الغزو الانثوي في المنتديات .. وانقراض ؟؟

[علي الفاضلي]

السلام عليكم ...

الغزو الانثوي ،، اليكم التقرير اولا :

(( بلغ عدد سكان الجزائر 9ر37 مليون ساكن إلى غاية 1 جانفي 2013 أي تسجيل ارتفاع
ب16ر2 بالمائة مقارنة بسنة 2011 حسب الديوان الوطني للإحصائيات الذي يتوقع أن يصل
عدد السكان إلى 7ر38 مليون نسمة في جانفي 2014.
و أظهرت الإحصائيات أن الرجال مثلوا 61ر50 % من سكان الجزائر سنة 2012 في حين
مثلت النساء 39ر49 % )) .

التعليق:
التقرير يشير الى ان النسبة بين الاناث والذكور متقاربة جدا ،، فلا اشكال ....

طيب : جاءني أحدهم بقائمة الأساتذة فلفت انتباهي أن عدد الأستاذات اكبر من عدد الأساتذة.
أي نسبة 60 بالمائة إناث.

ثم تحصلت على قائمة أخرى لفئة من الطلبة يقدر مجموعها بــ :430.
فكانت نسبة الإناث : تكاد تقارب الثلثين ، 255 إناث و175 ذكور.

وقمت بإحصاء تقريبي للعاملين معي فتبين لي تفوق عدد الإناث خصوصا في الإدارة
بشكل واضح جدا يفوق الثلثين.

ملاحظة وان كانت عابرة ،، لما كنت بدار البلدية بدا لي الغالب نساء وراء المكاتب .:-o

وقمت بإجراء حساب طفيف هنا في المنتدى أكثر من مرة للمتواجدين:
1- فلاحظت الغالبية للإناث بلا منازع بالنسبة للأعضاء.:yahoo01:
2-نسبة الأعضاء المشرفين ، فيه تساوي تقريبا بين الجنسين.
3-لاحظت أن اغلب المشاركات والردود الغالب فيها الإناث.
4-عدت لاستطلاع قديم هنا في المنتدى فوجدت النسبة التالية :
عدد الاناث : 335 ،، اما عدد الذكور :121 ،، تقريبا نسبة الثلثين.

*********
السؤال 01 :
هل إحصائيات الديوان صحيحة ؟؟ أين الخلل في أعيينا أم في حساباتهم؟:dunno01:
السؤال02 :
لماذا استولت الإناث على جل المناصب ؟ حتى في المنتديات؟
ماهو التعامل الأمثل مع هذا الغزو الانثوي؟؟:surrender01:

العمدة//حصري.

 

[أم راضية ~_]

رد: الغزو الانثوي في المنتديات .. وانقراض ؟؟

السلام عليكم
فيما يخص صحة الإحصائيات ربما قد تكون صحيحة لم لا ..
أما فيما يخص الغزو الأنثوي كما سميته أنت , ربما لأن الرجال يفضلون التواجد خلف الستار و في الكواليس ولست أدري .. أمر محير فعلا
ولله في خلقه شؤون ..​

 

[علي الفاضلي]

رد: الغزو الانثوي في المنتديات .. وانقراض ؟؟

السلام عليكم
فيما يخص صحة الإحصائيات ربما قد تكون صحيحة لم لا ..
أما فيما يخص الغزو الأنثوي كما سميته أنت , ربما لأن الرجال يفضلون التواجد خلف الستار و في الكواليس ولست أدري .. أمر محير فعلا
ولله في خلقه شؤون ..​

مشكورة ،، صاحبة الاتراك .

لقد زدتي الامر حيرة ،، ولم تجيبي عن التساؤلات ؟؟

اين في الكواليس ؟؟ حتى السوق معمر نساء ..:s

دمتي سالمة.

 

[أم راضية ~_]

رد: الغزو الانثوي في المنتديات .. وانقراض ؟؟

مشكورة ،، صاحبة الاتراك .

لقد زدتي الامر حيرة ،، ولم تجيبي عن التساؤلات ؟؟

اين في الكواليس ؟؟ حتى السوق معمر نساء ..:s

دمتي سالمة.

