هيا نعوضو ماكولات السوق بماكولاتنا لصحتنا و صحت اولادنا

[انريس]

كاين ماكولات بزاف يتباعو برا نحبوهم كبار و صغار بصح ما علابالناش كيفاه تخدمو ولا راهم مطابقين شرط النظافة او لا و حتى لو كانو مطابقين لشروط النظافة المواد الحافظة اللي فيهم قادرة تضرنا و تضر ولادنا و كاين حاجة اخرى ساعات السعر ما يكونش في متناول الجميع و لهذا حبيت نحط هذا الموضوع اللي تعرف او اللي يعرف كيفاه نقدرو نخدمو هذي الماكولات في البيت يفيدنا و رانا كامل نستفادو من بعضانا و بما اني انا الاولى اللي اقترحت هذا الموضوع راح نشارككم ببعض وصفاتي المنزلية
اولا الياورت
مستحيل تفرقوه على اللي يتباع برا و يجيك ارخس منو في السعر
المقادير
1لتر حليب نفيضو نص و نخليو نص النص اللي ما فيصناهش نحطولو 1 ياوورت الذوق اللي تحبو و كاس سكر نخلطه مليح و نضيفوه للنص اللي فيضناه نحطوه في قرعة و نسكروها مليح و ما دخلوهاش للثلاجة بعد 24س يجهز للاستعمال اللي يحب يقطع فيه فاكهة يقطع و بصحتكم
ثانيا الشيبس
انا نقطعو بقشارة البطاطة رقيق و ما نملحوش نحط الزيت يسخن ونلوح الرقائق بالوحدة باه ما يلسقوليش نقصو للنار برك وكي يتقلاو حطوهم على ورق المطبخ باه ميجيش مزيت و ملحو في الاخير
ثالثا الكاشير
كلاتو بنتي و دارلها تسمم من هذيك و انا نخدمو في الدار وواحد ما فاق بالفرق
صدر دجاج مفيهش لعظم و مرحي
كاس خبز مرحي
ملح
فلفل اسود
كمون
بيضة
صبغة حمراء
نخلطو كامل المقادير في الميكسور مليح ونحطوهم فوق كيس اللي نطيبو فيه الجاج او المنيوم نشكلوه حربوش و نحطو داخلو الزيتون و اللي يحب يدير الفلاماج نسكرو عليه الكيس مليح على شكل حبة حلوة ونربطوه مليح بخيط من الجهتين و نلوحوه داخل ماء يغلي مدة نصف ساعة
رابعا فرماج الطلي
نص كاس لبن
2مغارف لحظة
قرصة ملح فلفل اسود
ونضيفو كاس زيت مع الخلط بالباتور على طريقة المايوناز وفي الاخير نضيف عصير حبة قارص
خامسا سردين العلب
كيلو سردين نضفوه مليح
ملح
فلفل اسود
كاس زيت
نص كاس قارص
كاس ماء
2مغارف ك طماطم مصبرة
ماتزيدو حتى نوع من التوابل ولا الرند راهو يفسدلكم الطعم (عن تجربة)
سكرو على كلش في الكوكوطة مدة ربع ساعة بعد الغليان
ملاحظة ما تاكلوهش في هذاك اليوم على الاقل بعد24 ساعة
و كي تحلو الكوكوطة نتاعكم تلقاو الما نشف و بقى غير الزيت خبيوه بالزيت نتاعو
سامحوني بنتي الصغيرة راهي تبكي مازالو عندي حوايج اخرين ضرك نحطهملكم و راني نستنا في اراءكم و وصفاتكم نتمنى تتفاعلومعايا شوية ونولي

 

[سكون الفجر]

رد: هيا نعوضو ماكولات السوق بماكولاتنا لصحتنا و صحت اولادنا

بارك الله فيك اخيتي وجزاك الله الجنة

الوجبات السريعة غزت بيوتنا الله المستعاااان

 

[رنيم الصمت]

رد: هيا نعوضو ماكولات السوق بماكولاتنا لصحتنا و صحت اولادنا

يعطيك الصحه
هدا وش راني محتاجة حاليا

 

[عاصفة الورود]

رد: هيا نعوضو ماكولات السوق بماكولاتنا لصحتنا و صحت اولادنا

بارك الله فيك
فعلا مكانش قد الحاجة المخدومة فالدار
les conserves والله مرض
يعطيك الصحة

 

[samah06]

رد: هيا نعوضو ماكولات السوق بماكولاتنا لصحتنا و صحت اولادنا

شكرا لك اختي انريس
والله اكل برا انا وحدة نعافو وخلي الطريقة المحضر بيها والا هادوك المكونات وطريقة حفضهم

 

[انريس]

