يكاد الندم يذبحني

[مشكلتي]

السلام عليكم
ملقيتش ليمن نحكي حكايتي باسكو تخجل ومعنديش الوجه لي نقابل بيه
مند مدة تعرفت على واحد
صديقة لي حبت دير فيا خير وتزوجني عطاتلو نوميغو ديالي بلا ماتقولي عيطلي محبيتش نرفد عليه صمط روحو رفدت الكلمة الاولى لي قالهالي انا يابنت الناس مانيش حاب نلعب بيك انا راني حاب نتزوج حكاولي عليك بلي انت بنت فاميليا وبنت أصل
محبيتش نهدر معاه كوبيت بقا يعيط وقالي نشوفك باش نجي نخطبك هو يعرف خدمتي وين جا ليا دون علمي حتى عيطلي وقالي راني موراك
المهم مع مرور الايام عفست على قلبي وعلى اخلاقي وخرجت معاه وياريتني مخرجتش كنت نفضل نموت ولا نخرج معاه صرا معايا امر نخجل نقولو وكي صديتو من الاقتراب مني ضربني وهاني وسبني راني خايفة بزاااااااااف وزدت اكتشفت في التليفون تاعو اسموات بنات بزاااااااااف وكي قتلو قالي بنات خالتي هادوك
راني عايشة في رعب كبير مانيش عارفة واش ندير واشنو هو الحل وكيفاش سمح فيا كاريمون وقالي منزيدش نعيطلك
في الحقيقة مزالني عذراء مي راني خايفة لا نكون حامل منو واش ندير
وهل ربي يغفرلي ويتقبل توبتي راني ندمانة وراني حابة نتوب توبة نصوحة
بواش تنصحوني
وسمحولي
​

 

[ماكانش]

رد: يكاد الندم يذبحني

مافهمش مليح
مع خرجتي معاه خلطي الحالة ولا بعد مدة ؟؟
المهم ابكي على خطيئتك وذنبك واذا ندمتي وتبتي كوبيها معاه على حسب كلامك ماكيش صغيرة وتخافي وماتعرفيش وتحشمي منو
فوتيه وقوليلو ولا غيري رقم هاتفك وكي يجيك ماتحكيش معاه ولا رخسيه والسلام
​

 

[Ahlem&mou]

رد: يكاد الندم يذبحني

السّلام عليك اختي
يا أختي هاد الانسان مايوالمكش,اللّي يضربك من اول مرة واش يدير فيك كي يتزوّجك؟ و هادي لا صحّ نيّتو الزّواج على خاطر يظهرلي ماشي ناوي الحلال و الله أعلم
اللي ينويك صحّ للحلال يحترمك ويقدّرك و هو اللّي يحفظلك شرفك,والديك ما تعبوش عليك باه يجي واحد يذلّك, اخطيك منّو ووكّلي أمرك لربّي سبحانو و ربّي انشالله يقبل توبتك

 

[عاشقة الصمت 13]

رد: يكاد الندم يذبحني

ربي يكون فعونك ...مانعاتبك مانزيدك ربي يستر عليك وعلينا اجمعين .............انا تعجبني حاجة وحدة.. كي تستعرفو بغلطتكم وتقولو رانا غالطين وندمانين .....هادي حاجة مليحة والشي لاخر انشالله ربي يجيب الستر وليا العودة انشالله

 

[السلطانة]

رد: يكاد الندم يذبحني

اخطيك ياختي

الحلال باين والحرام باين وهادا ناوي بيك الحرام

ربي يغفرلك

​

 

[Ma$Ter]

رد: يكاد الندم يذبحني

السلام عليكم
اختى توبى الى الله واستغفرى واندمى على واش عملتى
واحمدى ربى كى ما ضيعتيش روحك بالكامل
واقطعى علاقتك بهاذ الشخص لانو لا يريد بكي خيراا
خرجيه من حياتك ومن قبلك مهما كانت النتائج لانو عمرو ما راح يكون شخص يحبك وراح يزوجك
يعمل واش عمل بيك هاذا الحيوان
اكثرى من الدعاء والاستغفار
ربى يفرج عليكي اختى
​

 

[روز]

رد: يكاد الندم يذبحني



السلام عليكم


إذا أنتِ شاكة في الحمل تقدري تتأكدي من ذلك بالتحاليل عند الصيدلي
أو تشري كاشف الحمل في البيت وتجربي
رغم انو هذا الأمر مستبعد

