ماذا ستطبخين اليوم سيدتي انستي الجزء **34 **

[nada242008]

رد: ماذا ستطبخين اليوم سيدتي انستي الجزء **34 **

شهرا طريق السلامة تهلاي صوري هههه قصدي تهلاي في روحك:d
لويزة عيدك مبارك كل عام ونت بخير ..كاش فحالة كاش طياب كاش تصاور
فريدةاحكيلنا كيفاش فوتي العيد في دار خوك
ام ايناس كملتي الميناج تاع البنتورة ولا نجي نحك معاك الpلانت:d
ميمي و ام منصف وينكم

 

[ibtesem]

رد: ماذا ستطبخين اليوم سيدتي انستي الجزء **34 **

سموحة الله يحفضك واخليك ربي اكملك حملك نفرحو برئود
سموحة راهي ليك مادوريش عليا من بعد برك خخخ
===============
شهرورة اعيشك يالفحلولة
سلمي على لي رايحا عندهم
======
ميميتا فينك​

 

[حاملـة المسك]

رد: ماذا ستطبخين اليوم سيدتي انستي الجزء **34 **

السلام عليكم

يعطيكم الصحة لبنات حركتو شويا الركن و كنقول شويا يعني صح شويا
لانو بزاف راهم غايبات او حاضرات غايبات ... ركن الطبخ اكبر من هكدا كثير كتير
اعذروني على التعليق و الله غير مخي حابس و اموري معطلة .. الله يفرجها و يفرج على كل مؤمن
دخلت هد اليومين بسبة العيد و على وجه الاخوة و الصداقة التي لا تقدر بثمن
و رغم اني ختمت كلامي البارح بدمتم في حفظ المولى وليت باش نحط تحضيرات المشاوي للعشا :p
صور الشوا لخرجو باهيين نحطهم لانو برى في الجنينة مشي في السطح كما عفاف قريبة للقمر :d:p

فاصل و نواصل :-h
​

 

[حاملـة المسك]

رد: ماذا ستطبخين اليوم سيدتي انستي الجزء **34 **

الغدا مطيبتش جاني طايب كتر خير ناس الخير

ضياف جاوني العشية :d

المشاوي قبل التتبيلة

بعد التتبيلة

في الاسياخ

و ألالا لالا لالة على قوولة فنان الجزائريين ادير حاليا على قناة الجزائرية :up:
و ألالا لالا لالة حباباتي :$​

 

[samah06]

رد: ماذا ستطبخين اليوم سيدتي انستي الجزء **34 **

بسومة واش بيك خاه هدرة رجالة ومن العيد الجاي راني جاتبا العيد لعروستي وجايا عندك
حاملة المسك صحى عيدك حبيبتي وبصحتك المشاوي والشيء اللي بعثولك ناس الخير كثر الله خيرهم
وضيافك كامل بالبشامق مكانش صباط
انا حسبتو حمام ههههههههههههه

 

[حاملـة المسك]

رد: ماذا ستطبخين اليوم سيدتي انستي الجزء **34 **

بسومة واش بيك خاه هدرة رجالة ومن العيد الجاي راني جاتبا العيد لعروستي وجايا عندك
حاملة المسك صحى عيدك حبيبتي وبصحتك المشاوي والشيء اللي بعثولك ناس الخير كثر الله خيرهم
وضيافك كامل بالبشامق مكانش صباط
انا حسبتو حمام ههههههههههههه

هههههههههههههههههه :up::up:
أضحك الله سنك..ربي يعيشك سماح ضحكتيني و نا مشي قادرة على قولة خالتي بوعلام الله يرحمها و يرحم جميع موتانا ...
وينعاد عليك بالخير حبيبتي و العائلة و ما يكون العيد الجاي و معاك رائد

و زرويت ترويت ايأااااا هههه دائما مع ادير

تقبل الله صلاة الجميع ...قومو للصلاة يرحمكم الله.​

 

[ibtesem]

