سلام هدا موضوع حساس ولازم تشاركوني بآراءكم ممكن ناس بزاف تكون contr وتولي pour. كاين ولاد وكامل نعرفو الطريقة لي جاو بيها وهم اظفال غير شرعيين هاد الاظفال لي كاين عائلات حرمهم ربي من الانجاب يجيبوهم يربيوهم وعندهم أجر كبير عند ربي . شوف سيد الامة واش قال : لقوله صلى الله عليه وسلم
أنا وكافل اليتيم في الجنة كهاتين وأشار بإصبعيه السبابة والوسطي) . اليتيم ولا كيما نقولو الطفل الغير شرعي ماعندو حتى دنب في هاد الدنيا واحد فينا ما خير والديه ولا خير كيفاه يعيش أنا وأنت وأنتي كنا قادرين نكونو هكدا . هادو لولاد راهم ضعاف محتاجين رحمة على خاطر ما عندهمش شكون يعطف عليهم . يكونو معاك والديك وخاوتك وتحس روحك وحيد غير تقسيك حاجة وهم وحدهم صح والمجتمع تاعنا ما هوش مخليهم tronkil . لي رايحة نقولو درك هو الواقع مي ماشي على الناس كامل pcq مازال كاين الخير . كون واحد يروح يخطب وحدة كيما هكدا يماه ترفض أنها تديهالو . لي علابالو بهاد الراجل ولا بهاد الطفلة بلي يتيم يقول لي معلابالوش تولي الناس كامل تشوف معاه وهو deja ربي لي عالم وبالنقص لي راه حاسو ومين يدور يلقى الناس تشوف معاه . des foi نسمعو لولاد يعايرو في طفل يتيم مشكيتش لكان طفل عندو اقل من 15-16 سنة يجيبها من راسو كون ما سمعش والديه يهدرو ما يعلمش . مهما نهدر ما نقدرش نكفي على خاطر رانا نشوفو فالظلم لمتسلط عليهم من عند ناس بزاف malgre هم ما عندهم حتى دنب بلاك يجيو صالحين ومتربيين خير ملي عندهم ماشي غير عايلة عندهم عرش في ضهرهم . لازم كامل نفهمو بلي هاد الطفل الغير شرعي انسان قبل كل شيء وعندو شخصية وعندو حق في كل شي ماشي عدل أنو هاد الفئة تتحرم مرتين مرة من حنانة الوالدين ومرة من رحمتنا وعطفنا عليهم مهما هدرنا ومهما درنا ما نقدروش نحسو واش يحس هو ولا هي في الدقيقة لي يعرف بلي هو مجهول النسب ووالديه رماوه بلا رحمة . أعلاه ما يكونش ربي دارهم باه يدخلونا للجنة لقوله صلى الله عليه وسلم :"من مسح رأس يتيم لم يمسحه إلا لله كان له بكل شعرة مرت عليها يده حسنات" . العبرة من كل هاد الموضوع أنو لازم مانفكروش بطريقة سلبية من جيهتهم ونكونو أحنا خاوتهم ووالديهم ونساهمو في توعية الناس لي راها ناقمة عليهم . والسلام عليكم.
أنا وكافل اليتيم في الجنة كهاتين وأشار بإصبعيه السبابة والوسطي) . اليتيم ولا كيما نقولو الطفل الغير شرعي ماعندو حتى دنب في هاد الدنيا واحد فينا ما خير والديه ولا خير كيفاه يعيش أنا وأنت وأنتي كنا قادرين نكونو هكدا . هادو لولاد راهم ضعاف محتاجين رحمة على خاطر ما عندهمش شكون يعطف عليهم . يكونو معاك والديك وخاوتك وتحس روحك وحيد غير تقسيك حاجة وهم وحدهم صح والمجتمع تاعنا ما هوش مخليهم tronkil . لي رايحة نقولو درك هو الواقع مي ماشي على الناس كامل pcq مازال كاين الخير . كون واحد يروح يخطب وحدة كيما هكدا يماه ترفض أنها تديهالو . لي علابالو بهاد الراجل ولا بهاد الطفلة بلي يتيم يقول لي معلابالوش تولي الناس كامل تشوف معاه وهو deja ربي لي عالم وبالنقص لي راه حاسو ومين يدور يلقى الناس تشوف معاه . des foi نسمعو لولاد يعايرو في طفل يتيم مشكيتش لكان طفل عندو اقل من 15-16 سنة يجيبها من راسو كون ما سمعش والديه يهدرو ما يعلمش . مهما نهدر ما نقدرش نكفي على خاطر رانا نشوفو فالظلم لمتسلط عليهم من عند ناس بزاف malgre هم ما عندهم حتى دنب بلاك يجيو صالحين ومتربيين خير ملي عندهم ماشي غير عايلة عندهم عرش في ضهرهم . لازم كامل نفهمو بلي هاد الطفل الغير شرعي انسان قبل كل شيء وعندو شخصية وعندو حق في كل شي ماشي عدل أنو هاد الفئة تتحرم مرتين مرة من حنانة الوالدين ومرة من رحمتنا وعطفنا عليهم مهما هدرنا ومهما درنا ما نقدروش نحسو واش يحس هو ولا هي في الدقيقة لي يعرف بلي هو مجهول النسب ووالديه رماوه بلا رحمة . أعلاه ما يكونش ربي دارهم باه يدخلونا للجنة لقوله صلى الله عليه وسلم :"من مسح رأس يتيم لم يمسحه إلا لله كان له بكل شعرة مرت عليها يده حسنات" . العبرة من كل هاد الموضوع أنو لازم مانفكروش بطريقة سلبية من جيهتهم ونكونو أحنا خاوتهم ووالديهم ونساهمو في توعية الناس لي راها ناقمة عليهم . والسلام عليكم.
