مع أو ضد *1* الصغار وسط الكبار

[رنيم الصمت]

السلام عليكم

كل عام وانتم بخير يا أمهات اللمة و ربي يخليلكم أولادكم و يترباو في عزكم
حبيت نطرح موضوع ناقشوه مع بعض ... و الهدف من الموضوع اننا نستفادو من أفكار و أخطاء بعضنا في تربية أولادنا

* في هذا رمضان كاين ديار رحتلهم معمرين ديما بالضياف نساء طبعا و الاكيد انهم يحكو في سوجيات تاع كبار ..لي تحكي على راجلها قدام بناتها .. لي تحكي على فلانة تخطبت و كيفاه تعرفت على خطيبها .. لي تحكي على فلانة دارت و عملت ... الخ من المواضيع ، مع العلم ان البنات هاذو في سن المراهقة وللا حتى في الابتدائي

** كاين لي سقسيتهم كيفاش يحضرو بناتهم لهاذ النقاشات كاين لي قالتلي معليش يسمعو باش يتعلمو و كايش لي تشوف فيهم صغار و ميفهمو والو
من جيهتي نعطيكم مرة سمعت اولاد عم في الابتدائي يحكو على ورث جدهم لي مازالو حي كي يموت شكون يدي اكثر من بياتهم
و لاحظتمرة وحدة تحكي على وحدة قدام بنتها كي جات هاذيك المرا وللات البنت تشنف عليها و المرا ماهي فاهمة والو
؟؟؟؟


سؤالي:
- وش رايك في المرا لي تخللي بنتها وللا حتى بينها يحضر لنقاشات النساء الكبار ؟
- أسكو انت مع أو ضد الفكرة و لماذا؟

في انتضار تفاعلكم و آراءكم في الموضوع​

​

 

[om siraje]

ana akid la psq dima sghar nsam3ohom eli ykon 9edhom machi nehki 9odam benti 3la hkayat hiya mazal matoselhomech whay enatija 9oltiha ranim kifach kanet radet fe3el drari ana kima rabatni yima nrabi wladi 7na kona marat nchofo baba y3aya6 3la mama neze3fo besah yima kanet dima t9olena raho babakom wana eli kont ghal6a ya3ni nhawlo 7na nzayno esora dima lewladna 3la kolchi hada rayi
wallah wmazalet 3andi hadra :dgher hchemet nemlilkom lmontada hhh​

 

[رنيم الصمت]

ana akid la psq dima sghar nsam3ohom eli ykon 9edhom machi nehki 9odam benti 3la hkayat hiya mazal matoselhomech whay enatija 9oltiha ranim kifach kanet radet fe3el drari ana kima rabatni yima nrabi wladi 7na kona marat nchofo baba y3aya6 3la mama neze3fo besah yima kanet dima t9olena raho babakom wana eli kont ghal6a ya3ni nhawlo 7na nzayno esora dima lewladna 3la kolchi hada rayi wallah wmazalet 3andi hadra :dgher hchemet nemlilkom lmontada hhh​

بارك الله فيك ام سراج وهذا رايي ثاني
و خاصة في حكاية نربو ولادنا كيما رباونا والدينا راني معاك فيها
..
قوليهالي هاد الهدرة راني نستنى فيها
يعطيك الصحه على المشاركة القيمة حنونة​

 

[زهرة الندى]

شكرآ على الميضوع تآعكـ بنتي

بحكمـ أني جدة ،،
لي عودة نرد على السيجي هذآ

أحكميلي بلآصة هآ بنتي
​

 

[حكاية قمر]

اكييد انا ضد هاد شي الطفل الصغير ورقة بيضا وما لازمش نعلموه حوايج ماشي ملاح ولا حتى نكبروا عقلوا بهدرة خاطيتو هادا راه طفل ولازم يعيش طفولتوويستمتع بيها بعيد على مشاكل الكبار وكما قلتي مرا تهدر قدام بنتها على وحدة وطفلة تشنف على هاديك المرا هادي ما هيش عقلية كامل كون تقوللها كاش كلمة وتجرحها بيها ولا تخصر بينها وبين مها ماشي عقلية كامل هادي الطفل يبقى طفل ولازم يعيش طفولتو ....هدا راي.....
​

 

[رنيم الصمت]

ايه يا الحاجة رانا نستناو ​

 

[رنيم الصمت]

اكييد انا ضد هاد شي الطفل الصغير ورقة بيضا وما لازمش نعلموه حوايج ماشي ملاح ولا حتى نكبروا عقلوا بهدرة خاطيتو هادا راه طفل ولازم يعيش طفولتوويستمتع بيها بعيد على مشاكل الكبار وكما قلتي مرا تهدر قدام بنتها على وحدة وطفلة تشنف على هاديك المرا هادي ما هيش عقلية كامل كون تقوللها كاش كلمة وتجرحها بيها ولا تخصر بينها وبين مها ماشي عقلية كامل هادي الطفل يبقى طفل ولازم يعيش طفولتو ....هدا راي.....
​