رد: هيا نعوضو ماكولات السوق بماكولاتنا لصحتنا و صحت اولادنا

راني رجعت نكملو انشاءالله
سادسا المايونيز علابالي بلي نسبة كبيرة منكم تعرفو تديروه معليش نعاودو يقولو في الاعادة افادة
1صفار بيض
قرصة ملح
ونخلطو بالخلاط اليدوي برك نضيفو الزيت وهنا السر نتاع المايوناز لازم نبداو نضيفو فيه غييير بلعقل والمبتدئة تستعمل مغرفة نتاع قهوة تضيف بيها في الاول باهما يفسدلهاش كي تشوفو بدا يخثار تكب الزيت بالكاس عادي ولكن على دفعات وكي تشوفوه جمد مليح ضيفو اخل حوالي 2مغارف ولكان بقالكم جامد بزاف بعد ما تضيفولو الخل زيدولو شوية ماء كاين اللي يحب ينكهو بالثوم و الفلفل السود هذا راجع لذوقكم و الوصفة اللي ترافقو
سابعا النوتيلا

كأس سكر
كأس زيت
كأس حليب
كأس ماء فيه 2مغارف لحظة​

باكية شوكولا حليب امباسادور البيضاء​

ملعقتان من الكاكاو ​

50غ شيكولة noir​

250غ من الزبدة
بيضة واحدة​

2م نوازات مرحية بودر
طريقة تحضير شوكولا الطلي:
الطريقة سهلة ، نضع الزبدة و قطع الشيكولا فوق النار حتى الذوبان ثم نزيله و نضيف باقي المقادير​

نحرك الكل في خلاط كهربائي
ثم نضعه في الثلاجة لمدة لا تقل عن 4 ساعات​

كلما بقي في الثلاجة، كلما عقد و تخثرأكثر​

​

هيا يا الفحلات عاونوني شوية بافكاركم و وصفاتكم راني نستنا اللي تعرف روسات تمدهالن نعرفكم ماكمش بخيلت يا فحلات اللمة​

​

 

[انريس]

رد: هيا نعوضو ماكولات السوق بماكولاتنا لصحتنا و صحت اولادنا

علاه معندكمش des recettes تشاركونا بيهم؟؟؟ رانا نستناووووووووو

 

[رنيم الصمت]

رد: هيا نعوضو ماكولات السوق بماكولاتنا لصحتنا و صحت اولادنا

نشارك ب زبادي مجرب من عضوة معرفت من منتدى اللمة و للا الجلفة

أختي إذا راب لك الحليب ماذا تصنعين به أثري الموضوع بردك.

عن نفسي إذا راب الحليب أصنع منه زبادي طبيعي رائع *petit suisse* ومرات أروب الحليب عن قصد لأصنع منه

الزبادي لأنه غير مكلف وصحي ولذيذ


إذا راب الحليب أو أردت تروبيه إبتداء ما عليك سوى وضع الحليب في قنينة وإضافة ملعقة صغيرة خل واغلقي القنينة وضعيها في مكان دافئ حتى تتحصلين على هذا الشكل الماء من تحت وخلاصة الحليب من فوق


أفرغي محتوى القنينة في شاش نظيف اوقماش واعمليه صرة أو رزمة وعلقيها حتى يقطر الماء كليا وبعد ذلك أفتحيها لتتحصلي على كتلة خاثرة مثل العجينة


أحضري الخلاط وضعي فيه المروحة وقطعي الكليلة إلى قطع وشغلي الخلاط حتى يتجانس الخليط 4 أو5 د

نحضر كأس شاي مليء بالحليب فايض وبارد ونضيفه إلى الخليط شيئا فشيئا (كمية الحليب هذه كافية للتر وربع من الحليب )والخلاط دائما شغال


نتحصل على هذا القوام المتماسك

أعطى هذه الكمية وفنجان آخر


​

 

[ام خديجة1]

رد: هيا نعوضو ماكولات السوق بماكولاتنا لصحتنا و صحت اولادنا

بارك الله فيك اختي انريس موضوع مهم جدا غاليتي
بالنسبة للكاشير اضفتي الملون له ننصحك وننصح كل الامهات الانتباه لهذا السم القاتل اجل غاليتي راه من مواد كيميائية مصنعة ويسبب امراض خطيرة جدا والاعياذ بالله منها
انا نفضل نعمل العصير طبيعي في كل موسم وفاكهته واضيف عسل النحل بدل السكر

 

[انريس]

رد: هيا نعوضو ماكولات السوق بماكولاتنا لصحتنا و صحت اولادنا

نشارك ب زبادي مجرب من عضوة معرفت من منتدى اللمة و للا الجلفة​

أختي إذا راب لك الحليب ماذا تصنعين به أثري الموضوع بردك.​

عن نفسي إذا راب الحليب أصنع منه زبادي طبيعي رائع *petit suisse* ومرات أروب الحليب عن قصد لأصنع منه​

