واش راكم يا أحبابي و أصحابي
و الله توحشتكم وتوحشت حكايتكم و ردودكم
عندي بزاف ما كتبتش و تغيبت على ركني - واش راك تهدر -
اللي بصراحة نموت عليه و ما نقدرش نبعد عليه
المهم منطولش عليكم و نبداو نحكيو على موضوعي اللي أكيد خذيتو فكرة عليه
من خلال العنوان
أينعم نحكيو على المعزة بعد الوالدين و اللي بصراحة بالبعد عليهم نفقدوها
و أكيد الكثير منكم يشاركني ويشاطرني في الراي
واللي ما يشاطرنيش الراي نقولو تفضل جاوبني على اسئلتي
* يا من درا شكون لي يتفقدك في الليل و يغطيك إذا طاح الفراش عليك
........بخلاف الميمة الحنانة
* يا من درا شكون لي يGولك واش بيه وجهك ما هوش مليح و يخمم عليك
......بخلاف الميمة
*يا من درا شكون لي يتقلق عليك اذا بطيتي برا ويجري بين الباب للطاقة .........بخلاف الحنانة
*يا من درا شكون لي يخبيلك الحويجة و يدرGهالك باش تاكل منها كي تجي
وتروح للدار
.........أكيد الوالدة العزيزة
*يا من درا شكون لي يسهر معاك و يسهر عليك اذا صابك مكروك
و إشتدت الحمى عليك
........طبعا وبلا نقاش الميمة
*يا من درا شكون لي يقلق عليك كي تكون تجوز في الإمتحان و لا كان عندك حاجة شاغلاتك
...طبعا الأم الحنانة
*يا من درا شكون لي دمعتها تسبق دمعتك إذا بكيتي وتأثرتي
وتحتضنك بصدرها الحنين
طبعا بلا الشك الأم الي مهما بقيت نعدد في تواجدها في حياتك بيكفينيش لا موضوع ولا إثنين....؟؟؟؟؟
الله يرحمك يا أمي و يجعل مثواك الجنة
تحياتي أحبابي
