كيف تعرفين أن "حبيبك" مخادع ؟ كيف تكتشفين أنه لن يتزوجك؟

[نزهة الفلاح]

كيف تعرفين أن "حبيبك" مخادع ؟ كيف تكتشفين أنه لن يتزوجك؟​

السلام عليكم ​

ازيكن عاملات ايه؟ معلش هكلم لهجة مصرية عشان يبقى البساط أحمدي اصل الموضوع كبير ولازم نفهم بعض​

إلى كل بنوتة حبيبها مدوخها السبع دوخات وعاوزة تعرف هو جاد ولا مش جاد فمسألة الارتباط ​

مبدئيا الموضوع فيه نوعين: النوع المرتبط عاطفيا على النت والنوع المرتبط عاطفيا على أرض الواقع ودة غير دة طبعا ​

ما علينا: دلوقتي البنت عايزة تجوز حبيبها تعمل ايه؟ وتعرف ازاي انو شاريها؟​

تلاقي الواد لهلوب في الكلام المعسول يقول كلمة من هنا تنسى البنت اسمها من هنا ​

وطبعا البنوتة تلاقيها كلمة بكلمة هو يقول مهجة فؤادي من هنا تقوم هي رازعاه بكلمة أقوى منها لغويا باعتبار انها بتحبه أكثر ​

بصي بقى يا اختي انتي نشفي الدور واعملي فيها مقموصة وهو طبعا هيغرقك كلام أحلى من العسل في خلية النحل نفسها تقومي مبتسمة وتقوليلو هو الكلام دة من قلبك؟ هيقولك طبعا من نغاشيش نغاشيش قلبي هتقوليلو وبعدين؟ الخلاصة؟​

لو قالك: ايه يعني ايه الخلاصة، من هنا اعرفي مبدئيا انو بيستهبل قومي انتي اعملي فيها مدرسة العربي النجيبة وقوليلو:​

مش المفروض الحب دة يتوج بارتباط رسمي، مش انت بتحبني برضه ولا ايه؟ ​

هيقولك: اه طبعا بموت فيكي ( ولو انو اصلا لو عرف الموت على حق مش هيقرب ليكي ) بس انتي عارفة يا حبيبتي بعد المسافة والظروف وانا لسة بكون نفسي وأي عذر ممكن تتخيليه ​

هنا بقى يا عسولة اخلعي من الدور لأنو هيفضل يقولك اصبري علي ومش عارف ايه ولو من بلد ثانية ومش جاد هيدوخك السبع دوخات، مرة يقولك امي تعبانة، مرة يقولك انا فاتحت أهلي وهما رافضين بس انا بحارب عشان حبنا ( كدة هعيط منكم ) او انو يقولك احنا لسة معرفناش بعض كويس بلاش تسرع وخلينا نستمتع باللحظات الجميلة ​

أو حرام عليكي بقى انا الي هو انا داخل النت عشانك ( أو جاي جنينة الحيوانات متفرقش يعني ) عشان وحشاني موت وعاوز اكلمك واخفف معاكي تعب الشغل وقرفه تقومي تعكري مزاجي كدة هو مكفاكيش اننا مع بعض؟​

تقومي انتي تقوليلو: هو انت مش شايف ان احنا طولنا في الحب قبل حتى ما نقول بسم الله فيه؟​

يقوم يقنعك ان الحب قبل الزواج هو الحلاوة الحقيقية وان بعد الزواج بتبقى المسؤولية .................​

هنا بقى كل الحوار الي فات، فكك من الشاب دة لانك هتعنسي ومش هيجوزك ​

في الحلقة القادمة هقولك الواد الجاد بيعمل ايه ولو مش جاد ازاي تخليه يفكر في الارتباط بجد، او يؤكد لك انو مفيش ارتباط خالص ​

يلا اشوفكن على خير ​

استني هنا هو مش برضه في فاتورة تدفع ولا ببلاش كدة دعوة حلوة كدة منك ليك عشان ربنا يحميك من شره وكثري من قول: وأفوض أمري إلى الله إن الله بصير بالعباد وأكثري من الاستغفار وهيبان البرهان هيبان وتبان مية المان وهل الدار أمان ​

وتصبحوا على خير ورضا من الرحمن ​

بقلم: نزهة الفلاح​

 

[بنت حارتنا]

رد: كيف تعرفين أن "حبيبك" مخادع ؟ كيف تكتشفين أنه لن يتزوجك؟

و رد راح بكون مصري كمان حنونه هههههه:d
ايوه دلوقتي مافيش هروب
انكشفتوا يا شباب
يسلمووو قلبوو على الموضوع
وعلى نصاائح
ان شاء الله يستفيدن بنات حلوين :d

