متعبة جدا من البخل والمعاني

[مشكلتي]

السلام عليكم
سامحوني رح نقلقكم بمشاكلي الخاصة مانيش حابة ندخل أهلي في مشكلتي لأني لو نحكي لماما على أي مشكل علابالي ومتأكدة رح يزيد يكبر
عندي 3 أشهر زواج
مشكلتي بدات بعد أسبوع تماما من زواجي
رجت لبيت الزوجية بعد شهر العسل الي دام أسبوع لقيت أهل زوجي (باباه ويماه وأختو) قبلي في داري
في الأول فرحت وقلت نتونس بيهم
ومبعد ندمت علاه فرحت
تخيلو كل شي طايح عليا
خدمة الدار كامل تسياق وطبخ ومسيح وغسيل وإلى غير ذلك
قلت ماعليش الخدمة ماتضرش لكن ..
كل ما نقعد مع والدة زوجي وأختو تبدا تمعني فلانة مارحتش Voyage de nonce دراهم الفواياج دارت بيهم حاجة خير ن فلانة تنوض من الرقاد على 5 (الفجر) ماتوليش ترقد ينووضو مالين راجلها يلقاو كل شي واجد ،، فلانة فلانة فلانة
فالأول ما حبيت نحكم عليها قلت راهي تفضفض ماعليش راهي كيما يما
ومبعد بداو يتعداو الحدود هي وبنتها لدرجة أنو في يوم من الأيام جابلي راجلي فستان ولبسة تاع خرجة قبل العيد وريتلهم من باب فرحتي ومديت خمار ليماه وصاك لأختو ، تخيلو وش قالولي قدام راجلي (قالولي احنا في سيرتنا العروسة ما تشري والو عام باش يبدا يكسيها راجلها) :-o
مورالي طاح:down: وليت كلما نسمعهم وش يكو نولي نبكي وراجلي كرهتلو حياتو ملفهم فيها والو ..نبكي بلا مانقولو وش بيا (حشمت نشكيلو من أمو وأختو)
وهاذ ليامات راجلي ثاني ولا كيفهم ..كل مانقلولو فليكسيلي مثلا ولا اشريلي كاش عفسة يقولي ماعنديش راني نخلص في ديون العرس
عاونوني انصحوني كيفاش ندير راني قريب نهبل

 

[عاشقة الصمت 13]

رد: متعبة جدا من البخل والمعاني

ماعليش ختي شدة وتزول
الله يطيب بيناتكم
وهاداك stages ماكانش اللي يروح بلا مايفوته
ختي كبري خاطرك قد اللي يخص
هنا تتعلمي تكبار الخاطر و الصبر
وتاني على الخدمة ماتعييش اللي يعيي هو المورال كي يكون طايح
النهار كامل ونتي تخدمي وتجي وحد الوقيتة تريحي فيها والله غير تنسي بللي كنتي شاقية
تاع هاديك فلانة وعلانة غيييييييييييييييييييير كللي ماسمعتيش
ماعندك ماتقولي نمشو ونجو راهي مه وهاديك خته
كللي ماسمعتيش
وهاديك تاع مايمدلكش ومايشريلكش
ختي غير فوتي حوايج الدنيا اصبري عليه عينيه في زمانه هنا تباني بللي مرة فحلة
وهادي راك عاد 3شهر حنونتي يعني مازااااااااااااااااااااااال الخير لقدام
من بعد تفهمو بعضكم بعض يعني ماماه وخته
وحاجة مليحة كي ماشكيتيش لمك خاطرش عيب من بدايتها تشكي
اصبري كيما صبرو لبنات كامل
هادي اذا راكي حابة ديري دار
ونزيدك ماكانش اللي صابتها كيما بغات
ولا يجي الخاتم قد صبعك
حنونة المرة وين تبان ؟؟؟؟
تبان كي تصبر وتسكت على اللي راه صاري كيما هاد اللي صاريلك
كونك عاقلة واعية وكيما يقولو ناس زمان
بالرزانة تتباع الصوف
كي ينوضو انتي حكمي لرض
وماشي من حبة ديري منها قبة
شوفي مشاكل الناس لخرين تحمدي ربي على اللي راكي فيه تبان مشكيلتك تافهة قدام مشاكل لخرين
حاجة ديريها في راسك
اللي فاتله الضيق قول الوسع راه جاي
هيمالا ختي ربي معاك والله يالف بين القلوب



