عدم ثقتي بالناس هاته هي مشكلتي

[مشكلتي]

السلام عليكم
أسعد الله أوقاتكم
المشكلة ديالي باينة من العنوان
صراتلي عفسة خلاتني نفقد الثقة ف الناس حتى في أقرب الأقارب وليت منعرفش نميز بين الناس المليح والدوني نشوفهم كامل كيف كيف كامل حبو يستغلو طيبتي ومركزي الاجتماعي الرمرموق و يجرو مورايا باش نقد يلهم صوالحهم

في الأونة الأخيرة كانت عندي صديقة كنت نظنها كذلك لكن للأسف طلبت مني نخدم راجلها عندي مع العلم راجلها معندوش حتى مستوي يقدر يأهلو باش يخدم عندي وهكداك ولقيتلو خدمة والراجل الحق الحق راسو خفيف تعلم بلخف ولا ملعم في خدمتو رقيتو وزدت ف الراتب ديالو
المهم بعد فترة لحقتني هدرة عليا ماشي مليحة بلي انا متكبرة وشايفة روحي ووو......
كي تحريت على مولات الهدرة لقيتها حبيبتي طعنتي في ظهري كانت في وجهي مرايا و في ظهري مقص ملقيت مندير وكلت عليها ربي وخليتها
وكي سمعت بلي انالحقتني هدرتها جات ا تطلب مني ف السماح وتحلل فيا منحاوزش راجلها
انا الحق والله ماحاوزتو معندو مادرلي هو بالعكس فادني في خدمتي وليد فاميليا ويخاف ربي
قلتلها انا منقطعش رزق الناس
حسيت بلي ندبحت بالموس الحافي طعنتي في ظهري
وخلاتني نشوف الناس كامل كيما هي وراني خايفة يجي يقصدني كاش واحد في يوم من الايام وانا نردو راني عارفة بلي ضميري ميهنينيش نردو مي كي نتفكر واش صرالي نرجع للول
قولولي واش ندير عاونوني
وربي يجازيكم
وعذرااا الموضوع ديالي كان طويل



​

 

[حكيك]

رد: عدم ثقتي بالناس هاته هي مشكلتي

تم الاعتماد

 

[عاشقة الصمت 13]

رد: عدم ثقتي بالناس هاته هي مشكلتي

وعليكم السلام ورحمة الله وبركاته
ثقتك بالله احسن وافضل واريح
اما ماقالته صديقتك اسرفي عنه النظر
لانك لم تسمعي باذنك ولم تري بعينك
بل من عند الناس
ومصادرهم وراءها الافلاس
ومن يعمل خيرا لا يسال
ولا ينتظر مقابل

​

 

[وجع الظلم]

رد: عدم ثقتي بالناس هاته هي مشكلتي

وعليكم السلام والرحمة والاكرام
يا اختي مشكيلتك راه يتخبط فيها كامل الي قلبهم حنين
رانا في زمان المصالح الي صيبو عندو فايدتهم اكون احبيب وصاحب
ولي ما عندهم ما ينقبو منو يهربو عليه وينساو حتى عنوان بيته
انقولك الحل المرة الماجية ما تخلطيش العمل مع العواطف
الي يستحق الخدمة ويتعب عليها تبارك الله ولي مايستهل هاش
الله اسهل عليه حتى لو كان خوك من امك وبوك
هذا هو الحل الوحيد باه اتعيشي مرتاحة
العمل عمل والصداقة صداقة
على خاطرش انت مراكيش حالة شركة لحباب والاصدقاء
انت راكي تعملي يمالا الي يقصدك يقصد العمل مشي شخصك
مافيها لا حشمة ولا خوف ثقي في نفسك
باه اتشوفي الصح من الدوني
ماعليش هذه هي الدنيا نتعلمو منها
الحلو والمر حتى يفنا العمر
ربي معاك ولي شد في الصحيح عمرو ما يطيح
الخير مازال في امة محمد والدليل انت مازال فيك الخير
تحياتي​

 

[روز]

رد: عدم ثقتي بالناس هاته هي مشكلتي

السلام عليكم

الثقة في الناس ربما هذه ثاني مشكلة ترد هنا
لماذا نمنح الناس مساحة أكبر من تلك المفروض أن نقدمها ؟
ألا نستطيع أن نتعايش مع الناس بطريقة مبسطة؟
لماذا تعقدون حياتكم وتشترطون إما الثقة الكاملة وإما لا شيء؟

ثم ذكرك أنكِ عملتي خير في راجل صحبت وبعدها ذكرتي أنو نفعك ورتبلك شغلك
هذا المفروض ماتقوليهش لانو كما قالت الاخت عاشقة الصمت لي دار دار لربي وديري الخير ارميه للبحر
ربما كلامك هنا ضيعلك الاجر لي اكتسبتيه في هذ المخلوق..