الشيطان غرر بيك لعنه الله وأنتِ في لحظة مآ نسيتي روحك

لي عملتيه مش ساهل ولكن ربنا كبير ويغفر
أولا عليك بالإستغفار على قد ماتقدري صلي وقومي الليل وادعي ربي يغفرلك بخشوع وخوف
صديقتك هادي اقطعي علاقتك معاها لانها أكيد عارفاتو وعارفة عقليتو
ولأنها مدت رقم تلفونك لشخص مثل هذا بلاماتسقسيك..
فـ هوما في زوج مافيهمش الأمان اجبدي عليهم

وهاذي تجربة خليها بين عينيك باش ماتعاوديش الغلطة مرة أخرى..
ردي بالك تتغري مرة أخرى من شاب آخر وتعادي الغلط
لي حاب يتزوج يجي للدار ولي حاب يشوفك كاين حاجة اسمها الرؤية الشرعية
وهادي حللها الله سبحانه وتعالى
يجي للبيت ويشوفك مش يشوفك في الشارع استغفر الله العظيم
ربي يهدي شبابنا وشاباتنا

 

[lilia mess]

رد: يكاد الندم يذبحني

انا يحيروني هادو صديقات لي يتصرفوا من رواحتيهم
و يمدوا ؟أرقام الغير بلاما يشاورو

و هذا الا راهو ناوي الزواج على حساب ما راهو يقول

ياك على بالو شكون نتي و وين تخدمي
و علاش ما جاش للدار من المرة الأولى و خطبك
انا نعرف بلي الانسان يدخل من الباب
ماشي من النافذة

الغلطة نتاع لبنات هي تصدق كلشي
و تروح مع واحد ما تعرف عليه والو وين يقوللها
بلا ما تخمم...و تراجع نفسها

الغلطة صرات كون جيت منك نبدل الشريحة نتاع لهاتف
و ما نمدها غير للأهل فقط
او ما نربط نفسي غير لي يجي للأهل و يطلبني رسمي

ربي يغفر و يسامح
ربي معاك أختي

و وكلي ربي عليه
هو خير منتقم
​

 

[فارس الروح]

رد: يكاد الندم يذبحني

اخطاء ساذجة نقوم تؤدي الى ما لا يحمده عقباه
لكن اللي حدث حدث الان ولا نبكي على الاطلال
استغفري ربك وادعي لعله يغفر لك
اما هو فاقطعي صلتك به
غيري هاتفك ولا تكلميه وتشبتي بالامر فانه يمل هو منك ويتركك

اصبري فان فرج الله لقريب

​

 

[الورد الأحمر]

رد: يكاد الندم يذبحني

السلآم عليكم ورحمة الله
أولآ لي نآوي لحلآل مآ يخرجش مع لي نآويهآ يخطبهآ وبعدهآ يخرج معآهآ هذي أقل شي يحكي معآهآ
برك في التيليفون بآه يفهم شوية عقليتهآ وبرك ... انتي قلتي مآ حبيتيش ترفدي عليه

محبيتش نهدر معاه كوبيت بقا يعيط وقالي نشوفك باش نجي نخطبك

لوكآن كوبيتي كيمآ قلتي مآ تسمعي بلي حآيب يشوفك يعني رديتي عليه وشبعتيه شغلة

حتى عيطلي وقالي راني موراك

رآكي رفدتي عليه حتى من شبعتي وشبع مآ تقوليش مآ حبيتش نهدر معآه وكوبيت رآه كل
مرة يقولك ولآ وين يقولك لكلآم هذآ الكل يخي في التيليفون ! مآلآ الغلطة هذي تآعك
خرجتي معآه ومن أول مرة خوضتي الدنيآ ... شوفي يآ أختي أنآ مآ نزهيلك مآ نبربر عليك
الغلطة تآعك ومش تآعو هذي بآه تحطيهآ في رآسك مليح ... على خآطر كلش بيد الطفلة
إذآ مدت الضوء الأخضر النفوس تطمع فيهآ ... انتي رآيحة خآرجة معآه خلآص ...
ومآ تقوليش ضربني ولآ غصبني انتي لي وصّلتي روحك وجآمي نلوم أنآ وآحد استفعل في وحدة
نلومهآ هي لي طيشت روحهآ ... ولي عجبتني كتر بالمعنى المجآزي ...

