مشكلتي انا ومجتمعي

[مشكلتي]

السلام عليكم ورحمة الله تعالى وبركاته

مشكلتي اليوم مختلفة بعض الشيء وهي مشكلة اجتماعية
واالتي بمجال العنصرية

فوق طاقتي مي مانحبشهمش ولي هوما ناس برة

ماقصدي نفرق ماوالو بصح مايتعاشروش خلاونا ناخضو نظرة سيئة عليهم

انا لا اجمع ولاكن معضمهم بلا اخلاق وعندي دليل وهو موجود في عيلتي

انا مخضرمة بابا من ناس برة لي يعيطولهم ( العروبية ) وماما بنت بلاد

نشوفهم غير فلافامي تع ماما صح فيهم صفات مشي ملاح بصح مشي كما

لافامي تع بابا..نلقاو الحقد الحسد السحر الفتان يعرفو بعضاهم غير فالمصائب الله يحفظنا

ومن هنا خضيت هاذي النظرة + نظرة المجتمع السلبية عليهم وعندهم الحق

والمشكلة انا دك تاني حاملة لقب بابا صافي حتى انا يشوفوني منهم

بزاااااااااف يقولو ويكتبو دك بلي الصح في الاخلاق وانا اوافق تماما على هذا الشيء

بصح المجتمع مايشوفكش هكذا ومثال موجود وهي انو اختي واحد حبها ماتتصوروش قداش (والان مزوج ومازال يحبها )
وكي جا راح يتقدم قال ليماه وبمجرد سمعت بلقب تعنا بطل وسكتو الحالة بلا ماتعرف تربية ولا اخلاق وراحت داتل بنت دار فلان

دك انا مشكلتي مخلطة وراني حايرة ومالقيت الحل لا باه نسقم روحي ولا نسgم مجتمع لي gدامي


اطوني رايكم ربي يحفظكم
​

 

[حكيك]

رد: مشكلتي انا ومجتمعي

تم الاعتماد

 

[عاشقة الصمت 13]

رد: مشكلتي انا ومجتمعي

ياختي تحوسي علا رضاك ولا رضى الناس
؟؟؟؟؟؟؟؟؟؟؟؟؟؟؟؟؟؟؟؟
خليهم يهدروا واش راح ديريلهم وكلي عليهم ربي وخلاص
انا راني معاك الف بالمية في اللي قلتيه
يولد الانسان بريء ولكن المجتمع كفيل بافساده
حنونة كاين اللي مادار والو وداروه دار
يعني المجتمع راه داير اللي عليه في الهدرة الزايدة ربي يستر
حنونة ماتعمريش راسك بهدرة الناس ولا واش تشوف
المهم نتي واش تشوفي وهاديك تاع عقليت باباك وماماك يلزم تكوني تودتي عليها ماشي غير اليوم
نورمالمو راكي تعايشتي بيها
ماتحوسيش تبدلي نظرة الناس خاطرش من المستحيل
ناس مايعجبهم عجب ولا صيام في الرجب
ياولوكان تشعليلهم صباعك العشرة مايرضو
هيمالا ارقدي على الجنب اللي يريحك
وربي يجيب الخير ان شاء الله
​

 

[ام سحر و لؤي]

رد: مشكلتي انا ومجتمعي

رد عاشقة الصمت كان كافي و وافي
ارضاء الناس غاية لا تدرك و ارضاء الله غاية لا تترك
لازم تكون عندك ثقة بالنفس ماشي مهم بنت فلان و اللا فلان كل واحد فينا يمثل نفسو

 

[ولــــد الـDZ]

رد: مشكلتي انا ومجتمعي

هذه الحاجة وين تروحي تلقايها الله غالب كاينة ناس مازالت متخلفة..ربي يهديهم
ماتعمريش راسك بيهم كل تحبي ترضيهم ما تقدريش
عيشي حياتك وارضاي باش كتبلك ربي
و احملي لقب باباك وافتخري به واثبتي بالي الشخصية نتاعك غير نتاعهم
​

 

[ماكانش]

رد: مشكلتي انا ومجتمعي

نتي مايهمك والو غير التربية تاعك واخلاقك
ماكانش فرق الا بالتربية والأخلاق

 

[lilia mess]

رد: مشكلتي انا ومجتمعي

ارضاء النّاس غاية لا تدرك

ناس بكري ما غلطوش كي قالوها

في مجتمعنا -الاّ من رحم ربي- شغلهم الشاغل الهدرة ما يجيبو حتّى حاجة جديدة

كلّ عايلة فيها لمليح ودوني...و حنا ما راناش ريحين نحاسبو الناس على جال أصلو و فصلو
حنا رايحين نتعايشو في هذا المجتمع بأخلاقنا لخطراش دينا و والدينا رباونا على هذاك الشي
و هادي الحاجة الوحيدة لي رايحين نتحاسبو عليها