رد: ماذا ستطبخين اليوم سيدتي انستي الجزء **34 **

ايا خلاص سموحة هنتيني من شريات على الاقل تاع وحدة خخخخخخخخخخ
==============
رغود واش هدا الخير وين حطتيهم وقيل في الجردا مزال الحال دافي عندكم
مشاء الله ربي ابارك
عييت انا نخير في مشباق ليا لقيتهم كام يتشابهو تقول تاع اولاد شهدا خخخخخخخخخخخ
بصح راني ديت الموف ليا والبنات ادو راهي تحاسبكم المشاميق هههه​

 

[ibtesem]

رد: ماذا ستطبخين اليوم سيدتي انستي الجزء **34 **

سلام نسيت نقولكم
امنياتي {خيرة }
تسلم عليكم كامل قالت لكم والله توحشتكم ربي لي عالم قدات
خاصة تاع المطبخ
معندهاش النات
عن قريب ان شاء الله ترجع

​

 

[ام خديجة1]

رد: ماذا ستطبخين اليوم سيدتي انستي الجزء **34 **

بصحتكم الطيابات ما شاء الله روعة روعة وخصوصا بلحم العيد بنتها غير
اختي حدة الزينة طيابك لا يعلى عليه ما شاء الله من المالح للحلو ربي يحفظك يا الغالية الله لا يحرمنا من طلتك الباهية
حبيباتي ابتسام وندى وفريدة وسميرة وايمان وحاملة المسك وعفاف وسماح و...........والكل الكل بدون استثناء صح عيدكم وينعاد عليكم بالهناء ان شاء الله

 

[ام خديجة1]

رد: ماذا ستطبخين اليوم سيدتي انستي الجزء **34 **

ما شاء الله لاحولة ولا قوة الا بالله ربي يسعدكم ويخليكم لبعضيكم

 

[ibtesem]

رد: ماذا ستطبخين اليوم سيدتي انستي الجزء **34 **

بصحتكم اختي ام خديجة
=============
‏hasna23 ربي اخليك اختي وافرحك ويسعد ايامك كيما متعتينا بصور العيدكم
ربي اشافي ايدك وتهلاي في صحتك
​

 

[كوثر الوهرانية]

رد: ماذا ستطبخين اليوم سيدتي انستي الجزء **34 **

مساء الخيرات و اليمن و البركات كي عشيتوا الشيرات
حدة يا حدة غبتي و جبتي الخير و الخمير معاك الف مبروك العرس و صح عيدكم و طيابك يا لحبيبة نسخف عليه نتاع الصح بصحتكم
ندوشة ربي يحفض وليداتك و يحميهم مشاء الله عليهم بوسة في يد المحنية راهي كيفي نموت على الحنة
سماح ربي معاك يا اختي حافضي على روحك راكي مريضة
بسومة مشاء الله عيدكم فات هايل و اللمة الجزائرية فالغربة كانت مشاء الله و وليداتك الله يحميهم و مريومة العزيزة دخلت للقب ديراكت
رغود واش هدا الشعب اللي راه عندك باين قلبك كبير و بنت ناس و الناس يبغوك علبيها يجوا عندك و المشاوي ميميم مشاء الله
لويزة واش راكي اختي كاش عدات عندكم في نويورك
شهرا الساجية تروحي و ترجعي بخير تهلي في جداتك و قلشيها
عفاف راني في انتضار الصور في الهواء الطلق
ندوشة العيد عند خويا فات روعة روعة تلايمنا حنا لخوت كان خاص غير خويا نتاع الصحراء بصح كان حاضر معانا فالتيليفون في كل دقيقة يكلمنا
الصباح مدبحناش بكري خويا خلانا و راح دبح نتاع جوارينه الحشمة و ما تدير المهم مع العشرة و نص بدا يدبح فالاول و التاني ثم التالت و انا نشوط في البزلوف كملتهم و غسلتهم و قشطتهم و درتهم يغلوا
و نساء خوتي فالدوارة و كي كملنا نقينا الحوش و دخلنا للكوزينة الي تقلي فالحميص و اللي تطيب فالخبز و اللي تسقد السلاطة و الفريت و خويا الاصغر مني يزهر فالمجمر و يشوي فالملفوف و تغدينا كامل و من بعد درنا اتاي و ولينا للكوزينة كوثر و بنت خويا غسلوا لماعن و انا و مرت خويا تقابلنا على الدوارة خدمنا العصبان خيتك خيطت عشرة عصبانات و عمرتهم و درت للعشاء دوارة بالحمص خليتهم يكملوا و مقدرتش رحت رقدت بلا عشاء و الغدوة الصباح صبحت عوجة من ضهري حتى درت لبرة و شربت الدوا المهم خويا قشط لكباش و شونا لي كوتلات و لمينا سويلحتنا و كل واحد حطه خويا في داره
بصح فاتت روعة مع الهرج نتاع الدراري
الحمد الله وعقبال العام الجاي
هدا تقريري ليومي العيد
اليوم الغداي لي كوت مقليين البارح لعشاء بوزلوف شرمولة و العشاء اليوم راهي باقية الماكلة راجلي قالي متطيبيش سخني و فيها براكة