​

 

[حكاية قمر]

رد: متعبة جدا من البخل والمعاني

أنا نقول هادو كاامل مش مشاكل وهداك راجل ربي يكون في عونو
​

 

[om lina kamila]

رد: متعبة جدا من البخل والمعاني

okhti hadi lbidaya wmazal mazal mais nti lazam tkoni fahla 3la rohak w matkhalihomch yatghalbo 3lik bhad el3aklia rahi mojarad ghira asbri wdirilhom :p w3ichi hyatek 3adi ki chrol mahomch kaynin wansay kolach wanti m3a rajlek matkhalihomch yfasdo ajmal ayam hayatkom li mba3ad rah tandmi wtkoli ana likharabt sa3adti 3a hajat tafha w diri mlih ki mathkich lafamille et matansaych:p

 

[أم نورس]

رد: متعبة جدا من البخل والمعاني

Ya khti rajlak asabri 3lih b alak sah ma3andouch ou 3a dou dioun kimma rahou i9oulak ou iamah wa khtou rabi iahdihoum koul wahda kimma thab i3amloulha an tha t3amal b an t annas

 

[aljentel]

رد: متعبة جدا من البخل والمعاني

لااعرف كيف يتم الزواج ببيت مأهول ,, لابد من المشاكل , من حق الزوجه بيت شرعي مستقل لها وهذا حق شرعي .. لكن مادام قبلتي من الاول التعايش معهم كملي حتى لاتفقدي زوجك وحاولي تصبري لين تفرج ...

 

[الأفق البعيد]

رد: متعبة جدا من البخل والمعاني

وعليكم السلام ورحمة الله وبركاته..

ممم..مما أرى..لا أجد هناك خطب جلل ولله الحمد..هي أمور صغيرة نكاد نراها في كل بيت..(لا أقصد أن أقلل من شأن ما أنت فيه..لكني أحاول تهوين الأمر عليك..)

نصيحتي لك..(اكسبي ودهم )..حاولي قدر المستطاع..بفعلك وقولك أن تحببي أهل زوجك فيك..حتى وإن بدا منهم ما بدا..(أنا متأكدة أن فيهم خير...لكن كل هذا لكون شخص جديد قد دخل دارهم..ويعتقدون أنه أخذ منهم ابنهم..فيحاولون قدر المستطاع أن تكون مودة ابنهم لهم في المرتبة الأولى..)
فحاولي كسب ودهم..وتغاضي عن (صغائر )الأمور..واكسب حب وثقة (زوجك )..(إن كان زوجك معك..فما عليك من سواه)!
(نعم..ربما جزء من هذا كان على الزوج أن يحسن التصرف فيه بحكمة..كأن يوفق بين أهله وبين زوجه فلا يجعل أحد الطرفين يشعر بأنه قد تم إهماله أو تجاهله ولو قليلا من أجل الطرف الآخر )

ولكن..هنا يأتي دورك أنت..إنت تستطيعين بإذن الله كسب زوجك وأهله بحسن تصرفك..وحكمتك..فلا تجعلي مثل هذه الأمور أن (تنغص) عليك عيشك..(ودائما وأبدا إلجأي إلى الله في كل صغيرة وكبيرة..)

بالتوفيق عزيزتي..أسأل الله لك راحة البال وطمأنينة الفؤاد..
(وعذرا منك على الإطالة )

دمت في أمان الله وحفظه..

