ادعولي ولا انصحوني انا تعبت

[مشكلتي]

السلام عليكم ورحمة الله تعالى و بركاته
اتمنى تدعولي او تنصحوني
اولا هاد المشكل راه فالبيت تاعنا كامل يعني انا نعاني اخي الكبير يعني احيانا مشي كل يوم اخي الاخر والله من متريت الي عانا راح تابع عن طبيب نفسي و اختي الكبيرة راها متزوجة و بولادها وراهي دير صوالح ميتصوروش و انا نعاني من جيها
عيينا درنا كل شيء الي يقولوهالنا نديروها بلا فايدة
بوو المشكل التاعي اني كل ما نرقد فليل نوض نتوغ وحدي و نهرب من بلاصتي و دايمن ننفض في روحي وخطراتش نوض وانا ننفض في روحي مقرلويات (صراصير) بزاف فييا و في بلاصتي و منبغيش نولي لبلاستي وهاد الشيء كامل وانا ماشي فايقة بروحي خطراتش نفيق بروحي و خطراتش لا حتى صباح كي نوض الام تاعي تحكيلي
وكل يوم كيما هكا مكانش نهار منضتش فيه فليل يوميا نوض نتوغ ديما نايضين معايا دايمن نخلعهم و كي نرقي ديما نرقد كيبدا يقرا علييا فالقران نرقد ومنفطنش بيه قاع حتى يقيس علييا الماء دايمن نحس بلي واحد ضربي لراس وكل واحد و شيقلي درت كل شيء والله وصلت دوشت بالماء تاع كافور وصوالح غريبييييين وكليت عقدات القلب يخرج معاهم وليت ندهن روحي بزيوتات فليل وليت ندير تحت راسي خدمي والو نوض نوض ونصلي و قاع ونلقى في جسمي دربات منحسش بيهم قاع حتى نلقا روحي زرقة ننخلع و ميضرونيش نورمال الي يقولي فيك ريح الي يقولي فيك مومنين الي يقولي فيك عين قوية حاجة تاع والو تتعيني ونهار الي يجو عندنا ضيوف داك النهار نوصل نوض حتى 5 طرات فليل ةانا غير نتوغ و نحس قلبي راح يحبس عييت والله تغيدني عمري نوض نبكي علاه راه صريلي هكاك
والاخت تاعي والله راها تدخل في غيبوبات تولي تهدر معاك تقولك قاع شغادي يصرالك وتشوف مرا توجور وخطرا خرجت مدار صباح لوكان ماشي ولدي ميفيقولهاش بلي مراهاش فدار يحوسو عليها 2 سوايع باه لقاوها فالمقبرة قاعدة وبعيدة عليهم مقبرة وهاد الخطرة يدها قطعتها قاع بالخدمي مزيا غير جرحتها و مقطعتش عروقها وتشوف قطة دور معاها تضرب ولادها بلا متعبا ضرب تقول تاع سكر وكي ترقي يقولولها سحر قديم من عرس خوك داركم قاع توشاهم
والاخ تاعي حتى ولا يشوف طبيب نفسي باه لقا روحه خويا كان يوسل يبغي يكتل روحه وهو يسوق اللوطو قاعد في وسعه حتى يولي يشوف فناس بلا ريسانهم واكثر واكثر وتاني كي يرقي سحور توشاه من عرس خويا معاناتنا راها فدار قادين حتى تشوف كل واحد بلع على روحه فدار ويقعد وحده
معانات والله الله يجيب الخير ادعولنا ولا انصحونا
شكرا ​

 

[Moha le sage]

رد: ادعولي ولا انصحوني انا تعبت

تم الاعتماد //




لا حول و لا قوةالا بالله




وكي ترقي يقولولها سحر قديم من عرس خوك داركم قاع توشاهم



رغم اني منيش خبير في هاذ الامور ... راح نحاول نعطيك حلول و نفيدك بواش نعرف و ان شاء الله ربي يشافيكم و يطهر داركم من كل عين و سحر و جن



​

 

[Moha le sage]

رد: ادعولي ولا انصحوني انا تعبت

مساحة محجوزة
​

 

[روز]

رد: ادعولي ولا انصحوني انا تعبت

السلام عليكم

لاحول ولا قوة الا بالله
حاولي تقراي سورة البقرة كل مرة وخلي القرآن يتلى عليك ونتي راقدة
عليك بالرقية الشرعية وطبيب نفسي اذا استلزم الأمر مادام اخوك برا منو كما قلتي
لاحول ولا قوة الا بالله
ربي يشافيك ويقربلك الناس لي تقدر تساعدك

