الحلقَة الـدوزيآم من كآميرآ مخفية ( شدينآكـ ) مع " AnGeL*dZ " ‏

[la_safa]

ان شآء الله تكونو بخير ،، ربي يتقبل صيآمكم

كمآ أعلنآ من قبل عن :

كآميرآ مخفية '' شدينآكـ ~ مع مجموعـة عآلم المرأة

اليوم الحلقة الدوزيـآم من كآميرآ مخفية

الي بعنوآن : تحتآجي طبيب نفسي :p

مع العضوة : AnGeL*dZ

كنت سآآآهرة حتى قآتلي شريكتي ميوسة نديرو مقآلب بالغآشي ،،
أيآ ضربت طلة على الأعضآء لقيت غير كوثر لي سآآآهرة و الحق مآهآنتش
عليآ نتمسخر بيهآ
لآخآطر عويييييقلة و حلوة ..
ضربت طلة على موآضيعهآ و هنآ بدآت الحكآية :

مآلآ بديت عآآآدي :

+

جبتلك القطط علآبآلي تحبيهم

السلآم عليكم كوثر ، صحآ فطوركـ ..
ان شآء الله تكوني بخير ،، !!
وش رآكي دآيرة فيهآ مع رمضآن ،، !!

مسكيييينة غآلبهآ رمضآن

صحآ فطورك صفآء وأخيرا ردييت الرسائل
رانا بخير الحمد لله
رمضان هادو ليمات رهو غالبني ياسر
وانتي واشـك

أهنآآآ بديت نخمم منين ندخللهآ مآلآ لقيت موضوع
نفجرهآ بيه ،، جآتهآ صفآء أخرى

انآ الحمد لله ، مع رمضآن سآفآ نحمدو ربي
بصح كوثر لقيت موضوع من موآضيعك و تعجبت فعلآ

انتيا لازملك طبيب نفساني

مآفهمتش علآه من حبة تديرو قبة !

الطفلة مشآت معآيآ و بدآتهآ بضحكة و المشكلة نآآآدمة ثآني

هههههههههههه ،هداك لموضوع لعيه بزافات ،وقتها كنت مقلقة خلآه خآطر عندي مشـكل هو صغيور مي عاد يحرجني قدآم النآس لخةف من القـطط وتفلسيف تاع نآس يقلقني ثآني فضفضت وهديك اول مرة وآخر مرة ومانرعف كيفاه حتى درتو وندمتلو

هنآآآ بديت نلعبلهآ بأعصآبهآ هيهيهيهي

ايه حتى أنآ حرت كيفآه كوثر زعمآ عقلهآ رزين تدير موضوع على جآل لقطط و هدرة النآس مآتدخلش للرآس :down: ..
يعني مستعرفة بلي كآن تفكيرك تآفه هآذآك الوقت !
قوليلي برك في وآه كنتي تخممي كي كنتي تكتبي فيه :s

و مآآآزآآآآلت كوثر تقآوم بضحكتهآ

،،
و حآبة نسهرو كيف كيف

هههههههههههههههههههههه ،يا صفآء غير رآكي أنتيك ياختيتو خلي نشيخة يا بلحكايات لعبد ماقدرش يرقــــــد
نمشيلـك في الخـط ،مآم وأنا نكتب فيـه حسيت بللي حاجة تافـهة مي كنت صغيرة في هداك لوقت كتبتو برك تختنقت عبرت ومانزيــــــــــــــــــــــدش مآم يصرا وش يصرا
هاه وش ثآني ^^

أهنآ بدلت الموضوع على الغش و حبيت نغلطهآ و نشككهآ في روحهآ

هاه وش ثآني ^^
حآبة نبدل الموضوع يعني بآه مآنزيدش نفكرك بلي كآن تفكيرك تآفه !
دآكور رآنآ نقصرو بصح الصرآحة نقولهآ كنت نعرفك من ردودك تبآنيلي مآ شآء الله
مي كي شفت موآضيعك بنتيلي شويآ سيرتو نهآر الموضوع تآع الغش
يعني صح وحدة حلمهآ تولي طبيبة تسيبورتي الغش جآتك نورمآل نتيآآآآ !