 

[JAWHARA25]

رد: متعبة جدا من البخل والمعاني

SELEM YA OKHTI .WA KERAHNI RABI FI NAS KIMA HAK 3LAH Y3NI KIMA DIRI LBENT ENAS YTENDAR LBENTEK ... NGOULEK KELMA HATIH FI BELEK DAWRIHA MLIIIIIIIH . SAFI 3ANDI 3ACHR 10 SNIN ZWAJ NROU DIFA BERK 3END 3JOUZTI CHHAR BELKADOUWAT LIHA WLEBNATHA W NZID NEKHDAM TGOUL ANA MOULAT EDAR SAH BLA MZAYTI . ...... WALAH WALOOOOOOOOOOOO MA YKAR FIHOM WALO .... TWASLOU HATA RAYHIN YDHARBOUNI WANA DHIFA 3ANDHOM 3LAH KHATER GOTL LBENTHA MA TEDHERBICH BNI MALA BERKAY ... MATDHALICH ROUHAK . 3LIK TAHTARMOHOM WSAYI ...... TI3I ZOUJEK HADAK LI YNF3EK ..... MACHI HOMA

 

[ام ريهام]

رد: متعبة جدا من البخل والمعاني

اليسنمكزة لفؤلثقفلات
تابسثصضثض

 

[حسان]

رد: متعبة جدا من البخل والمعاني

الاخت الفاضلة

مشكلتك تافهة مع كل احترامي لك و تقديري للشخصيتك رفيعة

انت تحتاجي للشجاعة لتخبري نفسك انكي تحولتي من الفتاة الى امراة تتحمل مسؤوليتها و مسؤولة بعض الأشخاص في حياتها منها اولادها و والديها سوى تابعين للزوجها او لها


و المسؤولية ماذا تحتاج ؟؟؟

تحتاج الصبر و الثبات و الشجاعة لانكي من الآن استعدي لتقبل وضع صعب جد و مسؤولية فوف طاقتك احيان

لكن اختاه حتى تنجحي في حياتك و تكوني قدوة للاخرين

عليكي بطاعة زوجك في كل شيء

و عاملي ام زوجك كوالدتك أي عاملها كامك
و عاملي اخته كاختك

و لا ترد لهم أي قول او شتيمة ردها لهم بالكلام الطيب و العفوا و ( اسمحولوا مكنتش عارفة ) و (منزيدش نعاود ) ( اسمحيلي )
و نادي امه بامك

و كن قلبك أبيض هذا هو طريق الصحيح الذي تربحي به شخصيتك و هيبتك رفيعة و تحصلي على قدر من سعادة مثالية

طهري قلبك من من كل امراض الغضب و الحزن و قيل و قال و النميمة و الحقد و الانتقام

اصبري و تجاهلي كل اقوالهم مهما كانت قاسية

انت الان تحتاجي شجاعة لتبتسمي في وجه كل شخص يريد نيل منك لانك كدمية جميلة التي يحس الناس بسعادتها مطلقة

هل تعتقدي ان الدنيا سهلة و جميلة جدا و دائما كما تشتهينها و حظ دائما يبتسم لك ؟؟؟؟؟؟؟؟


لا لا لا كان هذا في طفولتنا لاننا كنا براءة اما اليوم سنعرفون الدنيا في حقيقتها لا ينجينا منها سوى التقوى الله و استعانه به

و اعلمي انك في مرمى عشرات من الذي يحسدونك و يغيرون منك فاعتصمي بالحبل الله سبحانه

و هل نجح الذين ثاروا و غضبوا و تشاجروا و انتقمواا ؟؟؟؟؟؟؟؟؟؟

لا و الله لو رجعت بهم الايام لطبقوا نصائح و استسلام تام أشد تطبيق مع حسرة و ندم



و ربي يحفظك و يوافقك في حياتك



​

 

[hadda0425]