في الحقيقة مزالني عذراء مي راني خايفة لا نكون حامل منو واش ندير

وآش خليتي يآ بنتي ؟ كآشمآ بقى شي ؟ للدرجة هذي ؟ ولآ هك لخروج في قآموسكم
ولآ غصبك مثلآ ؟ ربي يهدي لعقول ولقلوب حبيت نقولك برك هذي مش غلطة ...
هذي رآهي كآرثة في حق نفسك وتآني هذآ يسموه تبلتيت لآ مآ تعرفيش ...
تهبّل نية لحلآل لي تمشو فيهآ تحت اسمهآ تخوضو الدنيآ وتطيحو تبكيو ولآ كيمآ تقول جدة
تعوقو ... ربي يهديك أختي وآش نقولك وعلى فكرة رآكي عذرآء مي خآيفة تكوني حآمل
إذآ حآمل قولي للعذرية تبقآي على خير نتلآقآو في الجنة إذآ كنآ من أهلهآ ... أنآ أو مآ
نزهيلكش ولآ نقصلك من حجم الغلطة لي درتي ... ادعي ربي يغفرلك وسلآمي ’
​

 

[الفاضلي]

رد: يكاد الندم يذبحني

اللي تجاوز الحدود يسلك في الدنيا قبل الاخرة.

واللي ما اتعظش يزيدوا يعاودولوا حتان يعرف قدروا.

راكي خلطيتها فوق اللازم ....؟؟؟ وما يقدرش يدير معاك اللي دار غير بعد لقاءات ولقاءات.

ويبدو انك اختصرت الحكاية ، والحشمة ما خلاتك تقولي كلش معليهش.

هي بداية التوبة والعودة لله.

اقطعي كل علاقة بيه وهذا راه خبيث وفاسد ومفسد ما يصلحش .

توبي واستغفري واقطعي كل ما له علاقة بالماضي.

 

[ROUAKIMOURAD]

رد: يكاد الندم يذبحني

السلام عليكم
ملقيتش ليمن نحكي حكايتي باسكو تخجل ومعنديش الوجه لي نقابل بيه
مند مدة تعرفت على واحد
صديقة لي حبت دير فيا خير وتزوجني عطاتلو نوميغو ديالي بلا ماتقولي عيطلي محبيتش نرفد عليه صمط روحو رفدت الكلمة الاولى لي قالهالي انا يابنت الناس مانيش حاب نلعب بيك انا راني حاب نتزوج حكاولي عليك بلي انت بنت فاميليا وبنت أصل
محبيتش نهدر معاه كوبيت بقا يعيط وقالي نشوفك باش نجي نخطبك هو يعرف خدمتي وين جا ليا دون علمي حتى عيطلي وقالي راني موراك
المهم مع مرور الايام عفست على قلبي وعلى اخلاقي وخرجت معاه وياريتني مخرجتش كنت نفضل نموت ولا نخرج معاه صرا معايا امر نخجل نقولو وكي صديتو من الاقتراب مني ضربني وهاني وسبني راني خايفة بزاااااااااف وزدت اكتشفت في التليفون تاعو اسموات بنات بزاااااااااف وكي قتلو قالي بنات خالتي هادوك
راني عايشة في رعب كبير مانيش عارفة واش ندير واشنو هو الحل وكيفاش سمح فيا كاريمون وقالي منزيدش نعيطلك
في الحقيقة مزالني عذراء مي راني خايفة لا نكون حامل منو واش ندير
وهل ربي يغفرلي ويتقبل توبتي راني ندمانة وراني حابة نتوب توبة نصوحة
بواش تنصحوني
وسمحولي
​

السلام عليكم ورحمة الله اختى المنكوبة الله خلق الانسان وهذا الانسان منقسم الى 2 النوع الاول يتميز بالابتعاد عن ما يغضب الله حتى يصبح احسن من الملائكة النوع الثانى هو النوع الغافل يعمل ما يغضب الله حتى يصبح انحط من البهيمة ايتها الضائعة اعلمى ان الله يغفر كل الذنوب بشرط التوبة الكاملة ام عن انك عذراء ليست المشكلة فى هذا العضو المشكلة العذراء فى القلب عليك بتكفير ذنبك والندم انت يا حواء ان ابنعدتى عن الطريق فساد المجتمع وفى الاخير دائما معكم والله الغفور الرحيم

 

[ЯǾᵯẫḭṧşẰ]

رد: يكاد الندم يذبحني

وعليكم السلام
اختي الكريمة الله يهديك ويهدينا اجمعين ان شاء الله
توبي الى الله توبى نصوحة واستغفري وكتري من الدعاء ومايكون غير الخير
فيما يخص امر الحمل مايكون غير الخير انت استناي الحيض وشوفي ومتتقلقيش باش مديرلكش الروطار وتماك يكون القرار
اقطعي الصلة ديالك كامل بيه
ربي معاك اختي

​

 

[ĂÝǾΰb]

رد: يكاد الندم يذبحني

المهم كي ندمتي

هذا الانسان لعب بشرفك وانت لي سمحتيلو
لازم توبي توبة نصوح لله و تقرري بلي ما تعاودي هذا الفعل
و الله يغفر لمن يشاء
​

