بسم الله الرحمن الرحيم
بصراحة ماعرفتش منين نبدا ولكن حبيت تشيرو عليا وعلى العائلة ككل في أمر ابنة خالتي
عندي خالتي تطلقت وهي صغيرة وجابت بنت والبنت هادي كارثة من الكوارث لي تجي مرة في الحياة
البنت هاذي مش نورمال ابدا نحكيلكم شوية عليها يمكن تقدرو تعطونا حل ليها
يعني كفاش نتصرفو معاها
البنت هادي بعد طلاق امها عاشت عند جدها وجدتها واخوالها وهو مابخلو عليها بأي شي عاشت عندهم ممكن أحسن ماكانت تعيش عند باباها
ولكنها من صغرها بدات عليها ظواهر منها الكذب بطريقة ماتقدرش ماتصدقهاش
لما تسمعها تصدقها ومستحيل تقول انها تكذب يعني تجيبها سواسوة
بعدها بدات بالسرقة بدات تسرق كل الناس لي تعرف عندهم شيء يصلح للسرقة
سرقت حتى ذهب أمها وكانت تروح تكردي على الحوانت بأسم أمها وامبعد الناس يجو يقولولها اعطينا الدراهم راهي بنتك دات من عندنا كذا وكذا
حتى لما توفات خالتها في المأتم والناس تبكي راحت سرقت ذهب المرا المتوفية وفاقو بيها من تالي برك
دايما حاسة بالنقص مهما شراولها خوالها تلبس دايما احسن لبس بصح ماتقنعش
وامبعد وصلت الامور ولات تمشي مع رجالا وتهدر في التلفون معاهم وتخرج معاهم
أخوالها ماقدروش عليها قريب يمرضو بسبتها كل يوم تعمللهم تبهديلة مرة يضربوها مرة يهدرو معاها بالعقلية
بصح ماكانش نتيجة
دائما في الاعراس تخرج بلبسة كما نتاع لبنان ومنين جابت الدراهم مش عارفين
وكي تهدر معاها تديك في واد ماتحكم عليها والو وتألفلك قصص ممبعد تلقا قع حكاياتها
ماكانش منهم كذب ×كذب
المشكل مؤخرا ولات أمها تمقيب على تصرفاتها خافت لتهربلها دايما تهددها
وهذ التمقيب زاد جابلنا بلاء أخر
أمها مرة تزوجت لكن الراجل قالها يانتي يابنت ماقدرش عليها
ومن تالي اختارت بنتها واطلقت لانو ماعندهاش وين تخليها كل العائلة تخاف منها ويحبوش تجي لعندهم تفسدلهم بناتهم لانها وين تروح تعمل مشاكل
آخر مرة قالتلهم راني مريضة بالزائدة الدودية وتتألم وكل شي وكي داورها للسبيطار مالقاو والو وهي بقات تتألم قاتلهم نحوهالي وفعلا نحهالها الطبيب كي سمطت عليهم
لحد الان ماناش فاهمين علاه نحت المرارة نتاعها
وبعدها راحت كووات روحها في مكان في جسمها وقالت للناس بلي هاذي عملية دارتها وانو الطبيب شك في انها فيها السرطان وهي تكذب الطبيب قالهم لاباس بيها
مرة عملت روحها مدمنة مخدرات ( والله غير صح ماتستغربوش ) ولات تحك في جسمها في عرس واحد من العائلة
وتعمل في نفس الحركات لي يديروها المدمنين وكل هذ الشي لأنها تكرهم وحابة تعمللهم مشاكل في العرس وتخربلهم السمعة نتاعهم ولو تشوفو حركاتها تحلفو أنها مدمنة تخووف
مرة دخلناها عند محامية باش تخدم وتتقرب من الناس يمكن تتسقم
ولات تخدم مع المتهمين وتمدلهم قع وش راهي باش تعمل المحامية ضدهم باش يوجدو رواحهم
وتدي عليهم الدراهم في المقابل حتى خرجتها المحامية
حكايات بزاف يدوخو مرات بزاف نلقاوها موجدة روحها تقلنا راه خطاب جايني وامها توجد روحها وكل شي وامبعد مايبانش هذ الخطاب مافهمناش اسكو تكذب ولا الراجل كي شاف ماضيها الاسود بطل منها
مشكلتنا أنها كثرت بزاف المشاكل الناس كلها ولات تهرب منها ومن أمها المغلوب على أمرها
أمها مرات يجيها رجل كبير يجب يتزوج وتحب هي تتستر ولكن بنتها مش مخليتها تتهنى
كل يوم مشاكل كل يوم قصة جديدة كل يوم تبهديلة ولات شيعتها في الارض
عندها خالها مرض ناضلو الشيب وهو صغير وآخر خلاص استسلم ولا مايسقسيش عليها دهشاتو
قلنا ندوها لطبيب نفسي بصح على بالنا كن تروحلو تألفلو قصة ويمكن حتى تراوغو والله مايقدر يعرف منها الصح من الباطل
لانها بالخف تألفلك قصص طويلة عريضة وتجيبلك دلائل وشواهد تقول صح وش راهي تقول
ولكن في الحقيقة ماكانش منها قع
ولو اطيح في واحد يعرفلها اكيد مش رايحة تعالج عندو واعرة بزاف
اعطونا الحل يمكن يكون على ايديكم
وجوزيتم خيرا وبارك الله فيكم اسمحولي طولت
القصص لي ماحكيتهاش راهي دوخ اكثر من لي حكيتها