اييييه يآ كوثر عندك حق مآلقيت مآ نضربلك بالموضوع لول بدلتوو
هآذي جبتيهآ

تآلـمو ماقدرتيليش في هداك لموضوع بدليتها للغش ،زعمة باش تتغششني وعبالك بللي ميش رايحة نزعف
مانسيبورتيش الغش مي مانيش ملآك كومآم راني عبـد ونغلـط ،وماقلتش اللي غشو فلباك راهـم فور مي ماناش في المدينة الفاضلة في بلادنا عندنا مشكل في التوعيـة والشباب تالمو شافو لميزية يلقا مستقبلو يضيـع بسبت أخـطآء متسيبين يغش مع أنو كان قادر يخرج وينسـحب ويطالب بحقو
اما انو تعاقب مضلـوم ما غشش ودنبو انو كان في لامام صآل لثما أنا نطقت
واش ثاني ياصيدليتنا راني نتبع فيك برك ههههههههههه

أهنآ بديت نثقل عليهآ ،،
سينون كآنت تفوت سهرة بالضحك

يعني مآفهمتش يا كوثر حنا نتنآقشو ولا نضحكو !
مش قصدي نغششك قصدي نفهمك برك مازلتي صغيرة
و لوكان تبقاي هكا بعقليتك رايحة تمرضي و تحتاجي طبيب نفسي ..
انا هدرتلك على الغش و نتي ذركا تهدريلي على لي تظلمو !
وشبيك تخلطي !
مي نتيا تعاطفتي معاهم و نظن لي يتعاظف معاهم معناه كون
تجيه فرصة يغش صح ولآلآ ! و هكا راح نشك في نتائجك !

و أخيرآآآ بدآت علآمآت الغضب و أكدو على الجملة لخرة
أحمممم حسيت روحي فرمسيآنة و صآيي

هههه

خلاص دركا ندورها جديين ،أنا شرحتلـك واش كتبت في هداك الموضوع ،أنا ضد الغش مي أني عبـدة وبزاف حوايج كنت نجهلهم أنو كي تمد حتى لو كلمة مثلا شرح تعتبر غش
نتائجي والحمد لله في لماضي كانت مشرفة وماكنتش نغش نخدم نلقا ودركا في ليسي تجيني عيب عبد يوريلي ،مانيش نسبورتي في لغــــش ،
ودرتي ورجعتي للطبيب النفسي مانيش رايحتلو نيجي عندك مديلي كاش دويات يكالميو

هنآ لعبتهآ الاخت النصوحة ، و قلبت روحي أنآ الزعفآآنة
الصرآآآحة تمتعت معآهآآآ

يآآآه شفتي كيفآه - قلتي تجيني عيب وآحد ينعتلي -
يعني مآشي مقتنعة بيهآ من قلبك و ضميرك مآ يأنبكش !
والله يا كوثر تفاجئت فيك سبحان الله يعني ..
انا نعرف واحد مقتنع من نفسو مش يرد عليا بطريقة كيمآ هكآ
لآ حول و لآ قوة الا بالله
من عقلك تهدري هكا ! انا ننبه فيك كيمآ ختي و نتي تقوليلي هكا !

و تستمر كوثر في الشرح الله الله

من عقلي وقلبي ،هيـه أنا ضـد الغـش مي واش رايحة ندير ،قلـت لك الله غالب بكري العبـد كان يغلـط ربي يهدينا وخلاص مي مش يعني أنونجاحي مبني على الغـش
مشكلة في العقلليآت اللي تشبعت بالغـش واصبـح الغش المجري عندها كي صبآح الخير
ربي يغفرلنا ويعافينا ويعفو عنآ
مارديتلكش بالغالك اني نكملك في لحكاية ولاسويت

هنآ كثرت عليهآ و حبيت نرجعهآ هي الغآلطة بالذرآع

،،

لآلآ بصح هآذي مآشي فآصون تحكي بيهآ معآيآ الله يهديك يآ كوثر
عيب عليك والله رآني ديمآ ننصح فيك .. مي الله غآلب صح يقلك حتى تعاشر باه تعرف الناس

و دآآآآرت و رجعت للحكآيآت مآدآمنآ سآآهرين
الصرآحة عندهآ روح ريآضية كبيييرة

صفوصفة والله راني نعـزك بزآف مآنيش قاعدة نغلـط فيك هاكا هدرتي أنا
ونصيحتك على عيني وراسي وأكيـد أفادتني
ومنـكم نتـعلـم سيتغتو أنتي نحترمـك بزآف
هايا احكي درك يوصل السحور

أنآ هنآ سيبون قفلتهآ في وجههآ

لالا كوثر سيبون انا لي يطيح من عيني جامي لا نزيد نهزو
سيرتو كيفاه تعاملو مع لي كبر منكم
وزايدة دايرة رد استغفر الله ،، علآه انا شيطآن ولآ !!