 

[نزهة الفلاح]

رد: كيف تعرفين أن "حبيبك" مخادع ؟ كيف تكتشفين أنه لن يتزوجك؟

و رد راح بكون مصري كمان حنونه هههههه:d
ايوه دلوقتي مافيش هروب
انكشفتوا يا شباب
يسلمووو قلبوو على الموضوع
وعلى نصاائح
ان شاء الله يستفيدن بنات حلوين :d

هههه يسعدك الباري أنا مغربية لكن حكيت بالمصري لانو هو لي يفهموا كلشي
ربي يكرمك وما يحرمك من رضاه
​

 

[نزهة الفلاح]

رد: كيف تعرفين أن "حبيبك" مخادع ؟ كيف تكتشفين أنه لن يتزوجك؟

كيف تعرفين أن "حبيبك" مخادع ؟ كيف تكتشفين أنه لن يتزوجك؟​

الجزء الثاني والأخير ​

السلام عليكم ​

ازيكن يا بنات عاملات ايه؟ يارب تكون حلقة البارح فادتكم ولو شوية ​

محدش يقدر ينكر ان كل إنسان محتاج للحب والحنان من وهو فبطن أمه لغاية آخر لحظة فعمره..​

بس كمان محدش هيقدر ينكر ان الجو العام للمشاعر في الأمة قاحل وصحراوي أحيانا مع هبوب رياح الشوق للرومانسية والحياة الوردية ​

كدة احنا تمام مع بعض، وطالما فيه طاقة احتياج رهيبة وعطش يبقى البحث عن الحب حاجة طبيعية عند عدم وجود الحب ​

يا ستي الحجة لخصي ايه المقدمة العميكة دي :p​

بصوا يا عسولات اه والله عسولات هو انتن ليه مش واثقين فنفسكن يعني لازم الواد يقولها عشان قلبك يرفرف كدة ويحس انو حي؟ ​

من الآخر والخلاصة مش انت يا بنتي مستنية الجواز عشان تغرقي في العسل بالحلال؟ اوكيي دة المطلوب ​

طب الواد الي بعرفو على الفيس او بخيط معه الشوارع دة ايه عبارته؟​

عبارته حاجة من اثنين يا إما حسنين يا اما جزمتين :p​

انا مش هقولك ان التعارف دة حرام لأنك عارفة أكثر مني ولا هقولك ان التعارف دة هدفك منو غير هدفو منو لانك لازم تفهمي ان البنت مش زي الشاب نوووووهاااائي ​

بس انا هجيبلك الفولة وانتي بقى كليها اقسميها وزعيها انتي حرة طبعا وحسابك فراسك تعرفي خلاصك ​

الواد المش جاد ملاوع ومتسهوك عالآخر مهو بالعقل كدة في حتة عند الشاب انتي مش فاهماها، الي تسبلو وتضحكلو مش دي الي تشيل اسمه والله زي ما بقولك مهو الشك هيقتله لو اجوزك هيفضل يقول يا ترى بتكلم دلوقتي مين؟ ياترى ايه ؟ ويخنقك بغيرته وتلقيحاته الخ الخ الخ ​

أما الواد الجاد فبيجيب من آخر المشوار دة بيقولك تليفون أهلك طريق بيتكم اسم بقال حيكم ايه عشان أسأله عليكي كدة يعني ​

بس فيه نوع يتصنع الجدية دة بقى خطير كثير على رأي نانسي كرشة ​

يقولك تليفون أهلك وممكن يكلم أخوك – طبعا النوع دة بيكون في بلد ثانية – يقولك أخبري أهلك ( الواد شاطر في العربي :p ) تقومي انتي فرحانة جدا وتقومي قايلاها لماما ومن ماما لبابا للحارة كلها ​

يقوم هو يقولك اصلي بصراحة الحدود متقفلة اصل بصراحة والدي زركن فآخر لحظة أصل بصراحة مش مقتنعين اننا تعرفنا من النت وانا بكافح عشان يفهموا العصرنة والتطور وياخذو الماجستير عشان نجوز ​

طب بصي الشهر الجاي آخر كلام وانا خلاص قطعت التذاكر ​

تقومي انتي تحسبي الأيام وتستني الفارس الهمام أبو مكانص ووسامة وبيجامة يقوم ميجيييش هييي تقومي انتي تعيطي وتتهاني وتتجرحي يقوم يقولك والله ثم والله امي تعبت فجأة وجالها جلطة في المخ وماتت ومش هينفع اجي قبل الذكرى السنوية صحيح انا قالباها هزار بس والله دة الي بيحصل ​