ربي سبحانو ما فرقش بين عبادو غير بالتقوى و العمل الصالح
و اذا كان الحسب و النسب على حسب هاديك العقليات الفارغة هو وحدو لي يقيم الانسان
لو كان الرسول ما حكمش على لي سرقت وهي بنت النسب بقطع اليد

نتمنى هذو الأفكار السلبية ما تأثرش في نفسيتك
و افتخري بالوالد نتاعك لأنّه تعب و شقا على جالك
و خلي القافلة تسير و الكلاب تنبح ...حاشكم
​

 

[عفيفة الحبوبة]

رد: مشكلتي انا ومجتمعي

انتي بالاك راهي مشكلتك في العروبية تاع باباك كيما راكي تحكي
كاين ناس يحملوا القات تاع فاميليات داروا جرائم و داروا اشياء ما يتقبلهاش العقل
وين حابة تروحي
تهربي؟؟
و لا تحكي قاع الناس و تبدليلهم تفكيرهم؟؟؟
احسن حاجة تواجهي
عيشي كيما راكي لانه ربي كتبلك هكا و لحكمة منو
كوني في القمة باخلاقك و تصرفاتك ماشي باسمك
و ختي لي صراحة زعفت عليها بكل بساطة مكانش من مكتوبها هاد الراجل و خلاص
تقبلي مروري​

 

[aljentel]

رد: مشكلتي انا ومجتمعي

هاذو ربي حكا عليهم فالقرءان
" الأعراب أشد كفرا ونفاقا"
العروبية هوما الأعراب وهوما سكان البوادي
ربي حكا عليهم

مش كده ,, ليس العيب متصلا بالعرب دون سواهم فالشريف شريف عربي وغير عربي فلا تعمموا .
اما صاحبة المشكله ورثت النظره السيئه ولن تحيد عنها لكن بإمكانها الرحيل لغير مدينه ثم تبدأ حياة جديده افضل فالسمعه السيئه ستلازمها ببلدها ولو لم يكن لها ذنب به ,,

 

[ROUAKIMOURAD]

رد: مشكلتي انا ومجتمعي

السلام عليكم ورحمة الله تعالى وبركاته

مشكلتي اليوم مختلفة بعض الشيء وهي مشكلة اجتماعية
واالتي بمجال العنصرية

فوق طاقتي مي مانحبشهمش ولي هوما ناس برة

ماقصدي نفرق ماوالو بصح مايتعاشروش خلاونا ناخضو نظرة سيئة عليهم

انا لا اجمع ولاكن معضمهم بلا اخلاق وعندي دليل وهو موجود في عيلتي

انا مخضرمة بابا من ناس برة لي يعيطولهم ( العروبية ) وماما بنت بلاد

نشوفهم غير فلافامي تع ماما صح فيهم صفات مشي ملاح بصح مشي كما

لافامي تع بابا..نلقاو الحقد الحسد السحر الفتان يعرفو بعضاهم غير فالمصائب الله يحفظنا

ومن هنا خضيت هاذي النظرة + نظرة المجتمع السلبية عليهم وعندهم الحق

والمشكلة انا دك تاني حاملة لقب بابا صافي حتى انا يشوفوني منهم

بزاااااااااف يقولو ويكتبو دك بلي الصح في الاخلاق وانا اوافق تماما على هذا الشيء

بصح المجتمع مايشوفكش هكذا ومثال موجود وهي انو اختي واحد حبها ماتتصوروش قداش (والان مزوج ومازال يحبها )
وكي جا راح يتقدم قال ليماه وبمجرد سمعت بلقب تعنا بطل وسكتو الحالة بلا ماتعرف تربية ولا اخلاق وراحت داتل بنت دار فلان

دك انا مشكلتي مخلطة وراني حايرة ومالقيت الحل لا باه نسقم روحي ولا نسgم مجتمع لي gدامي


اطوني رايكم ربي يحفظكم
​

وعليكم السلام ورحمة الله
اختى ونضرة المجتمع فى الاخير انت من هذى العائلة وهى التى انجبتك وعلمتكى بفضل الله حتى اصبحت تكتب هذى المشكلة المهم لا عليك
ان راح اتكلم عن نفسى لو كونت مكانك احرب الدنيا وما فيها على اب وامى ولا يهمنى راى مخلوق المهم رضى الاب والام والله
انت فى هذى الحالة عليك ان تكونى مع الاب والام لا عليهم وارفعى راسك غير مهتمة
لانك فى الاول والاخير مرتحة