 

[nada242008]

رد: ماذا ستطبخين اليوم سيدتي انستي الجزء **34 **

رغود قولي لضيفتك مولات البشماق الموف راكي مسافرة خخخخ كي عادت فردة راكبة فوق ختها
بصحتك المشاوي اممممم..منو جاي نعسك كي تقولي في حفظ المولى
ام خديجة سخفني الروز باللون الغوز امممممممممم بصحتكم
فريدة نقرا ونتخايل بصحتكم الجملة ربي يدومها ان شاءالله.

 

[ام ايناس]

رد: ماذا ستطبخين اليوم سيدتي انستي الجزء **34 **

مساء الانوار عليكم لبنات ا
انا اليوم كملت الصبغة والميناج راني عيااانة بصح كي شفتها تنقات نسيت العيا راكي روطار ددوشة كون جيتيني البارح تعاوني هربتي وخليتيني ربي يخليلك ددوشة ورائد يهبلو ربي يبارك فيهم
لبنات ربي يبارك فيكم على بالي فحلات كل وحدة وطيابها كلش يشهي بارك الله فيكم
سلالالالالامي للجميع
انا شوييت لي كوت للعشا وكي كملنا العشا تفكرت لي فوتو ههه بديت نضحك
​

 

[hadda0425]

رد: ماذا ستطبخين اليوم سيدتي انستي الجزء **34 **

سلام عليكم جميعا
واش راكم الله اباركم راكم حالة او حطة مخلتوش في قلوبكم من نهار الاول خخخخ
ان شاء الله اكون فاتو اليومين عليهم هايلين
اووو لادكم تمتعو باجواء العيد والجو كان مليح
احنا رحنا للفيرما كانو جزائرين تمى ضحو واشواو عملو زيطة مليحة بصح تقلق تاع الصح
كلمة عربية ماتسمعيها منهم كي رجال كي نسا كي لولاد
المهم منين نبداو من يوم عرفات
هدي شخشوخة

​

بصحتكم يا اخت هههههههه
ديريلي القلب بلاك نحشم ونديرها
​

 

[hadda0425]

رد: ماذا ستطبخين اليوم سيدتي انستي الجزء **34 **

مساكم بالخير على قولة خيرة الله يذكرها بالخير ويرجعهالنا بالسلامة
وسعو خليوني نحي غلبة العيد هههه
دودو1 انا نزعف من حباباتي جامي جامي غير نحي في سماطة من فمي برك ههههه
ولي ما عرفتهمش هما بالتسلسل حميص و بيري وشوربة الجزر بلاكرام فراش
واهلا بيك معانا في المطبخ اللماوي
لويزة بصحتك التشليلة تع الصور ان شاء العام الجاي تبعبعي هنا ههههه قصدي تعيدي هنا
شهرا مش مشكل خلاص وطريق السلامة يا النعامة هههه جيبلنا صور العادات وتقاليد الدفلاوية
ندوشة البشبوشة هههههههه قتلتني كلمة يا كشايفي بالضحك حسيت روحي في طارة مع شويةعجايز يا كشايفي يا شومي يا خلايا هههههه
ام خديجة ورغد بصحتكم المشاوي
وربي يفرج همك رغد وهم كل المسلمين
عشانا كان زيرو 0 هههه يعني والو ورحمة ربي سبحانو جاوني لعشية هادي ضياف درتلهم قهوو حليب ومقرود وغريبية ايا شربو معاهم لحليب بالمقرود برك على قلبهم بطلو لعشا :up:
الحلوة جاماتك وصلو ونت مكانش صح عيدك
تصبحو على خير نروح نصلي ونكمل القش راه في لاماشين الافي
بسوم جبتيلنا اخبار خيرة الله يطمن قلبك
​