 

[حسان]

رد: ادعولي ولا انصحوني انا تعبت

الاخت الفاضلة

لبد من راقي يرقي كل أفراد العائلة و حتى البيت و أن يكون راقي مؤمن بالله بالإخلاص

عندما يذكر شخص جميع الأذكار النبوية فإنه يحس بالحلاوة الشفاء و الحياة الهادئة رويد رويد

مثل هناك حديث نبوي شريف صحيح

من يقول هذا الحديث صباح فإنه لا يحدث له مكروه حتى يمسي و إذا قاله مساء فإنه لا يحدث له مكروه حتى يصبح
و هذا حديث مجرب و كثير من قصص غريبة التي تنقذ شخص من أي مكروه وصل إليه شبرا فقط

روى أبو داود والترمذي وغيرهما عن عثمان بن عفان رضي الله عنه قال:
قال رسول الله صلى الله عليه وسلم:
" ما من عبد يقول في صباح كل يوم ومساء كل ليلة :
{ بسم الله الذي لا يضر مع اسمه شيء في الأرض ولا في السماء وهو السميع العليم، ثلاث مرات، لم يضره شيء

​

فهذا من الأذكار العظيمة التي ينبغي أن يحافظ عليها المسلم كل صباح ومساء، ليكون بذلك محفوظا - بإذن الله تعالى - من أن يصيبه فجأة بلاء أو ضر مصيبة أو نحو ذلك.​

​

​

​

قال القرطبي - رحمه الله - عن هذا الحديث: " هذا خبر صحيح وقول صادق علمناه دليله دليلا وتجربة، فإني منذ سمعته عملت به فلم يضرني شيء إلى أن تركته، فلدغتني عقرب بالمدينة ليلا، فتفكرت فإذا أنا قد نسيت أن أتعوذ بتلك الكلمات ".​

​

​

​

وجاء في سنن الترمذي عن أبان بن عثمان - رحمه الله – وهو راوي الحديث عن عثمان - أنه قد أصابه طرف فالج - وهو شلل يصيب أحد شقي الجسم - فجعل رجل منهم ينظر إليه فقال له أبان: "ما تنظر؟ أما إن الحديث كما حدثتك، ولكني لم أقله يومئذ ليمضي الله علي قدره".​

​

​

​

والسنة في هذا الذكر أن يقال ثلاث مرات كل صباح ومساء ، كما أرشد النبي صلى الله عليه وسلم إلى ذلك.​

​

​

​

وقوله في هذا الحديث "بسم الله" أي: بسم الله أستعيذ، فكل فاعل يقدر فعلا مناسبا لحاله عندما يبسمل، فالآكل يقدر آكل، أي: بسم الله آكل، والذابح يقدر أذبح، والكاتب يقدر أكتب، وهكذا.​

​

​

​

وقوله: " الذي لا يضر مع اسمه شيء في الأرض ولا في السماء " أي: من تعوذ باسم الله فإنه لا تضره مصيبة من جهة الأرض ولا من جهة السماء.​

​

وقوله: "وهو السميع العليم" أي: السميع لأقوال العباد، والعليم بأفعالهم الذي لا تخفى عليه خافية في الأرض ولا في السماء .​

​

عندما يدخل إلى البيت هناك ذكر يقوله و عندما يخرج و عندما ياكل و عندما يمشي و عندما يتكلم و عندما ياكل و عندما ينام و عندما يستيقظ و عندما ........................الخ

كل عمل يقوم به في حياته هناك ذكر يحميك

و انصحك بالتحميل الكتاب شهير الأذكار النووية من هنا

http://forum.stop55.com/urls.php?ref=http://adel-ebooks.sheekh-3arb.info/library/Hadeeth/147.rar


​

 

[YAHIA S]

رد: ادعولي ولا انصحوني انا تعبت

السلام عليكم

هاذي عين اختي

انا عندي في عائلة بنت خالي صغيرة

في عمرها 7 سنين اتولي راقدة اتنوض وحدها توقف و اتعيط

عنكبوت جاية اقتلوها و فاتخة عينها و تهدر

بصح هي رافدة في حقيقة

حتى دارت رقية شرعية راقي صرح

على انها عين ضربتها و هي صغيرة في 3 سنين

قعدت تستخوش و الحمد الله بعدما تمت

الرقية اصبحت تنام نوم عميق و بدون مشاكل

 