 

[حسان]

رد: مشكلتي انا ومجتمعي

الاخت الفاضلة مشكلتك هي واحدة من ألاف من المشاكل من مثل هذا نوع و حتى انا أيضا في حومة نتاعي


لكن حل يا اختاه هو كما قال الحبيب المصطفى علسه الصلاة و السلام -- امرت ان اخاطب الناس على قدر عقولهم --


تعرفي بلي هذوك الناس اجدادهم اورثوا لهم سماطة فعليك ان تتجنبي كشف عن شيء الذي تكرهينه فانهم سيرحبون به و يهتمون به كثير

مثل مشكلتك تمام

بين لهم ان هذا الامر لا يضرك بالمجاهلة كما قال لك اعضاء و سيرتكونه

و عاملهم على قدر عقولهم أضجكي في وجههم و لا تخالطيهم

احسني لهم حتى لا يسئون لكي

اعطيهم حتى لا يحسدونك
اضحكي في وجههم حتى لا يحقدون عليك

​

 

[علي الفاضلي]

رد: مشكلتي انا ومجتمعي

اختي رضا الناس غاية لا تدرك.

اثبتي وجودك بأخلاقك ، ورايح ايجي اللي يفهمك .

الناس الفاهمين ما يحكموش على المظاهر .

كوني على قدر عال من الطيبة والاخلاق .. وخليك من كلام الناس لا يحييو ولا يميتو ..

النافع ربي ..

والمكتوب يجيك على قدر نيتك ..

ان تصدق الله يصدقك.

والسلام.

 

[imy_amani]

رد: مشكلتي انا ومجتمعي

السلام عليكم ورحمة الله وبركاه
اختي الكريمة
حتى لوكانت عائلة ابوكي مش مليحة
وكان حملكي للقب يشكل نظرة اولية
انما كوني اكيدة اختي
هاد مجرد مدخل للشيطان
لحتى يبرر لك الخطا
هو راهو يقولك
انتي حتى لو صلحتي رايح تكوني في نظر الناس سيئة
لان عائلتك معروف عنهم هذا
لكن
لالالالالا
لا تخليه ياثر عليكي اختي
ديري حاجة في بالك
وكرريها كل يوم
وما تخلي حتى واحد يغيرهالك
انو
رزقك فوووووووووووق في السماء
اللي كاتبه ليك ربي يوصلك حتى لو كنتي في البحر
ثقي انو ربنا يعطي الانسان على حساب نيتو
صلحي روحك
وكوني انسانة غير ... كوني فتاة صالحة
ولا يهمك الناس
لما تخليهم يتحكموا بسعادتك
رايح تتالمي في كل كلمة يقولوها عنك خطا
لا تهتمي لكلامهم
وخليهم يقولوا انك سيئة لكن من يعرفك
لن يستمع الى كلام الناس
ونقولك حاجة
اللي يستغنى عليك فقط لانو سمع عنك
لا تحتاجيه ابدااااااااااااااااااااا في حياتك
حتى انه لم يعرفك

في ناس اخلاق وتربية
وحكاو عليهم بالعاطل فقط لانهم حسدوا ما عندهم
لكن كتب الله لهم ازواجا افضل مما يتمنوا
يمكن يكون خير لاختك لخاطر كل ماعند الله
في طياته الخير الكثير
لانو لا احد يعرف بعد ذلك
هي ترى ان حياتها كانت ستكون سعيدة برفقة هذا الشخص الذي احبها
لكن ربما العكس
وصرف الله عنها اختيار يؤذيها

ويجي يوم يرسل ربي واحد يشهد انك صالحة
فلا تخافي
فلو اجتمع الجن والانس على ان يضروك
لن يضروك الا بما كتبه الله لكي
ولو اجتمعوا لينفعوكي لن ينفعوكي الا بماكتبه الله لكي

صلحي نفسك
حتى يصلح مستقبلك
وثقي في الله
رددي كل يوم
قل لن يصيبنا الا ما كتبه الله لنا

وهناك من الذنوب ما يؤخر الرزق
​

 

[بنت الـ25]

رد: مشكلتي انا ومجتمعي

كاينة العقلية هادي تع ولد الدوار وولد لبلاد بارتو
حيرتني قصة اختك
يعني كون جات أفير تع سمعة وأخلاق معليش مي باش أهلو يرفضوها لأنها بنت عروبي هنا نقولهم " لا يا حليش"
الحاجة الوحيدة لي ممكن تخلي خاطب يتراجع عن خطبة فتاة هي سمعتها وسيرتها عدا ذلك فهي أعذار واهية
هادا الخاطب لاختك انسان متخلف ،، بالعكس الحمدلله انها لم ترتبط بشخص ضعيف شخصية
انتوما يا ختيوتي عيشو كيما ربي كاتبلكم والأكيد رايح يرزقكما ربي انتي واختك بلي يراعيو ربي فيكم

