مشاركتي في مسابقة اللمة للطماطم ~ محجوبة حارة ~

[ام منصف]

​

وصفتنا اليوم تقليدية وغنية عن كل تعريف
لكن طريقة تحضيرها تختلف من منطقة لاخرى

حبيت تكون لي بصمة في مهرجان الطماطم نتاع اللمة
بطريقتنا في تحضير المحجوبة
وان شاء الله تعم الفائدة

المكونات
عجينة نتاع المحجوبة عادي دقيق وماء وملح وتعجني مليح
شكليها كرات صغار وخليها ترتاح

الحشو
طماطم مرحية
بصل مقطع مربعات صغار
ثوم
طماطم مصبرة
فلفل اخضر حار مقطع مربعات صغار
ملح فلفل احمر حار مرحي
شحمة اختيارية بصح اكيد المحجوبة بنتها فيها
شوية زيت
وطيبيهم عادي

الطريقة بالصور

طيبيهم على بياض على نار هادئة
لما تكملي كل الكمية اللي عندك ابداي احشي الورقات نتاع الرقاق اللي طيبتيهم

اطوي الورقة نتاع الرقاق كيما في الصورة

ان شاء الله نكون وفقت في الشرح
هذه المحجوبة خفيفة وما تgهمش
​

 

[الحلم الوردي]

رد: مشاركتي في مسابقة اللمة للطماطم ~ محجوبة حارة ~

جـــــآتك هـــــآيلة
بصحتـــــــك
يعطيك الصـــــــحة
​

 

[ام منصف]

رد: مشاركتي في مسابقة اللمة للطماطم ~ محجوبة حارة ~

رغود
بعد اذنك التصميم الاول سرقتو
بهيت بيه واجهة الموضوع
​

 

[ام خديجة1]

رد: مشاركتي في مسابقة اللمة للطماطم ~ محجوبة حارة ~

ما شاء الله طريقة جديدة اختي ام منصف بارك الله فيك وبالتوفيق

 

[mimi53]

رد: مشاركتي في مسابقة اللمة للطماطم ~ محجوبة حارة ~

teslem ayadi mahdjoba techahi okheti oum monssif

 

[حاملـة المسك]

رد: مشاركتي في مسابقة اللمة للطماطم ~ محجوبة حارة ~

رغود
بعد اذنك التصميم الاول سرقتو
بهيت بيه واجهة الموضوع
​

يخاه ام منصف حاجتي حاجتك
زيدي ارفدي فواصل المقادير و الطريقة
و أكيد لاي اخت حابة تستعملهم
راني شايفة روحي منين مكاش عندي شكون ليخدملي و يبهيلي مواضيعي
و نهار بدات المنافسة فاجأني وليدي و قالي نعرف نخدمهم
ما يكون منصف

لي عودة باذن الله​

 

[ام منصف]

رد: مشاركتي في مسابقة اللمة للطماطم ~ محجوبة حارة ~

امالا هو
المصمم 'ع'
اللي راكي تعمليلو تحية في نهاية كل موضوع
ربي يحفظو ويصونوا ويخليه من المتفوقين يا رب
بلغيلو السلام من عند خالتو شريفة

​

 

[omarwa]

رد: مشاركتي في مسابقة اللمة للطماطم ~ محجوبة حارة ~

طريقة هايلة ًام منصف بارك الله فيك مالا اليوم. محجوبة مطمطة حارة هههه ربي يحفظلك منصف وندوشة

 

[ibtesem]

رد: مشاركتي في مسابقة اللمة للطماطم ~ محجوبة حارة ~

بصحتك المحاجب المطمطمة شريفتي
سخفتيني فيهم
نجرب طريقتك جديدة عليا
بالتوفيق​

 

[oumsif]

رد: مشاركتي في مسابقة اللمة للطماطم ~ محجوبة حارة ~

يعطيك الصحة ام منصف محاجب خفيفين يهبلوا

 

[hadda0425]

رد: مشاركتي في مسابقة اللمة للطماطم ~ محجوبة حارة ~

صحيتي يا الفحلة جاو هيالين
معنديش بزاف ملي جربتهم يجو بنة اخرى
ماشي بعت فلاخ خيرلا ثشاويث ناريش ام ثشاويث نكاروبير
لي مافهمش يحط البقشيش نترجملو خخخخخ:p
​

