ساعدوني في عجينة الرشتة

[بنت الجسور المعلقة]

صباح و مساء الخير حبيباتي
مدولي كيفاه يديرو الرشتة يعني يصنعوها في الدار
وثاني عجينتها لازم تتعجن كي نتاع المحاجب ولا قيس ما تلميها بالماء وتخليها حاكمة روحها ؟

 

[منايا الجنة]

رد: ساعدوني في عجينة الرشتة

لا اختي ماشي كيما تع لمحاجب كيما قلتي لميها بالماء وتخليها حاكمة روحها

 

[بنت الجسور المعلقة]

رد: ساعدوني في عجينة الرشتة

متتعجنش ؟

 

[samah06]

رد: ساعدوني في عجينة الرشتة

مساء الخير اختي
انا راح نعطيك كيما نديرها في داري
ديري 2 كيلات سميد مع كيلة فرينة ولتكن كنزة لانو فيها العلك وشويا ملح وبيضة ولمي بماء دافي وخليها تريح مدة 1/4ساعة
ومن بعد اعجنيها مليح مثلها مثل الثريدة ومن بعد دريها قرضات صغار حليهم في الالة راهي كل الة وكيفا تخدم وخليها على جنب تشيح مش بزاف ومن بعد فوتيها في القصة تاع الرشتة حبيتي الرقيقة والا لعريضة وفوريها بالشويا يعني لوحي حفنة في الكسكاس بعدما تدهنيه وحطي يدك في الزيت وخليها تقطر فوقها هكذا الفورة الاولى حتى تكملي الكمية تاعك ومن بعد عاوديها بالمرق بارد والزيت مخلطين وخليها تتشرب ومن بعد عاوديها
وانا الرشتة نفضلها بمرق ابيض بلحم الخروف
موفقة اختي واكيد لبنات راح يفيدوك

 

[منايا الجنة]

رد: ساعدوني في عجينة الرشتة

لا اختي ماتتعجنش اصبري عليا من نبعد نجيبلك الطريقة التحضير باذن الله
سلامي

 

[بنت الجسور المعلقة]

رد: ساعدوني في عجينة الرشتة

مشكورييييييين حبيباتي

 

[prncess fifi]

رد: ساعدوني في عجينة الرشتة

لالا ماتتعجنش جيست طميها وخليها تريح وابداي تخدمي

الاسبوع لي جاز خدمتها خسارة ماصورتش الطريقة​

 

[ام عماد]

رد: ساعدوني في عجينة الرشتة

السلام عليكم اختي بنت قسمطينة عجينة الرشتة تشبه عجينة شخشوخة الظفر ماتتعجنش كيما المحاجب وتكون يابسة باش تشيحلك بلخف تروني السميد بالماء والملح فقط تحطيها تريح ممكن ساعة او2 المهم تريح اذا حبيتي رونيها في الليل واخدمي بيها الصباح وانا نخدمها هاكا واذا حبيتي بالتفصيل نحطلك الطريقة بالتفصيل الممل

 

[منايا الجنة]

رد: ساعدوني في عجينة الرشتة

اختي اعذريني لضيق وقتي ماقدرتش نجيبلك طريقة التحضير نخلي الاخوات يفيدوك اكتر
تبانلي كل واحدة كيفاش تحضرها
ربي يكون في عونك
سلامي