قصة صهيب او رشيدة اممممممممم

S

sofiane02

:: عضو منتسِب ::
إنضم
25 جويلية 2013
المشاركات
54
نقاط التفاعل
87
النقاط
3
السلام عليكم القصة تاع اليوم تاع صهيب او رشيدة :):):):):):):):):):):):)
الجزأ الاول

صهيب شاب جامعي يقرا حقوق في لافاك تاع بن عكنون
زوالي وفحل حطة فحشوش .....كامل الصفات اللي تحبهم المراة وتتمنى يكون في زوجها عندو
المهم هو كي جا من عائلة فقيرة كان في الصيف يبريكولي يدبر خدمة يعاون بيها روحو كي يبدا القراية وفاميلتو اللي كان هو الكبير في دارهم
شاف خطرة مع صاحبو خدمة في سيبار ,كانت معاوناتو الخدمة هادي باسكو ماتعييش بزاف زيد السيبار قريب للدار جاتو فور في كل شيء
مع الوقت بدا يوالف مع الخدمة وبدا يحب يروح للسيبار وبدا يدير علاقات مع الزبائن اللي يجو للسيبار
كانت من بينهم .....

نزيد نكملكم:-r:-r:up: ولا لالا :down::down::down:
 
رد: قصة صهيب او رشيدة اممممممممم

هذه البداية زيد كمل
علاه حبست؟؟؟؟
 
رد: قصة صهيب او رشيدة اممممممممم

اوك رايح نزيد الجزأ الثاني
 
رد: قصة صهيب او رشيدة اممممممممم

الجزء الثاني :

كانت من بينهم رشيدة اللي كانت تقرا وتوجد للباك هاداك العام ;كانت رشيدة قمة في الجمال والاناقة ,كانت عايشة في االانجليز من أم جمايكية وأب جزائري مشهور بلي تاع مافيا وكي طلق مرتو خطف بنتو رشيدة من يماها وداها تعيش في الجزائر مع يماه وهي عمرها 3 سنين
صهيب عاجباتو بزاف رشيدة في الجمال تاعها والظرافة تاعها , كانت تعجبو البتسامة تاعها
بداو يتبادلو النظرات والاعجاب
بداو يحسو بلي كاين حاجة راهي تجمع بيناتهم
تبادلو السلام الهدرة الضحك وتبادلو تاني نيميرو تيليفون
بداو يهدرو في التيليفون ويgصرو ;كانت رشيدة تموت في صهيب
كانت تحب فيه الرجولة والحنانة تاعو
صهيب مالغري كان زوالي مي وقف مع رشيدة
عاونها في الباك تاعها
كان يدبرلها ليكور ولي سوجي تاع الباك
كان يفهم فيها المواد اللي ماتفهمهمش مليح
وقف معاها مليح وكيما كان الحال جابت الباك تاعها ودخلت الجامعة
وهنا بداو المشاكل
 
رد: قصة صهيب او رشيدة اممممممممم

جزء الثالث :

دخلت رشيدة لجامعة بوزريعة وبدات تكون صداقات في لافاك و في نفس الوقت كانت مع صهيب تعيش قصة حب ولا أروع
كانو يدورو ويحوسو ويعيشو قصة الحب تاعهم
من بين الصداقات اللي دارتهم رشيدة في لافاك كان صاحبها أمين
هادا أمين حكايتو حكاية هه
امين هو انوش بأتم معنى الكلمة -مخنث- عندو الدراهم
كان يمشي بزاف مع رشيدة ودار معاها علاقة صداقة قوية
كان صهيب يكره امين وكان دايما يهدر مع رشيدة ويقولها بلي هاد الانوش مايعجبوش
رشيدة كانت تضحك وتقولو بلي هادا ماشي واحد اللي يغير منو ...
امين حس بلي صهيب مايحبوش ولى واش يدير
يعمر في رشيدة كونتر صهيب وينصح فيها باش تخليه
كان دايما يقولها هادا زوالي ماعندك ماتديري بيه
ومع الوقت بدات تتبدل رشيدة على صهيب
بدات تتقلش على صهيب وتكره فيه
ولى صهيب كي يعيطلها يلقاها خطرة على خطرة en attente
وبدات تجبد ل أمين وصحابو المرفهين
واحد الخطرة كانت تهدر مع صهيب في التيليفون وسقساتو على رايو في صاحبتها
قاتلو عندي صاحبتي تحب واحد زوالي مي راهي تمشي مع واحد باسكو عندو الدراهم برك
وراهي تركب معاه في 4_4 تاعو
قالها صهيب هادي ماشي فحلة لازم تخير واحد فيهم
صهيب ماكانش عبالو بلي راهي تهدر على روحها
 
