دخول للجميع ارجو المساعدة

[مريومةمم]

السلام عليكم
والله ياناس انا فيمشكل نعتبرو كبير نتمنى تعطوني رايكم بكل صراحة وكل واحد يحط روحو في بلاصتي خاصة النساء
انا عمري28 سنة وتعبت بزاف في حياتي عندي ليسانس وعدة شهادات امنيت حياتي الدراسة والحمد لله قريت باه نخدم ونعيش
وتضررت بزاف من نظرة الغير ليا على انني بايرة حتى انو ماين ناس عايروني بيها
الان تقدم لي عريس قمة فيالاخلاق وخدام والحمد لله لكن شرط عليا نقعد في الدار مانخدمش وانا مانقدرش على لقعاد خاصة اني ملي كنت صغيرة عايشة على امل الدراسة وتحسين وضعي ووضع العائلة
ماتفاهمناش في هاد الامر قالي لازم الدار
تعيشو وش لازم ندير؟ نقبل ولالا؟

 

[sahiko hamza]

رد: دخول للجميع ارجو المساعدة

وعليكم السلام ورحمة الله


والله يا أختي راكي انتي ركزتي على انو الناس يعايروك بالبايرة وانتي دوك قلتي جاك واحد
وحابة تخدمــي

من رأيي انو تمشي على كلام خطيبك
والديبلون تاعك راه سلاح
الى ماقدرش راجلك منو جاي حاولي تقنعيه بالخدمة

يعني تفاهموا بلي اذا احوالكم ماشي نورمال لازم تخدمي بديبلومك
وربي يصلحلك الحال ..
​

 

[Ma$Ter]

رد: دخول للجميع ارجو المساعدة

السلام
اختى مكان المراة فى البيت بعد الزواج
والله احسن وراح تنزل عليكم البركة
كى الانسان يترك حاجة فى سبيل الله راح يعوضو ربى خير منها

​

 

[tatou y]

رد: دخول للجميع ارجو المساعدة

أنا في رايي الزوج الصالح خير من الخدمة وكلشيييييييييي غير توكلي على ربي وقبلي بيه مدام هو قادر يعيشك معززة مكرمة
ربي يسجيلك أختي ويباركلك

 

[♫الباحثة عن الحظ♫]

رد: دخول للجميع ارجو المساعدة

السلام عليكم
اختي الكريمة صحيح ما قلته ان ندرس من اجل تحقيق احلامنا و العمل و صح تغيضك انك متخدميش مي يا اختي انت القيتي الرجل الي يسترك و انت قلتيها بايرة و السيد اعجبت به حاولي انك تتناقشي معاه والا ما قبلش انا ليا اتزوجي يا اختي ما يدوملك غير زوجك و دارك
شكرا

 

[بنت عروس الزيبان]

رد: دخول للجميع ارجو المساعدة

وعليكم السلام
أختي العزيزة قرايتك وديبلومك غير هوما اللي ينفعوك وهوما سلاحك في الوقت اللي رانا فيه .. وكي تكوني متزوجة وبدون أولاد وتقدري توفقي بيناتهم نورمال في نظري وعلى حساب الخدمة أيضا هذي نقطة مهمة......... وكلمة الأرزاق راهي كلّها من عند ربّي سبحانو ..
أما إذا صرتي أم تبانلي الأم مكانها في بيتها أحسن باه ماتضيعش حنانتها عليهم وتربيهم المربّية وتهملهم!!
والزواج تيبنوا إلا العشرة يعني نتي وزهرك أختي.. ونحّيها كلمة بايرة من فمك .. كل واحد مايدّي غير مكتوبو .. راهي كلّها أسباب فقط لا غير ..
صلّي صلاة الاستخارة وتوكّلي على ربّ العباد
نتمنالك التوفيق في حياتك كااااااااااامل وربي يسهّلك أمورك في الخير ويسعدك في الدارين غاليتي
:regards01:​

 

[ضحکَة خچڸ ღღ]

رد: دخول للجميع ارجو المساعدة

سلالالامووو

اختي ندعيلك ربي يحقق كل امانيك
ونتمنى منك تنحي هدرة الناس من بالك
لانو الناس العجب وما يعجبهمش
نصيحتي ليك صلي صلاة الاستخارة
وانا تاني قريت كيما انتي والسنة العام التالي نتاعي
مي كي رزقني ربي بزوج صالح فضلتو هو على الخدمة
والمرأة يا ختي ما يدوملها غير زوجها واولادها
وصدقيني مهما خرجنا ومهما درنا
يبقى البيت هو الستر لي يسترنا
وماكانش اروع من انك تصيري ام وتكون مدرسة
وربي يهنيك والراي يبقى راي وكل شئ بالمكتوب

 

[مريومةمم]

رد: دخول للجميع ارجو المساعدة

شكرااااااااااااااااااااا لكلم جميعااااااااااااا لانكم نصحتوني
بارك الله فيكم
ورب يعطيكم كااااامل وش تتمناو سلام عليكم

 

[*RAHMA]

رد: دخول للجميع ارجو المساعدة

SLM KHTI
SAH BECH TESSEMHI FI HEJA 3ECHTI HYETEK W NTI TEBNI FIHA S3IBA BZZF
MAIS KHTI CHOUFI RAY WELDIK HOUWA SAH HOUMA YA3ARFO MASLEHTEK WIN
W IDA HEDA ELI JA YEKHOTBEK YESTEHEL MAKEN HETA PROBLEME MECHI KHSARA FIH
W BELEK FEL MOSTE9BEL RABI YFEREJ 3LIK W TETFEHMOU MOR ZWZJ W YKHELIK TEKHEDMI
KHEMI MLIH W MAT9EL9ICH ROHEK MEN KLEM NES
MLIHA WELA MECHI MLIHA NES MAYEHEBSOUCH NEN HADRA
RABI YWEF9EK KHTITOU W NCHOUFOUK 3ROSSA
SLM

 

[ورود الأمل 2]

رد: دخول للجميع ارجو المساعدة

ولله اختي الراي رايك باه نقلك
هادي مسألة حياة
في زوج ملاح الزواج ولخدمة بصح بالاك يكون الزواج يصلح بيك وممكن ؟؟؟( لازم تكوني مقتنعة اقتناع تام والا ما راهش راح يصلحلك )
ومن جهة الناس هادو نقلك تاع الصح
لوكان تقيميهم وتعطيهم شان كيما يقولوا راح يخلوك مالا من عندي انا لي يصلح بيك ديريه
ما تعطيهم حتى قيمة ولا حتى وجود اصلا على خاطر ناس هكا راهم 0000000000000000000
لا هوما يصرفوا عليك لا يعيشوا فيك باه تعمري راسك بيهم
مااااااااام نتي قيمتك كبيرة مدام قريتي ما لا ما تهبطيش مستواك لناس فارغين من عندي انا
خمي مليح حنونة وربي يوفقك نشالله ويسدد خطاك فيما فيه خير لكي

 

[مريومةمم]

رد: دخول للجميع ارجو المساعدة

شكرااااااااااااااااا للجميع
والله فرحتوني
الله يهنيكم ويعطيكم ناتتمناوووووووووو