السوق مليء بالنساء صح لكن من يبيع و من يُلاحق ...؟
من يسوق الحافلات و شكون الروسوفور ؟؟؟؟
فالجامعات راهم معمرين الرجال
والقهاوي شكون الي معمرهم ؟ -جامي لا شفت قهوة فارغة -!!!!
والسطاد شفتو كيفاش يتعمر تم تم و الغاشي الي يبقى برا تانيت كبير!!!
ومانحسبوش الي راهم فلابوليس والعسكر و الحماية المدنية و خلي المحابسية و الي حرقو و الي ماتو ربي يرحمهم
الرجال كاينين برك ما يحبوش الاضواء ينوضو على الوحدة و فالليل يسهرو فالزوايا والتشخاني ههههههه
----
وتبقى امكانية صحة المعلومة واردة و لِم لا يكون غزوا انثويا على العالم ؟؟ ياك تموتو على التعدد هاهي جات ليكم وحدها هههههههههههه
​

 

[magique]

رد: الغزو الانثوي في المنتديات .. وانقراض ؟؟

اضف الي ذالك عدد العازبات ( البايرات) اكثر من 15 مليون وحدة
اخر الاحصائيات شيخ شميسو نتاع النهار هه:d

عازبة ماشي معناها بايرة ،،ديرونجاوك البايرات ؟؟؟؟
1 بايرة = دي شوموغ ، حتى هوما باااااايرين...توت فاسون:down::down:
1 حيطيست = كثر من 10 بنات في الليسي يقراوا،،وهو يستنى فيهم باش يمارديهم:-o:-o
1 طفلة في المنتدى = دوبل تاع لي جون لاتيين بلي كومونتاغ والتقرعيج في الفايسبوك:dunno01::dunno01:
1 مراة خدامة = 1 راجل قاعد في الدار :down::down:
1 تقرا سوا في الليسي ولا الجامعة = 3 ولا 4 خاوتها قاعدين في الدار تانني :surrender01::surrender01:

وطلع الحسبة....

si on veut critiquer,, çe sont les fills qui ont le droit de critiquer les garçons ,, on ferme pas les yeux!!! regarde autour de toi cher frère w chouf les filles f l sommet ,, tjrs vers le haut mais ,, toujours t7abou tbaynou rwa7kom !!! pour rien,, faite attention
​

 

[magique]

رد: الغزو الانثوي في المنتديات .. وانقراض ؟؟

désolé raho men demar nsit n9oulek merci pour le sujet,, welit ta3refni sans parler j'aime pas les critiques adouma,, sujet mli7 bzf rien n'est bizarre

,,respet... chpeau
​

 

[الزهرة الحمراء]

رد: الغزو الانثوي في المنتديات .. وانقراض ؟؟

السلام عليكم اخي
صح في هاذي عندك الحق ولينا وين نروحو نشوفوا النسا غزاو الحالة
وانا نقول الاحصائيات صحيحة وعلاش لا
اما بخصوص الاناث بزاف في اماكن العمل يمكن المراة عندها مسؤولية زعما كثر من الراجل ولا تعطي الخدمة كل وقتها على عكس الرجل ويبقى السؤال مطروح اخي
وديجا حتى في كلاستنا البنات كثر من الذراري
تقبل مروري المتواضع اخي

 

[Teacher Sweet]

رد: الغزو الانثوي في المنتديات .. وانقراض ؟؟

شكرا على الطرح أخي, بصح كلمة "غزو أنثوي" ماااا....
تبين المرأة تزدم في كل حاجة على بيها معجبتنيش هاذ الكلمة.
الإحصائيات ممكن تكون صحيحة, وكثرة النسا لي نشوفوهم ماتعنيش بلي نسبتهم أكثر psq الكثير من الرجال يبقاو في الخفاء, وأغلبيتهم قتلهم التفنيين ( إلا من رحم ربي) تلقى المرا عندها عش نتاع ذراري و هي لي تروح تشري ولا تخرج الوثائق...إلخ. ولا الراجل راه مغبون في خدمتو نهار كامل وكي يجي طول يدخل لدارو.
عذرا على الإطالة وشكرا أخي.

 

[الناقد الصريح]

رد: الغزو الانثوي في المنتديات .. وانقراض ؟؟

-لاحظت أن اغلب المشاركات والردود الغالب فيها الإناث
خوي عندك حق وش راح نديوا راقدة وتمونجي كرهوامن المسلسلات يخرجوا يحوسوا
....كاين المكرووند
....كاين الشخشوخة تتباع والكسكس ووو.......
....ماشينة غسيل القش والماعن
.....المطلوع وعاد يتباع
.....الخبز متوفر كل يوم
.....العيش كاين مازالهم المقطعة وقريب يديروها في الاسواق ونسيت الغريف كيف كيف
قاعدين قعاد المنتديات خويا

 

[أم راضية ~_]

