صْبـيعَات الكــنَافة مــن مطـبخـي وبطريقة Zehor

[MĺŹǾ žĕĥÔŖ]

السلام عليكم ورحمة الله وبركاته

واش راكم مع رمضان؟ إن شاء الله ربي يتقبل منا طاعاتنا وعباداتنا

وصفـــــة اليــــوم

صبيعات الكنافة وصفة توالم رمضان بزاف

في الوصفة نقسم عملنا لاربع خطوات:

تحضير الكنافة
عقدة اللوز
الكريمة للتزيين
القطر

اذن نتبع الخطوات:

نحتاج لكنافة كاين الي يقلها (القطايف)
سمن او(زبدة)

نجيب لكنافة ديالي
نحاول باش نفتحها ونفكها من بعضاها غير بلعقل باش ما تتفتتش

ندوب سمن او زبدة الي موجود انا نفضل السمن

نفرغ السمن على الكنافة غير بلعقل باش نشوف قداش تحتاج
ونحاول ما نكتروش غير باش تسهل علينا الخدمة واللف بارك
ونحاول باش ديما نحافظ عليها طويلة

وفي هاد الوقت نحضر العقدة
تقدري تديري وش تحبي مي يلزم تكون عقدة الي تتحمل الطياب باش ما تيبسش
تقدري تديري مكسرات صحيحة يعني حبات لوز لو بندق
ممكن تستعملي القشطة

انا استعملت
لوز مطحون خشين
مغرف كبيرة بارك سكر
مغرف صغيرة ماء زهر مش بزاف
يلزم ما تكوونش عجينة

ممبعد نتبع الخطوات

عملت عدة اشكال

كاين الي حطيت فيهم الحشوة وكاين الي خليتهم فارغين (للكريمة)
من الأحسن فالاعشاش هادوك تطيبيهم بلا حشوة كيما يطيبو باش ديريها باش ما تنشفتش الحشوة

نسقيهم بالسمن من فوق وندخلهم الفور

من الاحسن ما تخليهم بزاف فالفور يكون على درجة عالية غير يتحمرو خرجيهم
========
الكريمة:
كوب أو أقل حليب بارد مليح
100غ كرام شانتي
3مغارف كبار سكر قلاصي

بالنسبة للقطر

ديما نعبرو 2 كيلات سكر بكيلة ماء
=====
وطريقة التزيين كيما تحبي

الاعشاش حشيتهم بالكريمة جاو فوووووووووووووور ذوق رائع

نتمتى تكون عجبتكم وصفة اليوم
إلى الملتقى ان شاء الله عزوحل

سلامي لكن
ادعولي حبيباتي

​

 

[oumniati]

ya3tik saha ya zehor, jatek hayla, chakl w akiiiiid benna
doumti moutamayiza hanouna

 

[~lola.dz~]

صبآح ربي رحتي حطتينآ الكنآفة يآمصيبة علآش علآش

ههههه يعطيكـ الصحة زهور مآم انآ نديرهآ هآك رآكي فكرتيني فيهآ بلآكـ نديرهآ ليوم :-r
مآرسي حببتي تعيشي تسلم ايديكي​

 

[AnGeL*dZ]

جاوك فور لقطايف
حنا نديروهم بطريقة مختلفة مي طريقتـك مليحة وتصلـح لرمضآن نحليـو بيها
صحيتي
​

 

[وجع الظلم]

الله يرزقك الجنة يا رب
فعلا ولا اروع من هذا
جمعة مباركة للجميع​

 

[serinee]

وااااااااااو كم انتي رائعة حبيبتي و حلوياتكي اروع
يسلم اديكي
و ربي يناولك واش راهو في بالك
​

 

[nada242008]

جاتك هاااااااااااااايلة يعطيك الصحة زهور

 

[Djazaire-El-Ghalia]

choukrane laki zhour raw3a

 

[أمــ وليــد الجزائرية]

ربي يبارك يعطيك الصحة

و مكانش كما دعوة سيدتي وجع الضلم

ربي يرزقك الجنة يارب
​

 