اصلا هاد العقلية تع عروبي وولد بلاد نورمالمو اندثرت ولي مزالو يخمو هكا غير القدم
والله متعمري راسك بيهم والمرة الجاية لي يظلمك لانك بنت فلان قلو راك قديم تجرح
ما تتكاكايش منهم وما تخبايش بالعكس ارفعي راسك بأخلاقك
لأنو الانسان لا يصنع اصله ولكنه يصنع أخلاقه
فــ إنما الامم الاخلاق ما بقيت *** فإن هم ذهبت أخلاقهم ذهبوا
​

 

[TeNtOuNa]

رد: مشكلتي انا ومجتمعي

تقول الحكمة ان لم تستطع تغيير العالم فغير نفسك
انت ما تقدريش تبدلي نظرة مجتمع كامل لهدي الفئة
مالا بدلي نفسك
افتخري بعايلتك ونقمتك واصلك ونعتي للناس بلي ماشي كامل لي اصولهم عروبية مشرارين دوك بشوية تتبدل نظرة المقربين ليك ومبعد ساهل الحال
​

 

[مينة آلاء الْقُدُّوس]

رد: مشكلتي انا ومجتمعي

سميني شرقي سميني غربي سمي سميني قبلي ولا قبائلي انت تقلي شرقي غربي وأنا نقلك أنا جزائري
أختي الموضوع ضخمتيه العنصرية موجودة في كل مكان الله يهدينا ويهديهم أنا ميهمنيش كلام الناس

 

[الجندية]

رد: مشكلتي انا ومجتمعي

انت راضية على نفسك ؟ ماخصك والو ؟ لاباس على أخلاقك ؟
قولي الحمد لله ... أرفعي راسك ... ابتسمي
انت امرأة فحله والفحل يعرف للفحوليه ... هنا كملت
​

 

[YAHIA S]

رد: مشكلتي انا ومجتمعي

السلام عليكم

اختي هذه مشكلة لعقلية مش لعروبية ولا قابلية ولا .....
كاين اجانب و عقليتهم كي لعرب اتقولي لعرب غير منهم على اقل
يعرفي ربي و نبي ...

 

[أم نورس]

رد: مشكلتي انا ومجتمعي

كاينة العقلية هادي تع ولد الدوار وولد لبلاد بارتو
حيرتني قصة اختك
يعني كون جات أفير تع سمعة وأخلاق معليش مي باش أهلو يرفضوها لأنها بنت عروبي هنا نقولهم " لا يا حليش"
الحاجة الوحيدة لي ممكن تخلي خاطب يتراجع عن خطبة فتاة هي سمعتها وسيرتها عدا ذلك فهي أعذار واهية
هادا الخاطب لاختك انسان متخلف ،، بالعكس الحمدلله انها لم ترتبط بشخص ضعيف شخصية
انتوما يا ختيوتي عيشو كيما ربي كاتبلكم والأكيد رايح يرزقكما ربي انتي واختك بلي يراعيو ربي فيكم

اصلا هاد العقلية تع عروبي وولد بلاد نورمالمو اندثرت ولي مزالو يخمو هكا غير القدم
والله متعمري راسك بيهم والمرة الجاية لي يظلمك لانك بنت فلان قلو راك قديم تجرح
ما تتكاكايش منهم وما تخبايش بالعكس ارفعي راسك بأخلاقك
لأنو الانسان لا يصنع اصله ولكنه يصنع أخلاقه
فــ إنما الامم الاخلاق ما بقيت *** فإن هم ذهبت أخلاقهم ذهبوا
​

Baraka allah fiki khti klamak 3jabni
Ana tani b9it haira f sahibat hadi almouchkila ana hssabt hadi al3a9lia rahat bakri mbassah rani nchouf bali mazal li rahoum 9dam fi 3a9liathoum
Oulad mdina walla oulad arriaf rahoum kif kif fhada aloua9tt wa attataour rah lha9 lkoul plassa ou l3a9liat tbadlat tal9aihoum saknin 3la barra ou 9raya wa fhama ou akhla9 machallah
Mafhamtch wach hada attatarrouf ta3 sahibat almouchkila walla hatta ta3 annass li rahoum ihassbou fiha
Tal9ai 9rib 9a3 li zadou falmdina waldihoum zadou ou kabrou falarryaf ou houma fakhourin b alassl dialhoum
Loukan jina ga3 nfakrou kimma rahi tfakkar hadi aloukht loukan mafratch