ما رأيك بالرجل الذي يضرب المرأة؟؟؟؟

[بنت اليم]

السلام عليك ورحمة الله وبركاته
حبيت اليو نقدملكم موقف صرا قدامي اليوم
هو انو واحد ضرب وحدة في مؤسسة محترمة .
السؤال :
ما رأيك بالرجل الذي يضرب المرأة؟؟؟؟
مع التوضيح انهم الاتنين خاطئين في حق بعضاهم
و الشاب هو الي بدا الغلطة
ورفع صوته ويده قدام الناس على وحدة
قولولي يرحم والديكم هادا زي ماه يخمم
واش يحب يوصل
وكاين وحد الحديث نتاع الرسول عليه الصلاة والسلام يقول " ليس الشديد بالصرعة و إنما الشديد من يملك نفسه عند الغضب"
مشكورين​

 

[sanaa_algeria]

رد: ما رأيك بالرجل الذي يضرب المرأة؟؟؟؟

اولا شكرا على الموضوع
وهدا ميحشمش ومهوش راجل مهما دير المرا معندوش الحق انو بضربها

 

[شهد الجزائر]

رد: ما رأيك بالرجل الذي يضرب المرأة؟؟؟؟

من وجهة نظري الي يضرب المراة
لسة ماتعلم اصول دينه ولا سنة نبيه الكريم
متحجر لسة من القرن الحجري جاي

 

[Nadir]

رد: ما رأيك بالرجل الذي يضرب المرأة؟؟؟؟

لو كانت زوجته و في بيته رأيي أنه حول طبيعة الضربة يكون عندي رأي
الأمر كذلك بالنسبة لطريقة ضرب الأبناء

أما ضرب امرأة أجنبية عليه لازم ما تسكتش لازم تشكي بيه للشرطة .

انتوما البنات شويا راقدين (بعضكن يسمح بذلك ولا تروح تبكي و تخلي الأمر كأن شي ما صار ) تخلطت عليكم الدين و العادات والتقاليد . وهذا لي يسمح لوقوع ضحايا آخرين , الله يعينكم في جهادكم .

 

[الألماسة]

رد: ما رأيك بالرجل الذي يضرب المرأة؟؟؟؟

وعليكم السلام ورحمة الله وبركاته،
بكل بساطة
كل واحد يضرب إمرأة هو شخص فاقد للرجولة
غبي ما قدرش قيمة المرأة
يا رجال شفتو كيفاه كان الرسول صلى الله عليه وآله وسلم يتعامل مع زوجاته وبناته ونساء المسلمين

 

[شمس الدين6]

رد: ما رأيك بالرجل الذي يضرب المرأة؟؟؟؟

ان الضرب مهما كان سببه لا يمكن تبريره وهو ان دل علي شيئ انما يدل علي ضعف صاحبه .
فلو اخذنا القصة التي وقعت امامك فهنا مهما كانت المراة مخطاة فلا يجب علي الرجل ان يضربها لان الضرب سلاح الضعفاء والحكمة من شيم العقلاء وكان لزوما عليه ان يعالج الوضع بحكمة .
ولو قلنا انها زوجته فلا الاسلام ولا الاعراف تسمح له بضربها امام الملأ او في البيت فهو كما قلت دليل علي ضعف هذا الرجل وقلة وعيه الديني والاخلاقي والا كيف يضرب من هي اضعف وارق مخلوق في الوجود .
وكما قال الرسول صلي الله عليه وسلم : { استوصوا بالنساء خيرا } .

 

[M3TaZ eLLMa]

رد: ما رأيك بالرجل الذي يضرب المرأة؟؟؟؟

ضرب المرأة عاااااااااااااااااااار كبير مهما كان

المرأة والرجل شخص واحد كلهما يكمل الاخر ونعرف في حيتنا هذه أنا الزوجين

الرجل دائما البادئ بالمشاكل وهذا طبعه وبعدها ينتهي بالضرب

لا وألف لا كما قال الاخ الكريم شمس الدين في رده الرائع وصدق في كلامه

بالنسبة إلي لا بد من الرجل التعامل مع المشكل بكل حنية مهما كانت المشكلة كبيرة

عليه بتأني فقط والصبر ومراجعة نفسه وبعدها يدخل في نقاش وينهي هذا النقاش بإنهاء المشكل بكل بساطة

