا من حبها ليك ومعزتك عندها تحب تتهنى عليك.ربي يدوم لمحبة بيناتكم ومبروك عليك مسبقا.تقبل مروري لبسيط

الف الف مبروك
ان شاء الله الا السعادة ان شاء الله لينا و للجميع ان شاء الله
شكرا على تدخلك البسيط للموضوع
دمتي وفية

 

[همس الوُرود]

السلام عليكم ورحمة الله وبركاته

أمك عندها حق بيسك ماش حابة يصراو مشاكل عائلية كون ماتتفاهمش هي والمرأة

عجبني رأي أمك هنا

من جيهة تاني كي قابلة المرأة بأنها تبقى فالدار هادي حاجة مليحة


تبانلي بلي في 2 عندهم آراء صائبة

مي المشكل الي قلت عليه أنت

كيفاش تقنع أمك

أنا تبانلي تروح أنت والمرأة عند أمك وتقنعوها ربما فالبداية ماتحبش مي كون تكون المرأة شاطرة

وتدير واش حابة أمك أمك مارايحة تلقى حتى مشكل

وماعرف

أنا تبانلي أفضل شيء تديرو صلي صلاة استخارة ويلا تبقى فالدار ولا تبدل

و ربي هو الوحيد الي يشوفلك الصواب يا أخي

وربي يكون فالعون ان شاء الله ويسهل عليك حياتك

طبعا يبقى رأيي مجرد رأي وزيد شوف واش يقولولك الاخوة الكرام فهاد الأمر​

 

[**** بنت أبوها ***]

بالبركة عليك خويا ربي يكملك ان شاء الله و يرزقك الذرية الصالحة
انا صغيرة في السن صح و مانعرفش للمواضيع هاذو
مي راح ندعيلك ربي يفرجها عليك
تحياتي
​

 

[foued1986]

السلام عليكم ورحمة الله وبركاته
و عليكم السلام و رحمة الله تعالى و بركاته

أمك عندها حق بيسك ماش حابة يصراو مشاكل عائلية كون ماتتفاهمش هي والمرأة
لكن لماذا ننظر الجانب السلبي من الموضوع فتفائلوا خيرا تجدوه

عجبني رأي أمك هنا
انا شوية شوية

من جيهة تاني كي قابلة المرأة بأنها تبقى فالدار هادي حاجة مليحة
الحمد لله


تبانلي بلي في 2 عندهم آراء صائبة
أكيــــــــــــــــــــــــــــــــــــــــــــــــــد

مي المشكل الي قلت عليه أنت
كيفاش تقنع أمك
هذا هو السؤال؟؟؟؟

أنا تبانلي تروح أنت والمرأة عند أمك وتقنعوها ربما فالبداية ماتحبش مي كون تكون المرأة شاطرة
وتدير واش حابة أمك أمك مارايحة تلقى حتى مشكل
إن شاء الله و انا تاني راهي تبانلي هاكا راهي خايفة درك بصح مين جي و تشوفها ناشطة بالاك على ربي تبدل رأيها

وماعرف


أنا تبانلي أفضل شيء تديرو صلي صلاة استخارة ويلا تبقى فالدار ولا تبدل
و ربي هو الوحيد الي يشوفلك الصواب يا أخي
شكرا على التنبيه اختي الكريمة عندك الحق

وربي يكون فالعون ان شاء الله ويسهل عليك حياتك
آآآميـــــــــــــــــــــــــــــــــــــــــــن يا رب العالمين

طبعا يبقى رأيي مجرد رأي وزيد شوف واش يقولولك الاخوة الكرام فهاد الأمر
شكرا لك جزيلا على هذا التدخل الجميل

دمتي متميزة و صحا فطورك
​

 

[foued1986]

بالبركة عليك خويا ربي يكملك ان شاء الله و يرزقك الذرية الصالحة
انا صغيرة في السن صح و مانعرفش للمواضيع هاذو
مي راح ندعيلك ربي يفرجها عليك
تحياتي
​

الله يسلمك أختي الكريمة مرا عليك ان شاء الله:d
​

 

[loca]

ما تتزوجش هههه
و هاديك هي عروستك تكبر شويا هههه
اودي نورمال من راك تقول مرتك بنت فاملية غادي تساعف ماماك و تعرفها غيرة و فايتة
رد بالك غي يتحابو على راسك ههه
نضحك برك الله يسهالك و مكاش مشكل في هادي غادي يتفاهمو
​

 

[foued1986]

ما تتزوجش هههه
و هاديك هي عروستك تكبر شويا هههه
اودي نورمال من راك تقول مرتك بنت فاملية غادي تساعف ماماك و تعرفها غيرة و فايتة
رد بالك غي يتحابو على راسك ههه
نضحك برك الله يسهالك و مكاش مشكل في هادي غادي يتفاهمو
​

هههه ان شاء الله ما يكون غي الخير
شكرا على تدخلك الطريف
دمتي مميزة

 

[amira94]

وعليكم السلام ورحمة الله وبركاته

أولا ربي يكملك خويا وربي يهنيك ان شاء الله

ثانيا بزاااف الامهات الي عادو يخمموا هكذا من اول الاسباب تقلك باه نبعد عليا المشاكل

بزاااف الامهات الي تقلك انا كي نزوج ابني يسكن وحدوا باه انا نبقى عزيزة ومرت بني تبقى عزيزة

مي خويا انت شوف الوقت الي تكون امك ماشي مقلقة فيه أحكي معاها وقلها ماشي حاب نخليك وحدك

وقلها بلي ظروفي ذرك ماتسمحليش باه نكري وزيد خمم مليح خويا بالاك راي أمك هو الصواب

قال الله تعالى: وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا

​

وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ {البقرة:216}



في الاخير ربي يقدم الي فيه الخير

وبالتوفيق أخي
​

​

 

[foued1986]

وعليكم السلام ورحمة الله وبركاته

أولا ربي يكملك خويا وربي يهنيك ان شاء الله

ثانيا بزاااف الامهات الي عادو يخمموا هكذا من اول الاسباب تقلك باه نبعد عليا المشاكل

بزاااف الامهات الي تقلك انا كي نزوج ابني يسكن وحدوا باه انا نبقى عزيزة ومرت بني تبقى عزيزة

مي خويا انت شوف الوقت الي تكون امك ماشي مقلقة فيه أحكي معاها وقلها ماشي حاب نخليك وحدك

وقلها بلي ظروفي ذرك ماتسمحليش باه نكري وزيد خمم مليح خويا بالاك راي أمك هو الصواب

قال الله تعالى: وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا

​

وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ {البقرة:216}



في الاخير ربي يقدم الي فيه الخير

وبالتوفيق أخي
​

​

شا نقولك اختي الكريمة
بارك الله فيك و راني بين فترة و فترة نقولها مع اختيار الوقت بالطبع هههه
شكرا لك جزيلا على هذا التدخل اللطيف
دمتي

 

[منايا الجنة]

مبروك عليك و ربي يهنيك
يا خويا لوكان كاين مسكن قريب مسكن امك تقدر تكريه ولا تشريه على كل حال ربي يفرج عليك