اللي دارت طفل انابيب تعاوني

[ام سحر و لؤي]

السلام عليكم انا قريب نديرطفل انابيب و راني خايفة بزاف اللي عندها تجربة تعاوني

 

[صديقة الشقاوى]

رد: اللي دارت طفل انابيب تعاوني

ربي يسهلك اختي يارب
واحدة قريبة اكثر من 10 سنوات زواج لم ترزق بطفل
وجربت هذه التجربة و الحمد لله نجحت وجابت احلى بنوتة سماتها اميرة و راهي الحمد لله قريب تقفل عام
ربي يجعلك كما هيا

 

[Ŝĥåĥĭйëž Ïķřăмơǖ]

رد: اللي دارت طفل انابيب تعاوني

يا اختي انا راني خدامة ف سبيطار راهي حاجة نورمال تكلي على ربي وربي راه معاك و تنجحلك بربي انشاء الله نعرف بزاف ناس داروها والحمد الله ولادهم راهم كبرو و ربي يسهلك ان شاء الله ويرزقك باحلي بيت و لا ولد ان شاء الله

 

[homework]

رد: اللي دارت طفل انابيب تعاوني

ربي يفتح عليك الاخت الكريمة هي عملية عادية انشاء الله تكلل بالنجاح نعرف وحدة 10 سنين ماجبتش اولاد دارتها العام الماضي جابت 2 بنات توامالله يبارك

 

[sirin2013]

رد: اللي دارت طفل انابيب تعاوني

سلام اختي ياس
ربي يسهلك نعرف 2 ديرينها وحدا درتها في لبلاد عندها ولد وبنت و وحدة درتها في فرنسا 2 خترات راها عندها 2 ولاد كبار الله يبارك
وكاينة وحد الحصة في قناة المانية rtl2 وسمها دجي كل سمانا نتفرجها يدرو لشحال من مرا هذ تاعملية سهلا بزاف وتقريب تنجح مع بزاف نساء هي سهلا نحوس عليها في لنترنات ونبعتهالك حتى ولا متفهميش الهدرة هههههه معليش شوفي برك

 

[melissa lola]

رد: اللي دارت طفل انابيب تعاوني

السلام اختي عن تجربة خذي راي طبيب اخر قبل اجراء عملية التلقيح الصناعي (الانابيب)التي تختلف عن الحقن المجهري يجب ان تعلمي الفرق بينهما فالاولى تتم بسحب البويضات الى الخارج ويتم التلقيح خارج الجسم وبعد ذلك يتم ترجيع الاجنة في حال حدث اخصاب اما الثانية فتتم عن طريق معالجة السائل المنوي للزوج وحقنه داخل مهبلك مباشرة بطبيعة الحال العملية الثانية غير مكلفة واقل الما مقارنة بالاولى لكن عن تجربة اول طبيب قصدته انا وزوجي وجهنا مباشرة الى التلقيح الصناعي بحجة انه لا يمكنني ان احمل بدونه حسب قوله لان تحاليل زوجي كارثية حسب رايه وعندما اتجهت الى طبيب اخر وجهني الى الحقن المجهري وقال لي حتى في حالة عدم نجاحه نعيده حتى 3مرات ثم نلجا الى التلقيح الصناعي وحملت اول مرة بتوام وولدتهم ولادة مبكرة وتوفو و الحمد لله طبعا كل حالة ولها مايناسبها لكن نصيحة من اخت الادوية و المنشطات التي تاخذ قبل التلقيح من شانها ان تسبب تكيس بالمبايض لذا تاني واستخيري المولى عز وجل اي معلومة انافي الخدمة سلام

 

[ام سحر و لؤي]

رد: اللي دارت طفل انابيب تعاوني

ربي يحفظكم خواتاتي على الرد ختي صديقة الشقوي يعطيك الصحة على التشجيع ختي شهيناز ربي ينورك على الرد و الدعوة ختي homework ربي يفرحك ختي سيرين ربي يحفضك حتى انا كي نولي ل فرنسا هذ المرة نديرها و ربي يجازك على البحث ختي ميليسا ربي يفرحك و يرزقك في اقرب و قت يا رب انا عندي انسداد قناتي فالوب و درت عملية باش نفتحهم و ما نجحتش على هاذي ما نقدرش ندير تلقيح مجهري قوليلي ختي ربي يحفظك نتي التلقيح نجح اول مرة

 

[melissa lola]