 

[حاملـة المسك]

رد: ماذا ستطبخين اليوم سيدتي انستي الجزء **34 **

ايه يا ابتسام يتشابهو و ما روحو نولات تجيني الميساجات .. تغالطت مع فلانة قليلها تهلالي فيها راهي من النيلون ديال بكري (ليتلوطو) على قولة لوستي:-r
و الله على نياتك ام خديجة .. الله يعمرها علينا و عليكم و يبارك في الاهل و الضيف
فريدة بصحتكم الجملة و الدبيحة و الله يبارك في خوها و يشافيك ختي و يشافي زوجك قريت رد ليك بلي مداير البلاتر
ههه ندى حتى نتوما تعرفوهاديال البليغة المتراكبة :s:up:



دائما مع الشروق و مشاوي على المباشر

كاااااسي بارد بارد بارد :p

يا يما على الشروق القمر و مطلقاتوش :s

غدا بادن الله شخشوخة بسكرية بفلفل البلاد :-r لا هداه ربي السوg و خدم راهي بالقرعة
و الا راح تكون فطسة كما ديال بسومة غير بالبوم دو تار :d

نقلكم دمتم في حفظ المولى ..؟:-o

الصباح رباح و تصبجو على الخير و الهنا.​

 

[عفاف الجزائرية]

رد: ماذا ستطبخين اليوم سيدتي انستي الجزء **34 **

هااااااااااااااو كي عشيتو
هاني جيت وجبت شوي تفاتف معايا ربي يبارك رغود المشاوي
حدة انا خاطيني يخي علقت وعلقتلك على ادم وقلتلك كي يذبح ويقدملك طبسي الكبدة نتي الاولى
بسومتي عيدك فات روحعة واللي كملت عليا ايد مريومة بالحنة ربي يحن علينا اجمعين بواش متمنيييين
هاذي الكبدة الفال الاول كي ذبحنا اول حاجة فطرنا عليها

وهاذي العصبان وجتدتها ورح نديماري نخيطها

هي كي تخيطت فصلتها قنادر قنادر :d

هاذا غدا النهار التاني بربوشة انا نجري وهوما يجرو قلتلهم والله نصور يا لوكان في فمكم

وهاذو لي كوت مقليين

هنا الشواء

وللعشاء درتلهم مقرون نحطلهم ونصورلكم مازال ما تلمدو كل واحد في قرنية هامل
صحا عشاواتكم كاااااااااااااامل
​

 

[عفاف الجزائرية]

رد: ماذا ستطبخين اليوم سيدتي انستي الجزء **34 **

دوختني رغود جاماتني ما جيت نشوفها نلقاها ماشي هنا :-o
​

 

[كوثر الوهرانية]

رد: ماذا ستطبخين اليوم سيدتي انستي الجزء **34 **

دليلة بصحتك الصبيغة تهنيتي شفي كي تتنقا الدار القلب ينشرح بصحتكم اختي
حدة يا حدة بصحتكم القهو بالغريبية امممممممممممممم
رغود راكي معولة عليا اليوم راني ساخفة على هداك المطلوه اللي راكي حطاته راه طايب كيما يحب القلب و الخطر بعتيلي خبزة انا اختك
هههههههههههه بصحتكم المشاوي
انا راني نحاول فيه باش يخرجنا غدوة نشوا على برا و نعرت
هو من حيت طاح مزال مساقش قالي نجرب غدوة ندور بيها و نشوف والله الصغار راهم باغيين يخرجوا هدا الصيف كامل مخرجوش كي طاح باباهم