الحلقَة السيزيــآم من كآميرآ مخفية ( شدينآكـ ) مع " مروة 95 " ‏

[la_safa]

ان شآء الله تكونو بخير ،، ربي يتقبل صيآمكم

كمآ أعلنآ من قبل عن :

كآميرآ مخفية '' شدينآكـ ~ مع مجموعـة عآلم المرأة

اليوم الحلقة السيزيآم من كآميرآ مخفية

الي بعنوآن : يآ خآينة

مع العضوة : مروة 95


الحكآية مع مرمر بدآت مع وصلني تقييم منهآ

،،
مآلآ قلت خلي نلعبلهآ على أعصآبهآ رغم أني متأكدة بلي من سآبع
المستحيلآت أنهآ تديرهآ ،، تآبعو معآيآ تفهمو التفآصيل :

بديت أنآ

عيب عليك مروة لي ديري فيه ..
هكا تهدري فيا من ورايا و انا لي حطيتك اختي !!

مع رسآرلي تفآجأت أكيد هآذي صفصف نهدر فيهآ !!

وشمن هدرة وش حكيت ثآنآ

و شوي قبل مآنرد زآد وصلني ميسآج منهآ
تؤبرنيييييييي شو بريئة ملآكي أنآآ ،

ترجموه وحدكم

wchmen hadra rabii y3aychek
anaya wlh ma7kiit fiik
w jamé 5amemt mm ndirha
akii 3abelk blii n7ebeek
w jamé 7abiit 1da kifek
w confiance li ndirha fiik jamé dertha fi ghirek
w akii 3abelk
la preuve nti la seule li meditelha mon num
w fadeltek 3la ktar me 1da 9raab bzf leya
w te3rfii m3azteek
w mm la 9le9t menk mane7kiich tjrs
njiik w ngolk wch sarii
w anii 9otlk nhar 7assit belii
ba3edna w 7aliinaha
c tt

هنآ قلتلهآ رديلي بالعربية ههههه شفتو كيفآه نخمم فيكم

و زدت في لآدوز

رديلي بالعربية يا مروة
وصلني اليوم تقييم مانعرف من عند من
بصح قالولي بلي هاو وش قالت فيك مروة
و نتي حاطة فيها كونفيونس
وشبيكي ماكدبتش كي قتلك تبدلتي !!!

بينآتنآ هنآ قتلتني بتأمني تقييم و انآ 3 سنين مآتأمنينيش

صفاا
تامني تقييم و ما تامنينيييش انا عندي 3 سنين مععااااك
و راكي و اللله كتر من ختي
و الله و الله و الله و راني صايمة
غير جامي حكيت فيك بالمارق لحتى واحد
وشمن واحد حتى روحي مانحكيش عليك
انا حسيتك مبدلة . مش مبدلة مبعدة عليا و قتلك
قتيلي رمضان و حالة و نرماال
و انا لدرك ماتبدل فيا والو
و واتقة من روحي وش ندير
تامني ما نامنيش انا هي مروة و جامي نتبدل
و جامي ندير هكاا حتي في عديااني
يااا حسراا عليك نتي نديرها ؟

أهنآ مآلقيت وين نضرب غير نزيد نعمق كآشمآ تتقلق

ايه و رآس لحبيبة غير علآبآلي مآديريهآ مي لآزم نحكمك أوآمر وزتي

مالا شكون قال هاذي الهدرة !!
و انا احساس مايخوننيش كيما حسيتك تبدلتي يعني درتيهآ !!
+ الحآجة لي قآلوهآلي غير انت لي تعرفيها ..

مرمر تقلقت و كيمآ عوآيدهآ تحب تبرأ روحهآ أكيد
+ بينآتنآ رآح نتفجر مرمر و نعرفهآ

وش قالولك قولي
نرماال
و تعرفيني مش هكا و مانعرف
مي او ما تبدلتش
كااااااااامل
وشي اك عابلك بسباابي انا
و درك ساي مام تخمام مش نخمم

وي رآني علآبآلي بصح قتلك درتيهآ سي درتيهآ
معزة و لو طآرت

علابالي بهاذ الشي كامل
بصح علاه تقولي فيا هكا مافهمتش انا !!
حرام عليك يا مروة انا جامي قستك
هكا تخسري صحبة تاع 3 سنين !!

مروة انت لي قوليلي مع لخر وش خلاك تهدري عليا هكا !!
هدرة كبيرة انا امنتك على سر و نتي فضحتيه

و أخيرآ نطقتهآ مآنيش خآينة ..

و توآصل مرمر في الدفآع مي رآهآ تخلطتلهآ مع الهجوم
شوفوهآ مسكينة

امنتك امنتك
مانيش خاينة يااك صفاا
من لخر وشي هوا هادا السر
لي عابالي 200 % بلي ماحكيتو حتى لواحد
انتي درك عرفتيني ليوم ولا لبارح
ملخر برك صفاا
تعيشي قوليلي وشي ؟

و هنآ سيكشف السر :

يعني صح حابة تعرفي !!