بصراحة ماعرفتش منين نبدا ولكن حبيت تشيرو عليا وعلى العائلة ككل في أمر ابنة خالتي
عندي خالتي تطلقت وهي صغيرة وجابت بنت والبنت هادي كارثة من الكوارث لي تجي مرة في الحياة
البنت هاذي مش نورمال ابدا نحكيلكم شوية عليها يمكن تقدرو تعطونا حل ليها
يعني كفاش نتصرفو معاها
البنت هادي بعد طلاق امها عاشت عند جدها وجدتها واخوالها وهو مابخلو عليها بأي شي عاشت عندهم ممكن أحسن ماكانت تعيش عند باباها
ولكنها من صغرها بدات عليها ظواهر منها الكذب بطريقة ماتقدرش ماتصدقهاش
لما تسمعها تصدقها ومستحيل تقول انها تكذب يعني تجيبها سواسوة
بعدها بدات بالسرقة بدات تسرق كل الناس لي تعرف عندهم شيء يصلح للسرقة
سرقت حتى ذهب أمها وكانت تروح تكردي على الحوانت بأسم أمها وامبعد الناس يجو يقولولها اعطينا الدراهم راهي بنتك دات من عندنا كذا وكذا
حتى لما توفات خالتها في المأتم والناس تبكي راحت سرقت ذهب المرا المتوفية وفاقو بيها من تالي برك
دايما حاسة بالنقص مهما شراولها خوالها تلبس دايما احسن لبس بصح ماتقنعش
وامبعد وصلت الامور ولات تمشي مع رجالا وتهدر في التلفون معاهم وتخرج معاهم
أخوالها ماقدروش عليها قريب يمرضو بسبتها كل يوم تعمللهم تبهديلة مرة يضربوها مرة يهدرو معاها بالعقلية
بصح ماكانش نتيجة
دائما في الاعراس تخرج بلبسة كما نتاع لبنان ومنين جابت الدراهم مش عارفين
وكي تهدر معاها تديك في واد ماتحكم عليها والو وتألفلك قصص ممبعد تلقا قع حكاياتها
ماكانش منهم كذب ×كذب
المشكل مؤخرا ولات أمها تمقيب على تصرفاتها خافت لتهربلها دايما تهددها
وهذ التمقيب زاد جابلنا بلاء أخر
أمها مرة تزوجت لكن الراجل قالها يانتي يابنت ماقدرش عليها
ومن تالي اختارت بنتها واطلقت لانو ماعندهاش وين تخليها كل العائلة تخاف منها ويحبوش تجي لعندهم تفسدلهم بناتهم لانها وين تروح تعمل مشاكل
آخر مرة قالتلهم راني مريضة بالزائدة الدودية وتتألم وكل شي وكي داورها للسبيطار مالقاو والو وهي بقات تتألم قاتلهم نحوهالي وفعلا نحهالها الطبيب كي سمطت عليهم
لحد الان ماناش فاهمين علاه نحت المرارة نتاعها
وبعدها راحت كووات روحها في مكان في جسمها وقالت للناس بلي هاذي عملية دارتها وانو الطبيب شك في انها فيها السرطان وهي تكذب الطبيب قالهم لاباس بيها
مرة عملت روحها مدمنة مخدرات ( والله غير صح ماتستغربوش ) ولات تحك في جسمها في عرس واحد من العائلة
وتعمل في نفس الحركات لي يديروها المدمنين وكل هذ الشي لأنها تكرهم وحابة تعمللهم مشاكل في العرس وتخربلهم السمعة نتاعهم ولو تشوفو حركاتها تحلفو أنها مدمنة تخووف
مرة دخلناها عند محامية باش تخدم وتتقرب من الناس يمكن تتسقم
ولات تخدم مع المتهمين وتمدلهم قع وش راهي باش تعمل المحامية ضدهم باش يوجدو رواحهم
وتدي عليهم الدراهم في المقابل حتى خرجتها المحامية
حكايات بزاف يدوخو مرات بزاف نلقاوها موجدة روحها تقلنا راه خطاب جايني وامها توجد روحها وكل شي وامبعد مايبانش هذ الخطاب مافهمناش اسكو تكذب ولا الراجل كي شاف ماضيها الاسود بطل منها
مشكلتنا أنها كثرت بزاف المشاكل الناس كلها ولات تهرب منها ومن أمها المغلوب على أمرها
أمها مرات يجيها رجل كبير يجب يتزوج وتحب هي تتستر ولكن بنتها مش مخليتها تتهنى
كل يوم مشاكل كل يوم قصة جديدة كل يوم تبهديلة ولات شيعتها في الارض
عندها خالها مرض ناضلو الشيب وهو صغير وآخر خلاص استسلم ولا مايسقسيش عليها دهشاتو
قلنا ندوها لطبيب نفسي بصح على بالنا كن تروحلو تألفلو قصة ويمكن حتى تراوغو والله مايقدر يعرف منها الصح من الباطل
لانها بالخف تألفلك قصص طويلة عريضة وتجيبلك دلائل وشواهد تقول صح وش راهي تقول
ولكن في الحقيقة ماكانش منها قع
ولو اطيح في واحد يعرفلها اكيد مش رايحة تعالج عندو واعرة بزاف
اعطونا الحل يمكن يكون على ايديكم
وجوزيتم خيرا وبارك الله فيكم اسمحولي طولت
القصص لي ماحكيتهاش راهي دوخ اكثر من لي حكيتها