رد: الغزو الانثوي في المنتديات .. وانقراض ؟؟

-لاحظت أن اغلب المشاركات والردود الغالب فيها الإناث
خوي عندك حق وش راح نديوا راقدة وتمونجي كرهوامن المسلسلات يخرجوا يحوسوا
....كاين المكرووند
....كاين الشخشوخة تتباع والكسكس ووو.......
....ماشينة غسيل القش والماعن
.....المطلوع وعاد يتباع
.....الخبز متوفر كل يوم
.....العيش كاين مازالهم المقطعة وقريب يديروها في الاسواق ونسيت الغريف كيف كيف
قاعدين قعاد المنتديات خويا

ماهوش يهدر على النسا فالمنتديات ولا الي يشرو هاد العفايس
راهو يقول بشكل عام النسا فالدنيا اكتر من الرجال ................​

 

[Teacher Sweet]

رد: الغزو الانثوي في المنتديات .. وانقراض ؟؟

خويا ماتعممش , مش أي وحدة خرجت معناها راها فاضلة شغل, شوف هاذيك لي راها البر psq تقرا,لي تصرف على دارهم,لي تخدم وتعاون في راجلها, ارملة تخدم على ولادتها, لي ما عندهاش لي يهنيها من كاش حاجة... والأمثلة كثيرة. وصح كاين لي تخرج تدور برك, المهم انك ما تعممش فكرة في بالك على الجميع و شكرا.

 

[magique]

رد: الغزو الانثوي في المنتديات .. وانقراض ؟؟

-لاحظت أن اغلب المشاركات والردود الغالب فيها الإناث
خوي عندك حق وش راح نديوا راقدة وتمونجي كرهوامن المسلسلات يخرجوا يحوسوا
....كاين المكرووند
....كاين الشخشوخة تتباع والكسكس ووو.......
....ماشينة غسيل القش والماعن
.....المطلوع وعاد يتباع
.....الخبز متوفر كل يوم
.....العيش كاين مازالهم المقطعة وقريب يديروها في الاسواق ونسيت الغريف كيف كيف
قاعدين قعاد المنتديات خويا

khoya,, hadh chi li rak t9oul fih rah y9oul beli 7na lbnat wensa en général 9a3din bla khedma la 9edhya la walou c'est grave wech ak t9oul
nse9sik haja w9is 3liha lbnat ta3 adh lblad kaml ::ntaya ki tchouf beli khwatatek par example wla lwalda mahomch yekhedmo fi khedmethom wela yokhorjou pour rien ghir bach ydoro ""avec mon respet "" ......
alors dok nta hnaya li marakch tekhdem fi khdemtek ,, weli hiya t'essayi bach tcontroli hadh la7wayej wetkhalihom mriglin bien comme rabat manzel

pour moi,, na3tilek un exemple men 7yati.... 3andi deux frères plus grands que moi et b1 sur mon père,,,
idha b3eththom leblassa mayro7och,, par ex lbaldiya bach nkherej des papiers wla so9 wla blassa b3ida...alors ana obligée nro7 nesdem wast les jeunes,, bach na9dhi 7ajti ,, w la chose li nel9aha ::: le dérangement ta3 les jeunes w les dragues parfois meme klam 9bi7 et tous ,,,,aprés nhaz l3ib beli rani mane7kemch dar,, wbeli nkathar adorat...kima rak t9oul nta ....ana hna nwali dhalma pourtant ke je suis une victime ,, et sa fait maaaaaaaaal

donc tofla idha cheftha barra ,, dir fi balek wech 9outlek dok

sa fait beli vous etes la raison ta3 ce phénomène làà...
​

 

[الناقد الصريح]

رد: الغزو الانثوي في المنتديات .. وانقراض ؟؟

معاك بصح قلييييييييييييييييييييل

 

[IKRAM33]

رد: الغزو الانثوي في المنتديات .. وانقراض ؟؟

اكيد وجهة نظرك مقبولة و لكن مبالغ فيها ليس هناك غزو و لا اجتياح كل ما في الامر ان المراة تتربع على عرش المناصب الكفئةالتي يكثر فيها التعامل مع المواطن

اما بالنسبة للمنتديات اغلب الرجال يهتمون بجوانب اخرى في النت غير المنتديات و اهتمامات الاسرة و المسائل العامة

مشكور على مجهوداتك
​

 

[الناقد الصريح]

رد: الغزو الانثوي في المنتديات .. وانقراض ؟؟

اكيد وجهة نظرك مقبولة و لكن مبالغ فيها ليس هناك غزو و لا اجتياح كل ما في الامر ان المراة تتربع على عرش المناصب الكفئةالتي يكثر فيها التعامل مع المواطن

اما بالنسبة للمنتديات اغلب الرجال يهتمون بجوانب اخرى في النت غير المنتديات و اهتمامات الاسرة و المسائل العامة

