مين عندها حل لتبييض الاسنان

[ريتاج سيرين]

السلام حبابي

بغيت نسقسيكم شكون عندها كاش وصفات باش نبيض اسناني وشفت في منتدى
قالو بلي الفحم مليييح راه يبيضلك سنيك و وحدين قالو بلي الفحم ماشي مليح وشكون جرباتو
وتعطيني رايها ومن فضلكم لا تبخلو برودودكم :d
سلالالالالالالالالالالام :p

 

[قَطٌر❀ الٌنَـدَى]

لالا اختى اخطيك من الفحم باسكو يدير السرطان ربي يعافينا
شوفي جربي القارص مع بيكاربونات وحكى مليح نورمالموا هذى مليحة
​

 

[ريتاج سيرين]

لالا اختى اخطيك من الفحم باسكو يدير السرطان ربي يعافينا
شوفي جربي القارص مع بيكاربونات وحكى مليح نورمالموا هذى مليحة
​

شكراااااااا كثيييير اختي ان شاء الله راه نجربها و نرجعلك الخبر
نورتي الصفحة:d

 

[السلطانة]

ادا كان الاصفرار طبيعي

الدونتيفريس وشوي قارص ومتكثريش منها بويسك تضرلك اللثة تاعك

اما ادا كان مرض فزوري طبيب الاسنان احسن
يمدلك الدوا كاين دونتيفريس سبيسيال مع الديتارتراج يبياضو خلاه

​

 

[sarah.staifia]

سلام أختي

انا صح صح ماجربتش الفحم لكن القارص + ملح او ااقرص + شوية بيكاربونات يعطيك نتيجة روووووووعة مع المداومة طبعاا

بالتوفيق​

 

[حكاية قمر]

اوك كاين زوج حلول من عندي لولى هي ليمون وقطن ونقي بيه وتانية هي معجون اسانا انا نستعملوا ونتيجة مدهلة باردونتاكس
​

 

[السلطانة]

اوك كاين زوج حلول من عندي لولى هي ليمون وقطن ونقي بيه وتانية هي معجون اسانا انا نستعملوا ونتيجة مدهلة باردونتاكس
​

حتى انا نستعملو مدهولي الدونتيست
​

 

[لصمتي حكاية]

انا جربت الفحم
حكمت خبز شويتو او هرستو او زدتلو العسل
يعطيك نتيجة في تلك اللحظة برك
او خلصت حكيت بالقارس
بصح تاني سمعت على القارس او البكاربونات
ملاح بصح ماجربتهاش

 

[ريتاج سيرين]

صحييييييييتو بزاااااااااف على ارائكم وراح نشريه ونردلكم الخبر
:d

 

[سمسومة خالد]

رانا نسناو فيك

 

[rania fofo]

ديري القارس والكربونات الصوديوم وتشوفي بياض ناصع

 

[12snv0007]

اما انا فعن تجربة اضيفي البيكاربونات الى معجون الاسنان

 

[tistissa dj-tissou]

اغسليهم كل يوم 3 مرات وداومي عليها
​

 

[Only me]

افركي سنيك بقشرة القارص

ولا اديري خميرة الحلوة في شوية ماء وفرشي بيها سنانك

 

[fatima der]

رد: مين عندها حل لتبييض الاسنان

الليمون مليح بصح مشي كل يوم

 

[la clinicienne]

رد: مين عندها حل لتبييض الاسنان

بارك الله فيكم بنات

 

[حنان قنيش]

رد: مين عندها حل لتبييض الاسنان

تجيبي فنجان قهوه وملعقه

وعسل ومعجون اسنان (اي نوع)

بعدين تخلطي نصف كميه عسل والنصف الثاني

معجون ويفضل يكون المعجون اكثر شوي مو كثير

وتخلطيها كويس وبعدين تسوي اسنانك فيها

لمدة 3 ايام وتصير اسنانك بيضاء كالثلج

واحب اقول من اول مره راح تلاحظي الفرق

بس مع الاستعمال المنتظم 3 مرات في اليوم

 

[Eva dz]

رد: مين عندها حل لتبييض الاسنان

البيكاربونات و الحمضيات يضرو مع الوقت

مي و اذاحبيتيديريطريقة الليمون يغسلو بيه مع ملح قبل الغسل بالدونتيفريس

و تانيراح نقولك حاجة راح تخلعك ههه

قشور الموز ،كيتاكليالموز القشرة من داخل حكي بيها سنيك مع الوقت يرجعو بوووويض

الفاكهة مليحة و الغسل تاني

و الحل اللي يعطي نتائج اسرع بعض انواع الدونتيفريسلي تقدري تسقسي الصيدلي عليها

و اذاكان هذامرض فأنصحك بالذهاب الى الطبيب

 

[fazo]

رد: مين عندها حل لتبييض الاسنان

سلام عليكم شوفي اختي نعطيك الحل وغي خليك من القارص والملح مثلا لانه مع الوقت يظر بمينا الاسنان الغطاء الخفيف اللي يحمي الاسنان احكمي شوي عرق صفر ويقولولو تاني زعفران حطي شوي في فنجان وديري عليها شوي ماء ماشي بزاف تولي ماشي مايهة تمضمضضي فمك وخليه وجيبي فرشاة الاسنان وافركي مدة 2د ومضمضي واستمتعي بالنتيجة وادعيلي مجربة ولاتنسي سنة النبي عليه افضل الصلاة والسلام السواك

 

[ninadz]

رد: مين عندها حل لتبييض الاسنان

السلام عليكم أختي
الحل بسيط و سهل
لأولا لازم تغسلي سنانك بعد الوجبات الثلاث الرئيسية
تاني حاجه ديري البيكاربونات و لا ملح في شويه ماء و مضمضي بيه خطرة و لا زوج في الاسبوع في الليل بعد ما تبروسي سنانك مع ضرورة المدامه و هذي انا مجربتها فعاله
تقدري تزيدي شويه عسل للدونتيفريس (معجون الاسنان)
و لا تحكي اسنانك بقشرة نتاع قارص
و لا تخلطي بيكاربونات مع شوية قارص و تستعمليهم كي معجون الاسنان مرة واحده في الاسبوع .. ما ديريهاش كل يوم على خاطر اذا زاد الشي عن حده ينقلب الى ضده

و ان شاء الله تلقاي نتيجه​