pavarois aux fruits خطوة بخطوة من مطبخي

[nada242008]

السلام عليكم ورحمة الله
اولا الوصفة شفتها في قناة سميرة
جربتها وصراحة ذوق لا يقاوم
وخطواتها بسيطة ..صح تحكم الوقت
بصح تستاهل

نبداو باول خطوة
تحضير الجينواز
وهذي طريقتي فيها ..لكل بيضة 30 غ سكر و 30 غ فرينة رشة ملح وفاني

استعملت 5 بيضات في مول كبير
ومن بعد قطعت بالقطاعة لي راح نحط فيها الكيكة
2 دوائر والثالثة من بواقي الكيك تحصلت على زوج انصاف
يعني المجموع 3

ثاني خطوة تحضير كريمة الحشو
لاكرام باتسيير
نخبط بلافوي 150 غ سكر و 50 غ نشا وفاني و3 بيضات
نسخن نصف لتر حليب
ومن بعد نضيف الحليب تدريجيا ونرجع للنار حتان يهز الغلية ويبدا يخثار نطفي
وننضيفلو مباشرة 15 غ جيلاتين غبرة ونخلط ملييييييييييح

نجيبو لاكرام فراش حوالي كاس كبير
نخفقها مليح

ومن بعد نخلطهم مع بعض

نجيب القطاعة وندهنها مليح بلاجولي من داخل باش يسهل نزعها فيما بعد
ونحط انصاف دوائر الاناناس مع حبات الكرز

ونفرش فوقها اول طبقة من الجينواز ونحاول مانخليش فراغات ونسقيها بسيرو الاناناس المعلب

ونصب كمية من الكريمة ونقطع عليها موز واناناس قطع صغيرة جدا

ومن بعد طبقة الجينواز المقسومة على 2 باش ماتبانش :-h
ونزيد طبقة كريمة وفواكه

ونغطي باخر طبقة وهنا مانسقيش بالسيرو

نغطيها بالفيلم اليمونتار ونخليها ليلة كاملة في الثلاجة حتى تتماسك

هنا بعد ما باتت وبردت
نحيها من القالب بحذر

نزينها بطبقة خفيفة من الشونتيي والفواكه ندهنها بلاجولي

وهنا بعد ماوجدت

نتمنى نكون وفقت في الشرح كيما يقولو :d اي سؤال او استفسار
يرجى الاتصال بالحصة

ملاحظة اخيرة
اذا بقالك من الجينواز والكريمة
تقديري تخدميها ديسار في اكواب التقديم
تقتفي الجينواز وتسقيهاا ثم طبقة فواكه ثم كريمة وتعاودي نفس الشي
وفي الاخير تزينيها تجي هايلة






​

 

[melissa lola]

رد: pavarois aux fruits خطوة بخطوة من مطبخي

يعطيك الصحة تشهي

 

[somo_81]

رد: pavarois aux fruits خطوة بخطوة من مطبخي

مممممممممممممم كور و ديكور تهبل ما شاء الله تشهي و متحوفة خير من المشرية بصح حبيت نسقسيك نقدر نستعمل لاكرام باتيسير المشرية ولا لازم نخدمها

 

[نجـStarــمة]

رد: pavarois aux fruits خطوة بخطوة من مطبخي

و الله روووعة يعطيك الصحة
مرسي على الوصفة
تحيآآآآتي..



​

 

[nassima 87]

رد: pavarois aux fruits خطوة بخطوة من مطبخي

اممممممممم يعطيك الصحا هايلا نجربها ان شاء الله

 

[Ŝĥåĥĭйëž Ïķřăмơǖ]

رد: pavarois aux fruits خطوة بخطوة من مطبخي

يعطيك الصحة راها تشهييييييييييي

 

[SAMIRA25]

رد: pavarois aux fruits خطوة بخطوة من مطبخي

امممم روعة و تشهي يعطيك الصحة ام ندى على الوصفة كفيتي و وفيتي
بارك الله فيك و جزاك خيرا​

 

[ام ريهام]

رد: pavarois aux fruits خطوة بخطوة من مطبخي

امممممممممممم هايلة يعطيك الصحة ندوش ان شاء نجربها

يعطيك ما تتمناي على الوصفة

 

[ام ايناس]

رد: pavarois aux fruits خطوة بخطوة من مطبخي

يعطيييك الصحة هااايلة دايما مبدعة ام ندوش مارسي
​

 

[nada242008]

رد: pavarois aux fruits خطوة بخطوة من مطبخي

مممممممممممممم كور و ديكور تهبل ما شاء الله تشهي و متحوفة خير من المشرية بصح حبيت نسقسيك نقدر نستعمل لاكرام باتيسير المشرية ولا لازم نخدمها

اخدميها في الدار خير باش تتحكمي في كمية السكر والكثافة
--
يعطيكم الصحة لبنات على الردود ..تسلمولي :$

 

[مطبخ الأحلام]

رد: pavarois aux fruits خطوة بخطوة من مطبخي

السلام عليكم

كيفاش ماتفوقتيش فالشرح وانتي حاطة أدق التفاصيل

يعطيك الصحة أم ندوش ان شاء الله بربي نجرب كل ماتقدمونه برك نفضى شويا

كل سنة والامورة بخير ^_^
​

 

[هدوء المطر]

رد: pavarois aux fruits خطوة بخطوة من مطبخي

أممم دآيما متميزة بطبخآتك عفوفة،.
إن شاء الله نجربها،.
يعطيك الصحة.​

 

[عفاف الجزائرية]

رد: pavarois aux fruits خطوة بخطوة من مطبخي

آآآآآآآآآه يا ارزقي وما درتي فينا
يعطيك الصحة كي العادة فناااااااانة

 

[prncess fifi]

رد: pavarois aux fruits خطوة بخطوة من مطبخي

امممممممم يا ندوشة سخفتني مع الصباح
تحفة تحفة خرجتلك والشرح كافي ووافي لا اتصال ولاهم يحزنون ههه
يعطيك الصحة شاف وبصحتكم​

 

[mimi53]

رد: pavarois aux fruits خطوة بخطوة من مطبخي

امممممم يعطيك الصحة ندوشتي تهبل فن على اصوله يسلم الايادي حبيبتي وربي يحفظلك اولادك وزوجك يارب

 

[ام خديجة1]

رد: pavarois aux fruits خطوة بخطوة من مطبخي

امممممممممم جاتك تهبل اختي ام ندى بارك الله

 

[عاشقة الوردة]

رد: pavarois aux fruits خطوة بخطوة من مطبخي

اممممممممممممممممم تشهي
بصحتكم

 

[الحلم الوردي]

رد: pavarois aux fruits خطوة بخطوة من مطبخي

امممممممممممممممم
رووووووووعة
جــــآتك هـــآيلة
يعطيك الصحة
بصحتك
​

 

[imane27]

رد: pavarois aux fruits خطوة بخطوة من مطبخي

امممممممممممممممم شكلها مغرى ندى يعطيك الصحة باينة بنينة

 

[hadda0425]

رد: pavarois aux fruits خطوة بخطوة من مطبخي

دائما في القمة ندوش يعطيك الصحة
​