الزبادي لأنه غير مكلف وصحي ولذيذ​

إذا راب الحليب أو أردت تروبيه إبتداء ما عليك سوى وضع الحليب في قنينة وإضافة ملعقة صغيرة خل واغلقي القنينة وضعيها في مكان دافئ حتى تتحصلين على هذا الشكل الماء من تحت وخلاصة الحليب من فوق​

أفرغي محتوى القنينة في شاش نظيف اوقماش واعمليه صرة أو رزمة وعلقيها حتى يقطر الماء كليا وبعد ذلك أفتحيها لتتحصلي على كتلة خاثرة مثل العجينة​

أحضري الخلاط وضعي فيه المروحة وقطعي الكليلة إلى قطع وشغلي الخلاط حتى يتجانس الخليط 4 أو5 د​

نحضر كأس شاي مليء بالحليب فايض وبارد ونضيفه إلى الخليط شيئا فشيئا (كمية الحليب هذه كافية للتر وربع من الحليب )والخلاط دائما شغال​

نتحصل على هذا القوام المتماسك​

أعطى هذه الكمية وفنجان آخر​

يعطيك الصحة رنيم والله غير نجربها في اقرب وقت انا كنت كي يروبلي الحليب (تع البقرات) نديرو في قارورة بلاستيكية و نغلقها مليح و نمخضو حتى يدير الزبدة و نشربوه لبن مع الدقلة ولا مع الكسرة و ساعات كي نجي رايح نفيضو و يفسدلي و الله غير نرميه ما نكذبش عليك ساعات ننسى مانسيش نفيض طاوة كاملة و تروح هكذاك نزرب نسيحها باه ما يفيقش بيا راجلي:$ يكره غير لفساد و ضرك راكي جبتيلنا الحل:regards01:

 

[انريس]

رد: هيا نعوضو ماكولات السوق بماكولاتنا لصحتنا و صحت اولادنا

بارك الله فيك اختي انريس موضوع مهم جدا غاليتي
بالنسبة للكاشير اضفتي الملون له ننصحك وننصح كل الامهات الانتباه لهذا السم القاتل اجل غاليتي راه من مواد كيميائية مصنعة ويسبب امراض خطيرة جدا والاعياذ بالله منها
انا نفضل نعمل العصير طبيعي في كل موسم وفاكهته واضيف عسل النحل بدل السكر

شكرا حبيبتي على التقييم و نصيحتك رايحة ناخذها بعين الاعتبار انا ثاني والله ما نحبو الملون الغذائي نديرو علاجال بنتي باه ماتفيقش بلي خدمتو في الدار بصح من اليوم مانزيدش نديرو وضرك نحيه من المقادير تاع الكاشير حنا ماذا بينا نفيدو ماشي نضرو:bravo01::bravo01::bravo01:

 

[انريس]

رد: هيا نعوضو ماكولات السوق بماكولاتنا لصحتنا و صحت اولادنا

هذي زلابية الاخت ابتسام عجبتني حطيتهالكم نشاءالله تسمحلي

بسم الله الرحمان الرحيم

اولا اقدم شكر خاص الى صاحبة الوصفة
بارك الله فيها جات هايلة
المقادير
3فناجين فرينة
فنجان سميد
2ملاعق كبار زيت
2ملاعق كبار السمن او زبدة زائبة
نصف ملعقة صغيرة خميرة خبز
2ملاعق كبار سكر
شوية ملح وماء دافئ
التحضير
نخلط المقادير الجافة اولا ثم نضيف الزيت والزبدة
نخلط جيدا
نضيف الماء قليلا قليلا الى ان نتحصل على خليط متجانس
نتركها ترتاح ربع ساعة
اليكم الصور توضح اكثر

 

[MARIEM MERRY]

رد: هيا نعوضو ماكولات السوق بماكولاتنا لصحتنا و صحت اولادنا

جزاك الله الف خيلر خليتيني نكتبهم كامل باش مايروحوليش ونقول نجربهم كامل
اكيد كي نجرب راني نردلك بالخبر
الف شكر

 

[انريس]

رد: هيا نعوضو ماكولات السوق بماكولاتنا لصحتنا و صحت اولادنا

مشكورة الاخت مريم

 

[nassima 87]

رد: هيا نعوضو ماكولات السوق بماكولاتنا لصحتنا و صحت اولادنا

يعطيك الصحة انريس لي عودة ان شاء الله​

 

[أم رزق الله]

رد: هيا نعوضو ماكولات السوق بماكولاتنا لصحتنا و صحت اولادنا

يعطيك الصحة اسماء ربي يجازيك خير على مجهودك