مشاركتي المتتواضعة في مهرجان الطماطم

[IKRAM33]

سلام
هدو 2 وصفات مني في خاطر طمطومة دزايرنا الغالية

1​

​

​

​

وصفة للكاتشب مع الشيف يسري جزاه لله خير الجزاء


كيلو ونصف طماطم حمراء + 100 غ سكر + نصف كأس خل + م ص ميزينا + ربع م ص ملح + رشة فلفل أبيض

قطعت الطماطم على زوج ونزلتها فالطنجرة على الجهة لي مقطعة كما هو واضح باش تنزل الماء ديالها بسرعة ومتحرقش

ضفت الطماطم كاملة وغطيتها مليح على نار قليلة شوفى كيف طلقت الما ء

كي طابت طحنتها فالخلاط الكهربائي وصفيتها ورديتها للطنجرة تغلي

ضفت عليها السكر والخل والنشا لي نصحكم تدوبوه ف م ص ماء

هنا بدات تشرب وتعقاد ضفت عليها الملح وادا حسيتي انها معقدتش مليح ممكن تضيفي شوية ميزينا

2
طريقة في تجفيف الطماطم
نحتاجو 1 كيلو طماطم نوع cerise
ملح / توم/ فلفل اسود/ نعناع/ م ك سكر
سخني الفور على درجة 120
اغسلي الطماطم و قطيعيها عاى زوج و حطيها على الجهة المقطعة فى صينية الفور مغطية ب Papier sulfirisé
ضيفيلها الملح الفلفل الاسود و ملعقة السكر مباشرة الى الفور الي كون مفتوح مدة 1 ساعة

خرجيها من بعد و خليها تبرد حطيها في بوقال من الزجاج و زيديلها التوم و النعنان المجفف و غطيها بالزيت من الاحسن زيت زيتون خليها في ماكن جاف مدة 5 ايام تم احتفضي بيها في التلاجة و تصلح لكامل وصفاتك و تدوم طويلا
شكرا ​

 

[ام منصف]

رد: مشاركتي المتتواضعة في مهرجان الطماطم

يعطيك الصحة اختي
لكن يا ريت كانت الوصفات مرفقة بالصور
هكذا تتضح الصورة اكثر
بارك الله فيك
​

 

[السلطانة]

رد: مشاركتي المتتواضعة في مهرجان الطماطم

وعليكم السلام اختي
شكرا على الطريقة
ياريت كانت مع الصور
بارك الله فيك
​

 

[ibtesem]

رد: مشاركتي المتتواضعة في مهرجان الطماطم

baraka allah fi oukhty 3ala wasfa

 

[حاملـة المسك]

رد: مشاركتي المتتواضعة في مهرجان الطماطم

بارك الله فيك ختي
صدقيني غير حطيتي حاجة جديدة و فيها استفادة
لكن للاسف لا تحتسب دون صور
صوري لكان حتى المرحلة النهائية واطلبي من المشرفات يدخلوهم

و بالتوفيق.

​

 

[IKRAM33]

رد: مشاركتي المتتواضعة في مهرجان الطماطم

بارك الله فيك ختي
صدقيني غير حطيتي حاجة جديدة و فيها استفادة
لكن للاسف لا تحتسب دون صور
صوري لكان حتى المرحلة النهائية واطلبي من المشرفات يدخلوهم​

و بالتوفيق.​

​

و الله فرحتنى اختى الغالية ما كنتتش نتصور انه راح يعجبكم الوصفات راح نحاول اليوم بحول الله

 

[C.RONALDO 7]

رد: مشاركتي المتتواضعة في مهرجان الطماطم

يعطيك الصحةياختي الدعوةراهي هنا غير طماطم مكانش بصل ولا والوهه.
شكرا جزيلا أخت‘إكرام

 

[ام اسحاق]

رد: مشاركتي المتتواضعة في مهرجان الطماطم

السلام عليكم

صحيتي اكرام جبتيلنا حاجة جديدة و افكار جميلة
بارك الله فيك
​

 

[IKRAM33]

رد: مشاركتي المتتواضعة في مهرجان الطماطم

السلام عليكم ​

صحيتي اكرام جبتيلنا حاجة جديدة و افكار جميلة
بارك الله فيك ​

شكرا حبيبتي فرحني تقيميك الميز الحاجة ام الاختراع انا تاني حصلت في اكيال الطماطم الي عندى بحت وطبقت و حبيت انتم تاني تستفادو ​