[♫الباحثة عن الحظ♫]

رد: ادعولي ولا انصحوني انا تعبت

ربي يفرج عليكم ختيتو ارقي يا اختي

و ادهني بالزيت المرقي المفاصل تاعك كل ما تجي ترقدي هادي نصيحة من راقي ادهني مفاصل يديك رجليك و وراء عنقك و ركبتين و راح باذن الله ترقدي و اقراي القراان والاذكار و استمعي للرقية

و ناس الي يديرو الشىء هذا عقابها عند ربي كبير وكبير ربي يهدي

ربي يفرج عليك
​

 

[حكاية قمر]

رد: ادعولي ولا انصحوني انا تعبت

لا حول ولا قوة الا بالله
ربي يكون في عنوكم​

 

[عاشقة الصمت 13]

رد: ادعولي ولا انصحوني انا تعبت

ربي يكون معاكم
وهاديك تاع الخدمي ديريه تحت مخدتك غير ماكانلاه
ماتضمنيش
انا كانوا يصرولي هاد الحوايج وراني في خمس سنين مللي ربي عفا عليا هاد الشي
كنت نوض فازعة وهاربة والله با وما ماكانو يرقدو من كتر اللي كانوا خايفين غير نحل الباب والعالم ياربي
قالولي ديري الملح والخدمي مي كنت نخاف غير بنهاداك الخدمي وش ندير
رقولي وزدت تعلمت كيفاه نرقي روحي بروحي
سورة البقرة نقراها كل يوم لمدة سبع ايام والاذكار والادعية
والحمد لله
ختي الناس ماتخاف ربها وماتصلي على النبي
هيمالا رقوا وزيدوا والراقي اللي يطول في قرايته ماشي غير يكمل القراية ويحبس
خاطرش ماشي تم تم تبان خاصه يطول
ومادابيك الرقية تكون في داركم ماشي تمشو عنده
الله يشافيكم اجمعين

​

 

[ouissi]

رد: ادعولي ولا انصحوني انا تعبت

ربي يفرج عليكم

 

[Ma$Ter]

رد: ادعولي ولا انصحوني انا تعبت

لا حول و لا قوةالا بالله
اختى لازمك رقية شرعية لكي ولاختك وللبيت
ربى يفرج عنكم
​

 

[JAWHARA25]

رد: ادعولي ولا انصحوني انا تعبت

ربي يشفيكم يا ختي

 

[¬Đỉaмơŋđ ✿]

رد: ادعولي ولا انصحوني انا تعبت

وعَليكُم السَلآم ورَحمةُ الله وبَركاتُه


لآحوْل ولآ قُوةَ إلآ بالله العَلي العَظيمْ
أختِي عليكِ بالرُقية الشَرعيّة لكِ ولكُل العائلَة .. شَغلِي آياتْ الرُقية في المنْزل وإستمعُوا إليهآ،إقرأئي سُورةْ البقَرةْ سبْعة أيام متوآصلَة .. وإدهني مفآصلكِ بزيتْ مرقِي قبْل النومْ ودآومي عَلى الأذكآرْ وأكثري الدُعآءْ

نسْألُ اللهَ أن يخَفف و يرْفع عنكُم الضرْ


​

 

[hadda0425]

رد: ادعولي ولا انصحوني انا تعبت

اختي هادي عين قوية وزيد البيت مسكون والعياذ بالله
لازم راقي شرعي يرقي البيت باكمله
وخلي القرآن الكريم في البيت من تلفاز او هاتف المهم لازم القرآن ما يحبسش وخاصة سورة البقرة والمعوذتين
وان شاء الله ما يكون غير الخير
​

 

[la_safa]

رد: ادعولي ولا انصحوني انا تعبت

لآ حول و لآ قوة الا بالله العلي العظيم ..

سبحآن الله يعني النآس مآترحم مآ عندهآ قلوب ،
يآ اختي المشكل وآضح هذآ كلو من أعمآل الشيآطين الله يبعدنآ و يبعدهم علينآ ،
عليك بالرقية أختي و بالصبر و خآصة خآصة
الصلآة في وقتهآ حآفظي عليهآ و على قرآءة القرآن
اضآفة للرقية و ان شاء الله أموركـ تكون تمآم بصح مع صبر
خآآصة اذآ كآن سحر قديم لآزملو صبر ..