مشكور على مجهوداتك
​

المناصب الكفئة:down:
عنها خليتونا نروحوا للصحرا باش نلقاو بلاصة
الشمال والوسط الأولوية ليكم.........:down:

 

[abdellah gourari]

رد: الغزو الانثوي في المنتديات .. وانقراض ؟؟

أعتقد بعد كلمة غزو أنثوي مش راح نزيد غير انو ممكن تلقى العكس في أماكن أخرى

 

[ريانة]

رد: الغزو الانثوي في المنتديات .. وانقراض ؟؟

غزو أنثوي دوك نتقابض معاك :d لبنات c vrai كترو ومزااااااااااااااال ياو قالك نوصلو لوقت الراجل يدي 4 نساء وتبقى الأزمة هههههههههههه ياي لي ما تطيرش درك راجل راحت عليها الدعوة راحة تولي belachaine والله هاد الموضوع كاين منو مي أنت شفتي 2 ولا 3 بلايص روح لبلايص وحد أخرين تلقى غزو رجالي في المنتدى الغزو الانثوي جايب فايدة عالرجال وعالنسا واش رايك فالغزو تاع الرجال لي فالمقاهي خلى وجلى ما فيه حتى فايدة غير بنت فلان ومرت فلان وهداك escro شوف partou ادا كان الغزو الانثوي فالسوق ldifou فالرجال لي راقدين فالديار على خاطر باتو ساهرين يلعبو flakart وكاين تاني غزو رجالي فلحباس راهم غير يبنيو وما نعرف لا يكفيو وتاني ولاو الرجال يتكلو على المراة في كل شيء c pour sa المراة راها مرا وراجل علابيها بارزة في المجتمع وهدا مجرد رأي .

 

[علي الفاضلي]

رد: الغزو الانثوي في المنتديات .. وانقراض ؟؟

اشكر جميع الاعضاء الكرام على تفاعلهم مع الموضوع ،،

والموضوع شائك فعلا ،،

هل فعلا عدد النساء اكثر من الرجال ؟

لماذا جل المناصب استولى عليها النساء ؟ لجمالهن ؟ لجديتهن وتفوقهن على الرجال ؟ لأسباب اخرى ؟؟

شخصيا وين نروح نلقى النساء خصوصا في الادارات والتعليم ،،

ونظن من اسباب القضاء على التعليم زيادة على سياسة بن زاوغو ،، وبن بوزيد ...كثرة النساء في هذا
القطاع ......وجهة نظر تحتاج الى اقناع بغير هذا ؟؟

هل فعلا الرجال اصبحوا كالخفافيش ما يظهروش غير في الليل وفي النهار راقدين ؟؟

فهمونا اذا راكم فاهمين ؟؟

 

[Teacher Sweet]

رد: الغزو الانثوي في المنتديات .. وانقراض ؟؟

الموضوع رايح ويتشعب وهاذا دال على جودة الطرح.
المهم, إذا النسا هوما لولين في المناصب فلأنو الجنس الطيف يتسم بالمسؤولية على عكس الرجل, و تلقى المرا حارصة على أنها تخدم خدمتها بأكمل وجه. ياك الراجل يخدم شوي ومبعد يسكيفي, مانيش نظلم في الرجال بصح هاذي حقيقة وتصرا قدامي . فيما يخص أن النسا يدوها على الرجال في الخدمة بسبب أنهم الجنس الناعم هاذي مكاش منها الواحد منا ما يدي الا لي كاتبهالو ربي. بغض النظر على بعض الإستثناءات في بعض الإدارات , وين يفضلوا يخدموا مرا على انهم يخدموا راجل. وهاذي صح تصرا في حياتنا اليومية لي رانا نعيشوها, ونرجع نقول "بعض الإستثناءات"​

 

[شجـ الروح ـون]

رد: الغزو الانثوي في المنتديات .. وانقراض ؟؟

السلام عليكم ورحمة الله تعالى وبركاته
كعادته العمدة مصر على اشعالها حربا ضروسابين فحولة آدم وغيرة حواء
نسأل الله لطفا منها حربا
اما عن الموضوع في حد ذاته
فاني آراه من الجانب الآخر
أتراهم الرجال في طريق الانقراض
ام تراهم في سبات الى اجل غير مسمى
عن نفسي اعاني مشكلة من اختفاء ادم عن الاضواء ههه
بالطبع لست اقصد الثلث الوارد في احصائياتك عمدة
بل اتسائل عن مابقي غيرهم من احصائيات الديوان
شكرا استاذي
يضاف الموضوع الى قائمة المواضيع المميزة للقسم
مع متابعة الردود
بارك الله فيكم

​