رد: متعبة جدا من البخل والمعاني

اولا عندك الحق في بيت لوحدك هذا من القانون والشرع لكن هادي حالة الشباب الجزايري باه يتزوج يدير عايلة ويعيش يولي يدير الظغط والسكر لروحو
وزيد نت راهم غير 3 شهر زواج يعني مزلتي معرفتيش العقلية حتى تع زوجك فما بالك تع عايلة جديدة عليك
يعني اهل زوجك ما نحاولكش حاجة من يدك ولا شتموك ولا بهدلوك مجرد هدرة تع النساء كيما راك تقولي
وهاد العادة قديمة بين العروس واهل الزوج خاصة الاخت والام هادي دريها في بالك واذا حتسمعي لهدرتهم حتخربي حياتك
ونت قلتي بلي زوجك يتهرب ما حبش يشريلك يا بنتي راك 3 اشهر البسي سع وش عندك وريحي زوجك ما تزيديش عليه
المشاحنات والاحتكاكات بينك وبين حماتك وسلفتك حلوهم وحدكم مكلاه تقحمي زوجك فيهم واذا دخلتيه في ما بينكم انت لي حتخسري في الاخير
انا نقولك نصيحة من عندي المراة لي ما تصبرش مع زوجها في السراء والضراء عمرها ولا تعمر
كوني مخازنية كيما يقولو ناس بكري فوتي وش تسمعي اخدمي الحاجة لي قدرتي عليها ولى ما قدرتيش عليها خليها مش محتمة عليك وابتسمي في وجهه زوجك واكسبيه لجهتك
بنات اليوم ما يصبروش على كاس ماء
لوكان تشوفو خرين لحد الان لحد الان راهم ولادهم نسا ورجالة ومزالو عايشين مع الشيخ ولعجوز
يا بنتي كوني مرا واجهي الدنيا بمرها وحلوها مش مجرد هدرة تخربي على روحك
سلام
حبيت نقول برك جامي جات وحدة عروس شكات من الشيخ ولا السلف ديما العجوز والسلفة يعني عادة قديمة هههههه
​

 

[مينة آلاء الْقُدُّوس]

رد: متعبة جدا من البخل والمعاني

هذاك يسموه سوق النسا
سبحان الله هاد الطبيعة تلقايها في نص العائلات الجزائرية والنص الثاني لعروسة لي ماشي مليحة
علا حساب واش حكيتي مدرتيلهم والو واش نقلك أختي اصبري ودعي ربي يهديهم
أما عن زوجك واشمن فليكسي إذا تقوليلو كل يوم سي نورمال ميحبش هذاك لفليكسي رآه يخلي لجيوب
شوفي أختي مشكلتك راهي مشكلة مجتمع انتي اصبري وشدي في زوجك وماتقابحيهمش
وربي يهنيك

 

[dodo1]

رد: متعبة جدا من البخل والمعاني

وعليكم السلام .....يا اختي عندك الحق كي ماحكيتيش ليماك باش متكبرش باينه عليك رزينه الله يبارك ........... يا اختي سيي كيفاش تتجنبي جماعة ام زوجك وبنتها باش تايفيتي الهدره الفارغه منهم .........واذا زعفتي من راجلك وعملتي معاه مشكل رايحه تندمي لخاطرش يماه هذاك اللي تحوس عليه ورايحه تفرحيها بزاف كي تتداوسي معاه ........ وما تديريش على هدرتهم ديري روحك كلي ماسمعتيش واقتليهم غير بالضحكه هذا هو سلاحك معاهم صدقيني رايحين يعياو ويملو لخاطرش انتي ما درتيلهمش غرضهم.................ربي يكون معاك حنونه ويعطيك الصبر​

 

[¬Đỉaмơŋđ ✿]