 

[دعاء19]

رد: يكاد الندم يذبحني

الشكوى لله اختي اما العبد ماعندو ماينفعك

لي نقولك وخاصك تعرفيه لي بغا الحلال غادي يجي الباب داركم ماشي في شوارع

 

[وجع الظلم]

رد: يكاد الندم يذبحني

السلام عليكم
المهم مع مرور الايام عفست على قلبي وعلى اخلاقي وخرجت معاه
لما ندوس نحن على اخلاقنا وكرامتنالماذانلوم الغير؟
انت سمحتي له بتدنيس شرفك وكنت تتوقعين النتيجة
ماذا كنت تتنتظرين منه؟ان يقدم لك دروس واعظة في الاخلاق؟
كوني منطقيةهذا الكلام اريد ان تفهمه كل من تفكر في المجازفة
انتم تغامرون بدون تفكير وعندما تقع الفأس في الرأس
تبكون على الحظ وتفكرون في الانتحار
هذا الشيء الوحيد الذي لا تغيب نتيجته على احد
المهم اذهبي عند طبيبة النساء لتفحصك واذا تأكدتي انك
(عذراء) وغير حامل
توبي توبة نصوحةلان الشرف اكبر من غشاءالبكارة
يعني لو وجدتي نفسك عذراء هل ستعودين الى المغامرة؟
هذه الغلطة والطامة الكبرى التي تقع فيها بناتنا للاسف
تظن ان الحفاظ على الشرف هو ان تكون عذراء
ولا يهم ما تفعله من مغامرات اخرى
سامحينني اذا كان كلامي قاسي فلان الواقع اقسى
لان لو كانت الشريعة تطبق لجلدوك مائة جلدةحتى الموت
توبي وخذي العبرة لان أثر الفأس سيبقى في جبينك
واذا وجدتي نفسك غير حامل وعذراء
صومي واكثري من الصلاة والدعاءحتى لو بقيتي بدون زواج العمر كله
المهم ان يرضى عليك الله والله يسامح كل نادم
وانت ندمتي والحمد لله وكان الله في عونك
تحياتي
​

 

[✿أسيـل✿]

رد: يكاد الندم يذبحني

نتي درتي غلطــــة ندامــة وقليلة
كون جا صح يحبك وحابلك لخير يجي لداركم يخطبك .. نتي وراكي حشمانة واش درتي
نتي ماحافظتيش على شرفك وعـلى عرضك
ماتزيديش تهدري معاه اخطيك منووووو
وربي يغفرلك إن شاء الله
ربي يستر بنات مسلميـــــن والله يبعد عليهم ولاد لحـرام
​

 

[ام سحر و لؤي]

رد: يكاد الندم يذبحني

ربي يهديك و يغفرك و يغفرنا اجمعين و يبعثلك زوج صالح

 

[عتاب]

رد: يكاد الندم يذبحني

حمدا لله على سلامتك
موضوعك ليس عن ممارسة الرديلة مع الشاب
سؤالكى عن الحمل صح؟؟
انتى تشكين في امركى وتنتضرين الاجابة لانكى تخافين منها؟؟
كل ما دكرتى انا معكى انت ندمانة عليه داخليا
لكن ما يؤرقكى ويقتلكى كل ثانية هو الحمل؟؟؟؟؟؟؟
...........تعلمين انه ربما تكونى عدراء وتحملين هدا امر مسلم به............
الحمل لا تعرفينه الا بعد مرور شهر و3ايام ............
يستحيل ان تعرفى الحمل الا باجراء تحليل للدم ................وانت عاملة ممكن تجريه صباحا وانتى صائمة...........
نسيت النسبة المئوية ممكن تسالى صاحب المختبر .........لكن الامر هنا يحتاج الى وصفة من طبيب الا ان كنتى تعرفى صديقة...........
...............ربي يسترك يا بنتى والله لا يفضح مؤمن.............
.................يبقى ان الحمل بهكدا طريقة نسبته ضعيفة جدااا ....انتى تعرفين ما اقصد..........
سلام يا بنتى......................

 

[~Rita Queen ~]

رد: يكاد الندم يذبحني

ربي يغفرلك ختي

بصح مافهمتش المشكل مليح

على خاطر قلتي في موضوع اخر ركبت في طاكسي و الشوفوغ ضربي وخايفة لا يكون اتعدى عليا

وهنا قلتي واحد عيطلي في التيليفون و خرجت معااااه (نفس المشكل تاه الاول ):s

والله ما فهمت :-o


على كل حال ربي يكون معااااك ويسترك



في امان الله

:regards01:​