و ندعيلك من قلبي ربي يكون معآك ان شآء الله ،،

ربي يهنيك و يشفيكـ ،
​

 

[الجندية]

رد: ادعولي ولا انصحوني انا تعبت

يا اختي الكريمة المكتوب باين من عنوانو هذا سحر او مس لازم راقي شرعي متمكن يرقي البيت والعائلة الكل هكذا ويفك السحر او المعمول هذا ... الامر ليس مستعصي رغم صعوبته وربي يسهل عليك وشافيك ويسترك ويبعث في قلبك الطمأنينة ... آميـــن يآرب
​

 

[ROUAKIMOURAD]

رد: ادعولي ولا انصحوني انا تعبت

وعليكم السلام ورحمة الله
اختى المحتسبةلا تتعبى واعلمى ان القرآن كله شفاء لقوله تعالى: (وننزل من القرآن ما هو شفاء ورحمة للمؤمنين ) اختى معليك الا المحافظةا على أذكار الصباح والمساء وأقل ذلك هو قراءة سورة الإخلاص والمعوذتين ثلاث مرات وقراءة آية الكرسي، وقولوا: أعوذ بكلمات الله التامة، من كل شيطان وهامة، ومن كل عين لامة.

كلما دخلتى البيت فليذكر الله بالتسمية وذكر دعاء دخول البيت.ومن المفيد قراءة سورة البقرة كلما تيسر ذلك، ففي صحيح مسلم عن أبي هريرة رضي الله عنه، أن رسول الله صلى الله عليه وسلم، قال: «لا تجعلوا بيوتكم مقابر، إن الشيطان ينفر من البيت الذي تقرأ فيه سورة البقرة».وعليك بالصدقة وكثرة الدعاء، وليكن في دعائكم: ما في المستدرك على الصحيحين للحاكم: «اللهم ألف بين قلوبنا، وأصلح ذات بيننا، واهدنا سبل السلام، ونجنا من الظلمات إلى النور، وجنبنا الفواحش ما ظهر منها، وما بطن، وبارك لنا في أسماعنا، وأبصارنا، وقلوبنا، وأزواجنا، وذرياتنا، وتب علينا إنك أنت التواب الرحيم، واجعلنا شاكرين لنعمك، مثنين بها عليك، قابلين لها وأتمها علينا.وفى الاخير اختى أسأل الله تعالى لنا ولكم ولجميع المسلمين الحفظ من كيد الشياطين

 

[iman-dz4ever]

رد: ادعولي ولا انصحوني انا تعبت

لاحول ولا قوة الا بالله
اختي ثقي برب السموات والارض
هو القادر المقتدر
ربي يفرج عليك والله غير قسمتيلي قلبي
ربي يصلح حالك ويبعد عليك
الحاسدين
​

 

[مينة آلاء الْقُدُّوس]

رد: ادعولي ولا انصحوني انا تعبت

لاحول ولا قوة إلا بالله
عليكم بالرقية الشرعية أختي
وسورة البقرة يوميا
وأذكار الصباح والمساء والنوم
ربي يشفيكم

 

[!≈[سُِـِيٌــِـِفّ اٌڷِخً‘يٌـرُ]≈!]

رد: ادعولي ولا انصحوني انا تعبت

السلام عليكم و رحمة الله

اول حاجو ننصحك بيها خليك من طبيب النفساني و دواء لي مدهولكم

هو صح يبعدكم نوعنا ما لكن مش حل

الحل انتاعكم واظر و ساهل جدا

اطلقو القران يدور في دار لازم تحافظو على الصلاة و دعاء في السجود و بعد السلام

و الامور الثاني محارب هذا الامر بلعقل لم تكونو في الحالة هذي لازم عليكم تتحاورو معاها لو يتطلب منك الأمور تهدر مع روحك و تقول خليني راني اقوى منك و راه ربي معايا و حاول في الوقت هذاك تروح و أشغل روحك بلكلام مع سشخص او فعل امر اخر

قوي الإرادة انتاعك تغلب على هذا بنفسك

حذاري من ادوية الطبيب

اني نحكيلك تقدر تقول مجرب أو شايف الحالة هذي و كان هذا هو الحل

و ربي معاكم

و ليكن في علمك هذا امر عادي لا داعي للقلق

يتطلب عزيمة فقط

ربي يكون معاكم

سلام
​