عاونوني خياتي بلييييييز

[بنت الغرب23]

بو سلام عليكم
انا وحدة كشرودة جديدة معاكم ههههههههه امال من 46
بو حبيت نستشيركم على وجه ربي عطوني رايكم
رايكم يهمني بزاف كوني معنديش وين نروح غير هنا
انا راه خاطبني واحد وقالي في الصيف العرس وانا مزالني نقرا راني باغي نكمل قرايتي في دار والديا نخاف نمشي عندو وحبسني مالقرايا كيندير عاونوني

 

[ابوندى]

رد: عاونوني خياتي بلييييييز

تم الاعتماد

 

[Ma$Ter]

رد: عاونوني خياتي بلييييييز

السلام عليكم
اختى من راىى انو هذا الموضوع بالضبط يناقش الا مع خطيبك فقط
وان شاء الله يعاونوكى الاعضاء
ربى يسهلك فى كل شئء اختى
​

 

[بنت الـ25]

رد: عاونوني خياتي بلييييييز

اختي الكريمة
اولا مرحبا بيك معانا في منتداك
وثانيا يقال : اللي أولو شرط آخرو نور
انتي إذا شرطتي على خطيبك تكملي قرايتك بعد الزواج يلزم هو يحققلك هاد الشرط
المطلوب منك تتناقشي معاه فالامر هدا إذا هو موافق لازم عليه يحققلك شرطك مهما كان
واذا كان ضد هاد الفكرة اقترحي عليه تأجيل الزواج لما بعد تكملي دراستك
على الرغم من أني أشك ان تقدري توفقي مستقبلا بين دراستك وحياتك الزوجية المستقبلية
كي تولي مسؤوليات على عاتقك ،، وحتى لو قدرتي توفقي رح تكون بصعوبة وتتعبي
امالا إذا مكانش سبب للاسراع في الزواج وانتي حابة تقراي كملي قرايتك اولا
أما ادا بقى خطيبك مصر ديري كيما قتلك لفوق وربي يوفقك اختي وييسرلك امرك
​

 

[بنت الغرب23]

رد: عاونوني خياتي بلييييييز

شكرا بزاف ليك ختي مينات

 

[سماح الجزائريه]

رد: عاونوني خياتي بلييييييز

مساء الانوار اختى الباهيه
اولا
مرحبا بك معانا في لمتنا
ثانيا
هذا الامر تناقشيه مع خطيبك وانشاء الله تلقاي حل
وزيدي المرا مهما تقرا وتتعلم وتخدم لازم ترجع في النهايه لدار
اذا كان خطيبك لاباس بيه ماديا وخدام خدمه باهيه

وولد فاميليه
​

وعلاه انت تخدمي المرا تخدم راجلها وولادها بعينيها
وهدا واجبها
خمي معايا اذا تزوجتى وكملتي قرايتك وخدمتي
شكون في هذى المده اللى شكون اللي رايحه تستحفظ بزوجك
الوالدة تاعوا اختوا والدتك اوووووووووو
وهنا ممكن تكون الخيانه الزوجيه في غياب دائم لزوجه
سامحيني لكن هكا ناس بكري ايخموا وهذى حاجه ايخافوا منها ناس ذرك
وانا اعتبريني من ناس الوسط ههههههه
يعنى خير الامور اوسطها اقراى ذرك ومن بعد كملي بالمراسله
واش فيها كي تدللي في الدار ويكون ليك راجل ايخاف ويغار من النسمه عليه
ايلبيك كل متطليباتك الماديه والمعنويه
وزيدي تناقشي معاه وانشاء الله اللى فيه الخير
مبروك الخطوبه وعقبال الزواج
​

 

[عاشقة الصمت 13]

رد: عاونوني خياتي بلييييييز

بو سلام عليكم
انا وحدة كشرودة جديدة معاكم ههههههههه امال من 46
بو حبيت نستشيركم على وجه ربي عطوني رايكم
رايكم يهمني بزاف كوني معنديش وين نروح غير هنا
انا راه خاطبني واحد وقالي في الصيف العرس وانا مزالني نقرا راني باغي نكمل قرايتي في دار والديا نخاف نمشي عندو وحبسني مالقرايا كيندير عاونوني

الله ينورك ختي وانشالله تفاهمي نتي وياه ...........مي خاصك تتفاهمي معاه درك على قرايتك ...كيما يقولو هدرة اليوم نحتاجوها لغدوة
باه من بعد ماتبقيش معاه.اه ماتفاهمناش هادكة وكدا وكدا ...........

 

[ام سحر و لؤي]

رد: عاونوني خياتي بلييييييز

اختي انا كنت فالوضع نتاعك تخطبت و انا فالسنة اولى جامعي و تفاهمنا ما نتزوجوش حتى نكمل قرايتي و رغم انو خوه كان يحرشه و يقوله شوف انا كي بطلت مرتي بصح خطيبي ما كانش يقولي و كملت قرايتي و تزوجنا بصح راني متاكدة لوكان تزوجت ما يخلينيش نقرا بصح نعرب يزاف كانو يقراو معايا ومتزوجين و عندهم دراري
مهما نقولولك ما نعرفوش خطيبك كيما تعرفيه لازم نتي تتفاهمي معاه و اللي اوله شرط اخره نور و ربي يسهلك

 

[علي الفاضلي]

رد: عاونوني خياتي بلييييييز

اختي ماناش عارفين كم بقي لك من الدراسة اولا ؟

ثانيا ماناش عارفين واش مستواه هو وظروفو اللي خلاتو يحب يدير العرس في الصيف

بلاك راه كبير وفايت 35 او 40 من حقو يزرب ... وخير البر عاجله.

زيدي اعطينا صورة اوضح باه نقدروا نعاونوك .

ربي يتمم بالخير.