مسسسسكينة يآ كوثر ترضي فيآآ و مآعلآبآلهآش وش يستنى
الله يبآرك عليكـ يآ كوثر

ربي يعيـشـك
مالا قريتي الرد أيا بيآن ،أنا كتبتو مش عليـك أستغفرت خاطر في هادو ليامات مانييش مليحة [الحمـد لله ]
مي قلت نضربو عصفورين في حـجر وآحد تزيد تفهـم صفصوفة بللي أنا يمكن تقلقت وأنا مازعفتش منـك والغلطة ميش مني سامحني

هنآ سيبون قلت بزآف عليهآ و نقلهآ صآيي رآكي شآركتي معآنآ
و رآنآ شدينآآكـ

:

اووووووووف كوثر كثرتي بزآآآآآآآف






























































بطيبة قلبك يآآآآ غآآآآآآآلية والله بينتيلي بلي حنووونة
و متسآآآمحة لأكبر درجة ،،

مآلآ نقلك رآكي طحتي ضحية كآميرآ كآشي
:p:p:p:p:p:p

و جآت حلقة فوور معآك الله يبآرك عليك
و ذركآ نعتذر و نسحب كل الكلآم لي قلتهولكـ :-r
و نسقسيك اذآ تسمحي بعرض هآذي الحلقة !

رجعت الروح لكوثر و قآلت في قلبهآ
الحمد لله تهنيت من هآذي المخلوقة هههه

و كآن ردهآ :

شوفي انا مانزعفش مام لوكان جاتني من عبـد بخلاف مانعرفوش خاطر ماني مدايرة في حتى شي والنقد في لأفكار نشتيه وسيغتو درك يامات رمضان وجماعة عقاب كاميرا كاشي مرقتلها مع لول خلآه كي هدرتيلي على داك الموضوع ،كون درتيها في شهر بخلاف يـمكن كنت نتوثر ^^.وش حنقـولك اعرضيها وماحكمتنيش ههههههههههه

و كيمآ هكآ نكونو كملنآ الحلقة الدوزيآآم
من رآنآ شدينآكـ ،،

مآحبيتش نزيد على كوكآ بآسكو كآنت عويقلة و حنينة بزآآآف
قلتلكم مآهآنتش عليآآ مي غير هي لي لقيتهآ سآهرة هذآك الوقت

و نقلهآ يعطيك الصحة حبوبة ..

نتمنى تعجبكم الحلقة هآذي
و غدوآ ان شآء الله مع حلقة أخرى مع ميوسة

في أمآن الله

ملآحظة : غيرنآ التوقيت لظروف خآصة ،،
​

 

[ملكًة الاحسآس]

وعليكم السلآآآم
هههههه قالتلكـ فالاخير ماحكمتنيش ، عآندت ماجر مثلآ :p
عبآلكـ آ صفصف كي قلتيلي كوثر بقيت نخمملهآ مسكينة عآقلة
و غير نيمآجيني فيهآ ، بصح نستعرف بيكـ بطتي
مالgـري بقات حتى لآخر دقيقة تقولكـ صفصوفة
بصح بآينة بلي تلفتيهآلهآ
عجبتني كي قالتلكـ الطبيب النفسي مانروحلوش
بصح اعطيني بعض دواوات يكآلميو خخخ
حلقــة هآيلة يالفارماسيانة تآعنــآ ، يعطيك الصحة:d
​

 

[منايا الجنة]

اختي الحلقة مليحة والطفلة عاقلة واش اداك ليها انا قلت دوك طيحي غير مع الواعرين طلعتي شوية شريرة و مع الحلقات لوخرين نشوفو شراراتك تلحق ميلينا ههه بارك الله فيكم

 

[Badech]

للحذف / خطا​

 

[nina usma]

ههههههههههههههههههههههه
مسكييييييييييييييينة
ميرسي ليكم 44444444​

 

[قَطٌر❀ الٌنَـدَى]

ههههه مسكينة صح عاقلة وخاطيها ليبروبلام انتى تجبلي فيها بصح جازت مليحة

يعطيك الصحة
​

 