رد: متعبة جدا من البخل والمعاني

وعَليكُم السَلآم ورحْمة اللهِ وبرَكآتهْ


أغلبْ العآئلآتْ في الوَطن العَربي تُعآني منْ نفسْ المُشكلَة اللِي سَببهآ الحمآةْ بشَكلْ خآصْ ..
مُش كل كلمةْ يقُولوهآلك تهزيهآ أنتِ وسْعي قلْبكْ رآكي عرُوسةْ جدِيدة المفرُوض رآكي تعيشِي في اسعدْ أيامْ حيآتكْ مآتنَكديشْ على نفْسك وزوُجك ..
رآكِي فِي بدآيةْ مرْحلةْ التعآرفْ معَ أهلْ الزوجْ والإنطبآعْ الأولْ اللي يآخذُوه عليكْ يبقَى رآسخْ ..
حآولي تكَسْبي حُبهمْ خآصَة حمآتكْ خلّي معَزتهآ من معزةْ إبنهَآ وعآمليهآ بالتِي هي أحْسنْ إذا كسَبتيهآ رآحْ يفيدكْ هذا الشىءْ وكيمآ نقُولو تكْبآري في عيونْ زوجكْ
- بالنسْبةْ للخَدمة تاعْ الدارْ كُونك فحْلةْ ووآقفةْ على بيتكْ والكلآمْ اللي تسمعهُولك أرخِي وذنيكْ مآتركزيشْ على الصغيرَة والكبيرَةْ لأنكْ رآح تحوْلي حيآتكْ لجَحيمْ ..
في النهآيةْ غيرَة الحماةْ وأخَوات الزوْج شىءْ طَبيعِي ممكنْ ترُوح معَ الوقتْ ..
- نضيفْ لكْ حاجةْ المشآكلْ اللي تقعْ بينكْ وبينْ حمآتكْ مآتروُحيشْ طولْ تشْكيهآ لرآجلكْ لأنُو فالغآلبْ هذا الشىءْ مشْ رآحْ يفيدكْ ومشْ رآحْ يكونْ في صآلحكْ مهمَا يكونْ هآذي تبْقى أمهْ ..
. بالإضآفةْ إلى أنو الرآجلْ كي يدخُل للدآرْ بعدْ عناءْ يومْ طويلْ لآزم يلقىَ المرأةْ الليِ تخففْ عليهْ مُش تنكّد عليه وتغمّو بالمشآكل مع أمهْ والقيلْ والقآلْ .... إشكليوُ بصحْ فالمواقفْ اللي تسْتدعي ذلكْ

يَ أختِي مُشكلتكْ هآذي لوكآنْ تقيسيهآ بمشآكلْ نسآءْ أخرينْ وينْ تبآنْ ..
كيمآ تقُول أمِي [ ديآرْ النآسْ صعآبْ ] لآزمكْ تصَبرِي وتْفوتِي وتكُوني حَكيمةْ في تصَرفآتكْ حَتى وحْدة مآراهي عآيشَة الحيآةْ اللي متْمنيتهآ .. كآملْ يفوتُوا.. شدَة وتزولْ إنْ شآءْ الله

رَبي يطمنْ بالكْ


سلآمْ ~

​

 

[ROUAKIMOURAD]

رد: متعبة جدا من البخل والمعاني

السلام عليكم
سامحوني رح نقلقكم بمشاكلي الخاصة مانيش حابة ندخل أهلي في مشكلتي لأني لو نحكي لماما على أي مشكل علابالي ومتأكدة رح يزيد يكبر
عندي 3 أشهر زواج
مشكلتي بدات بعد أسبوع تماما من زواجي
رجت لبيت الزوجية بعد شهر العسل الي دام أسبوع لقيت أهل زوجي (باباه ويماه وأختو) قبلي في داري
في الأول فرحت وقلت نتونس بيهم
ومبعد ندمت علاه فرحت
تخيلو كل شي طايح عليا
خدمة الدار كامل تسياق وطبخ ومسيح وغسيل وإلى غير ذلك
قلت ماعليش الخدمة ماتضرش لكن ..
كل ما نقعد مع والدة زوجي وأختو تبدا تمعني فلانة مارحتش Voyage de nonce دراهم الفواياج دارت بيهم حاجة خير ن فلانة تنوض من الرقاد على 5 (الفجر) ماتوليش ترقد ينووضو مالين راجلها يلقاو كل شي واجد ،، فلانة فلانة فلانة
فالأول ما حبيت نحكم عليها قلت راهي تفضفض ماعليش راهي كيما يما
ومبعد بداو يتعداو الحدود هي وبنتها لدرجة أنو في يوم من الأيام جابلي راجلي فستان ولبسة تاع خرجة قبل العيد وريتلهم من باب فرحتي ومديت خمار ليماه وصاك لأختو ، تخيلو وش قالولي قدام راجلي (قالولي احنا في سيرتنا العروسة ما تشري والو عام باش يبدا يكسيها راجلها) :-o
مورالي طاح:down: وليت كلما نسمعهم وش يكو نولي نبكي وراجلي كرهتلو حياتو ملفهم فيها والو ..نبكي بلا مانقولو وش بيا (حشمت نشكيلو من أمو وأختو)
وهاذ ليامات راجلي ثاني ولا كيفهم ..كل مانقلولو فليكسيلي مثلا ولا اشريلي كاش عفسة يقولي ماعنديش راني نخلص في ديون العرس
عاونوني انصحوني كيفاش ندير راني قريجب نهبل

