صاحبة الشعر الجاف لقيتلها الحل النهائي و المضمون ... تجربتي الشخصية

[رنيم الصمت]

السلام عليكم
جبتلكم احسن وصفة للشعر الجاف
اولا / عندي نصيحه متبعوش اي حاجة تسمعوها تروحو ديروها الا ادا كانت مواد طبيعية اما المواد الكيميائية اتونسيون تغامرو و ديروهم ولو تخرج على اختك بالاك ماتخرجش عليك
مرة رحت لزين الاتات نحوس على زيت للتقصف عطالي زيت غالي شوي و بانلي فيه مواد طبيعية بالصح مللي درتو الله لا يشوفكم وللا سلكة تاع الصح وللا يطيح و ناشف و مقصف و بقات تأثيراتو قريب عامين باش نقص منها وليت طبيعي في طبيعي و الحمدلله رجع شعري و عرفت مشكلتو و احل تاعو
المهم
خلطة للشعر الجاف و الخفيف ... مجربة و مضمونة الف في المية ومكش اسهل منها جربيها مرة و تعودي ماتصبريش تعاوديها

ديري صفار بيضة ..شوي زبدة ستار .. زيت زيتون .. بواطة ياوورت طبيعي .. الزيوت ديري كيما حبيتي لي عندك ساعات كي يعود معنديش الياوورت منديروش وللا معنديش الزيوت ندير صفار بيضة و زيت المايدة برك .. المهم واصلي عليها و متحبسيهاش
الوصفة الاصلية تقولك زيدي خميرة الخبز صح هايلة ياااااااااااااسر بالصح ريحتها يعععععععععع ... اخطيكم منها
اغسلي راسك و بعدها ديري الخلطة و غطي راسك و بعدها اغسليها غسلة خفيفة و شوفي ... واهداي ادا سشورتيه ايهيييييييه وش يوللي تاخدي رايي عودي غطيه على العين :d:d:p​

ايا لبنات نوضو نفضو الغبرة على رواحكم ياو امك و بيك راهم كرهو من شعرك المكشرد روحي اعدليه وازعبلي على داركم:p:p:p:p:p

 

[~lola.dz~]

ايه ايه مكآش كيمآ الحآجة الطبيعية كيمآ يقولو آ لمنفعتش مضرش

يعطيكـ الصحة

والله ملي دخل رمضآن نقص اهتمآمي بشعري كآنوآ كآمل يغيروآ منوآ :$
دركـ لآزم نجرب هآدي بآش يولي كيمآ كآن
اححم هههه

مآرسي ختيتي تعيشي ننتظروآ جديدكـ اكيد​

 

[رنيم الصمت]

اهلا لولا ضللي مرة عليك ليك وحشة
يا ختي الشعر المرا تاجها هو الصح في زين المرا
... راني حاسة روحي غالطة في القسم راني شوي دايخة نروح نتأكد ههه

 

[~lola.dz~]

اهلا لولا ضللي مرة عليك ليك وحشة
يا ختي الشعر المرا تاجها هو الصح في زين المرا
... راني حاسة روحي غالطة في القسم راني شوي دايخة نروح نتأكد ههه

الله يخليكـ :$

ايه نصف جمآل المراة في شعرهآ

لتآني الطيآب والكوزينة عليه

ولآ تآني يعييني طويل بزآف رآني حآبة نقصوآ ومآمآ محبتش ههه
ثآبت رآكي في عآلم المرأة مي القسم معلآبآليش اجري شوفي اجري هههه :p:d​

 

[قَطٌر❀ الٌنَـدَى]

يعطيك الصحة يا شريرة :dراهى تبان مليحة
قوليلي منلقاش عندك وصفة تقوي شعر باسكو شعري ولا خفيف بزاف
الف شكر على الافادة
​

 

[رنيم الصمت]

الله يخليكـ :$

ايه نصف جمآل المراة في شعرهآ

لتآني الطيآب والكوزينة عليه
عندك الحق
ولآ تآني يعييني طويل بزآف رآني حآبة نقصوآ ومآمآ محبتش ههه

عننندك تقصيه,, انا ثاني كان طويل و في عرسي ماعياش الحلاقة gاع و دارتلي بيه مشيطة هايلة
و من بعد قصيتو ديقرادي صح جاني مليح بالصح مش كيما الطويل ضرك راني نرجع فيه كيما كان
اذا صح كرهتي قصيه ديقرادي طويل و متنقصيش منو ياسر
ثآبت رآكي في عآلم المرأة مي القسم معلآبآليش اجري شوفي اجري هههه
ايه راني تأكدت الحمدلله لاباس عليا هههه


:p:d​

الكشرودة رقم واحد هههههه

 

[رنيم الصمت]