 

[عفاف الجزائرية]

رد: مشاركتي في مسابقة اللمة للطماطم ~ محجوبة حارة ~

محاااااجب حارين سخونييييييييييييين هيا هيا هيا
كون غير درتيهملي كيما هبطنا للبحر رانا صورنا فيها شوي صويردات
يعطيك الصحة شوشو اختي رب يبارك وطريقتك الصراحة ماش موالفة نديرها يعني تطيبي الرقاق شوي تحشيه وتعاودي ترديه يطيب
انا نطيبو كيما هكذا ويكون رقيق ارق منو نحشيه ونعاود نديرو في عجينة خلاف ونطيبو
بربي نجربها
ربي يبارك فيك وموفقة في مهرجان الطماطم يا طمطوطمة
​

 

[كوثر الوهرانية]

رد: مشاركتي في مسابقة اللمة للطماطم ~ محجوبة حارة ~

طريقة هاااايلة اختي شريفة الف شكر ليك على الوصفة راهي تبان تشهي نشري السميد و نجربها بادن الله

 

[حاملـة المسك]

رد: مشاركتي في مسابقة اللمة للطماطم ~ محجوبة حارة ~

هو بالذات ام منصف هه

عجبتني حشوة المحاجب تجي خفيفة بالطماطم الحب
نسييها باذن الله
و طريقة الطياب نعملها فقط انا بعد ما نطيباه كما تفضلتي نزيد نحطها في وريقة اخرى نية
تجي مورقة هايلة
شكرا على ما قدمت

بالتوفيق

​

 

[حاملـة المسك]

رد: مشاركتي في مسابقة اللمة للطماطم ~ محجوبة حارة ~

لي مافهمش يحط البقشيش نترجملو خخخخخ:p
​

في المهرجان كاين المنظمين و مصلحة قمع الغش و الرقابة
لعلمك :d
​

الرقابة العامة :regards01:​

 

[قلمي سلاحي]

رد: مشاركتي في مسابقة اللمة للطماطم ~ محجوبة حارة ~

أم منصف تميزتي بهذه المحجوبة
والتي تعتبر جديدة بالنسبة لي
ما نعرفهاش من قبل بهاد الطريقة العصرية
بوركت يمناك على الأنجاز
مشكورة أختي ​

 

[nada242008]

رد: مشاركتي في مسابقة اللمة للطماطم ~ محجوبة حارة ~

الله الله على المحجوبة الشاوية وتحية كبيرة لناس اريس :up:

 

[nada242008]

رد: مشاركتي في مسابقة اللمة للطماطم ~ محجوبة حارة ~

صحيتي يا الفحلة جاو هيالين
معنديش بزاف ملي جربتهم يجو بنة اخرى
ماشي بعت فلاخ خيرلا ثشاويث ناريش ام ثشاويث نكاروبير
لي مافهمش يحط البقشيش نترجملو خخخخخ:p
​

انا ديشيفريت 3 كلمات هههههههه
خيرلا = معناها شكون خير والعلم لله
تشاويث ناريش = شاوية اريس
تشاويث كاروبير = شاوية كاروبير ام البواقي خخخخخخ

ماشي بعت فلاخ اعصرو مخاخكم ههههههه صعيبة ياسر

 

[samah06]

رد: مشاركتي في مسابقة اللمة للطماطم ~ محجوبة حارة ~

يعطيك الصحة يا ام منصف
محجوبة تهبل شهتيني ابعثيلي قسمتي

 

[ام منصف]

رد: مشاركتي في مسابقة اللمة للطماطم ~ محجوبة حارة ~

صحيتي يا الفحلة جاو هيالين
معنديش بزاف ملي جربتهم يجو بنة اخرى
ماشي بعت فلاخ خيرلا ثشاويث ناريش ام ثشاويث نكاروبير
لي مافهمش يحط البقشيش نترجملو خخخخخ:p
​

البقشيش نتقاسموه حدودتي ههههههههه :p:up:
​