وعليكم السلام ورحمة الله
اختى الجديدة فى الزواج وها هو الزواج ربما كونت تفكر انك فى جنة ولكن هذى هى الحياة وهذا لبس جديد على العائلة الجزائرية معليك سو الصبر واحرص على الكلام الجميل مع ام الزوج ام عن الاعمال فى البيت هذا عادى اختى
معليك الا الصبر والاحترام وابتعدى عن المنازعات ليفوز فى الاخير الصبر

 

[YAHIA S]

رد: متعبة جدا من البخل والمعاني

السلام عليكم

لهذا الامر اصبحنا نفضل البيت مستقل
يبقي جدال ما بينهن و تبدا العلاقات تتوتر ....
استقلي اختي و كذلك نصيحة لوجه الله
ان ارتي الاخذ بيها فهي جيدة لكي و لزوجك
عندما يحضر لك شئ لا تقولي انه احضر لكي
مهما كان لبس او ذهب او اثاث .....
اتركي اموركم ما بينكم و لا تخرجيها حتى للامك
هكذا لكي لا تتركي زوجك في موقف صعب مع امه و اخته و انتي
و كذلك انتي تخرجي من هذا الجدال
حاولي ان لا تضعي نفسك في موقف مساوي لاهله
بل يجب ان تكون معه لكن ليس على حساب اهله لكي لا تدخلي في مشاكل
موفقة باذن الله
تحياتي​

 

[علي الفاضلي]

رد: متعبة جدا من البخل والمعاني

الصراحة راحة..

صارحي زوجك .. قبل ما تنفجري.

وواجهي الامور ...كلمة بكلمة .. بالحكمة والعقل ..

تخليهم هكذا ياكلوك حيه .. يقلوك ويطبخوط ويصلوك ... حلي عينك

قبل فوات الاوان.

 

[aljentel]

رد: متعبة جدا من البخل والمعاني

اليسنمكزة لفؤلثقفلات
تابسثصضثض

نحتاج مترجم هنا لو سمحتم .:s

 

[السلطانة]

رد: متعبة جدا من البخل والمعاني

وعليكم السلام

لازم تصبري اختي وتلقاي حل تكسبي والدة زوجك واختو
وتهني روحك وراجلك من تكسار الراس
​

 

[aljentel]

رد: متعبة جدا من البخل والمعاني

وعليكم السلام

لازم تصبري اختي وتلقاي حل تكسبي والدة زوجك واختو
وتهني روحك وراجلك من تكسار الراس
​

ليست ملزمه بود من لايودها بل ان زوجها ملزم بتهيئة ما يسعدها دون ان يكون ذلك على حساب اهله ..
لاأفهم كيف هو الإتيان بعائلة حديثة التكوين لعائلة أخرى ثم يطلب من الجديد مراعاة القديم خضوعا وخنوعا ودونما حساب للتكافؤ ,, ان شرع الله واضح وهو تهيئة البيت الشرعي المستقل بمطبخه واوانيه ودوراته عن غيره وهذا يدخل في باب الستر ايضا ,, وهذا هو السنع يا باحثا عن السنع اما ماعداه ففيه من الاهانة مالله به عليم ....