يعطيك الصحة يا شريرة :dراهى تبان مليحة
قوليلي منلقاش عندك وصفة تقوي شعر باسكو شعري ولا خفيف بزاف
الف شكر على الافادة
​

الكشرودة رقم زوج اهلا بيك ههههههههه
ايه مليحه اديها من عندي
تقوي الشعر نعرف الثوم و مجربينومليح هايل بالصح وصفة معينة ولله ما نعرف
انا مللي كان شعري يطيح بدون قصد كنت ندير في زيت الصبار و زيت السمسم و اللوز و الخروع كل يوم ندهن بيهم و للا نديرهم ماسك خاطر بعدها بمدة لاحظو شعري بللي رجع كثر و معادش يطيح ياسر :p:p:p

 

[رنيم الصمت]

شوفي قطر نيتك زينة درت الكتيبة صغيرة عند رقم واحد و لقيتها كبرت و حدها
الله يبارك جرتك مرابطة وانا لاخبر

 

[قَطٌر❀ الٌنَـدَى]

هههههه ضحكتيني والله شفتي ملا ضك ندير زاوية نسميها زكارة في رنيم الصمت :d
وسمعت بالثوم رانى عقابو ان شاء الله نلقي نتيجة زينة
يعطيك الصحة
​

 

[رنيم الصمت]

ههههههههههههههه
صحيتي زينونتي

 

[ام وليد و ايوب]

شكرا لك اختي نجبربها و ننضم للكشرودات هههههههههه

قولي لي الزبدة ياك ذايبة و لا طرية برك


والشعر يكون مبلل من مقبل و لا ناشف

ربي يسترك

وصح عيدك

 

[السلطانة]

يعطيك الصحة على الموضوع المفيد


​

 

[رنيم الصمت]

شكرا لك اختي نجبربها و ننضم للكشرودات هههههههههه

قولي لي الزبدة ياك ذايبة و لا طرية برك


والشعر يكون مبلل من مقبل و لا ناشف

ربي يسترك

وصح عيدك

اهلا كشرودتي ههههه

انعم ايه ذوبي الزبدة مع الزيوت الاخرى و بعدها ديري الصفار البيضة و الياوورت و ديريه في راسك و غطيه
مذا بيك يكون مبلول و راسك و غطيه بفوطة مبلولة بما دافي

 

[رنيم الصمت]

يعطيك الصحة على الموضوع المفيد


​

الله يسلمك نورتي ساندي

 

[Nilüfer]

سلام لبنات
و الله انا شعري طويل بزاف و رجع ناشف بزاف راه يضيقلي خاطري و راني غاماتو في طوماطيشه هههههههه

يرحم والديك هاد الوصفة تبان نتائجها من اول مرة
اسكو مليحة حتى للتساقط
و تاني انا شعري راه يخفاف بزاف بسبة الطول نتاعه كاش حل ؟
​

 

[رنيم الصمت]

انعم تبان من المرة الاولى الشرط الوحيد انو يكون شعرك نضيف و بعد الماسك كي تغسليه ماتغسليهش ياسر باش ميروحش الزيت
للتساقط جربي زيت الصبار بكمية اكبر من الزيوت الاخرى
و زيت الخروع
زيت السمسم
و زيت اللوز
كل يوم ادهني و ديري بيهم ماسك كل اسبوع وللا خلطيهم مع الوصفة لي كتبتها
انا هادي نفعتني في التساقط


ان شالله تفيدك هاذ الوصفات
اي تساؤل راني هنا الحبيبة التلمسانية

 

[رنيم الصمت]

+++++
متنسايش مرة على مرة تنقصي من شعرك شوي من الاطراف راها مليحه ياسر للتقصف اذا عندك

 

[Nilüfer]

انعم تبان من المرة الاولى الشرط الوحيد انو يكون شعرك نضيف و بعد الماسك كي تغسليه ماتغسليهش ياسر باش ميروحش الزيت
للتساقط جربي زيت الصبار بكمية اكبر من الزيوت الاخرى
و زيت الخروع
زيت السمسم
و زيت اللوز
كل يوم ادهني و ديري بيهم ماسك كل اسبوع وللا خلطيهم مع الوصفة لي كتبتها
انا هادي نفعتني في التساقط


ان شالله تفيدك هاذ الوصفات
اي تساؤل راني هنا الحبيبة التلمسانية

ان شاء الله رح نشريهم و ان شاء الله يفيدوني

انا راني نستعمل زيت املا لكن ولا نتيجة :s

 

[Nilüfer]

+++++
متنسايش مرة على مرة تنقصي من شعرك شوي من الاطراف راها مليحه ياسر للتقصف اذا عندك

ايه عندي كارثة فالاطراف ههههه و ما نغزرش نقص يغيضني

لكني رجعت مجبورة الله غالب

 

[رنيم الصمت]

مش تقصي تقصي يعني نقصي الاطراف المحروقين من التحت برك