رد: اللي دارت طفل انابيب تعاوني

السلام اختي نعم التلقيح نجح اول مرة لكن لازمت الفراش 14يوم اتجه فقط للمرحاض اعزكم الله طبعا الطبيب يقولك اسبوع وباشري حياتك لكن من باب الاحتياط الا قدرتي تريحي ريحي امشي غير بالعقل تفادي الدرج و الكعب العالي واهم شيئ لا تستحمي حتى بالماء البارد طبعا ممنوع الجماع تفادي الامساك وعليك بكثرة شرب الماء ابحثي في النت عن تجارب التلقيح الناجحة لكن استخرت مولاي قبل اجراء العملية وربي سهلها كما يقولو لكن اهم شيئ داومت على الاستغفار الف الفين في اليوم حسب الظروف فالاستغفار من اسباب الرزق انشاء الله ربي يفرحك كيما فرحني وتحسي احساسي انا وزوجي يارب قادر على كل شيئ لكن مشي باه نخوفك التلقيح اللي انت بصدده يتطلب راحة تامة بالفراش حتى تلتصق البويضة الملقحة بجدار الرحم عكس الحقن المجهري اللي تكون فيه المراحل طبيعية ادعي ربي وصدقي واستغفري بالتوفيق

 

[ام سحر و لؤي]

رد: اللي دارت طفل انابيب تعاوني

ya3tek saha khti milissa 3la Rad farahni bezaf ma nakdabch 3lik rani khayfa men khaybat l amal nhalah douk nhawal nartah maximum deja ana sakna wahdi fi fransa lmouhim ana natmana nfarah rajli kbal ma nfrah 3la khatar rani nhas b taanib damir ki nhouf li zawjou m3ana rahoumb drri w hna la emplus hadrat nass ma tarhamch surtout 3aylat rajli koulili chhal k3adti zwaj bach darti tefl ananbib

 

[ملااااك]

رد: اللي دارت طفل انابيب تعاوني

ياسمين حنونة ماتخفيش انا بنت خالتي دارتو وجابت طفلة تهبل مشاء الله

وفي الحمل الثاني جابتها بلا عملية طفل الانبوب ربي رزقها بولد تاني

هي لازم تقعدي فالفراش باش يثبت الحمل وربي يكملك وان شاء الله مايكون غير الخير

ربي يكون فالعون حنونة

​

 

[ام سحر و لؤي]

رد: اللي دارت طفل انابيب تعاوني

ربي يحفظك ختي و يعطيك ما تتمناي و تولدي بخير و علئ خير يا رب

 

[sousou david]

رد: اللي دارت طفل انابيب تعاوني

ربي يعطيك وش تتمناي اختي وانشاء الله ربي يرزقك بالذرية الصالحة

و ما تخافي ما والو انا مرت خالي 8 سنين ما جبتش لولاد
و كي دارتها ربي بارك جابت التوام طفلة و طفل (أنس و أسيل) راهم يهبلو درك عندهم شهرين
مى لازم الراحة ثم الراحة .
و الله العظيم نعمة من عند ربي و اللى يصبر و يدير ربي في بالو ينال
​

 

[ام سحر و لؤي]

رد: اللي دارت طفل انابيب تعاوني

ربي يعيشك ختي سوسو و يعطيك ما تتمناي فرحتيني

 

[ضيوف وسـنغادر]

رد: اللي دارت طفل انابيب تعاوني

ربي يرزقك باجمل طفل ويحفظهولك يا رب
ومن لم يرزقه ربي في الدنيا فله
في الجنة عشرات حمله في ساعة ووضعه في ساعة ولتخير من شكله ما شئت​

 

[ام سحر و لؤي]

رد: اللي دارت طفل انابيب تعاوني

بارك الله فيك اختي ربس يعطيك ما تتمناي

 

[سارة88]

رد: اللي دارت طفل انابيب تعاوني

اطفال الانابيب هل هو نفسه استخراج البويضة و تلقيحها ثم ارجاعها للرحم

 

[جيجل الزينة]

رد: اللي دارت طفل انابيب تعاوني

أنا تاني بديت نخمم نديرو عندي 5 سنين و نص زواج و عمري ما رفدت

 

[جيجل الزينة]

رد: اللي دارت طفل انابيب تعاوني

للرفع

 

[ام رانيا6]

رد: اللي دارت طفل انابيب تعاوني

سلام اختي انشاء الله ربي يفرحك انا تاني نديرها بصح مازل ماجمعتش المبلغ وانا عندي انسداد في قناة فالوب شكون لكما انا تنصحني.ربي يفرحني ويفرح كل المحرومين من الذرية

 

[ام حوحو]

رد: اللي دارت طفل انابيب تعاوني

ربي يفرح كل محروم يا رب آمين