بارك الله فيك
لازم نعلموه يعيش كل مرحلة وحدها
بوركت على المداخلة الطيبة

 

[ام أمينة]

شكرا على الطرح
فعلا موضوع مهم جدا
لا تحريمونا من زيارتكم لركن الاطفال
تحياتي
​

 

[hadda0425]

شكرا رنيم على الموضوع
طبعا انا ضد الانو الاطفال ورقة بيضا لازم ما نخليوش تتغلب عليه حكايات الكبار
يعني حوايج كبار عليه وما يقدرش يستوعبهم في سنو
من الاحسن لما يكون النسا يحكيو او الكبار عامة ما يخليوش اولادهم معاهم
طبعا الطفل فضولي ويحب يسمع ويدخل روحو في اشياء تكبرو بزاف وخاصة البنت
من الافضل نبعدوهم على هاك حوايج .
​

 

[serinee]

عيدك مبارك
و مشكورة على الموضوع
صراحة اختي رانا نشوفو بززاف هدي الظاهرة
المراة تحكي امام بنتها او ابنها يقولك باش تطلع شاطرة و تتعلم و قافزة و لكن حسب ظني هنا يبدا الخطا
وعلاش متخليش هدا الطفل البريء يعيش كل مرحلة من حياتو على حساب سنو
كل ما يلحق لمرحلة معينة وعلاش ما تحكيش مع بنتك كصديقة و تنصحيها و نفس الشيء مع الابن
بدل ما تحكيو على مواضيع كبااار قدامهم
و ثاني الاطفال تلقايهم ببراءتهم يروحو و يحكو اسرار بيتهم او واش كانت تقول امهم لبرا
​

 

[رنيم الصمت]

شكرا على الطرح
فعلا موضوع مهم جدا
لا تحريمونا من زيارتكم لركن الاطفال
تحياتي
​

العفو
ربي يرزقك بالحلال و يعطيك ما تتمناي

 

[رنيم الصمت]

شكرا رنيم على الموضوع
طبعا انا ضد الانو الاطفال ورقة بيضا لازم ما نخليوش تتغلب عليه حكايات الكبار
يعني حوايج كبار عليه وما يقدرش يستوعبهم في سنو
من الاحسن لما يكون النسا يحكيو او الكبار عامة ما يخليوش اولادهم معاهم
طبعا الطفل فضولي ويحب يسمع ويدخل روحو في اشياء تكبرو بزاف وخاصة البنت
من الافضل نبعدوهم على هاك حوايج .
​

ايه ايام زمان يقتلونا ماتنا لو كان يشوفونا ندورو مسامي الصالة تاع النسا.. خلاف المعاير لي نسمعوهم ههههههههههه

اختي نورتي .. صحيتي على المشاركة

عيدك مبارك
و مشكورة على الموضوع
صراحة اختي رانا نشوفو بززاف هدي الظاهرة
المراة تحكي امام بنتها او ابنها يقولك باش تطلع شاطرة و تتعلم و قافزة و لكن حسب ظني هنا يبدا الخطا
وعلاش متخليش هدا الطفل البريء يعيش كل مرحلة من حياتو على حساب سنو
كل ما يلحق لمرحلة معينة وعلاش ما تحكيش مع بنتك كصديقة و تنصحيها و نفس الشيء مع الابن
بدل ما تحكيو على مواضيع كبااار قدامهم
و ثاني الاطفال تلقايهم ببراءتهم يروحو و يحكو اسرار بيتهم او واش كانت تقول امهم لبرا
​

تعيدي و تزيدي

ضرك مولاش كاين مرحلة طفولة ديراكت شباب المراهقة و راحت ههههههه
عندك الحق في كلامك
بارك الله فيك على المشاركة

 

[نعيمة29]

 

[رنيم الصمت]

ربي يخليك اختي نورتي مواضيعي

 

[HAMZA USMA]

رد: مع أو ضد *1* الصغار وسط الكبار

موضووووع قيم و مهم و موفق و مفيد...
بوركت جهودك، و جزاك الله خير الجزاء
تحياتي و مودتي و تقديري الكبير​

 

[keka333]

رد: مع أو ضد *1* الصغار وسط الكبار

انا ضد الصغار وسط الكبار

 

[KimoB]

رد: مع أو ضد *1* الصغار وسط الكبار

 

[رنيم الصمت]

رد: مع أو ضد *1* الصغار وسط الكبار

موضووووع قيم و مهم و موفق و مفيد...
بوركت جهودك، و جزاك الله خير الجزاء
تحياتي و مودتي و تقديري الكبير​

و يجازيك خير اخي
ربي يبارك فيك

انا ضد الصغار وسط الكبار

:up: تحياتي خيتي :regards01:

كلمات مفيدة
بارك الله فيك