رد: قصة صهيب او رشيدة اممممممممم

الجزأ الرابع
حتى جا هاداك اليوم كان جاي للافاك تاع بوزريعة لقاها مع أمين يسلم عليها _كان هاداك وين شافها و جا سلم عليها نورمال تاع صحاب _
شافها صهيب راح لعندها وهو مقلق
قالها واشنو هادا كيفاش تخليه يسلم عليك ياخي قتلك اخطينا منو
وراح عند أمين وحكمو ردخو في الارض وبدا يضرب فيه ورشيدة تحكم في صهيب وتخبش فيه من يديه وتقولو يالحقار ماتحشمش
غاضتو عمرو صهيب كي شاف يدو فيها الدم من التخباش تاع رشيدة _كان عندها ظفارتين كبار _
وناض وشافها وهي تعيط عليه والغاشي كامل دايرين بيهم
كانت الدمعة في عينيه
وهي تقولو يالحقار
شاف فيها وقالها خليتيني على جال هادا المخنث _قالها كلمة واحدوخرا ماشي هادي ....
تشوكات كي سمعاتو وقاتلو علاه راك تدير هكدا يالحقار
قالها باسكو نحبك بزاف وكنت راح نسمح في كل شيء على جالك
كان يهدر والدمعة في عينيه
اومبعد راح والغاشي كامل متأثرين بالموقف هادا
عشية من داك عيطلها في التيليفون لقاها en attente كيما موالف
من داك غدوة راح للافاك وكانت الصدمة
شاف رشيدة وهي .....
 
رد: قصة صهيب او رشيدة اممممممممم

في الليل نكمللكم ما تتقلقوش :$
 
رد: قصة صهيب او رشيدة اممممممممم

القصة هادي شابة يعطيك الصحة أخي
راني نستنا فالتكملة:d​
 
رد: قصة صهيب او رشيدة اممممممممم

ok hahii
 
رد: قصة صهيب او رشيدة اممممممممم

لجزء الخامس :

شاف رشيدة وهي هابطة من 4_4 تاع واحد من صحاب أمين
تشوكا صهيب كي شاف رشيدة هكدا
تفكر الهدرة تاعها كي كانت تحكيلو على صاحبتها اللي تمشي مع زوج
طاحت من عينيه الدمعة
كانت أول مرة يبكي فيها صهيب من قلبو
راح للدار وغلق على روحو وgعد هكدا سمانة وهو يخمم ماياكل مايشرب ماوالو
حتى جاو صحابو يهدرو معاه لقاوه راح فيها كامل
بداو يهدرو معاه لقاو بلي صهيب بدا يزطل
صهيب اللي كان تاع صلاة وخاطيه المشاكل راهو يزطل
شافوه صحابو هكداك مافهمو والو بداو ينصحو فيه بداو يقولولو باش ينساها
مي لاحياة لمن تنادي
كمل هكدا قريب شهر
حتى وين واحد الخطرة.........
 
رد: قصة صهيب او رشيدة اممممممممم

الجزء السادس :

حتى وين واحد الخطرة كان gاعد يخمم في رشيدة جات يماه عندو وقاعدة تبكي وتبوسلو رجليه وتقولو علاه ياوليدي تديرنا هكدا
ولي كيما كنت نحبوك
تأثر صهيب كي شاف يماه تبكي وتبوسلو رجليه
حكمها وحضنها لعندو وقالها روحي يما سخنيلي الماء باش ندوش ونروح نخرج نيصلي الفجر في الجامع
فرحت يماه كي قالها هكداك
دوش صهيب وراح للجامع يصلي الفجر
كي كمل الصلاة دعى ربي باش يهديه ويغفرلو
بكى لربي باش يبعتلو واحدة بنت حلال اللي تنسيه في رشيدة
خرج صهيب من الجامع عبد واحد اخر
ولى كيما كان ولا كثر
بدا يعيش حياتو العادية
بدا يولي ليماو وباباه وخاوتو وصحابو
ولى لقرايتو وقرر ينجح في قرايتو ويفرح والديه
بعد شهرين صونا التيليفون تاعو رفد التيليفوان لقاها .....
 
رد: قصة صهيب او رشيدة اممممممممم

لجزء السابع وقبل الاخير :

بعد شهرين صونا التيليفون تاعو رفد التيليفون لقاها رشيدة
قالها الو شكون معايا قاتلو نسيتني انا رشيدة
وبدات تحكي وتهدر معاه
وهو كان ساكت ويسمع فيها برك
كانت تبكي وتقولو بلي راهي ندمانة عليه بزاف وراهي حابة تولي
قالها صهيب بلي راهو نساها ومش ممكن يولي لواحدة كانت تخون فيه
بدات تبكي وتعيط
وهو يقولها خليني مانيش حاب نولي ليك
وهي تبكي وتعيط وتقولو انا اللي نستاهل باسكو انا _غبية _
كوبا عليها ديراكت صهيب وخلاها
هبلاتو صهيب سماة كومبلي وهي تعيطلو وهو مايرفدش عليها
حتى واحد الخطرة بعتتلو ميساج وقاتلو .....
 
رد: قصة صهيب او رشيدة اممممممممم

ghadwa nkamel part talia :d:d
 
رد: قصة صهيب او رشيدة اممممممممم

علاه هكا كون كملتي والله حكاية مليحة
 
رد: قصة صهيب او رشيدة اممممممممم


حكاية روعة أثرت فيا باركالله فيك خويا
تعيش كملنا القصة وماطولش علينا

 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top