عزيزتي تعاملي مع الناس بطريقة مبسطة لا تمنحي كل ثقتك وفي نفس الوقت لا تكوني نافرة معزولة عن الناس
كل شخص له مساحته المحددة وطريقة التعامل التي المفروض يمشي عليها..

رتبي نفسكِ من جديد ورتبي الأشياء التي يجب أن تمنحيها للناس
والتي لا يجب أن تمنحيها وهكذا ستقللين حجم الألم في نفسكِ

أما عن عمل الخير فانذريه لله تعالى وأبدا لاتمنين على أحد خدمتك له
فقد سخركِ الله له كي تخدميه وعندما يتوقف رزقه سيتوقف من العمل معكم ولو كنتِ لا تريدين ذلك
والعكس صحيح

الثقة الكاملة برأيي لاتكون الا من نصيب الوالدين ومن بعدهم الزوج
وهنا حتى لو خانوك ستكوني معذورة لأن ثقتك بهم أعتبرها كأنها طاعة وهي واجبة
ولو غدروا بك فتذكري أن المؤمن لا يلدغ من جحره مرتين

 

[Ma$Ter]

رد: عدم ثقتي بالناس هاته هي مشكلتي

السلام عليكم ورحمة الله وبركاته
اختى تاكدى باللى فى هاذ الوقت انو اصحاب المصالح اكثر من الاصحاب لى يحبوك حب فى الله
وحاولى تتخطى امر المراة هاذى لى قطعت فيك لانو يوجد منها الالاف وفى الجنسين النساء والرجال
فقط انتى اعملى الخير وتعاملى معاهم ببساطة كما قاتلك اختى روز
ونصيحة منى حاولى ما تسمعيش لكلام الناس خلاص كيما لى يقلك هذاكقالى فيك كذا وكذا وو
لانها توقض الفتنة وتعملك قلقة انتى فى غنى عنها
ووكلى ربى على لى يحكو فى ضهرك وخليهم ينقصو عليكي
ربى يوفقك اختى

​

 

[ROUAKIMOURAD]

رد: عدم ثقتي بالناس هاته هي مشكلتي

السلام عليكم
أسعد الله أوقاتكم
المشكلة ديالي باينة من العنوان
صراتلي عفسة خلاتني نفقد الثقة ف الناس حتى في أقرب الأقارب وليت منعرفش نميز بين الناس المليح والدوني نشوفهم كامل كيف كيف كامل حبو يستغلو طيبتي ومركزي الاجتماعي الرمرموق و يجرو مورايا باش نقد يلهم صوالحهم

في الأونة الأخيرة كانت عندي صديقة كنت نظنها كذلك لكن للأسف طلبت مني نخدم راجلها عندي مع العلم راجلها معندوش حتى مستوي يقدر يأهلو باش يخدم عندي وهكداك ولقيتلو خدمة والراجل الحق الحق راسو خفيف تعلم بلخف ولا ملعم في خدمتو رقيتو وزدت ف الراتب ديالو
المهم بعد فترة لحقتني هدرة عليا ماشي مليحة بلي انا متكبرة وشايفة روحي ووو......
كي تحريت على مولات الهدرة لقيتها حبيبتي طعنتي في ظهري كانت في وجهي مرايا و في ظهري مقص ملقيت مندير وكلت عليها ربي وخليتها
وكي سمعت بلي انالحقتني هدرتها جات ا تطلب مني ف السماح وتحلل فيا منحاوزش راجلها
انا الحق والله ماحاوزتو معندو مادرلي هو بالعكس فادني في خدمتي وليد فاميليا ويخاف ربي
قلتلها انا منقطعش رزق الناس
حسيت بلي ندبحت بالموس الحافي طعنتي في ظهري
وخلاتني نشوف الناس كامل كيما هي وراني خايفة يجي يقصدني كاش واحد في يوم من الايام وانا نردو راني عارفة بلي ضميري ميهنينيش نردو مي كي نتفكر واش صرالي نرجع للول
قولولي واش ندير عاونوني
وربي يجازيكم
وعذرااا الموضوع ديالي كان طويل



​

وعليكم السلام ورحمة الله
اختى صاحبة الامر التى بيدك مفتاح الحياة فى اعانة الناس فهذا يعمل عندك وهذايرتقى من منصب الى منصب ومن مراتب الى مراتب مشاء الله المهم جميل انك تعوانى الناس
المهم ان الان ضذك لانك فى هذى الحالة لانك صاحبة مركز والناس ضذ هولاء الذين اصبحو يتحكمو فى مصير الناس
المعم عليك بى النزول الى تحت مع الناس
لانك انت من ابتعدتى عليهم ومن الاحس ان تكونى فى صفهم وليس عليهم
وفى الاخير اتقى الله