[قَطٌر❀ الٌنَـدَى]

 

[Badech]

للحذف / خطا

 

[Badech]

لا اله إلا الله

سلام ’,​

 

[la_safa]

وعليكم السلآآآم
هههههه قالتلكـ فالاخير ماحكمتنيش ، عآندت ماجر مثلآ :p
عبآلكـ آ صفصف كي قلتيلي كوثر بقيت نخمملهآ مسكينة عآقلة
و غير نيمآجيني فيهآ ، بصح نستعرف بيكـ بطتي
أحممم احممم شفتي كيفآه صيدتهآ ، مي تآع الصح كآنت عويقلة
غآضتني
مالgـري بقات حتى لآخر دقيقة تقولكـ صفصوفة
بصح بآينة بلي تلفتيهآلهآ
هههه ايه بقآت تقولي صفصوفة عجبتني :d:p ،،
عجبتني كي قالتلكـ الطبيب النفسي مانروحلوش
بصح اعطيني بعض دواوات يكآلميو خخخ
هههههه هآذيك الجملة لي عجبتني كآآآآمل :up: ،،
حلقــة هآيلة يالفارماسيانة تآعنــآ ، يعطيك الصحة:d
​

الله يسلمك يآ أرنوبتي ،، ربي يخليك
رآنآ درنآهآ بيهم :up: ~

منورة يآ حلوو
​

 

[asouma 31]

هههههههههههههههههههههههمسكييييييييييييييينة ميرسي ليكم 44444444

 

[مروة 95]

sa7iiti my angel
w madaret b ghachii
wlh foooooooorte w 7al9a hayla
tofla 3wi9la meskiinan
koun ana ne5rejlk 3a pc
ngolk - n7ebk zinoutchii - w nerje3
ne9le9 chwi
hhhhhhhhhhhh​

sa7iiti waiting others ​

 

[tistissa dj-tissou]

ههههههههه هبلتوها
يعطيكم الصحة
​

 

[Mr mino]

جات في كوثر العاقلة

يعطيكم الصحة

صحة فطوركم


​

 

[ايمان مي]

هههههههههههههههههههههههههههههههههههه

مليحة بزاف بزاف

 

[اوتار الرووح]

لاا بديتي بكوثر قاع يعرفو بلي طفلة عاقلة
وانتي lموراها ها مسكينة هي صح قلقتيها
بصح المشكل فيها هي عاقلة بزاااف
يعني اي عبد تقوليلو طبيب نفسي
يقوك لاه راك تشوف فيا نقطع في حوايجي مي هيا
بسياسة وتقولك صفصوفة وتقولك اعطيني نتي برك دواوت يكالميو
ما شاء لله عليها واش عاقلة وباردة الاعصاب متتنارفاش

يعطيك الصحة على هاد الحلقة بداية موفقة
ومازلنا نسناو في الحلقات الي جايين

 

[ايمان مي]

شكراااااااااااااااااااا

 

[la_safa]

اختي الحلقة مليحة والطفلة عاقلة واش اداك ليها انا قلت دوك طيحي غير مع الواعرين طلعتي شوية شريرة و مع الحلقات لوخرين نشوفو شراراتك تلحق ميلينا ههه بارك الله فيكم

والله يآ ختي زهري طحت غير مع العآقلين هههه
و الحلقآت البآقية ذرك تثبتلك و تشوفي العقولية كيفآه :$
مآم انآ غآضوني و حنيت معآهم :-r ..
لآلآ ميلينآ شريرة وحدهآآ :p مي حلقآتهآ فووور ،

شكرآ ختي منورة ،
​

 

[la_safa]

ههههههههههههههههههههههه
مسكييييييييييييييينة
ميرسي ليكم 44444444​

ههههههه طيحنآهآ مسكينة :d ~
العفو حبوبتي نورتي الموضوع ~
​

 

[la_safa]

ههههه مسكينة صح عاقلة وخاطيها ليبروبلام انتى تجبلي فيها بصح جازت مليحة

يعطيك الصحة
​

أهآآآه شكون جآآت الضحية الثآنية هههه
مآلقيت منين نزعفهآ قلبهآ كبير الله يبآرك ،، مآم انآ خفت نزعفهآ كآشمآ تدعلي عليآ
تخرج فيآ مع رمضآن ههههههه

منورة حبيبتي ~
​