طب ايه يا حجة مش هتقوليلي اخليه جاد؟​

أنا عايزة اتجوز ​

بصي يا عسولة انتي ملكيش غير طريق واحدة بس وهي الي عندي يا بنتي دة انا مدرسة انتي مستقلية بي ولا ايه :p​

انتي عايزاه؟ اوكييي طب خذي عندك ويشهد ربي اندة حل سااااحر بجد وملكيش غيره لأنك هتتعبي كثيييييييييييييييييييييييييييييير اوي واسألي المجربين يقولولك الي فيها ​

أول حاجة دة مش حب دة تعلق وانا شرحت دة بالتفصيل في سلسلة الحب: أسرار وروائع تحليل وحلول ابقي اقريها وانتي هتفهمي الراجل بيفكر ازاي وعايز ايه وازاي يجي ​

ثاني هام ان ربنا هو صاحب القلوب ومقلبها فبلاش سكة الي يروح ميرجعش دي عزبة الحب الغميقة الي تخليك غريقة صل استخارة مرات كثير وادعي ربنا انو يوضحلك الطريق وأكثري من قول ​

يا مقلب القلوب ثبت قلبي على دينك ​

وأفوض أمري إلى الله إن الله بصير بالعباد​

ثالثا انتي اول حاجة تتوبي إلى الله عشان ربنا يبارك ولو مش قادرة على بعد الواد خذيلك بتاع عشرة أيام كدة تواصل ونشفي الدور هو يعسل انتي مترديش اعملي نفسك مش واخذة بالك وهو هيفضل يزن ويتوحوح وتبان ميته بس حاجة متفرطيش فيها ألفين مرة تستغفري ربنا في اليوم وزيدي عليها عدد صغيرغير معدود عشان متكونش بدعة ​

ليييييه؟ عشان يا حلوة تفقديه سيطرته الكاملة عليكي وتقوي وتقدري على البعاد لأن الي حاصل مش حب دة تعود ​

بعد كدة انتي تقفلي السكة دي خالص وتبطلي تكلمي رجالة​

ليييييييييه كدة يا نزهة؟ كدة عشان انتي هتتنيلي وتتعودي ثاني وتتعبي ثاني، لو غاوية تعب اتفضلي يا اختي شمتي أبلة ظاظا فيكي​

وانا هقولك تجيبي الحب البيور ازاي ​

استمري في الاستغفار ولازميه هيجي الراجل الي ماشي على البيض دة هيقوم كاسر البيض وغاسل رجليه وجري على بيتكم من حيث لا تحتسبي ​

وشوفي قصص الاستغفار عن ناس أعرفها شخصيا الي بكتبها فموضوع بعنوان السعداء فوق التراب هتفهمي السلاح الجبار دة كويس ​

من ناحية ثانية شاركي معنا في أكاديمية الحب الي هتنطلق قريب جدا بعون الله هوريكم فيها ازاي نجيب الحب وازي نفهمه وازاي نعيش الحب حتى لو مش متجوزين
وكلو بما يرضي الله
​

كدة أظن عداني العيب وأزح؟ ​

أسأل الله جل في علاه أن يسعدك ويفرحك بزوج صالح يغرقك في العسل بكلمة الله مش يوم ولا شهر ولكن طول العمر وفي أعالي الجنان كمان​

كانت معكن: نزهة الفلاح ​

من بقالة ناصية الحب :p​

 

[بنت حارتنا]

رد: كيف تعرفين أن "حبيبك" مخادع ؟ كيف تكتشفين أنه لن يتزوجك؟

الحقيقة ابداعتي نزهة الفلاح
نصائح اكثر من مهمة يارب ما لقينا بالمخادعين
جزاك الله خير ياارب يسعدك
ان شاء الله نشوف ابداعك كمان وكمان :d

 

[نزهة الفلاح]

رد: كيف تعرفين أن "حبيبك" مخادع ؟ كيف تكتشفين أنه لن يتزوجك؟

الحقيقة ابداعتي نزهة الفلاح
نصائح اكثر من مهمة يارب ما لقينا بالمخادعين
جزاك الله خير ياارب يسعدك
ان شاء الله نشوف ابداعك كمان وكمان :d

يارب احمنا و بناتنا وشبابنا من النفس الشيطان
اللهم يسر يارب
بارك الله فيك وتقبل دعاءك
​