ولا يستعمل فيه أي أسلوب عنفي مهما كان لأنه غذا استعمل الكلام الجارح دخل في صراع مع المرأة ربما نجد من تسكت على جرحه وربما نجد من لا تسكت ويزداد الطين بلة لهذا لا بدة من مراعات الزوجة لأنها بكل إحترام تتعب وتسهر وتعمل كل شيء لا إلا للإرضائه عنها فقط


وأتمنى من كل زوج أن يرئف بزوجته وكنزه الذي بينا يديه

وقبلي ردي

وشكرا

 

[AB]

رد: ما رأيك بالرجل الذي يضرب المرأة؟؟؟؟

اذا لم تستحي فافعل ما شأت

 

[بنت اليم]

رد: ما رأيك بالرجل الذي يضرب المرأة؟؟؟؟

مشكوين أحبائي على مروركم
وانا تاني قلتلهم بلي مهما كانت غلطة المرا ما لازمش يضربها
ومع العلم انو هادي المرا أكتر منو ياسر
يعني قدرها من قدر ماماه مي لي جون نتاع درك يخسابو الضرب رجولية
ونقولو ربي يهديهم برك​

 

[JAMOULADROIT]

رد: ما رأيك بالرجل الذي يضرب المرأة؟؟؟؟

:angry:​

في رأيي أنه رخيص و مايستاهلش هذه المرأة

 

[بنت اليم]

رد: ما رأيك بالرجل الذي يضرب المرأة؟؟؟؟

يا إخواني هاد الشاب تعدى على موظفة في مؤسسة محترمة
في نظري هو ما شي انسان خلاه
وعفوا على اللفظ ولا ما نكتبش خير​

 

[kamou]

رد: ما رأيك بالرجل الذي يضرب المرأة؟؟؟؟

مارسي اختي على الموضوع الي يستاهل يتطرح

تجيني هادي قلة حياء وعفة وانعدام انسانية
والرجل القوة نتاعه مالازمش تظهر بالضرب والعنف انما بالتفاهم والفكرة الصائبة في المجتمع انتاعه
ومن رايي غير ينحولو اسم راجل ويخلولو الجسد الهالك
واليـــــــــــــــــــــــــــــــد الساخنة المتلهفة لنيل الضحية خيرلووووووو واللله
ليسمى وحشــــــــــــــــــــــــــــــــا كاسرا ينفر منه الجميع ليصل لمرحلة من المراحل ويبقى نافرا من نفسه ضعيفا ووحيدا لايقوى ان يفهم حاله ولا حال الباقي من افراد بيئته

 

[يسرى 2008]

رد: ما رأيك بالرجل الذي يضرب المرأة؟؟؟؟

شكرا اختي ايمان على الموضوع الرائع الي قدمتيه
وان مهما صار الاحترام واجب بين الطرفين
وشكرا مرة اخرى

 

[بنت اليم]

رد: ما رأيك بالرجل الذي يضرب المرأة؟؟؟؟

مشكورين أحبائي على المرور​

 

[العاصمية]

رد: ما رأيك بالرجل الذي يضرب المرأة؟؟؟؟

أنا نقول بلي الراجل اللي يضرب المرأة مافيه من الرجولة غير الاسم لأنه عار عليه ولوكان كان قدام راجل كيما هو لوكان راهو شبع مخبط من عندو و هدي هي حالة بعض الرجال يعرفو ليمن يشطارو وماحقوش يضربها مهما كان السبب لأن المرأة ربي خلقها ضعيفة و مسكينة اللي يجي يخرج زعافو فيها كلش يطيح على راسها ربي يكون معاها و معانا شكرا

 

[بنت اليم]

رد: ما رأيك بالرجل الذي يضرب المرأة؟؟؟؟

مرسي أختي على المرور​

 

[sami 24]

رد: ما رأيك بالرجل الذي يضرب المرأة؟؟؟؟

إذا كان هو الضالم فلا يمكن له أن يضربها {حقرة}

 

[بنت اليم]

رد: ما رأيك بالرجل الذي يضرب المرأة؟؟؟؟

الحق يتقال هوما لزوج غالطين
مي مالزمش يدير واش دار
مرسي خويا​