[ibtesem]

مشاء الله زاهو جاتك اكثر من روعة تسلم الايادي
ربي يحفطك​

 

[magique]

اللــــــه يبارك عليك ياميزو راكي فحلة،،
خرجولك الحبات هايلين سوا سوا
قد بعضاهم وطيابهم هايل،،،
والله غير راكي فحلة خلااااااص
اني غرت منك :$:$:$:$​

 

[MĺŹǾ žĕĥÔŖ]

ya3tik saha ya zehor, jatek hayla, chakl w akiiiiid benna
doumti moutamayiza hanouna

alah ysalmak oumniaTi
hada man dou9ak zina

nawrTi lmawdoù3
​

 

[MĺŹǾ žĕĥÔŖ]

صبآح ربي رحتي حطتينآ الكنآفة يآمصيبة علآش علآش

ههههه يعطيكـ الصحة زهور مآم انآ نديرهآ هآك رآكي فكرتيني فيهآ بلآكـ نديرهآ ليوم :-r
مآرسي حببتي تعيشي تسلم ايديكي​

هههههههههههههههه جبتها ليك ياخي نتيا تحبيها :d:d

الله يسلمك حنونتي

نورتي الموضوع
​

 

[MĺŹǾ žĕĥÔŖ]

الله يرزقك الجنة يا رب
فعلا ولا اروع من هذا
جمعة مباركة للجميع​

اللهم آآآآآآآآآآآآآآآآآآآمين أجمعين إن شاء الله

ربي يحفظك ويسترك حبيبتي الغالية

انتي الروعة

والله نورتي الموضوع بتواجد العطر

شكرا ليك ادعيلي لاني محتاجة دعواتكم بزااااااف
​

 

[MĺŹǾ žĕĥÔŖ]

اللــــــه يبارك عليك ياميزو راكي فحلة،،
خرجولك الحبات هايلين سوا سوا
قد بعضاهم وطيابهم هايل،،،
والله غير راكي فحلة خلااااااص
اني غرت منك :$:$:$:$​

يبارك فيك حبيبتي

الله يسلمك وربي ويخليك يا الباهية

ههههههه :$:$

جربي تديريهم ورح تشوفي انك فحلة اكتر مني ونولي انا نغير منك :up:

نورتي يا لحبيبة
​

 

[MĺŹǾ žĕĥÔŖ]

جاوك فور لقطايف
حنا نديروهم بطريقة مختلفة مي طريقتـك مليحة وتصلـح لرمضآن نحليـو بيها
صحيتي
​

شكرا ليك حبيبتي نورتي الموضوع يا غالية:d
​

 

[مطبخ الأحلام]

السلام عليكم ورحمة الله تعالى وبركاته

بانتلي ساهلة للخدمة يعطيك الصحة خرجتلك فور

ربي يبارك ويزيد

الله ينصرك يابنتي :d ويسجيك وينجيك ويبعد البلاء عليك قولي امين

شكرا لمشاركتنا الوصفة وكيما قلت راح نجربها ونرجعلك لخبر :$

سلامي للوالدة ^_^
​

 

[MĺŹǾ žĕĥÔŖ]

ربي يبارك يعطيك الصحة

و مكانش كما دعوة سيدتي وجع الضلم

ربي يرزقك الجنة يارب
​

ويبارك فيك يا لحنينة

ربي يخليكم ويكتر من دعواتكم

اللهم آآآآمين بصحبتكم يا الغاليين

نورتي الموضوع ميلينا لحنينا:d
​

 

[magique]

يبارك فيك حبيبتي

الله يسلمك وربي ويخليك يا الباهية

ههههههه :$:$

جربي تديريهم ورح تشوفي انك فحلة اكتر مني ونولي انا نغير منك :up:

نورتي يا لحبيبة
​

لالا حبيبتي نتي هيا الصح
ايا ماغسي وان ساء الله نجربوها
صح فطورك
​

 

[مطبخ الأحلام]

وين راهي فلة المزفوطة الي طارت من العش ارواحي عبر الرسايل نوريك :d
​