أدآشكـ محظوظة يآ صفآآآ مرمر مآشي خآينة
و بزيآدة وفية 200% الله الله ،،

حاجة باينة
يعني حابة نفهم هاد الغاشي
لوين وصلوا برك
بعفايسهم
مش حاجة خلاف
لأنو عابالي و متأكدة من روحي
بلي ما نحكيش لا أسرارك لا أسرار غيرك
و لي حاب يقول يقول وش حاب
لمهم أنا عابالي بروحي
و كنت حاطاتك أوسي عابلك
المهم قولي برك

هنآ قلت نحبس سينون يطيحو عليا لي ميسآج في البورطآبل
و أنآ مش حآبة ملآكي تبكي و لآ تتضر ،

خلآص يآ مروة من ذركآ سيبون مآكي صحبتي
مآوآلوو رآكي ​

حبيييييييييييييييييييييييبتي
رآكي شآركتي في الكآميرآ كآشي يآ مرمريتآآآآ
:p:p:p:p:p:p
يلآ تسمحي نعرضو هآذ الحلقة !
أكيد وي رآني جآوبت ههههههههههههه​

مرمر لعبتهآ فآقت تؤبريني رآني حكمتك و حكمتك من نقطة ضعفك
لي هي أنآ أحمممم

شوفو وش ردت الحنوووونة ،

و الله حسيتها نقلك و قتااه
كي قتيلي كتبي بالعربية ههههه
نشريها
يعطييك النو في نهار السخون هاداذ
ههههههههههههه
مي ماشككتينيش في روحي
مي برك اكي عابالك كتر وحدة
نعرف لعباد
كيماه يعرفو يفرقو بين 2
و اكيد نخسر كلشي غير نتي لالالالالالا

و كيمآ هكآ نكونو كملنآ الحلقة الكآتريآم
من رآنآ شدينآكـ ،،

كآنت مرمر الضحية السآدسة في هآذ الكآميرآ كآشي ،،
مرمر الطيوبة نقلهآ من هنآ ربي يخليك ليآ علآبآلي جآمي
تكوني خآينة و بلآصتك في القلب ،،
كنتي ضيفة سآآآهلة طيحتك بسهولة لآخآطر علآبآلي
أنآ عآجآلي تتقلقي أحممم ..

يعطيك الصحة حبوبة ..

نتمنى تعجبكم الحلقة هآذي
و غدوآ ان شآء الله مع حلقة أخرى مع ميوسة

في أمآن الله

​

 

[{مُدَلَّلَتُهُ}]

يا صفصف ما لقيتيش في من طيحي طحتي غي في مرووش العاقلة هههههههههههه

ربي يدوم المحبة الي بيناتكم ان شا الله حلقة فور و مزية ما زدتيش فيها كنت طرطقيلها عرق ولا حاجة المخلوقة قلبها لا يتحمل :p

يعطيك الصحة على الحلقة

في انتظار الحلقات الجايين ان شا الله

​

 

[منايا الجنة]

انت والعاقلين.... :up:
ماشاء الله عليكم ربي يدوم صداقتكم ويحفظكم

 

[asmalg]

ربي يدوم الصداقة لي بيناتكم و يخليكم لبعضاكم
مسكيينة راح تحبسيلها قلبها
مشكووورة ع الحلقة
ننتظر جديدك
​

 

[أمــ وليــد الجزائرية]

المسكينة


حرام عليك اصفصوف

كيفاه قدرتي تدوري لعزيز لقلب

و زدتي لعبتيلها في لبوافابل ديالها

حكمتيها تاع الصح

ياو كان جيتيني نت بلاك كنتي تطيحيني ههههه
هذا اعتراف خطير خليه بيناتنا


يعطيك الصحة

:-h

قدرتيلها ايه

حلقة هايلة

:regards01::regards01:
​

 

[~lola.dz~]

استوتة درتيهآ بصحيبتكـ علآش مسكينة

مي عجبتني مروة محبتهآ كبيرة ليكـ الله يخليكم لبعضآكم حلقة روعة المصفآرة ههه :p​

 

[السلطانة]

وعليكم السلام

عجبتني مروة كي واثقة في روحها من جيهة
تحبك صح صح الله يدوم صداقتكم يارب
وانتي ياصفا توسوسي العبد هههه
شريرة بامتياز
حلقة رائعة يعطيك الصحة

​

 

[مطبخ الأحلام]

السلام عليكم

صح فطوركم يا لقروووب تاني

هههههههههههه راكم دايرينها بالغاشي ربي يستر

مزية منعت منكم ههههههههه

يعطيكم الصحة وربي يخليكم على خواطركم
​

 

[Ma$Ter]

ههههه
ما احلى البراءة :d
​

 

[־●ـ‗غمــــوض ــالــورد_ـ●־]

ياستوتة حكايتك حكاية مع العاقلين :d
زيماه قدرتي تعملي هكدا في صحايبتك والله تقطع لقلب صح
قستيها في حاجة متقدرش تعملها معاك ياشريرة عرفتيلها لبوا فابل ديالها مسكينة تغيض عويقلة خلاه :d
مزيـــــــــة مكنتش انا صحايبتك كيفها وعملتيلي وش عملتيلي سينون دوكا راني نتبحر في ماليزيا ههههههه
يعني كان غير جات كيما فهمتيها انت نروح لماليزيا صح يعني نتغاشى نروح لعالم واحد خلاف والله ماتزيدي تصيبيني :d خخخ تبا للشر لي حكمك هاد ليام على العاقلين
شغا شغا على لحلقة باهية :p
​

 

[ملكًة الاحسآس]

السلآم عليكم
شديت بلآصتي وامبعد نوليلكم
​

 

[la_safa]

منورين ،
​